‎1 ‏בְּעֶשְׂרִ֣ים וְחָמֵ֣שׁ שָׁנָ֣ה לְ֠גָלוּתֵנוּ בְּרֹ֨אשׁ הַשָּׁנָ֜ה בֶּעָשׂ֣וֹר לַחֹ֗דֶשׁ בְּאַרְבַּ֤ע עֶשְׂרֵה֙ שָׁנָ֔ה אַחַ֕ר אֲשֶׁ֥ר הֻכְּתָ֖ה הָעִ֑יר בְּעֶ֣צֶם׀ הַיּ֣וֹם הַזֶּ֗ה הָיְתָ֤ה עָלַי֙ יַד־יְהוָ֔ה וַיָּבֵ֥א אֹתִ֖י שָֽׁמָּה׃

‎2 ‏בְּמַרְא֣וֹת אֱלֹהִ֔ים הֱבִיאַ֖נִי אֶל־אֶ֣רֶץ יִשְׂרָאֵ֑ל וַיְנִיחֵ֗נִי אֶל־הַ֤ר גָּבֹ֙הַּ֙ מְאֹ֔ד וְעָלָ֥יו כְּמִבְנֵה־עִ֖יר מִנֶּֽגֶב׃

‎3 ‏וַיָּבֵ֨יא אוֹתִ֜י שָׁ֗מָּה וְהִנֵּה־אִישׁ֙ מַרְאֵ֙הוּ֙ כְּמַרְאֵ֣ה נְחֹ֔שֶׁת וּפְתִיל־פִּשְׁתִּ֥ים בְּיָד֖וֹ וּקְנֵ֣ה הַמִּדָּ֑ה וְה֥וּא עֹמֵ֖ד בַּשָּֽׁעַר׃

‎4 ‏וַיְדַבֵּ֨ר אֵלַ֜י הָאִ֗ישׁ בֶּן־אָדָ֡ם רְאֵ֣ה בְעֵינֶיךָ֩ וּבְאָזְנֶ֨יךָ שְּׁמָ֜ע וְשִׂ֣ים לִבְּךָ֗ לְכֹ֤ל אֲשֶׁר־אֲנִי֙ מַרְאֶ֣ה אוֹתָ֔ךְ כִּ֛י לְמַ֥עַן הַרְאוֹתְכָ֖ה הֻבָ֣אתָה הֵ֑נָּה הַגֵּ֛ד אֶת־כָּל־אֲשֶׁר־אַתָּ֥ה רֹאֶ֖ה לְבֵ֥ית יִשְׂרָאֵֽל׃

‎5 ‏וְהִנֵּ֥ה חוֹמָ֛ה מִח֥וּץ לַבַּ֖יִת סָבִ֣יב׀ סָבִ֑יב וּבְיַ֨ד הָאִ֜ישׁ קְנֵ֣ה הַמִּדָּ֗ה שֵׁשׁ־אַמּ֤וֹת בָּֽאַמָּה֙ וָטֹ֔פַח וַיָּ֜מָד אֶת־רֹ֤חַב הַבִּנְיָן֙ קָנֶ֣ה אֶחָ֔ד וְקוֹמָ֖ה קָנֶ֥ה אֶחָֽד׃

‎6 ‏וַיָּב֗וֹא אֶל־שַׁ֙עַר֙ אֲשֶׁ֤ר פָּנָיו֙ דֶּ֣רֶךְ הַקָּדִ֔ימָה וַיַּ֖עַל במעלותו בְּמַֽעֲלוֹתָ֑יו וַיָּ֣מָד׀ אֶת־סַ֣ף הַשַּׁ֗עַר קָנֶ֤ה אֶחָד֙ רֹ֔חַב וְאֵת֙ סַ֣ף אֶחָ֔ד קָנֶ֥ה אֶחָ֖ד רֹֽחַב׃

‎7 ‏וְהַתָּ֗א קָנֶ֨ה אֶחָ֥ד אֹ֙רֶךְ֙ וְקָנֶ֤ה אֶחָד֙ רֹ֔חַב וּבֵ֥ין הַתָּאִ֖ים חָמֵ֣שׁ אַמּ֑וֹת וְסַ֣ף הַ֠שַּׁעַר מֵאֵ֨צֶל אוּלָ֥ם הַשַּׁ֛עַר מֵֽהַבַּ֖יִת קָנֶ֥ה אֶחָֽד׃

‎8 ‏וַיָּ֜מָד אֶת־אֻלָ֥ם הַשַּׁ֛עַר מֵהַבַּ֖יִת קָנֶ֥ה אֶחָֽד׃

‎9 ‏וַיָּ֜מָד אֶת־אֻלָ֤ם הַשַּׁ֙עַר֙ שְׁמֹנֶ֣ה אַמּ֔וֹת ואילו וְאֵילָ֖יו שְׁתַּ֣יִם אַמּ֑וֹת וְאֻלָ֥ם הַשַּׁ֖עַר מֵהַבָּֽיִת׃

‎10 ‏וְתָאֵ֨י הַשַּׁ֜עַר דֶּ֣רֶךְ הַקָּדִ֗ים שְׁלֹשָׁ֤ה מִפֹּה֙ וּשְׁלֹשָׁ֣ה מִפֹּ֔ה מִדָּ֥ה אַחַ֖ת לִשְׁלָשְׁתָּ֑ם וּמִדָּ֥ה אַחַ֛ת לָאֵילִ֖ם מִפֹּ֥ה וּמִפּֽוֹ׃

‎11 ‏וַיָּ֛מָד אֶת־רֹ֥חַב פֶּֽתַח־הַשַּׁ֖עַר עֶ֣שֶׂר אַמּ֑וֹת אֹ֣רֶךְ הַשַּׁ֔עַר שְׁל֥וֹשׁ עֶשְׂרֵ֖ה אַמּֽוֹת׃

‎12 ‏וּגְב֞וּל לִפְנֵ֤י הַתָּאוֹת֙ אַמָּ֣ה אֶחָ֔ת וְאַמָּה־אַחַ֥ת גְּב֖וּל מִפֹּ֑ה וְהַתָּ֕א שֵׁשׁ־אַמּ֣וֹת מִפּ֔וֹ וְשֵׁ֥שׁ אַמּ֖וֹת מִפּֽוֹ׃

‎13 ‏וַיָּ֣מָד אֶת־הַשַּׁ֗עַר מִגַּ֤ג הַתָּא֙ לְגַגּ֔וֹ רֹ֕חַב עֶשְׂרִ֥ים וְחָמֵ֖שׁ אַמּ֑וֹת פֶּ֖תַח נֶ֥גֶד פָּֽתַח׃

‎14 ‏וַיַּ֥עַשׂ אֶת־אֵילִ֖ים שִׁשִּׁ֣ים אַמָּ֑ה וְאֶל־אֵיל֙ הֶֽחָצֵ֔ר הַשַּׁ֖עַר סָבִ֥יב׀ סָבִֽיב׃

‎15 ‏וְעַ֗ל פְּנֵי֙ הַשַּׁ֣עַר היאתון הָֽאִית֔וֹן עַל־לִפְנֵ֕י אֻלָ֥ם הַשַּׁ֖עַר הַפְּנִימִ֑י חֲמִשִּׁ֖ים אַמָּֽה׃

‎16 ‏וְחַלֹּנ֣וֹת אֲטֻמ֣וֹת אֶֽל־הַתָּאִ֡ים וְאֶל֩ אֵלֵיהֵ֨מָה לִפְנִ֤ימָה לַשַּׁ֙עַר֙ סָבִ֣יב׀ סָבִ֔יב וְכֵ֖ן לָאֵֽלַמּ֑וֹת וְחַלּוֹנ֞וֹת סָבִ֤יב׀ סָבִיב֙ לִפְנִ֔ימָה וְאֶל־אַ֖יִל תִּמֹרִֽים׃

‎17 ‏וַיְבִיאֵ֗נִי אֶל־הֶֽחָצֵר֙ הַחִ֣יצוֹנָ֔ה וְהִנֵּ֤ה לְשָׁכוֹת֙ וְרִֽצְפָ֔ה עָשׂ֥וּי לֶחָצֵ֖ר סָבִ֣יב׀ סָבִ֑יב שְׁלֹשִׁ֥ים לְשָׁכ֖וֹת אֶל־הָרִֽצְפָֽה׃

‎18 ‏וְהָרִֽצְפָה֙ אֶל־כֶּ֣תֶף הַשְּׁעָרִ֔ים לְעֻמַּ֖ת אֹ֣רֶךְ הַשְּׁעָרִ֑ים הָרִֽצְפָ֖ה הַתַּחְתּוֹנָֽה׃

‎19 ‏וַיָּ֣מָד רֹ֡חַב מִלִּפְנֵי֩ הַשַּׁ֨עַר הַתַּחְתּ֜וֹנָה לִפְנֵ֨י הֶחָצֵ֧ר הַפְּנִימִ֛י מִח֖וּץ מֵאָ֣ה אַמָּ֑ה הַקָּדִ֖ים וְהַצָּפֽוֹן׃

‎20 ‏וְהַשַּׁ֗עַר אֲשֶׁ֤ר פָּנָיו֙ דֶּ֣רֶךְ הַצָּפ֔וֹן לֶחָצֵ֖ר הַחִֽיצוֹנָ֑ה מָדַ֥ד אָרְכּ֖וֹ וְרָחְבּֽוֹ׃

‎21 ‏ותאו וְתָאָ֗יו שְׁלוֹשָׁ֤ה מִפּוֹ֙ וּשְׁלֹשָׁ֣ה מִפּ֔וֹ ואילו וְאֵילָ֤יו ואלמו וְאֵֽלַמָּיו֙ הָיָ֔ה כְּמִדַּ֖ת הַשַּׁ֣עַר הָרִאשׁ֑וֹן חֲמִשִּׁ֤ים אַמָּה֙ אָרְכּ֔וֹ וְרֹ֕חַב חָמֵ֥שׁ וְעֶשְׂרִ֖ים בָּאַמָּֽה׃

‎22 ‏וחלונו וְחַלּוֹנָ֤יו ואלמו וְאֵֽלַמָּיו֙ ותמרו וְתִ֣מֹרָ֔יו כְּמִדַּ֣ת הַשַּׁ֔עַר אֲשֶׁ֥ר פָּנָ֖יו דֶּ֣רֶךְ הַקָּדִ֑ים וּבְמַעֲל֥וֹת שֶׁ֙בַע֙ יַֽעֲלוּ־ב֔וֹ ואילמו וְאֵֽילַמָּ֖יו לִפְנֵיהֶֽם׃

‎23 ‏וְשַׁ֙עַר֙ לֶחָצֵ֣ר הַפְּנִימִ֔י נֶ֣גֶד הַשַּׁ֔עַר לַצָּפ֖וֹן וְלַקָּדִ֑ים וַיָּ֧מָד מִשַּׁ֛עַר אֶל־שַׁ֖עַר מֵאָ֥ה אַמָּֽה׃

‎24 ‏וַיּוֹלִכֵ֙נִי֙ דֶּ֣רֶךְ הַדָּר֔וֹם וְהִנֵּה־שַׁ֖עַר דֶּ֣רֶךְ הַדָּר֑וֹם וּמָדַ֤ד אילו אֵילָיו֙ ואילמו וְאֵ֣ילַמָּ֔יו כַּמִּדּ֖וֹת הָאֵֽלֶּה׃

‎25 ‏וְחַלּוֹנִ֨ים ל֤וֹ ולאילמו וּלְאֵֽילַמָּיו֙ סָבִ֣יב׀ סָבִ֔יב כְּהַחֲלֹּנ֖וֹת הָאֵ֑לֶּה חֲמִשִּׁ֤ים אַמָּה֙ אֹ֔רֶךְ וְרֹ֕חַב חָמֵ֥שׁ וְעֶשְׂרִ֖ים אַמָּֽה׃

‎26 ‏וּמַעֲל֤וֹת שִׁבְעָה֙ עלותו עֹֽלוֹתָ֔יו ואלמו וְאֵֽלַמָּ֖יו לִפְנֵיהֶ֑ם וְתִמֹרִ֣ים ל֗וֹ אֶחָ֥ד מִפּ֛וֹ וְאֶחָ֥ד מִפּ֖וֹ אֶל־אילו אֵילָֽיו׃

‎27 ‏וְשַׁ֛עַר לֶחָצֵ֥ר הַפְּנִימִ֖י דֶּ֣רֶךְ הַדָּר֑וֹם וַיָּ֨מָד מִשַּׁ֧עַר אֶל־הַשַּׁ֛עַר דֶּ֥רֶךְ הַדָּר֖וֹם מֵאָ֥ה אַמּֽוֹת׃

‎28 ‏וַיְבִיאֵ֛נִי אֶל־חָצֵ֥ר הַפְּנִימִ֖י בְּשַׁ֣עַר הַדָּר֑וֹם וַיָּ֙מָד֙ אֶת־הַשַּׁ֣עַר הַדָּר֔וֹם כַּמִּדּ֖וֹת הָאֵֽלֶּה׃

‎29 ‏ותאו וְתָאָ֞יו ואילו וְאֵילָ֤יו ואלמו וְאֵֽלַמָּיו֙ כַּמִּדּ֣וֹת הָאֵ֔לֶּה וְחַלּוֹנ֥וֹת ל֛וֹ ולאלמו וּלְאֵלַמָּ֖יו סָבִ֣יב׀ סָבִ֑יב חֲמִשִּׁ֤ים אַמָּה֙ אֹ֔רֶךְ וְרֹ֕חַב עֶשְׂרִ֥ים וְחָמֵ֖שׁ אַמּֽוֹת׃

‎30 ‏וְאֵֽלַמּ֖וֹת סָבִ֣יב׀ סָבִ֑יב אֹ֗רֶךְ חָמֵ֤שׁ וְעֶשְׂרִים֙ אַמָּ֔ה וְרֹ֖חַב חָמֵ֥שׁ אַמּֽוֹת׃

‎31 ‏וְאֵלַמָּ֗ו^q אֶל־חָצֵר֙ הַחִ֣צוֹנָ֔ה וְתִמֹרִ֖ים אֶל־אילו אֵילָ֑יו וּמַעֲל֥וֹת שְׁמוֹנֶ֖ה מעלו מַעֲלָֽיו׃

‎32 ‏וַיְבִיאֵ֛נִי אֶל־הֶחָצֵ֥ר הַפְּנִימִ֖י דֶּ֣רֶךְ הַקָּדִ֑ים וַיָּ֣מָד אֶת־הַשַּׁ֔עַר כַּמִּדּ֖וֹת הָאֵֽלֶּה׃

‎33 ‏ותאו וְתָאָ֞יו ואלו וְאֵלָ֤יו ואלמו וְאֵֽלַמָּיו֙ כַּמִּדּ֣וֹת הָאֵ֔לֶּה וְחַלּוֹנ֥וֹת ל֛וֹ ולאלמו וּלְאֵלַמָּ֖יו סָבִ֣יב׀ סָבִ֑יב אֹ֚רֶךְ חֲמִשִּׁ֣ים אַמָּ֔ה וְרֹ֕חַב חָמֵ֥שׁ וְעֶשְׂרִ֖ים אַמָּֽה׃

‎34 ‏ואלמו וְאֵלַמָּ֗יו לֶֽחָצֵר֙ הַחִ֣יצוֹנָ֔ה וְתִמֹרִ֥ים אֶל־אלו אֵלָ֖יו מִפּ֣וֹ וּמִפּ֑וֹ וּשְׁמֹנֶ֥ה מַעֲל֖וֹת מעלו מַעֲלָֽיו׃

‎35 ‏וַיְבִיאֵ֖נִי אֶל־שַׁ֣עַר הַצָּפ֑וֹן וּמָדַ֖ד כַּמִּדּ֥וֹת הָאֵֽלֶּה׃

‎36 ‏תאו תָּאָיו֙ אלו אֵלָ֣יו ואלמו וְאֵֽלַמָּ֔יו וְחַלּוֹנ֥וֹת ל֖וֹ סָבִ֣יב׀ סָבִ֑יב אֹ֚רֶךְ חֲמִשִּׁ֣ים אַמָּ֔ה וְרֹ֕חַב חָמֵ֥שׁ וְעֶשְׂרִ֖ים אַמָּֽה׃

‎37 ‏ואילו וְאֵילָ֗יו לֶֽחָצֵר֙ הַחִ֣יצוֹנָ֔ה וְתִמֹרִ֥ים אֶל־אילו אֵילָ֖יו מִפּ֣וֹ וּמִפּ֑וֹ וּשְׁמֹנֶ֥ה מַעֲל֖וֹת מעלו מַעֲלָֽיו׃

‎38 ‏וְלִשְׁכָּ֣ה וּפִתְחָ֔הּ בְּאֵילִ֖ים הַשְּׁעָרִ֑ים שָׁ֖ם יָדִ֥יחוּ אֶת־הָעֹלָֽה׃

‎39 ‏וּבְאֻלָ֣ם הַשַּׁ֗עַר שְׁנַ֤יִם שֻׁלְחָנוֹת֙ מִפּ֔וֹ וּשְׁנַ֥יִם שֻׁלְחָנ֖וֹת מִפֹּ֑ה לִשְׁח֤וֹט אֲלֵיהֶם֙ הָעוֹלָ֔ה וְהַחַטָּ֖את וְהָאָשָֽׁם׃

‎40 ‏וְאֶל־הַכָּתֵ֣ף מִח֗וּצָה לָעוֹלֶה֙ לְפֶ֙תַח֙ הַשַּׁ֣עַר הַצָּפ֔וֹנָה שְׁנַ֖יִם שֻׁלְחָנ֑וֹת וְאֶל־הַכָּתֵ֣ף הָאַחֶ֗רֶת אֲשֶׁר֙ לְאֻלָ֣ם הַשַּׁ֔עַר שְׁנַ֖יִם שֻׁלְחָנֽוֹת׃

‎41 ‏אַרְבָּעָ֨ה שֻׁלְחָנ֜וֹת מִפֹּ֗ה וְאַרְבָּעָ֧ה שֻׁלְחָנ֛וֹת מִפֹּ֖ה לְכֶ֣תֶף הַשָּׁ֑עַר שְׁמוֹנָ֥ה שֻׁלְחָנ֖וֹת אֲלֵיהֶ֥ם יִשְׁחָֽטוּ׃

‎42 ‏וְאַרְבָּעָה֩ שֻׁלְחָנ֨וֹת לָעוֹלָ֜ה אַבְנֵ֣י גָזִ֗ית אֹרֶךְ֩ אַמָּ֨ה אַחַ֤ת וָחֵ֙צִי֙ וְרֹ֨חַב אַמָּ֤ה אַחַת֙ וָחֵ֔צִי וְגֹ֖בַהּ אַמָּ֣ה אֶחָ֑ת אֲלֵיהֶ֗ם וְיַנִּ֤יחוּ אֶת־הַכֵּלִים֙ אֲשֶׁ֨ר יִשְׁחֲט֧וּ אֶת־הָעוֹלָ֛ה בָּ֖ם וְהַזָּֽבַח׃

‎43 ‏וְהַֽשְׁפַתַּ֗יִם טֹ֧פַח אֶחָ֛ד מוּכָנִ֥ים בַּבַּ֖יִת סָבִ֣יב׀ סָבִ֑יב וְאֶל־הַשֻּׁלְחָנ֖וֹת בְּשַׂ֥ר הַקָּרְבָֽן׃

‎44 ‏וּמִחוּצָה֩ לַשַּׁ֨עַר הַפְּנִימִ֜י לִֽשְׁכ֣וֹת שָׁרִ֗ים בֶּחָצֵ֤ר הַפְּנִימִי֙ אֲשֶׁ֗ר אֶל־כֶּ֙תֶף֙ שַׁ֣עַר הַצָּפ֔וֹן וּפְנֵיהֶ֖ם דֶּ֣רֶךְ הַדָּר֑וֹם אֶחָ֗ד אֶל־כֶּ֙תֶף֙ שַׁ֣עַר הַקָּדִ֔ים פְּנֵ֖י דֶּ֥רֶךְ הַצָּפֹֽן׃

‎45 ‏וַיְדַבֵּ֖ר אֵלָ֑י זֹ֣ה הַלִּשְׁכָּ֗ה אֲשֶׁ֤ר פָּנֶ֙יהָ֙ דֶּ֣רֶךְ הַדָּר֔וֹם לַכֹּ֣הֲנִ֔ים שֹׁמְרֵ֖י מִשְׁמֶ֥רֶת הַבָּֽיִת׃

‎46 ‏וְהַלִּשְׁכָּ֗ה אֲשֶׁ֤ר פָּנֶ֙יהָ֙ דֶּ֣רֶךְ הַצָּפ֔וֹן לַכֹּ֣הֲנִ֔ים שֹׁמְרֵ֖י מִשְׁמֶ֣רֶת הַמִּזְבֵּ֑חַ הֵ֣מָּה בְנֵֽי־צָד֗וֹק הַקְּרֵבִ֧ים מִבְּנֵֽי־לֵוִ֛י אֶל־יְהוָ֖ה לְשָׁרְתֽוֹ׃

‎47 ‏וַיָּ֨מָד אֶת־הֶחָצֵ֜ר אֹ֣רֶךְ׀ מֵאָ֣ה אַמָּ֗ה וְרֹ֛חַב מֵאָ֥ה אַמָּ֖ה מְרֻבָּ֑עַת וְהַמִּזְבֵּ֖חַ לִפְנֵ֥י הַבָּֽיִת׃

‎48 ‏וַיְבִאֵנִי֮ אֶל־אֻלָ֣ם הַבַּיִת֒ וַיָּ֙מָד֙ אֵ֣ל אֻלָ֔ם חָמֵ֤שׁ אַמּוֹת֙ מִפֹּ֔ה וְחָמֵ֥שׁ אַמּ֖וֹת מִפֹּ֑ה וְרֹ֣חַב הַשַּׁ֔עַר שָׁלֹ֤שׁ אַמּוֹת֙ מִפּ֔וֹ וְשָׁלֹ֥שׁ אַמּ֖וֹת מִפּֽוֹ׃

‎49 ‏אֹ֣רֶךְ הָאֻלָ֞ם עֶשְׂרִ֣ים אַמָּ֗ה וְרֹ֙חַב֙ עַשְׁתֵּ֣י עֶשְׂרֵ֣ה אַמָּ֔ה וּבַֽמַּעֲל֔וֹת אֲשֶׁ֥ר יַעֲל֖וּ אֵלָ֑יו וְעַמֻּדִים֙ אֶל־הָ֣אֵילִ֔ים אֶחָ֥ד מִפֹּ֖ה וְאֶחָ֥ד מִפֹּֽה׃

1 bə‘eśərîm wəḥāmēš šānâ ləḡālûṯēnû bərō’š haššānâ be‘āśwōr l^aḥōḏeš bə’arəb^a‘ ‘eśərēh šānâ ’^aḥar ’ăšer hukəṯâ hā‘îr bə‘eṣem| hayywōm hazzeh hāyəṯâ ‘ālay yaḏ-yəhwâ wayyāḇē’ ’ōṯî šāmmâ:

2 bəmarə’wōṯ ’ĕlōhîm hĕḇî’anî ’el-’ereṣ yiśərā’ēl wayənîḥēnî ’el-har gāḇōhha mə’ōḏ wə‘ālāyw kəmiḇənēh-‘îr minneḡeḇ:

3 wayyāḇê’ ’wōṯî šāmmâ wəhinnēh-’îš marə’ēhû kəmarə’ēh nəḥōšeṯ ûfəṯîl-pišətîm bəyāḏwō ûqənēh hammidâ wəhû’ ‘ōmēḏ baššā‘ar:

4 wayəḏabēr ’ēlay hā’îš ben-’āḏām rə’ēh ḇə‘êneyḵā ûḇə’āzəneyḵā ššəmā‘ wəśîm libəḵā ləḵōl ’ăšer-’ănî marə’eh ’wōṯāḵə kî ləm^a‘an harə’wōṯəḵâ huḇā’ṯâ hēnnâ hagēḏ ’eṯ-kāl-’ăšer-’atâ rō’eh ləḇêṯ yiśərā’ēl:

5 wəhinnēh ḥwōmâ miḥûṣ labayiṯ sāḇîḇ| sāḇîḇ ûḇəyaḏ hā’îš qənēh hammidâ šēš-’ammwōṯ bā’ammâ wāṭōf^aḥ wayyāmāḏ ’eṯ-rōḥaḇ habinəyān qāneh ’eḥāḏ wəqwōmâ qāneh ’eḥāḏ:

6 wayyāḇwō’ ’el-š^a‘ar ’ăšer pānāyw dereḵə haqqāḏîmâ wayy^a‘al bəm^a‘ălwōṯāw bəm^a‘ălwōṯāyw wayyāmāḏ| ’eṯ-saf hašš^a‘ar qāneh ’eḥāḏ rōḥaḇ wə’ēṯ saf ’eḥāḏ qāneh ’eḥāḏ rōḥaḇ:

7 wəhatā’ qāneh ’eḥāḏ ’ōreḵə wəqāneh ’eḥāḏ rōḥaḇ ûḇên hatā’îm ḥāmēš ’ammwōṯ wəsaf hašš^a‘ar mē’ēṣel ’ûlām hašš^a‘ar mēhabayiṯ qāneh ’eḥāḏ:

8 wayyāmāḏ ’eṯ-’ulām hašš^a‘ar mēhabayiṯ qāneh ’eḥāḏ:

9 wayyāmāḏ ’eṯ-’ulām hašš^a‘ar šəmōneh ’ammwōṯ wə’êlāw wə’êlāyw šətayim ’ammwōṯ wə’ulām hašš^a‘ar mēhabāyiṯ:

10 wəṯā’ê hašš^a‘ar dereḵə haqqāḏîm šəlōšâ mipōh ûšəlōšâ mipōh midâ ’^aḥaṯ lišəlāšətām ûmidâ ’^aḥaṯ lā’êlim mipōh ûmipwō:

11 wayyāmāḏ ’eṯ-rōḥaḇ peṯ^aḥ-hašš^a‘ar ‘eśer ’ammwōṯ ’ōreḵə hašš^a‘ar šəlwōš ‘eśərēh ’ammwōṯ:

12 ûḡəḇûl lifənê hatā’wōṯ ’ammâ ’eḥāṯ wə’ammâ-’^aḥaṯ gəḇûl mipōh wəhatā’ šēš-’ammwōṯ mipwō wəšēš ’ammwōṯ mipwō:

13 wayyāmāḏ ’eṯ-hašš^a‘ar migaḡ hatā’ ləḡagwō rōḥaḇ ‘eśərîm wəḥāmēš ’ammwōṯ peṯ^aḥ neḡeḏ pāṯ^aḥ:

14 wayy^a‘aś ’eṯ-’êlîm šiššîm ’ammâ wə’el-’êl heḥāṣēr hašš^a‘ar sāḇîḇ| sāḇîḇ:

15 wə‘al pənê hašš^a‘ar hayyō’ṯwōn hā’îṯwōn ‘al-lifənê ’ulām hašš^a‘ar hapənîmî ḥămiššîm ’ammâ:

16 wəḥallōnwōṯ ’ăṭumwōṯ ’el-hatā’îm wə’el ’ēlêhēmâ lifənîmâ lašš^a‘ar sāḇîḇ| sāḇîḇ wəḵēn lā’ēlammwōṯ wəḥallwōnwōṯ sāḇîḇ| sāḇîḇ lifənîmâ wə’el-’ayil timōrîm:

17 wayəḇî’ēnî ’el-heḥāṣēr h^aḥîṣwōnâ wəhinnēh ləšāḵwōṯ wəriṣəfâ ‘āśûy leḥāṣēr sāḇîḇ| sāḇîḇ šəlōšîm ləšāḵwōṯ ’el-hāriṣəfâ:

18 wəhāriṣəfâ ’el-keṯef haššə‘ārîm lə‘ummaṯ ’ōreḵə haššə‘ārîm hāriṣəfâ hat^aḥətwōnâ:

19 wayyāmāḏ rōḥaḇ millifənê hašš^a‘ar hat^aḥətwōnâ lifənê heḥāṣēr hapənîmî miḥûṣ mē’â ’ammâ haqqāḏîm wəhaṣṣāfwōn:

20 wəhašš^a‘ar ’ăšer pānāyw dereḵə haṣṣāfwōn leḥāṣēr h^aḥîṣwōnâ māḏaḏ ’ārəkwō wərāḥəbwō:

21 wəṯā’āw wəṯā’āyw šəlwōšâ mipwō ûšəlōšâ mipwō wə’êlāw wə’êlāyw wə’ēlammwō wə’ēlammāyw hāyâ kəmidaṯ hašš^a‘ar hāri’šwōn ḥămiššîm ’ammâ ’ārəkwō wərōḥaḇ ḥāmēš wə‘eśərîm bā’ammâ:

22 wəḥallwōnwō wəḥallwōnāyw wə’ēlammwō wə’ēlammāyw wəṯimōrwō wəṯimōrāyw kəmidaṯ hašš^a‘ar ’ăšer pānāyw dereḵə haqqāḏîm ûḇəm^a‘ălwōṯ šeḇ^a‘ y^a‘ălû-ḇwō wə’êlammwō wə’êlammāyw lifənêhem:

23 wəš^a‘ar leḥāṣēr hapənîmî neḡeḏ hašš^a‘ar laṣṣāfwōn wəlaqqāḏîm wayyāmāḏ mišš^a‘ar ’el-š^a‘ar mē’â ’ammâ:

24 wayywōliḵēnî dereḵə hadārwōm wəhinnēh-š^a‘ar dereḵə hadārwōm ûmāḏaḏ ’êlāw ’êlāyw wə’êlammwō wə’êlammāyw kammidwōṯ hā’ēlleh:

25 wəḥallwōnîm lwō ûlə’êlammwō ûlə’êlammāyw sāḇîḇ| sāḇîḇ kəh^aḥăllōnwōṯ hā’ēlleh ḥămiššîm ’ammâ ’ōreḵə wərōḥaḇ ḥāmēš wə‘eśərîm ’ammâ:

26 ûm^a‘ălwōṯ šiḇə‘â ‘ōlwōṯāw ‘ōlwōṯāyw wə’ēlammwō wə’ēlammāyw lifənêhem wəṯimōrîm lwō ’eḥāḏ mipwō wə’eḥāḏ mipwō ’el-’êlāw ’êlāyw:

27 wəš^a‘ar leḥāṣēr hapənîmî dereḵə hadārwōm wayyāmāḏ mišš^a‘ar ’el-hašš^a‘ar dereḵə hadārwōm mē’â ’ammwōṯ:

28 wayəḇî’ēnî ’el-ḥāṣēr hapənîmî bəš^a‘ar hadārwōm wayyāmāḏ ’eṯ-hašš^a‘ar hadārwōm kammidwōṯ hā’ēlleh:

29 wəṯā’āw wəṯā’āyw wə’êlāw wə’êlāyw wə’ēlammwō wə’ēlammāyw kammidwōṯ hā’ēlleh wəḥallwōnwōṯ lwō ûlə’ēlammwō ûlə’ēlammāyw sāḇîḇ| sāḇîḇ ḥămiššîm ’ammâ ’ōreḵə wərōḥaḇ ‘eśərîm wəḥāmēš ’ammwōṯ:

30 wə’ēlammwōṯ sāḇîḇ| sāḇîḇ ’ōreḵə ḥāmēš wə‘eśərîm ’ammâ wərōḥaḇ ḥāmēš ’ammwōṯ:

31 wə’ēlammāw^q ’el-ḥāṣēr h^aḥiṣwōnâ wəṯimōrîm ’el-’êlāw ’êlāyw ûm^a‘ălwōṯ šəmwōneh m^a‘ălwō m^a‘ălāyw:

32 wayəḇî’ēnî ’el-heḥāṣēr hapənîmî dereḵə haqqāḏîm wayyāmāḏ ’eṯ-hašš^a‘ar kammidwōṯ hā’ēlleh:

33 wəṯā’āw wəṯā’āyw wə’ēlwō wə’ēlāyw wə’ēlammwō wə’ēlammāyw kammidwōṯ hā’ēlleh wəḥallwōnwōṯ lwō ûlə’ēlammwō ûlə’ēlammāyw sāḇîḇ| sāḇîḇ ’ōreḵə ḥămiššîm ’ammâ wərōḥaḇ ḥāmēš wə‘eśərîm ’ammâ:

34 wə’ēlammwō wə’ēlammāyw leḥāṣēr h^aḥîṣwōnâ wəṯimōrîm ’el-’ēlwō ’ēlāyw mipwō ûmipwō ûšəmōneh m^a‘ălwōṯ m^a‘ălwō m^a‘ălāyw:

35 wayəḇî’ēnî ’el-š^a‘ar haṣṣāfwōn ûmāḏaḏ kammidwōṯ hā’ēlleh:

36 tā’āw tā’āyw ’ēlwō ’ēlāyw wə’ēlammwō wə’ēlammāyw wəḥallwōnwōṯ lwō sāḇîḇ| sāḇîḇ ’ōreḵə ḥămiššîm ’ammâ wərōḥaḇ ḥāmēš wə‘eśərîm ’ammâ:

37 wə’êlāw wə’êlāyw leḥāṣēr h^aḥîṣwōnâ wəṯimōrîm ’el-’êlāw ’êlāyw mipwō ûmipwō ûšəmōneh m^a‘ălwōṯ m^a‘ălwō m^a‘ălāyw:

38 wəlišəkâ ûfiṯəḥāh bə’êlîm haššə‘ārîm šām yāḏîḥû ’eṯ-hā‘ōlâ:

39 ûḇə’ulām hašš^a‘ar šənayim šuləḥānwōṯ mipwō ûšənayim šuləḥānwōṯ mipōh lišəḥwōṭ ’ălêhem hā‘wōlâ wəh^aḥaṭṭā’ṯ wəhā’āšām:

40 wə’el-hakāṯēf miḥûṣâ lā‘wōleh ləfeṯ^aḥ hašš^a‘ar haṣṣāfwōnâ šənayim šuləḥānwōṯ wə’el-hakāṯēf hā’^aḥereṯ ’ăšer lə’ulām hašš^a‘ar šənayim šuləḥānwōṯ:

41 ’arəbā‘â šuləḥānwōṯ mipōh wə’arəbā‘â šuləḥānwōṯ mipōh ləḵeṯef haššā‘ar šəmwōnâ šuləḥānwōṯ ’ălêhem yišəḥāṭû:

42 wə’arəbā‘â šuləḥānwōṯ lā‘wōlâ ’aḇənê ḡāzîṯ ’ōreḵə ’ammâ ’^aḥaṯ wāḥēṣî wərōḥaḇ ’ammâ ’^aḥaṯ wāḥēṣî wəḡōḇ^ah ’ammâ ’eḥāṯ ’ălêhem wəyannîḥû ’eṯ-hakēlîm ’ăšer yišəḥăṭû ’eṯ-hā‘wōlâ bām wəhazzāḇ^aḥ:

43 wəhašəfatayim ṭōf^aḥ ’eḥāḏ mûḵānîm babayiṯ sāḇîḇ| sāḇîḇ wə’el-haššuləḥānwōṯ bəśar haqqārəḇān:

44 ûmiḥûṣâ lašš^a‘ar hapənîmî lišəḵwōṯ šārîm beḥāṣēr hapənîmî ’ăšer ’el-keṯef š^a‘ar haṣṣāfwōn ûfənêhem dereḵə hadārwōm ’eḥāḏ ’el-keṯef š^a‘ar haqqāḏîm pənê dereḵə haṣṣāfōn:

45 wayəḏabēr ’ēlāy zōh hallišəkâ ’ăšer pāneyhā dereḵə hadārwōm lakōhănîm šōmərê mišəmereṯ habāyiṯ:

46 wəhallišəkâ ’ăšer pāneyhā dereḵə haṣṣāfwōn lakōhănîm šōmərê mišəmereṯ hammizəbēḥa hēmmâ ḇənê-ṣāḏwōq haqqərēḇîm mibənê-lēwî ’el-yəhwâ ləšārəṯwō:

47 wayyāmāḏ ’eṯ-heḥāṣēr ’ōreḵə| mē’â ’ammâ wərōḥaḇ mē’â ’ammâ mərubā‘aṯ wəhammizəbēḥa lifənê habāyiṯ:

48 wayəḇi’ēnî ’el-’ulām habayiṯ wayyāmāḏ ’ēl ’ulām ḥāmēš ’ammwōṯ mipōh wəḥāmēš ’ammwōṯ mipōh wərōḥaḇ hašš^a‘ar šālōš ’ammwōṯ mipwō wəšālōš ’ammwōṯ mipwō:

49 ’ōreḵə hā’ulām ‘eśərîm ’ammâ wərōḥaḇ ‘ašətê ‘eśərēh ’ammâ ûḇamm^a‘ălwōṯ ’ăšer y^a‘ălû ’ēlāyw wə‘ammuḏîm ’el-hā’êlîm ’eḥāḏ mipōh wə’eḥāḏ mipōh: