‎1 ‏וַיִּשְׁלַ֨ח יְחִזְקִיָּ֜הוּ עַל־כָּל־יִשְׂרָאֵ֣ל וִֽיהוּדָ֗ה וְגַֽם־אִגְּרוֹת֙ כָּתַב֙ עַל־אֶפְרַ֣יִם וּמְנַשֶּׁ֔ה לָב֥וֹא לְבֵית־יְהוָ֖ה בִּֽירוּשָׁלִָ֑ם לַעֲשׂ֣וֹת פֶּ֔סַח לַיהוָ֖ה אֱלֹהֵ֥י יִשְׂרָאֵֽל׃

‎2 ‏וַיִּוָּעַ֨ץ הַמֶּ֧לֶךְ וְשָׂרָ֛יו וְכָל־הַקָּהָ֖ל בִּירוּשָׁלִָ֑ם לַעֲשׂ֥וֹת הַפֶּ֖סַח בַּחֹ֥דֶשׁ הַשֵּׁנִֽי׃

‎3 ‏כִּ֣י לֹ֧א יָכְל֛וּ לַעֲשֹׂת֖וֹ בָּעֵ֣ת הַהִ֑יא כִּ֤י הַכֹּהֲנִים֙ לֹֽא־הִתְקַדְּשׁ֣וּ לְמַדַּ֔י וְהָעָ֖ם לֹא־נֶאֶסְפ֖וּ לִֽירוּשָׁלִָֽם׃

‎4 ‏וַיִּישַׁ֥ר הַדָּבָ֖ר בְּעֵינֵ֣י הַמֶּ֑לֶךְ וּבְעֵינֵ֖י כָּל־הַקָּהָֽל׃

‎5 ‏וַיַּֽעֲמִ֣ידוּ דָבָ֗ר לְהַעֲבִ֨יר ק֤וֹל בְּכָל־יִשְׂרָאֵל֙ מִבְּאֵֽר־שֶׁ֣בַע וְעַד־דָּ֔ן לָב֞וֹא לַעֲשׂ֥וֹת פֶּ֛סַח לַיהוָ֥ה אֱלֹהֵֽי־יִשְׂרָאֵ֖ל בִּירוּשָׁלִָ֑ם כִּ֣י לֹ֥א לָרֹ֛ב עָשׂ֖וּ כַּכָּתֽוּב׃

‎6 ‏וַיֵּלְכוּ֩ הָרָצִ֨ים בָּֽאִגְּר֜וֹת מִיַּ֧ד הַמֶּ֣לֶךְ וְשָׂרָ֗יו בְּכָל־יִשְׂרָאֵל֙ וִֽיהוּדָ֔ה וּכְמִצְוַ֥ת הַמֶּ֖לֶךְ לֵאמֹ֑ר בְּנֵ֣י יִשְׂרָאֵ֗ל שׁ֤וּבוּ¹ אֶל־יְהוָ֗ה אֱלֹהֵי֙ אַבְרָהָם֙ יִצְחָ֣ק וְיִשְׂרָאֵ֔ל וְיָשֹׁב֙ אֶל־הַפְּלֵיטָ֔ה הַנִּשְׁאֶ֣רֶת לָכֶ֔ם מִכַּ֖ף מַלְכֵ֥י אַשּֽׁוּר׃

‎7 ‏וְאַל־תִּֽהְי֗וּ כַּאֲבֽוֹתֵיכֶם֙ וְכַ֣אֲחֵיכֶ֔ם אֲשֶׁ֣ר מָעֲל֔וּ בַּיהוָ֖ה אֱלֹהֵ֣י אֲבוֹתֵיהֶ֑ם וַיִּתְּנֵ֣ם לְשַׁמָּ֔ה כַּאֲשֶׁ֖ר אַתֶּ֥ם רֹאִֽים׃

‎8 ‏עַתָּ֕ה אַל־תַּקְשׁ֥וּ עָרְפְּכֶ֖ם כַּאֲבוֹתֵיכֶ֑ם תְּנוּ־יָ֣ד לַיהוָ֗ה וּבֹ֤אוּ לְמִקְדָּשׁוֹ֙ אֲשֶׁ֣ר הִקְדִּ֣ישׁ לְעוֹלָ֔ם וְעִבְדוּ֙ אֶת־יְהוָ֣ה אֱלֹהֵיכֶ֔ם וְיָשֹׁ֥ב מִכֶּ֖ם חֲר֥וֹן אַפּֽוֹ׃

‎9 ‏כִּ֣י בְשׁוּבְכֶ֞ם עַל־יְהוָ֗ה אֲחֵיכֶ֨ם וּבְנֵיכֶ֤ם לְרַחֲמִים֙ לִפְנֵ֣י שֽׁוֹבֵיהֶ֔ם וְלָשׁ֖וּב לָאָ֣רֶץ הַזֹּ֑את כִּֽי־חַנּ֤וּן וְרַחוּם֙ יְהוָ֣ה אֱלֹהֵיכֶ֔ם וְלֹא־יָסִ֤יר פָּנִים֙ מִכֶּ֔ם אִם־תָּשׁ֖וּבוּ אֵלָֽיו׃ פ

‎10 ‏וַיִּֽהְי֨וּ הָרָצִ֜ים עֹבְרִ֨ים מֵעִ֧יר׀ לָעִ֛יר בְּאֶֽרֶץ־אֶפְרַ֥יִם וּמְנַשֶּׁ֖ה וְעַד־זְבֻל֑וּן וַיִּֽהְיוּ֙ מַשְׂחִיקִ֣ים עֲלֵיהֶ֔ם וּמַלְעִגִ֖ים בָּֽם׃

‎11 ‏אַךְ־אֲנָשִׁ֛ים מֵאָשֵׁ֥ר וּמְנַשֶּׁ֖ה וּמִזְּבֻל֑וּן נִֽכְנְע֔וּ וַיָּבֹ֖אוּ לִירוּשָׁלִָֽם׃

‎12 ‏גַּ֣ם בִּיהוּדָ֗ה הָֽיְתָה֙ יַ֣ד הָאֱלֹהִ֔ים לָתֵ֥ת לָהֶ֖ם לֵ֣ב אֶחָ֑ד לַעֲשׂ֞וֹת מִצְוַ֥ת הַמֶּ֛לֶךְ וְהַשָּׂרִ֖ים בִּדְבַ֥ר יְהוָֽה׃

‎13 ‏וַיֵּֽאָסְפ֤וּ יְרוּשָׁלִַ֙ם֙ עַם־רָ֔ב לַעֲשׂ֛וֹת אֶת־חַ֥ג הַמַּצּ֖וֹת בַּחֹ֣דֶשׁ הַשֵּׁנִ֑י קָהָ֖ל לָרֹ֥ב מְאֹֽד׃

‎14 ‏וַיָּקֻ֕מוּ וַיָּסִ֙ירוּ֙ אֶת־הַֽמִּזְבְּח֔וֹת אֲשֶׁ֖ר בִּירוּשָׁלִָ֑ם וְאֵ֤ת כָּל־הַֽמְקַטְּרוֹת֙ הֵסִ֔ירוּ וַיַּשְׁלִ֖יכוּ לְנַ֥חַל קִדְרֽוֹן׃

‎15 ‏וַיִּשְׁחֲט֣וּ הַפֶּ֔סַח בְּאַרְבָּעָ֥ה עָשָׂ֖ר לַחֹ֣דֶשׁ הַשֵּׁנִ֑י וְהַכֹּהֲנִ֨ים וְהַלְוִיִּ֤ם נִכְלְמוּ֙ וַיִּֽתְקַדְּשׁ֔וּ וַיָּבִ֥יאוּ עֹל֖וֹת בֵּ֥ית יְהוָֽה׃

‎16 ‏וַיַּֽעַמְד֤וּ עַל־עָמְדָם֙ כְּמִשְׁפָּטָ֔ם כְּתוֹרַ֖ת מֹשֶׁ֣ה אִישׁ־הָאֱלֹהִ֑ים הַכֹּֽהֲנִים֙ זֹרְקִ֣ים אֶת־הַדָּ֔ם מִיַּ֖ד הַלְוִיִּֽם׃

‎17 ‏כִּי־רַבַּ֥ת בַּקָּהָ֖ל אֲשֶׁ֣ר לֹא־הִתְקַדָּ֑שׁוּ וְהַלְוִיִּ֞ם עַל־שְׁחִיטַ֣ת הַפְּסָחִ֗ים לְכֹל֙ לֹ֣א טָה֔וֹר לְהַקְדִּ֖ישׁ לַיהוָֽה׃

‎18 ‏כִּ֣י מַרְבִּ֣ית הָעָ֡ם רַ֠בַּת מֵֽאֶפְרַ֨יִם וּמְנַשֶּׁ֜ה יִשָּׂשכָ֤ר וּזְבֻלוּן֙ לֹ֣א הִטֶּהָ֔רוּ כִּֽי־אָכְל֥וּ אֶת־הַפֶּ֖סַח בְּלֹ֣א כַכָּת֑וּב כִּי֩ הִתְפַּלֵּ֨ל יְחִזְקִיָּ֤הוּ עֲלֵיהֶם֙ לֵאמֹ֔ר יְהוָ֥ה הַטּ֖וֹב יְכַפֵּ֥ר בְּעַֽד׃

‎19 ‏כָּל־לְבָב֣וֹ הֵכִ֔ין לִדְר֛וֹשׁ הָאֱלֹהִ֥ים׀ יְהוָ֖ה אֱלֹהֵ֣י אֲבוֹתָ֑יו וְלֹ֖א כְּטָהֳרַ֥ת הַקֹּֽדֶשׁ׃ ס

‎20 ‏וַיִּשְׁמַ֤ע יְהוָה֙ אֶל־יְחִזְקִיָּ֔הוּ וַיִּרְפָּ֖א אֶת־הָעָֽם׃ ס

‎21 ‏וַיַּעֲשׂ֣וּ בְנֵֽי־יִ֠שְׂרָאֵל הַנִּמְצְאִ֨ים בִּירוּשָׁלִַ֜ם אֶת־חַ֧ג הַמַּצּ֛וֹת שִׁבְעַ֥ת יָמִ֖ים בְּשִׂמְחָ֣ה גְדוֹלָ֑ה וּֽמְהַלְלִ֣ים לַ֠יהוָה י֣וֹם׀ בְּי֞וֹם הַלְוִיִּ֧ם וְהַכֹּהֲנִ֛ים בִּכְלֵי־עֹ֖ז לַיהוָֽה׃ ס

‎22 ‏וַיְדַבֵּ֣ר יְחִזְקִיָּ֗הוּ עַל־לֵב֙ כָּל־הַלְוִיִּ֔ם הַמַּשְׂכִּילִ֥ים שֵֽׂכֶל־ט֖וֹב לַיהוָ֑ה וַיֹּאכְל֤וּ אֶת־הַמּוֹעֵד֙ שִׁבְעַ֣ת הַיָּמִ֔ים מְזַבְּחִים֙ זִבְחֵ֣י שְׁלָמִ֔ים וּמִ֨תְוַדִּ֔ים לַיהוָ֖ה אֱלֹהֵ֥י אֲבוֹתֵיהֶֽם׃ ס

‎23 ‏וַיִּוָּֽעֲצוּ֙ כָּל־הַקָּהָ֔ל לַעֲשׂ֕וֹת שִׁבְעַ֥ת יָמִ֖ים אֲחֵרִ֑ים וַיַּֽעֲשׂ֥וּ שִׁבְעַת־יָמִ֖ים שִׂמְחָֽה׃

‎24 ‏כִּ֣י חִזְקִיָּ֣הוּ מֶֽלֶךְ־יְ֠הוּדָה הֵרִ֨ים לַקָּהָ֜ל אֶ֣לֶף פָּרִים֮ וְשִׁבְעַ֣ת אֲלָפִ֣ים צֹאן֒ סוְהַשָּׂרִ֞ים הֵרִ֤ימוּ לַקָּהָל֙ פָּרִ֣ים אֶ֔לֶף וְצֹ֖אן עֲשֶׂ֣רֶת אֲלָפִ֑ים וַיִּֽתְקַדְּשׁ֥וּ כֹהֲנִ֖ים לָרֹֽב׃

‎25 ‏וַֽיִּשְׂמְח֣וּ׀ כָּל־קְהַ֣ל יְהוּדָ֗ה וְהַכֹּהֲנִים֙ וְהַלְוִיִּ֔ם וְכָל־הַקָּהָ֖ל הַבָּאִ֣ים מִיִּשְׂרָאֵ֑ל וְהַגֵּרִ֗ים הַבָּאִים֙ מֵאֶ֣רֶץ יִשְׂרָאֵ֔ל וְהַיּוֹשְׁבִ֖ים בִּיהוּדָֽה׃

‎26 ‏וַתְּהִ֥י שִׂמְחָֽה־גְדוֹלָ֖ה בִּֽירוּשָׁלִָ֑ם כִּ֠י מִימֵ֞י שְׁלֹמֹ֤ה בֶן־דָּוִיד֙ מֶ֣לֶךְ יִשְׂרָאֵ֔ל לֹ֥א כָזֹ֖את בִּירוּשָׁלִָֽם׃ ס

‎27 ‏וַיָּקֻ֜מוּ הַכֹּהֲנִ֤ים הַלְוִיִּם֙ וַיְבָרֲכ֣וּ אֶת־הָעָ֔ם וַיִּשָּׁמַ֖ע בְּקוֹלָ֑ם וַתָּב֧וֹא תְפִלָּתָ֛ם לִמְע֥וֹן קָדְשׁ֖וֹ לַשָּׁמָֽיִם׃ פ

1 wayyišəl^aḥ yəḥizəqîyâû ‘al-kāl-yiśərā’ēl wîhûḏâ wəḡam-’igərwōṯ kāṯaḇ ‘al-’efərayim ûmənaššeh lāḇwō’ ləḇêṯ-yəhwâ bîrûšālāim l^a‘ăśwōṯ pes^aḥ layhwâ ’ĕlōhê yiśərā’ēl:

2 wayyiûā‘aṣ hammeleḵə wəśārāyw wəḵāl-haqqâāl bîrûšālāim l^a‘ăśwōṯ hapes^aḥ b^aḥōḏeš haššēnî:

3 kî lō’ yāḵəlû l^a‘ăśōṯwō bā‘ēṯ hahî’ kî hakōhănîm lō’-hiṯəqadəšû ləmaday wəhā‘ām lō’-ne’esəfû lîrûšālāim:

4 wayyîšar hadāḇār bə‘ênê hammeleḵə ûḇə‘ênê kāl-haqqâāl:

5 wayy^a‘ămîḏû ḏāḇār ləh^a‘ăḇîr qwōl bəḵāl-yiśərā’ēl mibə’ēr-šeḇ^a‘ wə‘aḏ-dān lāḇwō’ l^a‘ăśwōṯ pes^aḥ layhwâ ’ĕlōhê-yiśərā’ēl bîrûšālāim kî lō’ lārōḇ ‘āśû kakāṯûḇ:

6 wayyēləḵû hārāṣîm bā’igərwōṯ mîyaḏ hammeleḵə wəśārāyw bəḵāl-yiśərā’ēl wîhûḏâ ûḵəmiṣəwaṯ hammeleḵə lē’mōr bənê yiśərā’ēl šûḇû¹ ’el-yəhwâ ’ĕlōhê ’aḇərâām yiṣəḥāq wəyiśərā’ēl wəyāšōḇ ’el-hapəlêṭâ hannišə’ereṯ lāḵem mikaf maləḵê ’aššûr:

7 wə’al-tihəyû ka’ăḇwōṯêḵem wəḵa’ăḥêḵem ’ăšer mā‘ălû bayhwâ ’ĕlōhê ’ăḇwōṯêhem wayyitənēm ləšammâ ka’ăšer ’atem rō’îm:

8 ‘atâ ’al-taqəšû ‘ārəpəḵem ka’ăḇwōṯêḵem tənû-yāḏ layhwâ ûḇō’û ləmiqədāšwō ’ăšer hiqədîš lə‘wōlām wə‘iḇəḏû ’eṯ-yəhwâ ’ĕlōhêḵem wəyāšōḇ mikem ḥărwōn ’apwō:

9 kî ḇəšûḇəḵem ‘al-yəhwâ ’ăḥêḵem ûḇənêḵem lər^aḥămîm lifənê šwōḇêhem wəlāšûḇ lā’āreṣ hazzō’ṯ kî-ḥannûn wər^aḥûm yəhwâ ’ĕlōhêḵem wəlō’-yāsîr pānîm mikem ’im-tāšûḇû ’ēlāyw: f

10 wayyihəyû hārāṣîm ‘ōḇərîm mē‘îr| lā‘îr bə’ereṣ-’efərayim ûmənaššeh wə‘aḏ-zəḇulûn wayyihəyû maśəḥîqîm ‘ălêhem ûmalə‘iḡîm bām:

11 ’aḵə-’ănāšîm mē’āšēr ûmənaššeh ûmizzəḇulûn niḵənə‘û wayyāḇō’û lîrûšālāim:

12 gam bîhûḏâ hāyəṯâ yaḏ hā’ĕlōhîm lāṯēṯ lâem lēḇ ’eḥāḏ l^a‘ăśwōṯ miṣəwaṯ hammeleḵə wəhaśśārîm biḏəḇar yəhwâ:

13 wayyē’āsəfû yərûšālaim ‘am-rāḇ l^a‘ăśwōṯ ’eṯ-ḥaḡ hammaṣṣwōṯ b^aḥōḏeš haššēnî qâāl lārōḇ mə’ōḏ:

14 wayyāqumû wayyāsîrû ’eṯ-hammizəbəḥwōṯ ’ăšer bîrûšālāim wə’ēṯ kāl-haməqaṭṭərwōṯ hēsîrû wayyašəlîḵû lən^aḥal qiḏərwōn:

15 wayyišəḥăṭû hapes^aḥ bə’arəbā‘â ‘āśār l^aḥōḏeš haššēnî wəhakōhănîm wəhaləwîyim niḵələmû wayyiṯəqadəšû wayyāḇî’û ‘ōlwōṯ bêṯ yəhwâ:

16 wayy^a‘aməḏû ‘al-‘āməḏām kəmišəpāṭām kəṯwōraṯ mōšeh ’îš-hā’ĕlōhîm hakōhănîm zōrəqîm ’eṯ-hadām mîyaḏ haləwîyim:

17 kî-rabaṯ baqqâāl ’ăšer lō’-hiṯəqadāšû wəhaləwîyim ‘al-šəḥîṭaṯ hapəsāḥîm ləḵōl lō’ ṭâwōr ləhaqədîš layhwâ:

18 kî marəbîṯ hā‘ām rabaṯ mē’efərayim ûmənaššeh yiśśāsḵār ûzəḇulûn lō’ hiṭṭehārû kî-’āḵəlû ’eṯ-hapes^aḥ bəlō’ ḵakāṯûḇ kî hiṯəpallēl yəḥizəqîyâû ‘ălêhem lē’mōr yəhwâ haṭṭwōḇ yəḵapēr bə‘aḏ:

19 kāl-ləḇāḇwō hēḵîn liḏərwōš hā’ĕlōhîm| yəhwâ ’ĕlōhê ’ăḇwōṯāyw wəlō’ kəṭâŏraṯ haqqōḏeš: s

20 wayyišəm^a‘ yəhwâ ’el-yəḥizəqîyâû wayyirəpā’ ’eṯ-hā‘ām: s

21 wayy^a‘ăśû ḇənê-yiśərā’ēl hanniməṣə’îm bîrûšālaim ’eṯ-ḥaḡ hammaṣṣwōṯ šiḇə‘aṯ yāmîm bəśiməḥâ ḡəḏwōlâ ûməhaləlîm layhwâ ywōm| bəywōm haləwîyim wəhakōhănîm biḵəlê-‘ōz layhwâ: s

22 wayəḏabēr yəḥizəqîyâû ‘al-lēḇ kāl-haləwîyim hammaśəkîlîm śēḵel-ṭwōḇ layhwâ wayyō’ḵəlû ’eṯ-hammwō‘ēḏ šiḇə‘aṯ hayyāmîm məzabəḥîm ziḇəḥê šəlāmîm ûmiṯəwadîm layhwâ ’ĕlōhê ’ăḇwōṯêhem: s

23 wayyiûā‘ăṣû kāl-haqqâāl l^a‘ăśwōṯ šiḇə‘aṯ yāmîm ’ăḥērîm wayy^a‘ăśû šiḇə‘aṯ-yāmîm śiməḥâ:

24 kî ḥizəqîyâû meleḵə-yəhûḏâ hērîm laqqâāl ’elef pārîm wəšiḇə‘aṯ ’ălāfîm ṣō’n swəhaśśārîm hērîmû laqqâāl pārîm ’elef wəṣō’n ‘ăśereṯ ’ălāfîm wayyiṯəqadəšû ḵōhănîm lārōḇ:

25 wayyiśəməḥû| kāl-qəhal yəhûḏâ wəhakōhănîm wəhaləwîyim wəḵāl-haqqâāl habā’îm mîyiśərā’ēl wəhagērîm habā’îm mē’ereṣ yiśərā’ēl wəhayywōšəḇîm bîhûḏâ:

26 watəhî śiməḥâ-ḡəḏwōlâ bîrûšālāim kî mîmê šəlōmōh ḇen-dāwîḏ meleḵə yiśərā’ēl lō’ ḵāzō’ṯ bîrûšālāim: s

27 wayyāqumû hakōhănîm haləwîyim wayəḇārăḵû ’eṯ-hā‘ām wayyiššām^a‘ bəqwōlām watāḇwō’ ṯəfillāṯām limə‘wōn qāḏəšwō laššāmāyim: f