Sacred Texts  Bible  Index 
Polyglot  KJV  Sep:JdB  Sep:JdA  Vul 

Judges (Shoftim) Index
  Previous  Next 

Tanach (Hebrew): Judges (Shoftim) Chapter 19

1 ‏וַיְהִי֙ בַּיָּמִ֣ים הָהֵ֔ם וּמֶ֖לֶךְ אֵ֣ין בְּיִשְׂרָאֵ֑ל וַיְהִ֣י׀ אִ֣ישׁ לֵוִ֗י גָּ֚ר בְּיַרְכְּתֵ֣י הַר־אֶפְרַ֔יִם וַיִּֽקַּֽח־לוֹ֙ אִשָּׁ֣ה פִילֶ֔גֶשׁ מִבֵּ֥ית לֶ֖חֶם יְהוּדָֽה׃

2 ‏וַתִּזְנֶ֤ה עָלָיו֙ פִּֽילַגְשׁ֔וֹ וַתֵּ֤לֶךְ מֵֽאִתּוֹ֙ אֶל־בֵּ֣ית אָבִ֔יהָ אֶל־בֵּ֥ית לֶ֖חֶם יְהוּדָ֑ה וַתְּהִי־שָׁ֕ם יָמִ֖ים אַרְבָּעָ֥ה חֳדָשִֽׁים׃

3 ‏וַיָּ֨קָם אִישָׁ֜הּ וַיֵּ֣לֶךְ אַחֲרֶ֗יהָ לְדַבֵּ֤ר עַל־לִבָּהּ֙ להשיבו לַהֲשִׁיבָ֔הּ וְנַעֲר֥וֹ עִמּ֖וֹ וְצֶ֣מֶד חֲמֹרִ֑ים וַתְּבִיאֵ֙הוּ֙ בֵּ֣ית אָבִ֔יהָ וַיִּרְאֵ֙הוּ֙ אֲבִ֣י הַֽנַּעֲרָ֔ה וַיִּשְׂמַ֖ח לִקְרָאתֽוֹ׃

4 ‏וַיֶּחֱזַק־בּ֤וֹ חֹֽתְנוֹ֙ אֲבִ֣י הַֽנַּעֲרָ֔ה וַיֵּ֥שֶׁב אִתּ֖וֹ שְׁלֹ֣שֶׁת יָמִ֑ים וַיֹּאכְלוּ֙ וַיִּשְׁתּ֔וּ וַיָּלִ֖ינוּ שָֽׁם׃

5 ‏וַֽיְהִי֙ בַּיּ֣וֹם הָרְבִיעִ֔י וַיַּשְׁכִּ֥ימוּ בַבֹּ֖קֶר וַיָּ֣קָם לָלֶ֑כֶת וַיֹּאמֶר֩ אֲבִ֨י הַֽנַּעֲרָ֜ה אֶל־חֲתָנ֗וֹ סְעָ֧ד לִבְּךָ֛ פַּת־לֶ֖חֶם וְאַחַ֥ר תֵּלֵֽכוּ׃

6 ‏וַיֵּשְׁב֗וּ וַיֹּאכְל֧וּ שְׁנֵיהֶ֛ם יַחְדָּ֖ו וַיִּשְׁתּ֑וּ וַיֹּ֜אמֶר אֲבִ֤י הַֽנַּעֲרָה֙ אֶל־הָאִ֔ישׁ הֽוֹאֶל־נָ֥א וְלִ֖ין וְיִטַ֥ב לִבֶּֽךָ׃

7 ‏וַיָּ֥קָם הָאִ֖ישׁ לָלֶ֑כֶת וַיִּפְצַר־בּוֹ֙ חֹתְנ֔וֹ וַיָּ֖שָׁב וַיָּ֥לֶן שָֽׁם׃

8 ‏וַיַּשְׁכֵּ֨ם בַּבֹּ֜קֶר בַּיּ֣וֹם הַחֲמִישִׁי֮ לָלֶכֶת֒ וַיֹּ֣אמֶר׀ אֲבִ֣י הַֽנַּעֲרָ֗ה סְעָד־נָא֙ לְבָ֣בְךָ֔ וְהִֽתְמַהְמְה֖וּ עַד־נְט֣וֹת הַיּ֑וֹם וַיֹּאכְל֖וּ שְׁנֵיהֶֽם׃

9 ‏וַיָּ֤קָם הָאִישׁ֙ לָלֶ֔כֶת ה֥וּא וּפִילַגְשׁ֖וֹ וְנַעֲר֑וֹ וַיֹּ֣אמֶר ל֣וֹ חֹתְנ֣וֹ אֲבִ֣י הַֽנַּעֲרָ֡ה הִנֵּ֣ה נָא֩ רָפָ֨ה הַיּ֜וֹם לַעֲרֹ֗ב לִֽינוּ־נָ֞א הִנֵּ֨ה חֲנ֤וֹת הַיּוֹם֙ לִ֥ין פֹּה֙ וְיִיטַ֣ב לְבָבֶ֔ךָ וְהִשְׁכַּמְתֶּ֤ם מָחָר֙ לְדַרְכְּכֶ֔ם וְהָלַכְתָּ֖ לְאֹהָלֶֽךָ׃

10 ‏וְלֹֽא־אָבָ֤ה הָאִישׁ֙ לָל֔וּן וַיָּ֣קָם וַיֵּ֗לֶךְ וַיָּבֹא֙ עַד־נֹ֣כַח יְב֔וּס הִ֖יא יְרוּשָׁלִָ֑ם וְעִמּ֗וֹ צֶ֤מֶד חֲמוֹרִים֙ חֲבוּשִׁ֔ים וּפִילַגְשׁ֖וֹ עִמּֽוֹ׃

11 ‏הֵ֣ם עִם־יְב֔וּס וְהַיּ֖וֹם רַ֣ד מְאֹ֑ד וַיֹּ֨אמֶר הַנַּ֜עַר אֶל־אֲדֹנָ֗יו לְכָה־נָּ֛א וְנָס֛וּרָה אֶל־עִֽיר־הַיְבוּסִ֥י הַזֹּ֖את וְנָלִ֥ין בָּֽהּ׃

12 ‏וַיֹּ֤אמֶר אֵלָיו֙ אֲדֹנָ֔יו לֹ֤א נָסוּר֙ אֶל־עִ֣יר נָכְרִ֔י אֲשֶׁ֛ר לֹֽא־מִבְּנֵ֥י יִשְׂרָאֵ֖ל הֵ֑נָּה וְעָבַ֖רְנוּ עַד־גִּבְעָֽה׃

13 ‏וַיֹּ֣אמֶר לְנַעֲר֔וֹ לְךָ֥q וְנִקְרְבָ֖ה בְּאַחַ֣ד הַמְּקֹמ֑וֹת וְלַ֥נּוּ בַגִּבְעָ֖ה א֥וֹ בָרָמָֽה׃

14 ‏וַיַּעַבְר֖וּ וַיֵּלֵ֑כוּ וַתָּבֹ֤א לָהֶם֙ הַשֶּׁ֔מֶשׁ אֵ֥צֶל הַגִּבְעָ֖ה אֲשֶׁ֥ר לְבִנְיָמִֽן׃

15 ‏וַיָּסֻ֣רוּ שָׁ֔ם לָב֖וֹא לָל֣וּן בַּגִּבְעָ֑ה וַיָּבֹ֗א וַיֵּ֙שֶׁב֙ בִּרְח֣וֹב הָעִ֔יר וְאֵ֥ין אִ֛ישׁ מְאַסֵּֽף־אוֹתָ֥ם הַבַּ֖יְתָה לָלֽוּן׃

16 ‏וְהִנֵּ֣ה׀ אִ֣ישׁ זָקֵ֗ן בָּ֣א מִֽן־מַעֲשֵׂ֤הוּ מִן־הַשָּׂדֶה֙ בָּעֶ֔רֶב וְהָאִישׁ֙ מֵהַ֣ר אֶפְרַ֔יִם וְהוּא־גָ֖ר בַּגִּבְעָ֑ה וְאַנְשֵׁ֥י הַמָּק֖וֹם בְּנֵ֥י יְמִינִֽי׃

17 ‏וַיִּשָּׂ֣א עֵינָ֗יו וַיַּ֛רְא אֶת־הָאִ֥ישׁ הָאֹרֵ֖חַ בִּרְחֹ֣ב הָעִ֑יר וַיֹּ֨אמֶר הָאִ֧ישׁ3 הַזָּקֵ֛ן אָ֥נָה תֵלֵ֖ךְ וּמֵאַ֥יִן תָּבֽוֹא׃

18 ‏וַיֹּ֣אמֶר אֵלָ֗יו עֹבְרִ֨ים אֲנַ֜חְנוּ מִבֵּֽית־לֶ֣חֶם יְהוּדָה֮ עַד־יַרְכְּתֵ֣י הַר־אֶפְרַיִם֒ מִשָּׁ֣ם אָנֹ֔כִי וָאֵלֵ֕ךְ עַד־בֵּ֥ית לֶ֖חֶם יְהוּדָ֑ה וְאֶת־בֵּ֤ית יְהוָה֙ אֲנִ֣י הֹלֵ֔ךְ וְאֵ֣ין אִ֔ישׁ מְאַסֵּ֥ף אוֹתִ֖י הַבָּֽיְתָה׃

19 ‏וְגַם־תֶּ֤בֶן גַּם־מִסְפּוֹא֙ יֵ֣שׁ לַחֲמוֹרֵ֔ינוּ וְ֠גַם לֶ֣חֶם וָיַ֤יִן יֶשׁ־לִי֙ וְלַֽאֲמָתֶ֔ךָ וְלַנַּ֖עַר עִם־עֲבָדֶ֑יךָ אֵ֥ין מַחְס֖וֹר כָּל־דָּבָֽר׃

20 ‏וַיֹּ֨אמֶר הָאִ֤ישׁ הַזָּקֵן֙ שָׁל֣וֹם לָ֔ךְ רַ֥ק כָּל־מַחְסוֹרְךָ֖ עָלָ֑י רַ֥ק בָּרְח֖וֹב אַל־תָּלַֽן׃

21 ‏וַיְבִיאֵ֣הוּ לְבֵית֔וֹ ויבול וַיָּ֖בָל9 לַחֲמוֹרִ֑ים וַֽיִּרְחֲצוּ֙ רַגְלֵיהֶ֔ם וַיֹּאכְל֖וּ וַיִּשְׁתּֽוּ׃

22 ‏הֵמָּה֮ מֵיטִיבִ֣ים אֶת־לִבָּם֒ וְהִנֵּה֩ אַנְשֵׁ֨י הָעִ֜יר אַנְשֵׁ֣י בְנֵֽי־בְלִיַּ֗עַל נָסַ֙בּוּ֙ אֶת־הַבַּ֔יִת מִֽתְדַּפְּקִ֖ים עַל־הַדָּ֑לֶת וַיֹּאמְר֗וּ אֶל־הָ֠אִישׁ בַּ֣עַל הַבַּ֤יִת הַזָּקֵן֙ לֵאמֹ֔ר הוֹצֵ֗א אֶת־הָאִ֛ישׁ אֲשֶׁר־בָּ֥א אֶל־בֵּיתְךָ֖ וְנֵדָעֶֽנּוּ׃

23 ‏וַיֵּצֵ֣א אֲלֵיהֶ֗ם הָאִישׁ֙ בַּ֣עַל הַבַּ֔יִת וַיֹּ֣אמֶר אֲלֵהֶ֔ם אַל־אַחַ֖י אַל־תָּרֵ֣עוּ נָ֑א אַ֠חֲרֵי אֲשֶׁר־בָּ֞א הָאִ֤ישׁ הַזֶּה֙ אַל־בֵּיתִ֔י1 אַֽל־תַּעֲשׂ֖וּ אֶת־הַנְּבָלָ֥ה הַזֹּֽאת׃

24 ‏הִנֵּה֩ בִתִּ֨י הַבְּתוּלָ֜ה וּפִֽילַגְשֵׁ֗הוּ אוֹצִֽיאָה־נָּ֤א אוֹתָם֙ וְעַנּ֣וּ אוֹתָ֔ם וַעֲשׂ֣וּ לָהֶ֔ם הַטּ֖וֹב בְּעֵינֵיכֶ֑ם וְלָאִ֤ישׁ הַזֶּה֙ לֹ֣א תַעֲשׂ֔וּ דְּבַ֖ר הַנְּבָלָ֥ה הַזֹּֽאת׃

25 ‏וְלֹֽא־אָב֤וּ הָאֲנָשִׁים֙ לִשְׁמֹ֣עַֽ ל֔וֹ וַיַּחֲזֵ֤ק הָאִישׁ֙ בְּפִ֣ילַגְשׁ֔וֹ וַיֹּצֵ֥א אֲלֵיהֶ֖ם הַח֑וּץ וַיֵּדְע֣וּ א֠וֹתָהּ וַיִּֽתְעַלְּלוּ־בָ֤הּ כָּל־הַלַּ֙יְלָה֙ עַד־הַבֹּ֔קֶר וַֽיְשַׁלְּח֖וּהָ בעלות כַּעֲל֥וֹת הַשָּֽׁחַר׃

26 ‏וַתָּבֹ֥א הָאִשָּׁ֖ה לִפְנ֣וֹת הַבֹּ֑קֶר וַתִּפֹּ֞ל פֶּ֧תַח בֵּית־הָאִ֛ישׁ אֲשֶׁר־אֲדוֹנֶ֥יהָ שָּׁ֖ם עַד־הָאֽוֹר׃

27 ‏וַיָּ֨קָם אֲדֹנֶ֜יהָ בַּבֹּ֗קֶר וַיִּפְתַּח֙ דַּלְת֣וֹת הַבַּ֔יִת וַיֵּצֵ֖א לָלֶ֣כֶת לְדַרְכּ֑וֹ וְהִנֵּ֧ה הָאִשָּׁ֣ה פִֽילַגְשׁ֗וֹ נֹפֶ֙לֶת֙ פֶּ֣תַח הַבַּ֔יִת וְיָדֶ֖יהָ עַל־הַסַּֽף׃

28 ‏וַיֹּ֧אמֶר אֵלֶ֛יהָ ק֥וּמִי וְנֵלֵ֖כָה וְאֵ֣ין עֹנֶ֑ה וַיִּקָּחֶ֙הָ֙ עַֽל־הַחֲמ֔וֹר וַיָּ֣קָם הָאִ֔ישׁ וַיֵּ֖לֶךְ לִמְקֹמֽוֹ׃

29 ‏וַיָּבֹ֣א אֶל־בֵּית֗וֹ וַיִּקַּ֤ח אֶת־הַֽמַּאֲכֶ֙לֶת֙ וַיַּחֲזֵ֣ק בְּפִֽילַגְשׁ֔וֹ וַֽיְנַתְּחֶ֙הָ֙ לַעֲצָמֶ֔יהָ לִשְׁנֵ֥ים עָשָׂ֖ר נְתָחִ֑ים וַֽיְשַׁלְּחֶ֔הָ בְּכֹ֖ל גְּב֥וּל יִשְׂרָאֵֽל׃

30 ‏וְהָיָ֣ה כָל־הָרֹאֶ֗ה וְאָמַר֙ לֹֽא־נִהְיְתָ֤ה וְלֹֽא־נִרְאֲתָה֙ כָּזֹ֔את לְמִיּ֞וֹם עֲל֤וֹת בְּנֵֽי־יִשְׂרָאֵל֙ מֵאֶ֣רֶץ מִצְרַ֔יִם עַ֖ד הַיּ֣וֹם הַזֶּ֑ה שִֽׂימוּ־לָכֶ֥ם עָלֶ֖יהָ עֻ֥צוּ וְדַבֵּֽרוּ׃ פ

1 wayəhî bayyāmîm hâēm ûmeleḵə ’ên bəyiśərā’ēl wayəhî| ’îš lēwî gār bəyarəkəṯê har-’efərayim wayyiqqaḥ-lwō ’iššâ fîleḡeš mibêṯ leḥem yəhûḏâ:

2 watizəneh ‘ālāyw pîlaḡəšwō watēleḵə mē’itwō ’el-bêṯ ’āḇîhā ’el-bêṯ leḥem yəhûḏâ watəhî-šām yāmîm ’arəbā‘â ḥŏḏāšîm:

3 wayyāqām ’îšāh wayyēleḵə ’aḥăreyhā ləḏabēr ‘al-libāh lahăšîḇwō lahăšîḇāh wəna‘ărwō ‘immwō wəṣemeḏ ḥămōrîm watəḇî’ēhû bêṯ ’āḇîhā wayyirə’ēhû ’ăḇî hanna‘ărâ wayyiśəmaḥ liqərā’ṯwō:

4 wayyeḥĕzaq-bwō ḥōṯənwō ’ăḇî hanna‘ărâ wayyēšeḇ ’itwō šəlōšeṯ yāmîm wayyō’ḵəlû wayyišətû wayyālînû šām:

5 wayəhî bayywōm hārəḇî‘î wayyašəkîmû ḇabōqer wayyāqām lāleḵeṯ wayyō’mer ’ăḇî hanna‘ărâ ’el-ḥăṯānwō sə‘āḏ libəḵā paṯ-leḥem wə’aḥar tēlēḵû:

6 wayyēšəḇû wayyō’ḵəlû šənêhem yaḥədāw wayyišətû wayyō’mer ’ăḇî hanna‘ărâ ’el-hā’îš hwō’el-nā’ wəlîn wəyiṭaḇ libeḵā:

7 wayyāqām hā’îš lāleḵeṯ wayyifəṣar-bwō ḥōṯənwō wayyāšāḇ wayyālen šām:

8 wayyašəkēm babōqer bayywōm haḥămîšî lāleḵeṯ wayyō’mer| ’ăḇî hanna‘ărâ sə‘āḏ-nā’ ləḇāḇəḵā wəhiṯəmahəməhû ‘aḏ-nəṭwōṯ hayywōm wayyō’ḵəlû šənêhem:

9 wayyāqām hā’îš lāleḵeṯ hû’ ûfîlaḡəšwō wəna‘ărwō wayyō’mer lwō ḥōṯənwō ’ăḇî hanna‘ărâ hinnēh nā’ rāfâ hayywōm la‘ărōḇ lînû-nā’ hinnēh ḥănwōṯ hayywōm lîn pōh wəyîṭaḇ ləḇāḇeḵā wəhišəkamətem māḥār ləḏarəkəḵem wəhālaḵətā lə’ōhāleḵā:

10 wəlō’-’āḇâ hā’îš lālûn wayyāqām wayyēleḵə wayyāḇō’ ‘aḏ-nōḵaḥ yəḇûs hî’ yərûšālāim wə‘immwō ṣemeḏ ḥămwōrîm ḥăḇûšîm ûfîlaḡəšwō ‘immwō:

11 hēm ‘im-yəḇûs wəhayywōm raḏ mə’ōḏ wayyō’mer hanna‘ar ’el-’ăḏōnāyw ləḵâ-nnā’ wənāsûrâ ’el-‘îr-hayəḇûsî hazzō’ṯ wənālîn bāh:

12 wayyō’mer ’ēlāyw ’ăḏōnāyw lō’ nāsûr ’el-‘îr nāḵərî ’ăšer lō’-mibənê yiśərā’ēl hēnnâ wə‘āḇarənû ‘aḏ-giḇə‘â:

13 wayyō’mer ləna‘ărwō ləḵāq wəniqərəḇâ bə’aḥaḏ hamməqōmwōṯ wəlannû ḇagiḇə‘â ’wō ḇārāmâ:

14 wayya‘aḇərû wayyēlēḵû watāḇō’ lâem haššemeš ’ēṣel hagiḇə‘â ’ăšer ləḇinəyāmin:

15 wayyāsurû šām lāḇwō’ lālûn bagiḇə‘â wayyāḇō’ wayyēšeḇ birəḥwōḇ hā‘îr wə’ên ’îš mə’assēf-’wōṯām habayəṯâ lālûn:

16 wəhinnēh| ’îš zāqēn bā’ min-ma‘ăśēhû min-haśśāḏeh bā‘ereḇ wəhā’îš mēhar ’efərayim wəhû’-ḡār bagiḇə‘â wə’anəšê hammāqwōm bənê yəmînî:

17 wayyiśśā’ ‘ênāyw wayyarə’ ’eṯ-hā’îš hā’ōrēḥa birəḥōḇ hā‘îr wayyō’mer hā’îš3 hazzāqēn ’ānâ ṯēlēḵə ûmē’ayin tāḇwō’:

18 wayyō’mer ’ēlāyw ‘ōḇərîm ’ănaḥənû mibêṯ-leḥem yəhûḏâ ‘aḏ-yarəkəṯê har-’efərayim miššām ’ānōḵî wā’ēlēḵə ‘aḏ-bêṯ leḥem yəhûḏâ wə’eṯ-bêṯ yəhwâ ’ănî hōlēḵə wə’ên ’îš mə’assēf ’wōṯî habāyəṯâ:

19 wəḡam-teḇen gam-misəpwō’ yēš laḥămwōrênû wəḡam leḥem wāyayin yeš-lî wəla’ămāṯeḵā wəlanna‘ar ‘im-‘ăḇāḏeyḵā ’ên maḥəswōr kāl-dāḇār:

20 wayyō’mer hā’îš hazzāqēn šālwōm lāḵə raq kāl-maḥəswōrəḵā ‘ālāy raq bārəḥwōḇ ’al-tālan:

21 wayəḇî’ēhû ləḇêṯwō wayyibwōl wayyāḇāl9 laḥămwōrîm wayyirəḥăṣû raḡəlêhem wayyō’ḵəlû wayyišətû:

22 hēmmâ mêṭîḇîm ’eṯ-libām wəhinnēh ’anəšê hā‘îr ’anəšê ḇənê-ḇəlîya‘al nāsabû ’eṯ-habayiṯ miṯədapəqîm ‘al-hadāleṯ wayyō’mərû ’el-hā’îš ba‘al habayiṯ hazzāqēn lē’mōr hwōṣē’ ’eṯ-hā’îš ’ăšer-bā’ ’el-bêṯəḵā wənēḏā‘ennû:

23 wayyēṣē’ ’ălêhem hā’îš ba‘al habayiṯ wayyō’mer ’ălēhem ’al-’aḥay ’al-tārē‘û nā’ ’aḥărê ’ăšer-bā’ hā’îš hazzeh ’al-bêṯî1 ’al-ta‘ăśû ’eṯ-hannəḇālâ hazzō’ṯ:

24 hinnēh ḇitî habəṯûlâ ûfîlaḡəšēhû ’wōṣî’â-nnā’ ’wōṯām wə‘annû ’wōṯām wa‘ăśû lâem haṭṭwōḇ bə‘ênêḵem wəlā’îš hazzeh lō’ ṯa‘ăśû dəḇar hannəḇālâ hazzō’ṯ:

25 wəlō’-’āḇû hā’ănāšîm lišəmō‘a lwō wayyaḥăzēq hā’îš bəfîlaḡəšwō wayyōṣē’ ’ălêhem haḥûṣ wayyēḏə‘û ’wōṯāh wayyiṯə‘alləlû-ḇāh kāl-hallayəlâ ‘aḏ-habōqer wayəšalləḥûhā ba‘ălwōṯ ka‘ălwōṯ haššāḥar:

26 watāḇō’ hā’iššâ lifənwōṯ habōqer watipōl peṯaḥ bêṯ-hā’îš ’ăšer-’ăḏwōneyhā ššām ‘aḏ-hā’wōr:

27 wayyāqām ’ăḏōneyhā babōqer wayyifətaḥ daləṯwōṯ habayiṯ wayyēṣē’ lāleḵeṯ ləḏarəkwō wəhinnēh hā’iššâ fîlaḡəšwō nōfeleṯ peṯaḥ habayiṯ wəyāḏeyhā ‘al-hassaf:

28 wayyō’mer ’ēleyhā qûmî wənēlēḵâ wə’ên ‘ōneh wayyiqqāḥehā ‘al-haḥămwōr wayyāqām hā’îš wayyēleḵə liməqōmwō:

29 wayyāḇō’ ’el-bêṯwō wayyiqqaḥ ’eṯ-hamma’ăḵeleṯ wayyaḥăzēq bəfîlaḡəšwō wayənatəḥehā la‘ăṣāmeyhā lišənêm ‘āśār nəṯāḥîm wayəšalləḥehā bəḵōl gəḇûl yiśərā’ēl:

30 wəhāyâ ḵāl-hārō’eh wə’āmar lō’-nihəyəṯâ wəlō’-nirə’ăṯâ kāzō’ṯ ləmîywōm ‘ălwōṯ bənê-yiśərā’ēl mē’ereṣ miṣərayim ‘aḏ hayywōm hazzeh śîmû-lāḵem ‘āleyhā ‘uṣû wəḏabērû: f


Next: Judges (Shoftim) Chapter 20