‎1 ‏וְאַתָּ֤ה בֶן־אָדָם֙ קַח־לְךָ֣ לְבֵנָ֔ה וְנָתַתָּ֥ה אוֹתָ֖הּ לְפָנֶ֑יךָ וְחַקּוֹתָ֥ עָלֶ֛יהָ עִ֖יר אֶת־יְרוּשָׁלִָֽם׃

‎2 ‏וְנָתַתָּ֨ה עָלֶ֜יהָ מָצ֗וֹר וּבָנִ֤יתָ עָלֶ֙יהָ֙ דָּיֵ֔ק וְשָׁפַכְתָּ֥ עָלֶ֖יהָ סֹֽלְלָ֑ה וְנָתַתָּ֨ה עָלֶ֧יהָ מַחֲנ֛וֹת וְשִׂים־עָלֶ֥יהָ כָּרִ֖ים סָבִֽיב׃

‎3 ‏וְאַתָּ֤ה קַח־לְךָ֙ מַחֲבַ֣ת בַּרְזֶ֔ל וְנָתַתָּ֤ה אוֹתָהּ֙ קִ֣יר בַּרְזֶ֔ל בֵּינְךָ֖ וּבֵ֣ין הָעִ֑יר וַהֲכִינֹתָה֩ אֶת־פָּנֶ֨יךָ אֵלֶ֜יהָ וְהָיְתָ֤ה בַמָּצוֹר֙ וְצַרְתָּ֣ עָלֶ֔יהָ א֥וֹת הִ֖יא לְבֵ֥ית יִשְׂרָאֵֽל׃ ס

‎4 ‏וְאַתָּ֤ה שְׁכַב֙ עַל־צִדְּךָ֣ הַשְּׂמָאלִ֔י וְשַׂמְתָּ֛ אֶת־עֲוֹ֥ן בֵּֽית־יִשְׂרָאֵ֖ל עָלָ֑יו מִסְפַּ֤ר הַיָּמִים֙ אֲשֶׁ֣ר תִּשְׁכַּ֣ב עָלָ֔יו תִּשָּׂ֖א אֶת־עֲוֹנָֽם׃

‎5 ‏וַאֲנִ֗י נָתַ֤תִּֽי לְךָ֙ אֶת־שְׁנֵ֣י עֲוֹנָ֔ם לְמִסְפַּ֣ר יָמִ֔ים שְׁלֹשׁ־מֵא֥וֹת וְתִשְׁעִ֖ים י֑וֹם וְנָשָׂ֖אתָ עֲוֹ֥ן בֵּֽית־יִשְׂרָאֵֽל׃

‎6 ‏וְכִלִּיתָ֣ אֶת־אֵ֗לֶּה וְשָׁ֨כַבְתָּ֜ עַל־צִדְּךָ֤ הימוני הַיְמָנִי֙ שֵׁנִ֔ית וְנָשָׂ֖אתָ אֶת־עֲוֹ֣ן בֵּית־יְהוּדָ֑ה אַרְבָּעִ֣ים י֔וֹם י֧וֹם לַשָּׁנָ֛ה י֥וֹם לַשָּׁנָ֖ה נְתַתִּ֥יו לָֽךְ׃

‎7 ‏וְאֶל־מְצ֤וֹר יְרוּשָׁלִַ֙ם֙ תָּכִ֣ין פָּנֶ֔יךָ וּֽזְרֹעֲךָ֖ חֲשׂוּפָ֑ה וְנִבֵּאתָ֖ עָלֶֽיהָ׃

‎8 ‏וְהִנֵּ֛ה נָתַ֥תִּי עָלֶ֖יךָ עֲבוֹתִ֑ים וְלֹֽא־תֵהָפֵ֤ךְ מִֽצִּדְּךָ֙ אֶל־צִדֶּ֔ךָ עַד־כַּלּוֹתְךָ֖ יְמֵ֥י מְצוּרֶֽךָ׃

‎9 ‏וְאַתָּ֣ה קַח־לְךָ֡ חִטִּ֡ין וּ֠שְׂעֹרִים וּפ֨וֹל וַעֲדָשִׁ֜ים וְדֹ֣חַן וְכֻסְּמִ֗ים וְנָתַתָּ֤ה אוֹתָם֙ בִּכְלִ֣י אֶחָ֔ד וְעָשִׂ֧יתָ אוֹתָ֛ם לְךָ֖ לְלָ֑חֶם מִסְפַּ֨ר הַיָּמִ֜ים אֲשֶׁר־אַתָּ֣ה׀ שׁוֹכֵ֣ב עַֽל־צִדְּךָ֗ שְׁלֹשׁ־מֵא֧וֹת וְתִשְׁעִ֛ים י֖וֹם תֹּאכֲלֶֽנּוּ׃

‎10 ‏וּמַאֲכָֽלְךָ֙ אֲשֶׁ֣ר תֹּאכֲלֶ֔נּוּ בְּמִשְׁק֕וֹל עֶשְׂרִ֥ים שֶׁ֖קֶל לַיּ֑וֹם מֵעֵ֥ת עַד־עֵ֖ת תֹּאכֲלֶֽנּוּ׃

‎11 ‏וּמַ֛יִם בִּמְשׂוּרָ֥ה תִשְׁתֶּ֖ה שִׁשִּׁ֣ית הַהִ֑ין מֵעֵ֥ת עַד־עֵ֖ת תִּשְׁתֶּֽה׃

‎12 ‏וְעֻגַ֥ת שְׂעֹרִ֖ים תֹּֽאכֲלֶ֑נָּה וְהִ֗יא בְּגֶֽלְלֵי֙ צֵאַ֣ת הָֽאָדָ֔ם תְּעֻגֶ֖נָה לְעֵינֵיהֶֽם׃ ס

‎13 ‏וַיֹּ֣אמֶר יְהוָ֔ה כָּ֣כָה יֹאכְל֧וּ בְנֵֽי־יִשְׂרָאֵ֛ל אֶת־לַחְמָ֖ם טָמֵ֑א בַּגּוֹיִ֕ם אֲשֶׁ֥ר אַדִּיחֵ֖ם שָֽׁם׃

‎14 ‏וָאֹמַ֗ר אֲהָהּ֙ אֲדֹנָ֣י יְהוִ֔ה הִנֵּ֥ה נַפְשִׁ֖י לֹ֣א מְטֻמָּאָ֑ה וּנְבֵלָ֨ה וּטְרֵפָ֤ה לֹֽא־אָכַ֙לְתִּי֙ מִנְּעוּרַ֣י וְעַד־עַ֔תָּה וְלֹא־בָ֥א בְּפִ֖י בְּשַׂ֥ר פִּגּֽוּל׃ ס

‎15 ‏וַיֹּ֣אמֶר אֵלַ֔י רְאֵ֗ה נָתַ֤תִּֽי לְךָ֙ אֶת־צפועי צְפִיעֵ֣י הַבָּקָ֔ר תַּ֖חַת גֶּלְלֵ֣י הָֽאָדָ֑ם וְעָשִׂ֥יתָ אֶֽת־לַחְמְךָ֖ עֲלֵיהֶֽם׃ ס

‎16 ‏וַיֹּ֣אמֶר אֵלַ֗י בֶּן־אָדָם֙ הִנְנִ֨י שֹׁבֵ֤ר מַטֵּה־לֶ֙חֶם֙ בִּיר֣וּשָׁלִַ֔ם וְאָכְלוּ־לֶ֥חֶם בְּמִשְׁקָ֖ל וּבִדְאָגָ֑ה וּמַ֕יִם בִּמְשׂוּרָ֥ה וּבְשִׁמָּמ֖וֹן יִשְׁתּֽוּ׃

‎17 ‏לְמַ֥עַן יַחְסְר֖וּ לֶ֣חֶם וָמָ֑יִם וְנָשַׁ֙מּוּ֙ אִ֣ישׁ וְאָחִ֔יו וְנָמַ֖קּוּ בַּעֲוֹנָֽם׃ פ

1 wə’atâ ḇen-’āḏām q^aḥ-ləḵā ləḇēnâ wənāṯatâ ’wōṯāh ləfāneyḵā wəḥaqqwōṯā ‘āleyhā ‘îr ’eṯ-yərûšālāim:

2 wənāṯatâ ‘āleyhā māṣwōr ûḇānîṯā ‘āleyhā dāyēq wəšāfaḵətā ‘āleyhā sōləlâ wənāṯatâ ‘āleyhā m^aḥănwōṯ wəśîm-‘āleyhā kārîm sāḇîḇ:

3 wə’atâ q^aḥ-ləḵā m^aḥăḇaṯ barəzel wənāṯatâ ’wōṯāh qîr barəzel bênəḵā ûḇên hā‘îr wahăḵînōṯâ ’eṯ-pāneyḵā ’ēleyhā wəhāyəṯâ ḇammāṣwōr wəṣarətā ‘āleyhā ’wōṯ hî’ ləḇêṯ yiśərā’ēl: s

4 wə’atâ šəḵaḇ ‘al-ṣidəḵā haśśəmā’lî wəśamətā ’eṯ-‘ăwōn bêṯ-yiśərā’ēl ‘ālāyw misəpar hayyāmîm ’ăšer tišəkaḇ ‘ālāyw tiśśā’ ’eṯ-‘ăwōnām:

5 wa’ănî nāṯatî ləḵā ’eṯ-šənê ‘ăwōnām ləmisəpar yāmîm šəlōš-mē’wōṯ wəṯišə‘îm ywōm wənāśā’ṯā ‘ăwōn bêṯ-yiśərā’ēl:

6 wəḵillîṯā ’eṯ-’ēlleh wəšāḵaḇətā ‘al-ṣidəḵā hayəmwōnî hayəmānî šēnîṯ wənāśā’ṯā ’eṯ-‘ăwōn bêṯ-yəhûḏâ ’arəbā‘îm ywōm ywōm laššānâ ywōm laššānâ nəṯatîw lāḵə:

7 wə’el-məṣwōr yərûšālaim tāḵîn pāneyḵā ûzərō‘ăḵā ḥăśûfâ wənibē’ṯā ‘āleyhā:

8 wəhinnēh nāṯatî ‘āleyḵā ‘ăḇwōṯîm wəlō’-ṯēhāfēḵə miṣṣidəḵā ’el-ṣideḵā ‘aḏ-kallwōṯəḵā yəmê məṣûreḵā:

9 wə’atâ q^aḥ-ləḵā ḥiṭṭîn ûśə‘ōrîm ûfwōl w^a‘ăḏāšîm wəḏōḥan wəḵussəmîm wənāṯatâ ’wōṯām biḵəlî ’eḥāḏ wə‘āśîṯā ’wōṯām ləḵā ləlāḥem misəpar hayyāmîm ’ăšer-’atâ| šwōḵēḇ ‘al-ṣidəḵā šəlōš-mē’wōṯ wəṯišə‘îm ywōm tō’ḵălennû:

10 ûma’ăḵāləḵā ’ăšer tō’ḵălennû bəmišəqwōl ‘eśərîm šeqel layywōm mē‘ēṯ ‘aḏ-‘ēṯ tō’ḵălennû:

11 ûmayim biməśûrâ ṯišəteh šiššîṯ hahîn mē‘ēṯ ‘aḏ-‘ēṯ tišəteh:

12 wə‘uḡaṯ śə‘ōrîm tō’ḵălennâ wəhî’ bəḡeləlê ṣē’aṯ hā’āḏām tə‘uḡenâ lə‘ênêhem: s

13 wayyō’mer yəhwâ kāḵâ yō’ḵəlû ḇənê-yiśərā’ēl ’eṯ-l^aḥəmām ṭāmē’ bagwōyim ’ăšer ’adîḥēm šām:

14 wā’ōmar ’ăhāh ’ăḏōnāy yəhwih hinnēh nafəšî lō’ məṭummā’â ûnəḇēlâ ûṭərēfâ lō’-’āḵalətî minnə‘ûray wə‘aḏ-‘atâ wəlō’-ḇā’ bəfî bəśar pigûl: s

15 wayyō’mer ’ēlay rə’ēh nāṯatî ləḵā ’eṯ-ṣəfû‘ê ṣəfî‘ê habāqār t^aḥaṯ geləlê hā’āḏām wə‘āśîṯā ’eṯ-l^aḥəməḵā ‘ălêhem: s

16 wayyō’mer ’ēlay ben-’āḏām hinənî šōḇēr maṭṭēh-leḥem bîrûšālaim wə’āḵəlû-leḥem bəmišəqāl ûḇiḏə’āḡâ ûmayim biməśûrâ ûḇəšimmāmwōn yišətû:

17 ləm^a‘an y^aḥəsərû leḥem wāmāyim wənāšammû ’îš wə’āḥîw wənāmaqqû b^a‘ăwōnām: f