Sacred Texts Legends & Sagas England Index Previous Next
19A.1 DER lived a king inta da aste,
Refrain: Scowan ürla grün
Der lived a lady in da wast.
Refrain: Whar giorten han grün oarlac
19A.2 Dis king he has a huntin gaen,
He’s left his Lady Isabel alane.
19A.3 ‘Oh I wis ye’d never gaen away,
For at your hame is d’ol an wae.
19A.4 ‘For da king o Ferrie we his daert,
Has pierced your lady to da hert.’
* * * * *
19A.5 And aifter dem da king has gaen,
But whan he cam it was a grey stane.
19A.6 Dan he took oot his pipes ta play,
Bit sair his hert wi d’ol an wae.
19A.7 And first he played da notes o noy,
An dan he played da notes o joy.
19A.8 An dan he played da g’od gabber reel,
Dat meicht ha made a sick hert hale.
* * * * *
19A.9 ‘Noo come ye in inta wir ha,
An come ye in among wis a’.’
19A.10 Now he’s gaen in inta der ha,
An he’s gaen in among dem a’.
19A.11 Dan he took out his pipes to play,
Bit sair his hert wi d’ol an wae.
19A.12 An first he played da notes o noy,
An dan he played da notes o joy.
19A.13 An dan he played da g’od gabber reel,
Dat meicht ha made a sick hert hale.
19A.14 ‘Noo tell to us what ye will hae:
What sall we gie you for your play?
19A.15 ‘What I will hae I will you tell,
An dat’s me Lady Isabel.’
19A.16 ‘Yees tak your lady, an yees gaeng hame,
An yees be king ower a’ your ain.’
19A.17 He’s taen his lady, an he’s gaen hame,
An noo he’s king ower a’ his ain.