Sacred Texts  Bible  Index 
Polyglot  KJV  Sep:JdB  Sep:JdA  Vul 

Judges (Shoftim) Index
  Previous  Next 

Tanach (Hebrew): Judges (Shoftim) Chapter 20

1 ‏וַיֵּצְאוּ֮ כָּל־בְּנֵ֣י יִשְׂרָאֵל֒ וַתִּקָּהֵ֨ל הָעֵדָ֜ה כְּאִ֣ישׁ אֶחָ֗ד לְמִדָּן֙ וְעַד־בְּאֵ֣ר שֶׁ֔בַע וְאֶ֖רֶץ הַגִּלְעָ֑ד אֶל־יְהוָ֖ה הַמִּצְפָּֽה׃

2 ‏וַיִּֽתְיַצְּב֞וּ פִּנּ֣וֹת כָּל־הָעָ֗ם כֹּ֚ל שִׁבְטֵ֣י יִשְׂרָאֵ֔ל בִּקְהַ֖ל עַ֣ם3 הָאֱלֹהִ֑ים אַרְבַּ֨ע מֵא֥וֹת אֶ֛לֶף אִ֥ישׁ רַגְלִ֖י שֹׁ֥לֵֽף חָֽרֶב׃ פ

3 ‏וַֽיִּשְׁמְעוּ֙ בְּנֵ֣י בִנְיָמִ֔ן כִּֽי־עָל֥וּ בְנֵֽי־יִשְׂרָאֵ֖ל הַמִּצְפָּ֑ה וַיֹּֽאמְרוּ֙ בְּנֵ֣י יִשְׂרָאֵ֔ל דַּבְּר֕וּ אֵיכָ֥ה נִהְיְתָ֖ה הָרָעָ֥ה הַזֹּֽאת׃

4 ‏וַיַּ֜עַן הָאִ֣ישׁ הַלֵּוִ֗י אִ֛ישׁ הָאִשָּׁ֥ה הַנִּרְצָחָ֖ה וַיֹּאמַ֑ר הַגִּבְעָ֙תָה֙ אֲשֶׁ֣ר לְבִנְיָמִ֔ן בָּ֛אתִי אֲנִ֥י וּפִֽילַגְשִׁ֖י לָלֽוּן׃

5 ‏וַיָּקֻ֤מוּ עָלַי֙ בַּעֲלֵ֣י הַגִּבְעָ֔ה וַיָּסֹ֧בּוּ עָלַ֛י אֶת־הַבַּ֖יִת לָ֑יְלָה אוֹתִי֙ דִּמּ֣וּ לַהֲרֹ֔ג וְאֶת־פִּילַגְשִׁ֥י עִנּ֖וּ וַתָּמֹֽת׃

6 ‏וָֽאֹחֵ֤ז בְּפִֽילַגְשִׁי֙ וָֽאֲנַתְּחֶ֔הָ וָֽאֲשַׁלְּחֶ֔הָ בְּכָל־שְׂדֵ֖ה נַחֲלַ֣ת יִשְׂרָאֵ֑ל כִּ֥י עָשׂ֛וּ זִמָּ֥ה וּנְבָלָ֖ה בְּיִשְׂרָאֵֽל׃

7 ‏הִנֵּ֥ה כֻלְּכֶ֖ם בְּנֵ֣י יִשְׂרָאֵ֑ל הָב֥וּ לָכֶ֛ם דָּבָ֥ר וְעֵצָ֖ה הֲלֹֽם׃

8 ‏וַיָּ֙קָם֙ כָּל־הָעָ֔ם כְּאִ֥ישׁ אֶחָ֖ד לֵאמֹ֑ר לֹ֤א נֵלֵךְ֙ אִ֣ישׁ לְאָהֳל֔וֹ וְלֹ֥א נָס֖וּר אִ֥ישׁ לְבֵיתֽוֹ׃

9 ‏וְעַתָּ֕ה זֶ֣ה הַדָּבָ֔ר אֲשֶׁ֥ר נַעֲשֶׂ֖ה לַגִּבְעָ֑ה עָלֶ֖יהָ בְּגוֹרָֽל׃

10 ‏וְלָקַ֣חְנוּ עֲשָׂרָה֩ אֲנָשִׁ֨ים לַמֵּאָ֜ה לְכֹ֣ל׀ שִׁבְטֵ֣י יִשְׂרָאֵ֗ל וּמֵאָ֤ה לָאֶ֙לֶף֙ וְאֶ֣לֶף לָרְבָבָ֔ה לָקַ֥חַת צֵדָ֖ה לָעָ֑ם לַעֲשׂ֗וֹת לְבוֹאָם֙ לְגֶ֣בַע בִּנְיָמִ֔ן כְּכָל־הַ֨נְּבָלָ֔ה אֲשֶׁ֥ר עָשָׂ֖ה בְּיִשְׂרָאֵֽל׃

11 ‏וַיֵּֽאָסֵ֞ף כָּל־אִ֤ישׁ יִשְׂרָאֵל֙ אֶל־הָעִ֔יר כְּאִ֥ישׁ אֶחָ֖ד חֲבֵרִֽים׃ פ

12 ‏וַֽיִּשְׁלְח֞וּ שִׁבְטֵ֤י יִשְׂרָאֵל֙ אֲנָשִׁ֔ים בְּכָל־שִׁבְטֵ֥י בִנְיָמִ֖ן לֵאמֹ֑ר מָ֚ה הָרָעָ֣ה הַזֹּ֔את אֲשֶׁ֥ר נִהְיְתָ֖ה בָּכֶֽם׃

13 ‏וְעַתָּ֡ה תְּנוּ֩ אֶת־הָאֲנָשִׁ֨ים בְּנֵֽי־בְלִיַּ֜עַל אֲשֶׁ֤ר בַּגִּבְעָה֙ וּנְמִיתֵ֔ם וּנְבַעֲרָ֥ה רָעָ֖ה מִיִּשְׂרָאֵ֑ל וְלֹ֤א אָבוּ֙ בְּנֵ֣יa בִּנְיָמִ֔ן לִשְׁמֹ֕עַ בְּק֖וֹל אֲחֵיהֶ֥ם בְּנֵֽי־יִשְׂרָאֵֽל׃

14 ‏וַיֵּאָסְפ֧וּ בְנֵֽי־בִנְיָמִ֛ן מִן־הֶעָרִ֖ים הַגִּבְעָ֑תָה לָצֵ֥את לַמִּלְחָמָ֖ה עִם־בְּנֵ֥י יִשְׂרָאֵֽל׃

15 ‏וַיִּתְפָּֽקְדוּ֩ בְנֵ֨י בִנְיָמִ֜ן בַּיּ֤וֹם הַהוּא֙ מֵהֶ֣עָרִ֔ים עֶשְׂרִ֨ים וְשִׁשָּׁ֥ה אֶ֛לֶף אִ֖ישׁ שֹׁ֣לֵֽף חָ֑רֶב לְ֠בַד מִיֹּשְׁבֵ֤י הַגִּבְעָה֙ הִתְפָּ֣קְד֔וּ שְׁבַ֥ע מֵא֖וֹת אִ֥ישׁ בָּחֽוּר׃

16 ‏מִכֹּ֣ל׀ הָעָ֣ם הַזֶּ֗ה שְׁבַ֤ע מֵאוֹת֙ אִ֣ישׁ בָּח֔וּר אִטֵּ֖ר יַד־יְמִינ֑וֹ כָּל־זֶ֗ה קֹלֵ֧עַ בָּאֶ֛בֶן אֶל־הַֽשַּׂעֲרָ֖ה וְלֹ֥א יַחֲטִֽא׃ פ

17 ‏וְאִ֨ישׁ יִשְׂרָאֵ֜ל הִתְפָּֽקְד֗וּ לְבַד֙ מִבִּנְיָמִ֔ן אַרְבַּ֨ע מֵא֥וֹת אֶ֛לֶף אִ֖ישׁ שֹׁ֣לֵֽף חָ֑רֶב כָּל־זֶ֖ה אִ֥ישׁ מִלְחָמָֽה׃

18 ‏וַיָּקֻ֜מוּ וַיַּעֲל֣וּ בֵֽית־אֵל֮ וַיִּשְׁאֲל֣וּ בֵאלֹהִים֒ וַיֹּֽאמְרוּ֙ בְּנֵ֣י יִשְׂרָאֵ֔ל מִ֚י יַעֲלֶה־לָּ֣נוּ בַתְּחִלָּ֔ה לַמִּלְחָמָ֖ה עִם־בְּנֵ֣י בִנְיָמִ֑ן וַיֹּ֥אמֶר יְהוָ֖ה יְהוּדָ֥ה בַתְּחִלָּֽה׃

19 ‏וַיָּק֥וּמוּ בְנֵֽי־יִשְׂרָאֵ֖ל בַּבֹּ֑קֶר וַיַּֽחֲנ֖וּ עַל־הַגִּבְעָֽה׃ פ

20 ‏וַיֵּצֵא֙ אִ֣ישׁ יִשְׂרָאֵ֔ל לַמִּלְחָמָ֖ה עִם־בִּנְיָמִ֑ן וַיַּעַרְכ֨וּ אִתָּ֧ם אִֽישׁ־יִשְׂרָאֵ֛ל מִלְחָמָ֖ה אֶל־הַגִּבְעָֽה׃

21 ‏וַיֵּצְא֥וּ בְנֵֽי־בִנְיָמִ֖ן מִן־הַגִּבְעָ֑ה וַיַּשְׁחִ֨יתוּ בְיִשְׂרָאֵ֜ל בַּיּ֣וֹם הַה֗וּא שְׁנַ֨יִם וְעֶשְׂרִ֥ים אֶ֛לֶף אִ֖ישׁ אָֽרְצָה׃

22 ‏וַיִּתְחַזֵּ֥ק הָעָ֖ם אִ֣ישׁ יִשְׂרָאֵ֑ל וַיֹּסִ֙פוּ֙ לַעֲרֹ֣ךְ מִלְחָמָ֔ה בַּמָּק֕וֹם אֲשֶׁר־עָ֥רְכוּ שָׁ֖ם בַּיּ֥וֹם הָרִאשֽׁוֹן׃

23 ‏וַיַּעֲל֣וּ בְנֵֽי־יִשְׂרָאֵ֗ל וַיִּבְכּ֣וּ לִפְנֵֽי־יְהוָה֮ עַד־הָעֶרֶב֒ וַיִּשְׁאֲל֤וּ בַֽיהוָה֙ לֵאמֹ֔ר הַאוֹסִ֗יף לָגֶ֙שֶׁת֙ לַמִּלְחָמָ֔ה עִם־בְּנֵ֥י בִנְיָמִ֖ן אָחִ֑י וַיֹּ֥אמֶר יְהוָ֖ה עֲל֥וּ אֵלָֽיו׃ פ

24 ‏וַיִּקְרְב֧וּ בְנֵֽי־יִשְׂרָאֵ֛ל אֶל־בְּנֵ֥י בִנְיָמִ֖ן בַּיּ֥וֹם הַשֵּׁנִֽי׃

25 ‏וַיֵּצֵא֩ בִנְיָמִ֨ן׀ לִקְרָאתָ֥ם׀ מִֽן־הַגִּבְעָה֮ בַּיּ֣וֹם הַשֵּׁנִי֒ וַיַּשְׁחִיתוּ֩ בִבְנֵ֨י יִשְׂרָאֵ֜ל ע֗וֹד שְׁמֹנַ֨ת עָשָׂ֥ר אֶ֛לֶף אִ֖ישׁ אָ֑רְצָה כָּל־אֵ֖לֶּה שֹׁ֥לְפֵי חָֽרֶב׃

26 ‏וַיַּעֲל֣וּ כָל־בְּנֵי֩ יִשְׂרָאֵ֨ל וְכָל־הָעָ֜ם וַיָּבֹ֣אוּ בֵֽית־אֵ֗ל וַיִּבְכּוּ֙ וַיֵּ֤שְׁבוּ שָׁם֙ לִפְנֵ֣י יְהוָ֔ה וַיָּצ֥וּמוּ בַיּוֹם־הַה֖וּא עַד־הָעָ֑רֶב וַֽיַּעֲל֛וּ עֹל֥וֹת וּשְׁלָמִ֖ים לִפְנֵ֥י יְהוָֽה׃

27 ‏וַיִּשְׁאֲל֥וּ בְנֵֽי־יִשְׂרָאֵ֖ל בַּֽיהוָ֑ה וְשָׁ֗ם אֲרוֹן֙ בְּרִ֣ית הָאֱלֹהִ֔ים בַּיָּמִ֖ים הָהֵֽם׃

28 ‏וּ֠פִינְחָס בֶּן־אֶלְעָזָ֨ר בֶּֽן־אַהֲרֹ֜ן עֹמֵ֣ד׀ לְפָנָ֗יו בַּיָּמִ֣ים הָהֵם֮ לֵאמֹר֒ הַאוֹסִ֨ף ע֜וֹד לָצֵ֧את לַמִּלְחָמָ֛ה עִם־בְּנֵֽי־בִנְיָמִ֥ן אָחִ֖י אִם־אֶחְדָּ֑ל וַיֹּ֤אמֶר יְהוָה֙ עֲל֔וּ כִּ֥י מָחָ֖ר אֶתְּנֶ֥נּוּ בְיָדֶֽךָ׃

29 ‏וַיָּ֤שֶׂם יִשְׂרָאֵל֙ אֹֽרְבִ֔ים אֶל־הַגִּבְעָ֖ה סָבִֽיב׃ פ

30 ‏וַיַּעֲל֧וּ בְנֵֽי־יִשְׂרָאֵ֛ל אֶל־בְּנֵ֥י בִנְיָמִ֖ן בַּיּ֣וֹם הַשְּׁלִישִׁ֑י וַיַּעַרְכ֥וּ אֶל־הַגִּבְעָ֖ה כְּפַ֥עַם בְּפָֽעַם׃

31 ‏וַיֵּצְא֤וּ בְנֵֽי־בִנְיָמִן֙ לִקְרַ֣את הָעָ֔ם הָנְתְּק֖וּ מִן־הָעִ֑יר וַיָּחֵ֡לּוּ לְהַכּוֹת֩ מֵהָעָ֨ם חֲלָלִ֜ים כְּפַ֣עַם׀ בְּפַ֗עַם בַּֽמְסִלּוֹת֙ אֲשֶׁ֨ר אַחַ֜ת עֹלָ֣ה בֵֽית־אֵ֗ל וְאַחַ֤ת גִּבְעָ֙תָה֙ בַּשָּׂדֶ֔ה כִּשְׁלֹשִׁ֥ים אִ֖ישׁ בְּיִשְׂרָאֵֽל׃

32 ‏וַיֹּֽאמְרוּ֙ בְּנֵ֣י בִנְיָמִ֔ן נִגָּפִ֥ים הֵ֛ם לְפָנֵ֖ינוּ כְּבָרִאשֹׁנָ֑ה וּבְנֵ֧י יִשְׂרָאֵ֣ל אָמְר֗וּ נָנ֙וּסָה֙ וּֽנְתַקְּנֻ֔הוּ מִן־הָעִ֖יר אֶל־הַֽמְסִלּֽוֹת׃

33 ‏וְכֹ֣ל׀ אִ֣ישׁ יִשְׂרָאֵ֗ל קָ֚מוּ מִמְּקוֹמ֔וֹ וַיַּעַרְכ֖וּ בְּבַ֣עַל תָּמָ֑ר וְאֹרֵ֧ב יִשְׂרָאֵ֛ל מֵגִ֥יחַ מִמְּקֹמ֖וֹ מִמַּֽעֲרֵה־גָֽבַע׃

34 ‏וַיָּבֹאוּ֩ מִנֶּ֨גֶד לַגִּבְעָ֜ה עֲשֶׂרֶת֩ אֲלָפִ֨ים אִ֤ישׁ בָּחוּר֙ מִכָּל־יִשְׂרָאֵ֔ל וְהַמִּלְחָמָ֖ה כָּבֵ֑דָה וְהֵם֙ לֹ֣א יָדְע֔וּ כִּֽי־נֹגַ֥עַת עֲלֵיהֶ֖ם הָרָעָֽה׃ פ

35 ‏וַיִּגֹּ֨ף3 יְהוָ֥ה׀ אֶֽת־בִּנְיָמִן֮ לִפְנֵ֣י יִשְׂרָאֵל֒ וַיַּשְׁחִיתוּ֩ בְנֵ֨י יִשְׂרָאֵ֤ל בְּבִנְיָמִן֙ בַּיּ֣וֹם הַה֔וּא עֶשְׂרִ֨ים וַחֲמִשָּׁ֥ה אֶ֛לֶף וּמֵאָ֖ה אִ֑ישׁ כָּל־אֵ֖לֶּה שֹׁ֥לֵף חָֽרֶב׃

36 ‏וַיִּרְא֥וּ בְנֵֽי־בִנְיָמִ֖ן כִּ֣י נִגָּ֑פוּ וַיִּתְּנ֨וּ אִֽישׁ־יִשְׂרָאֵ֤ל מָקוֹם֙ לְבִנְיָמִ֔ן כִּ֤י בָֽטְחוּ֙ אֶל־הָ֣אֹרֵ֔ב אֲשֶׁר שָׂ֖מוּ אֶל־הַגִּבְעָֽה׃

37 ‏וְהָאֹרֵ֣ב הֵחִ֔ישׁוּ וַֽיִּפְשְׁט֖וּ אֶל־הַגִּבְעָ֑ה וַיִּמְשֹׁךְ֙ הָאֹרֵ֔ב וַיַּ֥ךְ אֶת־כָּל־הָעִ֖יר לְפִי־חָֽרֶב׃

38 ‏וְהַמּוֹעֵ֗ד הָיָ֛ה לְאִ֥ישׁ יִשְׂרָאֵ֖ל עִם־הָאֹרֵ֑ב הֶ֕רֶב לְהַעֲלוֹתָ֛ם מַשְׂאַ֥ת הֶעָשָׁ֖ן מִן־הָעִֽיר׃

39 ‏וַיַּהֲפֹ֥ךְ אִֽישׁ־יִשְׂרָאֵ֖ל בַּמִּלְחָמָ֑ה וּבִנְיָמִ֡ן הֵחֵל֩ לְהַכּ֨וֹת חֲלָלִ֤ים בְּאִֽישׁ־יִשְׂרָאֵל֙ כִּשְׁלֹשִׁ֣ים אִ֔ישׁ כִּ֣י אָמְר֔וּ אַךְ֩ נִגּ֨וֹף נִגָּ֥ף הוּא֙ לְפָנֵ֔ינוּ כַּמִּלְחָמָ֖ה הָרִאשֹׁנָֽה׃

40 ‏וְהַמַּשְׂאֵ֗ת הֵחֵ֛לָּה לַעֲל֥וֹת מִן־הָעִ֖יר עַמּ֣וּד עָשָׁ֑ן וַיִּ֤פֶן בִּנְיָמִן֙ אַחֲרָ֔יו וְהִנֵּ֛ה עָלָ֥ה כְלִיל־הָעִ֖יר הַשָּׁמָֽיְמָה׃

41 ‏וְאִ֤ישׁ יִשְׂרָאֵל֙ הָפַ֔ךְ וַיִּבָּהֵ֖ל אִ֣ישׁ בִּנְיָמִ֑ן כִּ֣י רָאָ֔ה כִּֽי־נָגְעָ֥ה עָלָ֖יו הָרָעָֽה׃

42 ‏וַיִּפְנ֞וּ לִפְנֵ֨י אִ֤ישׁ יִשְׂרָאֵל֙ אֶל־דֶּ֣רֶךְ הַמִּדְבָּ֔ר וְהַמִּלְחָמָ֖ה הִדְבִּיקָ֑תְהוּ וַאֲשֶׁר֙ מֵהֶ֣עָרִ֔ים מַשְׁחִיתִ֥ים אוֹת֖וֹ בְּתוֹכֽוֹ׃

43 ‏כִּתְּר֤וּ אֶת־בִּנְיָמִן֙ הִרְדִיפֻ֔הוּ מְנוּחָ֖ה הִדְרִיכֻ֑הוּ עַ֛ד נֹ֥כַח הַגִּבְעָ֖ה מִמִּזְרַח־שָֽׁמֶשׁ׃

44 ‏וַֽיִּפְּלוּ֙ מִבִּנְיָמִ֔ן שְׁמֹנָֽה־עָשָׂ֥ר אֶ֖לֶף אִ֑ישׁ אֶת־כָּל־אֵ֖לֶּה אַנְשֵׁי־חָֽיִל׃

45 ‏וַיִּפְנ֞וּ וַיָּנֻ֤סוּ הַמִּדְבָּ֙רָה֙ אֶל־סֶ֣לַע הָֽרִמּ֔וֹן וַיְעֹֽלְלֻ֙הוּ֙ בַּֽמְסִלּ֔וֹת חֲמֵ֥שֶׁת אֲלָפִ֖ים אִ֑ישׁ וַיַּדְבִּ֤יקוּ אַחֲרָיו֙ עַד־גִּדְעֹ֔ם וַיַּכּ֥וּ מִמֶּ֖נּוּ אַלְפַּ֥יִם אִֽישׁ׃

46 ‏וַיְהִי֩ כָל־הַנֹּ֨פְלִ֜ים מִבִּנְיָמִ֗ן עֶשְׂרִים֩ וַחֲמִשָּׁ֨ה אֶ֥לֶף אִ֛ישׁ שֹׁ֥לֵֽף חֶ֖רֶב בַּיּ֣וֹם הַה֑וּא אֶֽת־כָּל־אֵ֖לֶּה אַנְשֵׁי־חָֽיִל׃

47 ‏וַיִּפְנ֞וּ וַיָּנֻ֤סוּ הַמִּדְבָּ֙רָה֙ אֶל־סֶ֣לַע הָֽרִמּ֔וֹן שֵׁ֥שׁ מֵא֖וֹת אִ֑ישׁ וַיֵּֽשְׁבוּ֙ בְּסֶ֣לַע רִמּ֔וֹן אַרְבָּעָ֖ה חֳדָשִֽׁים׃

48 ‏וְאִ֨ישׁ יִשְׂרָאֵ֜ל שָׁ֣בוּ אֶל־בְּנֵ֤י בִנְיָמִן֙ וַיַּכּ֣וּם לְפִי־חֶ֔רֶב מֵעִ֤יר מְתֹם֙ עַד־בְּהֵמָ֔ה עַ֖ד כָּל־הַנִּמְצָ֑א גַּ֛ם כָּל־הֶעָרִ֥ים הַנִּמְצָא֖וֹת שִׁלְּח֥וּ בָאֵֽשׁ׃ פ

1 wayyēṣə’û kāl-bənê yiśərā’ēl watiqqâēl hā‘ēḏâ kə’îš ’eḥāḏ ləmidān wə‘aḏ-bə’ēr šeḇa‘ wə’ereṣ hagilə‘āḏ ’el-yəhwâ hammiṣəpâ:

2 wayyiṯəyaṣṣəḇû pinnwōṯ kāl-hā‘ām kōl šiḇəṭê yiśərā’ēl biqəhal ‘am3 hā’ĕlōhîm ’arəba‘ mē’wōṯ ’elef ’îš raḡəlî šōlēf ḥāreḇ: f

3 wayyišəmə‘û bənê ḇinəyāmin kî-‘ālû ḇənê-yiśərā’ēl hammiṣəpâ wayyō’mərû bənê yiśərā’ēl dabərû ’êḵâ nihəyəṯâ hārā‘â hazzō’ṯ:

4 wayya‘an hā’îš hallēwî ’îš hā’iššâ hannirəṣāḥâ wayyō’mar hagiḇə‘āṯâ ’ăšer ləḇinəyāmin bā’ṯî ’ănî ûfîlaḡəšî lālûn:

5 wayyāqumû ‘ālay ba‘ălê hagiḇə‘â wayyāsōbû ‘ālay ’eṯ-habayiṯ lāyəlâ ’wōṯî dimmû lahărōḡ wə’eṯ-pîlaḡəšî ‘innû watāmōṯ:

6 wā’ōḥēz bəfîlaḡəšî wā’ănatəḥehā wā’ăšalləḥehā bəḵāl-śəḏēh naḥălaṯ yiśərā’ēl kî ‘āśû zimmâ ûnəḇālâ bəyiśərā’ēl:

7 hinnēh ḵulləḵem bənê yiśərā’ēl hāḇû lāḵem dāḇār wə‘ēṣâ hălōm:

8 wayyāqām kāl-hā‘ām kə’îš ’eḥāḏ lē’mōr lō’ nēlēḵə ’îš lə’âŏlwō wəlō’ nāsûr ’îš ləḇêṯwō:

9 wə‘atâ zeh hadāḇār ’ăšer na‘ăśeh lagiḇə‘â ‘āleyhā bəḡwōrāl:

10 wəlāqaḥənû ‘ăśārâ ’ănāšîm lammē’â ləḵōl| šiḇəṭê yiśərā’ēl ûmē’â lā’elef wə’elef lārəḇāḇâ lāqaḥaṯ ṣēḏâ lā‘ām la‘ăśwōṯ ləḇwō’ām ləḡeḇa‘ binəyāmin kəḵāl-hannəḇālâ ’ăšer ‘āśâ bəyiśərā’ēl:

11 wayyē’āsēf kāl-’îš yiśərā’ēl ’el-hā‘îr kə’îš ’eḥāḏ ḥăḇērîm: f

12 wayyišələḥû šiḇəṭê yiśərā’ēl ’ănāšîm bəḵāl-šiḇəṭê ḇinəyāmin lē’mōr mâ hārā‘â hazzō’ṯ ’ăšer nihəyəṯâ bāḵem:

13 wə‘atâ tənû ’eṯ-hā’ănāšîm bənê-ḇəlîya‘al ’ăšer bagiḇə‘â ûnəmîṯēm ûnəḇa‘ărâ rā‘â mîyiśərā’ēl wəlō’ ’āḇû bənêa binəyāmin lišəmō‘a bəqwōl ’ăḥêhem bənê-yiśərā’ēl:

14 wayyē’āsəfû ḇənê-ḇinəyāmin min-he‘ārîm hagiḇə‘āṯâ lāṣē’ṯ lammiləḥāmâ ‘im-bənê yiśərā’ēl:

15 wayyiṯəpāqəḏû ḇənê ḇinəyāmin bayywōm hahû’ mēhe‘ārîm ‘eśərîm wəšiššâ ’elef ’îš šōlēf ḥāreḇ ləḇaḏ mîyōšəḇê hagiḇə‘â hiṯəpāqəḏû šəḇa‘ mē’wōṯ ’îš bāḥûr:

16 mikōl| hā‘ām hazzeh šəḇa‘ mē’wōṯ ’îš bāḥûr ’iṭṭēr yaḏ-yəmînwō kāl-zeh qōlē‘a bā’eḇen ’el-haśśa‘ărâ wəlō’ yaḥăṭi’: f

17 wə’îš yiśərā’ēl hiṯəpāqəḏû ləḇaḏ mibinəyāmin ’arəba‘ mē’wōṯ ’elef ’îš šōlēf ḥāreḇ kāl-zeh ’îš miləḥāmâ:

18 wayyāqumû wayya‘ălû ḇêṯ-’ēl wayyišə’ălû ḇē’lōhîm wayyō’mərû bənê yiśərā’ēl mî ya‘ăleh-llānû ḇatəḥillâ lammiləḥāmâ ‘im-bənê ḇinəyāmin wayyō’mer yəhwâ yəhûḏâ ḇatəḥillâ:

19 wayyāqûmû ḇənê-yiśərā’ēl babōqer wayyaḥănû ‘al-hagiḇə‘â: f

20 wayyēṣē’ ’îš yiśərā’ēl lammiləḥāmâ ‘im-binəyāmin wayya‘arəḵû ’itām ’îš-yiśərā’ēl miləḥāmâ ’el-hagiḇə‘â:

21 wayyēṣə’û ḇənê-ḇinəyāmin min-hagiḇə‘â wayyašəḥîṯû ḇəyiśərā’ēl bayywōm hahû’ šənayim wə‘eśərîm ’elef ’îš ’ārəṣâ:

22 wayyiṯəḥazzēq hā‘ām ’îš yiśərā’ēl wayyōsifû la‘ărōḵə miləḥāmâ bammāqwōm ’ăšer-‘ārəḵû šām bayywōm hāri’šwōn:

23 wayya‘ălû ḇənê-yiśərā’ēl wayyiḇəkû lifənê-yəhwâ ‘aḏ-hā‘ereḇ wayyišə’ălû ḇayhwâ lē’mōr ha’wōsîf lāḡešeṯ lammiləḥāmâ ‘im-bənê ḇinəyāmin ’āḥî wayyō’mer yəhwâ ‘ălû ’ēlāyw: f

24 wayyiqərəḇû ḇənê-yiśərā’ēl ’el-bənê ḇinəyāmin bayywōm haššēnî:

25 wayyēṣē’ ḇinəyāmin| liqərā’ṯām| min-hagiḇə‘â bayywōm haššēnî wayyašəḥîṯû ḇiḇənê yiśərā’ēl ‘wōḏ šəmōnaṯ ‘āśār ’elef ’îš ’ārəṣâ kāl-’ēlleh šōləfê ḥāreḇ:

26 wayya‘ălû ḵāl-bənê yiśərā’ēl wəḵāl-hā‘ām wayyāḇō’û ḇêṯ-’ēl wayyiḇəkû wayyēšəḇû šām lifənê yəhwâ wayyāṣûmû ḇayywōm-hahû’ ‘aḏ-hā‘āreḇ wayya‘ălû ‘ōlwōṯ ûšəlāmîm lifənê yəhwâ:

27 wayyišə’ălû ḇənê-yiśərā’ēl bayhwâ wəšām ’ărwōn bərîṯ hā’ĕlōhîm bayyāmîm hâēm:

28 ûfînəḥās ben-’elə‘āzār ben-’ahărōn ‘ōmēḏ| ləfānāyw bayyāmîm hâēm lē’mōr ha’wōsif ‘wōḏ lāṣē’ṯ lammiləḥāmâ ‘im-bənê-ḇinəyāmin ’āḥî ’im-’eḥədāl wayyō’mer yəhwâ ‘ălû kî māḥār ’etənennû ḇəyāḏeḵā:

29 wayyāśem yiśərā’ēl ’ōrəḇîm ’el-hagiḇə‘â sāḇîḇ: f

30 wayya‘ălû ḇənê-yiśərā’ēl ’el-bənê ḇinəyāmin bayywōm haššəlîšî wayya‘arəḵû ’el-hagiḇə‘â kəfa‘am bəfā‘am:

31 wayyēṣə’û ḇənê-ḇinəyāmin liqəra’ṯ hā‘ām hānətəqû min-hā‘îr wayyāḥēllû ləhakwōṯ mēhā‘ām ḥălālîm kəfa‘am| bəfa‘am baməsillwōṯ ’ăšer ’aḥaṯ ‘ōlâ ḇêṯ-’ēl wə’aḥaṯ giḇə‘āṯâ baśśāḏeh kišəlōšîm ’îš bəyiśərā’ēl:

32 wayyō’mərû bənê ḇinəyāmin nigāfîm hēm ləfānênû kəḇāri’šōnâ ûḇənê yiśərā’ēl ’āmərû nānûsâ ûnəṯaqqənuhû min-hā‘îr ’el-haməsillwōṯ:

33 wəḵōl| ’îš yiśərā’ēl qāmû mimməqwōmwō wayya‘arəḵû bəḇa‘al tāmār wə’ōrēḇ yiśərā’ēl mēḡîḥa mimməqōmwō mimma‘ărēh-ḡāḇa‘:

34 wayyāḇō’û minneḡeḏ lagiḇə‘â ‘ăśereṯ ’ălāfîm ’îš bāḥûr mikāl-yiśərā’ēl wəhammiləḥāmâ kāḇēḏâ wəhēm lō’ yāḏə‘û kî-nōḡa‘aṯ ‘ălêhem hārā‘â: f

35 wayyigōf3 yəhwâ| ’eṯ-binəyāmin lifənê yiśərā’ēl wayyašəḥîṯû ḇənê yiśərā’ēl bəḇinəyāmin bayywōm hahû’ ‘eśərîm waḥămiššâ ’elef ûmē’â ’îš kāl-’ēlleh šōlēf ḥāreḇ:

36 wayyirə’û ḇənê-ḇinəyāmin kî nigāfû wayyitənû ’îš-yiśərā’ēl māqwōm ləḇinəyāmin kî ḇāṭəḥû ’el-hā’ōrēḇ ’ăšer śāmû ’el-hagiḇə‘â:

37 wəhā’ōrēḇ hēḥîšû wayyifəšəṭû ’el-hagiḇə‘â wayyiməšōḵə hā’ōrēḇ wayyaḵə ’eṯ-kāl-hā‘îr ləfî-ḥāreḇ:

38 wəhammwō‘ēḏ hāyâ lə’îš yiśərā’ēl ‘im-hā’ōrēḇ hereḇ ləha‘ălwōṯām maśə’aṯ he‘āšān min-hā‘îr:

39 wayyahăfōḵə ’îš-yiśərā’ēl bammiləḥāmâ ûḇinəyāmin hēḥēl ləhakwōṯ ḥălālîm bə’îš-yiśərā’ēl kišəlōšîm ’îš kî ’āmərû ’aḵə nigwōf nigāf hû’ ləfānênû kammiləḥāmâ hāri’šōnâ:

40 wəhammaśə’ēṯ hēḥēllâ la‘ălwōṯ min-hā‘îr ‘ammûḏ ‘āšān wayyifen binəyāmin ’aḥărāyw wəhinnēh ‘ālâ ḵəlîl-hā‘îr haššāmāyəmâ:

41 wə’îš yiśərā’ēl hāfaḵə wayyibâēl ’îš binəyāmin kî rā’â kî-nāḡə‘â ‘ālāyw hārā‘â:

42 wayyifənû lifənê ’îš yiśərā’ēl ’el-dereḵə hammiḏəbār wəhammiləḥāmâ hiḏəbîqāṯəhû wa’ăšer mēhe‘ārîm mašəḥîṯîm ’wōṯwō bəṯwōḵwō:

43 kitərû ’eṯ-binəyāmin hirəḏîfuhû mənûḥâ hiḏərîḵuhû ‘aḏ nōḵaḥ hagiḇə‘â mimmizəraḥ-šāmeš:

44 wayyipəlû mibinəyāmin šəmōnâ-‘āśār ’elef ’îš ’eṯ-kāl-’ēlleh ’anəšê-ḥāyil:

45 wayyifənû wayyānusû hammiḏəbārâ ’el-sela‘ hārimmwōn wayə‘ōləluhû baməsillwōṯ ḥămēšeṯ ’ălāfîm ’îš wayyaḏəbîqû ’aḥărāyw ‘aḏ-giḏə‘ōm wayyakû mimmennû ’aləpayim ’îš:

46 wayəhî ḵāl-hannōfəlîm mibinəyāmin ‘eśərîm waḥămiššâ ’elef ’îš šōlēf ḥereḇ bayywōm hahû’ ’eṯ-kāl-’ēlleh ’anəšê-ḥāyil:

47 wayyifənû wayyānusû hammiḏəbārâ ’el-sela‘ hārimmwōn šēš mē’wōṯ ’îš wayyēšəḇû bəsela‘ rimmwōn ’arəbā‘â ḥŏḏāšîm:

48 wə’îš yiśərā’ēl šāḇû ’el-bənê ḇinəyāmin wayyakûm ləfî-ḥereḇ mē‘îr məṯōm ‘aḏ-bəhēmâ ‘aḏ kāl-hanniməṣā’ gam kāl-he‘ārîm hanniməṣā’wōṯ šilləḥû ḇā’ēš: f


Next: Judges (Shoftim) Chapter 21