‎1 ‏וַיֹּ֣אמֶר אֵלַ֔י בֶּן־אָדָ֕ם אֵ֥ת אֲשֶׁר־תִּמְצָ֖א אֱכ֑וֹל אֱכוֹל֙ אֶת־הַמְּגִלָּ֣ה הַזֹּ֔את וְלֵ֥ךְ דַּבֵּ֖ר אֶל־בֵּ֥ית יִשְׂרָאֵֽל׃

‎2 ‏וָאֶפְתַּ֖ח אֶת־פִּ֑י וַיַּ֣אֲכִלֵ֔נִי אֵ֖ת הַמְּגִלָּ֥ה הַזֹּֽאת׃

‎3 ‏וַיֹּ֣אמֶר אֵלַ֗י בֶּן־אָדָם֙ בִּטְנְךָ֤ תַֽאֲכֵל֙ וּמֵעֶ֣יךָ תְמַלֵּ֔א אֵ֚ת הַמְּגִלָּ֣ה הַזֹּ֔את אֲשֶׁ֥ר אֲנִ֖י נֹתֵ֣ן אֵלֶ֑יךָ וָאֹ֣כְלָ֔ה וַתְּהִ֥י בְּפִ֖י כִּדְבַ֥שׁ לְמָתֽוֹק׃ פ

‎4 ‏וַיֹּ֖אמֶר אֵלָ֑י בֶּן־אָדָ֗ם לֶךְ־בֹּא֙ אֶל־בֵּ֣ית יִשְׂרָאֵ֔ל וְדִבַּרְתָּ֥ בִדְבָרַ֖י אֲלֵיהֶֽם׃

‎5 ‏כִּ֡י לֹא֩ אֶל־עַ֨ם עִמְקֵ֥י שָׂפָ֛ה וְכִבְדֵ֥י לָשׁ֖וֹן אַתָּ֣ה שָׁל֑וּחַ אֶל־בֵּ֖ית יִשְׂרָאֵֽל׃

‎6 ‏לֹ֣א׀ אֶל־עַמִּ֣ים רַבִּ֗ים עִמְקֵ֤י שָׂפָה֙ וְכִבְדֵ֣י לָשׁ֔וֹן אֲשֶׁ֥ר לֹֽא־תִשְׁמַ֖ע דִּבְרֵיהֶ֑ם אִם־לֹ֤א אֲלֵיהֶם֙ שְׁלַחְתִּ֔יךָ הֵ֖מָּה יִשְׁמְע֥וּ אֵלֶֽיךָ׃

‎7 ‏וּבֵ֣ית יִשְׂרָאֵ֗ל לֹ֤א יֹאבוּ֙ לִשְׁמֹ֣עַ אֵלֶ֔יךָ כִּֽי־אֵינָ֥ם אֹבִ֖ים לִשְׁמֹ֣עַ אֵלָ֑י כִּ֚י כָּל־בֵּ֣ית יִשְׂרָאֵ֔ל חִזְקֵי־מֵ֥צַח וּקְשֵׁי־לֵ֖ב הֵֽמָּה׃

‎8 ‏הִנֵּ֨ה נָתַ֧תִּי אֶת־פָּנֶ֛יךָ חֲזָקִ֖ים לְעֻמַּ֣ת פְּנֵיהֶ֑ם וְאֶֽת־מִצְחֲךָ֥ חָזָ֖ק לְעֻמַּ֥ת מִצְחָֽם׃

‎9 ‏כְּשָׁמִ֛יר חָזָ֥ק מִצֹּ֖ר נָתַ֣תִּי מִצְחֶ֑ךָ לֹֽא־תִירָ֤א אוֹתָם֙ וְלֹא־תֵחַ֣ת מִפְּנֵיהֶ֔ם כִּ֛י בֵּֽית־מְרִ֖י הֵֽמָּה׃ פ

‎10 ‏וַיֹּ֖אמֶר אֵלָ֑י בֶּן־אָדָ֕ם אֶת־כָּל־דְּבָרַי֙ אֲשֶׁ֣ר אֲדַבֵּ֣ר אֵלֶ֔יךָ קַ֥ח בִּֽלְבָבְךָ֖ וּבְאָזְנֶ֥יךָ שְׁמָֽע׃

‎11 ‏וְלֵ֨ךְ בֹּ֤א אֶל־הַגּוֹלָה֙ אֶל־בְּנֵ֣י עַמֶּ֔ךָ וְדִבַּרְתָּ֤ אֲלֵיהֶם֙ וְאָמַרְתָּ֣ אֲלֵיהֶ֔ם כֹּ֥ה אָמַ֖ר אֲדֹנָ֣י יְהוִֹ֑ה אִֽם־יִשְׁמְע֖וּ וְאִם־יֶחְדָּֽלוּ׃

‎12 ‏וַתִּשָּׂאֵ֣נִי ר֔וּחַ וָאֶשְׁמַ֣ע אַחֲרַ֔י ק֖וֹל רַ֣עַשׁ גָּד֑וֹל בָּר֥וּךְ כְּבוֹד־יְהוָ֖ה מִמְּקוֹמֽוֹ׃

‎13 ‏וְק֣וֹל׀ כַּנְפֵ֣י הַחַיּ֗וֹת מַשִּׁיקוֹת֙ אִשָּׁ֣ה אֶל־אֲחוֹתָ֔הּ וְק֥וֹל הָאוֹפַנִּ֖ים לְעֻמָּתָ֑ם וְק֖וֹל רַ֥עַשׁ גָּדֽוֹל׃

‎14 ‏וְר֥וּחַ נְשָׂאַ֖תְנִי וַתִּקָּחֵ֑נִי וָאֵלֵ֥ךְ מַר֙ בַּחֲמַ֣ת רוּחִ֔י וְיַד־יְהוָ֥ה עָלַ֖י חָזָֽקָה׃

‎15 ‏וָאָב֨וֹא אֶל־הַגּוֹלָ֜ה תֵּ֣ל אָ֠בִיב הַיֹּשְׁבִ֤ים אֶֽל־נְהַר־כְּבָר֙ ואשר וָֽאֵשֵׁ֔ב הֵ֖מָּה יוֹשְׁבִ֣ים שָׁ֑ם וָאֵשֵׁ֥ב שָׁ֛ם שִׁבְעַ֥ת יָמִ֖ים מַשְׁמִ֥ים בְּתוֹכָֽם׃

‎16 ‏וַיְהִ֕י מִקְצֵ֖ה שִׁבְעַ֣ת יָמִ֑ים פוַיְהִ֥י דְבַר־יְהוָ֖ה אֵלַ֥י לֵאמֹֽר׃

‎17 ‏בֶּן־אָדָ֕ם צֹפֶ֥ה נְתַתִּ֖יךָ לְבֵ֣ית יִשְׂרָאֵ֑ל וְשָׁמַעְתָּ֤ מִפִּי֙ דָּבָ֔ר וְהִזְהַרְתָּ֥ אוֹתָ֖ם מִמֶּֽנִּי׃

‎18 ‏בְּאָמְרִ֤י לָֽרָשָׁע֙ מ֣וֹת תָּמ֔וּת וְלֹ֣א הִזְהַרְתּ֗וֹ וְלֹ֥א דִבַּ֛רְתָּ לְהַזְהִ֥יר רָשָׁ֛ע מִדַּרְכּ֥וֹ הָרְשָׁעָ֖ה לְחַיֹּת֑וֹ ה֤וּא רָשָׁע֙ בַּעֲוֹנ֣וֹ יָמ֔וּת וְדָמ֖וֹ מִיָּדְךָ֥ אֲבַקֵּֽשׁ׃

‎19 ‏וְאַתָּה֙ כִּֽי־הִזְהַ֣רְתָּ רָשָׁ֔ע וְלֹא־שָׁב֙ מֵֽרִשְׁע֔וֹ וּמִדַּרְכּ֖וֹ הָרְשָׁעָ֑ה ה֚וּא בַּעֲוֹנ֣וֹ יָמ֔וּת וְאַתָּ֖ה אֶֽת־נַפְשְׁךָ֥ הִצַּֽלְתָּ׃ ס

‎20 ‏וּבְשׁ֨וּב צַדִּ֤יק מִצִּדְקוֹ֙ וְעָ֣שָׂה עָ֔וֶל וְנָתַתִּ֥י מִכְשׁ֛וֹל לְפָנָ֖יו ה֣וּא יָמ֑וּת כִּ֣י לֹ֤א הִזְהַרְתּוֹ֙ בְּחַטָּאת֣וֹ יָמ֔וּת וְלֹ֣א תִזָּכַ֗רְןָ צִדְקֹתָו֙^q אֲשֶׁ֣ר עָשָׂ֔ה וְדָמ֖וֹ מִיָּדְךָ֥ אֲבַקֵּֽשׁ׃

‎21 ‏וְאַתָּ֞ה כִּ֧י הִזְהַרְתּ֣וֹ צַדִּ֗יק לְבִלְתִּ֥י חֲטֹ֛א צַדִּ֖יק וְה֣וּא לֹא־חָטָ֑א חָי֤וֹ יִֽחְיֶה֙ כִּ֣י נִזְהָ֔ר וְאַתָּ֖ה אֶֽת־נַפְשְׁךָ֥ הִצַּֽלְתָּ׃ ס

‎22 ‏וַתְּהִ֥י עָלַ֛י שָׁ֖ם יַד־יְהוָ֑ה וַיֹּ֣אמֶר אֵלַ֗י ק֥וּם צֵא֙ אֶל־הַבִּקְעָ֔ה וְשָׁ֖ם אֲדַבֵּ֥ר אוֹתָֽךְ׃

‎23 ‏וָאָקוּם֮ וָאֵצֵ֣א אֶל־הַבִּקְעָה֒ וְהִנֵּה־שָׁ֤ם כְּבוֹד־יְהוָה֙ עֹמֵ֔ד כַּכָּב֕וֹד אֲשֶׁ֥ר רָאִ֖יתִי עַל־נְהַר־כְּבָ֑ר וָאֶפֹּ֖ל עַל־פָּנָֽי׃

‎24 ‏וַתָּבֹא־בִ֣י ר֔וּחַ וַתַּעֲמִדֵ֖נִי עַל־רַגְלָ֑י וַיְדַבֵּ֤ר אֹתִי֙ וַיֹּ֣אמֶר אֵלַ֔י בֹּ֥א הִסָּגֵ֖ר בְּת֥וֹךְ בֵּיתֶֽךָ׃

‎25 ‏וְאַתָּ֣ה בֶן־אָדָ֗ם הִנֵּ֨ה נָתְנ֤וּ עָלֶ֙יךָ֙ עֲבוֹתִ֔ים וַֽאֲסָר֖וּךָ³ בָּהֶ֑ם וְלֹ֥א תֵצֵ֖א בְּתוֹכָֽם׃

‎26 ‏וּלְשֽׁוֹנְךָ֙ אַדְבִּ֣יק אֶל־חִכֶּ֔ךָ וְנֶֽאֱלַ֔מְתָּ וְלֹא־תִֽהְיֶ֥ה לָהֶ֖ם לְאִ֣ישׁ מוֹכִ֑יחַ כִּ֛י בֵּ֥ית מְרִ֖י הֵֽמָּה׃

‎27 ‏וּֽבְדַבְּרִ֤י אֽוֹתְךָ֙ אֶפְתַּ֣ח אֶת־פִּ֔יךָ וְאָמַרְתָּ֣ אֲלֵיהֶ֔ם כֹּ֥ה אָמַ֖ר אֲדֹנָ֣י יְהוִֹ֑ה הַשֹּׁמֵ֤עַ׀ יִשְׁמָע֙ וְהֶחָדֵ֣ל׀ יֶחְדָּ֔ל כִּ֛י בֵּ֥ית מְרִ֖י הֵֽמָּה׃ ס

1 wayyō’mer ’ēlay ben-’āḏām ’ēṯ ’ăšer-timəṣā’ ’ĕḵwōl ’ĕḵwōl ’eṯ-hamməḡillâ hazzō’ṯ wəlēḵə dabēr ’el-bêṯ yiśərā’ēl:

2 wā’efət^aḥ ’eṯ-pî wayya’ăḵilēnî ’ēṯ hamməḡillâ hazzō’ṯ:

3 wayyō’mer ’ēlay ben-’āḏām biṭənəḵā ṯa’ăḵēl ûmē‘eyḵā ṯəmallē’ ’ēṯ hamməḡillâ hazzō’ṯ ’ăšer ’ănî nōṯēn ’ēleyḵā wā’ōḵəlâ watəhî bəfî kiḏəḇaš ləmāṯwōq: f

4 wayyō’mer ’ēlāy ben-’āḏām leḵə-bō’ ’el-bêṯ yiśərā’ēl wəḏibarətā ḇiḏəḇāray ’ălêhem:

5 kî lō’ ’el-‘am ‘iməqê śāfâ wəḵiḇəḏê lāšwōn ’atâ šālûḥa ’el-bêṯ yiśərā’ēl:

6 lō’| ’el-‘ammîm rabîm ‘iməqê śāfâ wəḵiḇəḏê lāšwōn ’ăšer lō’-ṯišəm^a‘ diḇərêhem ’im-lō’ ’ălêhem šəl^aḥətîḵā hēmmâ yišəmə‘û ’ēleyḵā:

7 ûḇêṯ yiśərā’ēl lō’ yō’ḇû lišəmō‘a ’ēleyḵā kî-’ênām ’ōḇîm lišəmō‘a ’ēlāy kî kāl-bêṯ yiśərā’ēl ḥizəqê-mēṣ^aḥ ûqəšê-lēḇ hēmmâ:

8 hinnēh nāṯatî ’eṯ-pāneyḵā ḥăzāqîm lə‘ummaṯ pənêhem wə’eṯ-miṣəḥăḵā ḥāzāq lə‘ummaṯ miṣəḥām:

9 kəšāmîr ḥāzāq miṣṣōr nāṯatî miṣəḥeḵā lō’-ṯîrā’ ’wōṯām wəlō’-ṯēḥaṯ mipənêhem kî bêṯ-mərî hēmmâ: f

10 wayyō’mer ’ēlāy ben-’āḏām ’eṯ-kāl-dəḇāray ’ăšer ’ăḏabēr ’ēleyḵā q^aḥ biləḇāḇəḵā ûḇə’āzəneyḵā šəmā‘:

11 wəlēḵə bō’ ’el-hagwōlâ ’el-bənê ‘ammeḵā wəḏibarətā ’ălêhem wə’āmarətā ’ălêhem kōh ’āmar ’ăḏōnāy yəhwōih ’im-yišəmə‘û wə’im-yeḥədālû:

12 watiśśā’ēnî rûḥa wā’ešəm^a‘ ’^aḥăray qwōl r^a‘aš gāḏwōl bārûḵə kəḇwōḏ-yəhwâ mimməqwōmwō:

13 wəqwōl| kanəfê h^aḥayywōṯ maššîqwōṯ ’iššâ ’el-’ăḥwōṯāh wəqwōl hā’wōfannîm lə‘ummāṯām wəqwōl r^a‘aš gāḏwōl:

14 wərûḥa nəśā’aṯənî watiqqāḥēnî wā’ēlēḵə mar b^aḥămaṯ rûḥî wəyaḏ-yəhwâ ‘ālay ḥāzāqâ:

15 wā’āḇwō’ ’el-hagwōlâ tēl ’āḇîḇ hayyōšəḇîm ’el-nəhar-kəḇār wā’ăšer wā’ēšēḇ hēmmâ ywōšəḇîm šām wā’ēšēḇ šām šiḇə‘aṯ yāmîm mašəmîm bəṯwōḵām:

16 wayəhî miqəṣēh šiḇə‘aṯ yāmîm fwayəhî ḏəḇar-yəhwâ ’ēlay lē’mōr:

17 ben-’āḏām ṣōfeh nəṯatîḵā ləḇêṯ yiśərā’ēl wəšām^a‘ətā mipî dāḇār wəhizəharətā ’wōṯām mimmennî:

18 bə’āmərî lārāšā‘ mwōṯ tāmûṯ wəlō’ hizəharətwō wəlō’ ḏibarətā ləhazəhîr rāšā‘ midarəkwō hārəšā‘â ləḥayyōṯwō hû’ rāšā‘ b^a‘ăwōnwō yāmûṯ wəḏāmwō mîyāḏəḵā ’ăḇaqqēš:

19 wə’atâ kî-hizəharətā rāšā‘ wəlō’-šāḇ mērišə‘wō ûmidarəkwō hārəšā‘â hû’ b^a‘ăwōnwō yāmûṯ wə’atâ ’eṯ-nafəšəḵā hiṣṣalətā: s

20 ûḇəšûḇ ṣadîq miṣṣiḏəqwō wə‘āśâ ‘āwel wənāṯatî miḵəšwōl ləfānāyw hû’ yāmûṯ kî lō’ hizəharətwō bəḥaṭṭā’ṯwō yāmûṯ wəlō’ ṯizzāḵarənā ṣiḏəqōṯāw^q ’ăšer ‘āśâ wəḏāmwō mîyāḏəḵā ’ăḇaqqēš:

21 wə’atâ kî hizəharətwō ṣadîq ləḇilətî ḥăṭō’ ṣadîq wəhû’ lō’-ḥāṭā’ ḥāywō yiḥəyeh kî nizəhār wə’atâ ’eṯ-nafəšəḵā hiṣṣalətā: s

22 watəhî ‘ālay šām yaḏ-yəhwâ wayyō’mer ’ēlay qûm ṣē’ ’el-habiqə‘â wəšām ’ăḏabēr ’wōṯāḵə:

23 wā’āqûm wā’ēṣē’ ’el-habiqə‘â wəhinnēh-šām kəḇwōḏ-yəhwâ ‘ōmēḏ kakāḇwōḏ ’ăšer rā’îṯî ‘al-nəhar-kəḇār wā’epōl ‘al-pānāy:

24 watāḇō’-ḇî rûḥa wat^a‘ămiḏēnî ‘al-raḡəlāy wayəḏabēr ’ōṯî wayyō’mer ’ēlay bō’ hissāḡēr bəṯwōḵə bêṯeḵā:

25 wə’atâ ḇen-’āḏām hinnēh nāṯənû ‘āleyḵā ‘ăḇwōṯîm wa’ăsārûḵā³ bâem wəlō’ ṯēṣē’ bəṯwōḵām:

26 ûləšwōnəḵā ’aḏəbîq ’el-ḥikeḵā wəne’ĕlamətā wəlō’-ṯihəyeh lâem lə’îš mwōḵîḥa kî bêṯ mərî hēmmâ:

27 ûḇəḏabərî ’wōṯəḵā ’efət^aḥ ’eṯ-pîḵā wə’āmarətā ’ălêhem kōh ’āmar ’ăḏōnāy yəhwōih haššōmē‘a| yišəmā‘ wəheḥāḏēl| yeḥədāl kî bêṯ mərî hēmmâ: s