Sacred Texts  Legends & Sagas  England  Index  Previous  Next 

201A: Bessy Bell and Mary Gray

 
 201A.1	 O BESSIE BELL and Mary Gray,
 	 They war twa bonnie lasses;
 	 They bigget a bower on yon burn-brae,
 	 And theekit it oer wi rashes.
 201A.2	 They theekit it oer wi rashes green,
 	 They theekit it oer wi heather;
 	 But the pest cam frae the burrows-town,
 	 And slew them baith thegither.
 201A.3	 They thought to lye in Methven kirk-yard,
 	 Amang their noble kin;
 	 But they maun lye in Stronach haugh,
 	 To biek forenent the sin.
 201A.4	 And Bessy Bell and Mary Gray,
 	 They war twa bonnie lasses;
 	 They biggit a bower on yon burn-brae,
 	 And theekit it oer wi rashes.