Sacred Texts  Legends & Sagas  Iceland  Index  Previous  Next 

III.

HORAE

IN FESTO TRANSLATIONIS SANCTI MAGNI.

Memoria (1) de translatione Sancti Magni martyris et cum hac oratione.  Oratio.

Sancti Magni martyris tui translationem venerantes te Domine suppliciter, deprecamur, dum tuo in honore solennia ejus colimus, praesens ipsius  aeternum capiamus adjutorium pariter et futurum.  Per Dominum nostrum Jesum Christum.

Antiphona.

Dulce melos in hoc solennio,

Summi Regis contemus Filio,

Hostem vicit cujus suffragio

Martyr Magnus victor sub gladio.

Cujus nobis sit sacra translatio

Contra hostes perpes tuitio.

The Responses to the nine lections at matins form the following hymn, as is pointed out in the Acta Sanct.

Nova mundus resultet gloria

Sancti Magni plaudens victoria.

Qua coelestis exultat curia.

Mali bonos solent pervertere,

Quibus victus primevo tempore

Praedis Magnus coepit insistere.

Magnus praedo mutatur penitus,

De raptore fit pater inclitus,

Agnus redit ad caulam perditus.

Preter carnem in carne vivere,

Studet Magnus divino munere,

Miro poene se domans genere.

Haco Magni terras et praedia

Sibi subdens invasit omnia,

Contra mitem furit insania.

Cessit Magnus furentis odio,

Rex Anglorum quem sumptu regio

Suo digne fovet palatio.

Novi inde regnat perfidia,

Alter Abel fratris invidia

Ruit, victor regnat in gloria.

Plangens ista plaudit Orcadia.

Hostes movet Magni collegium

Propulsare et scelus nefarium,

Sanctus retorquens ferre taedium,

Mavult gratis pati martyrium.

Jesu pie, nos Magni precibus,

Noxae reos absolve nexibus,

Condemnati carnis operibus,

Ne privemur supernis sedibus.

The antiphone form another hymn as follows.

Magnus ex prosapia magna procreatus,

Actum vita moribus major est probatus.

Praedis vacans primitus pravorum instinctu

Ut Paulus convertitur in viae procinctu.

Saulus ecce Paulus fit, praedo fit patronus,

Persecutor factus est plebis pastor bonus.

Vir sanctus in comitem digne sublimatus

Carnem per continuos domat cruciatus.

Justus, pius, humilis, et modestus

Iste suis praefuit exemplis honestus.

Magnus inter caeteros gratia divina

Plenus fulget velut stella matutina.

Vir Sanctus ad propria reversus componit

Cum Hacone perfido, qui fraudem disponit,

Expetit ecclesiam, qua fraude comperta

Ut pararet hostiam se Christo spe certa.

Hostes turbat Comitis mora salutaris,

Hostia dum refici expectat altaris;

Sanctum trahunt, rapiunt, templum irrumpentes,

Sacro plenum pabulo extrahunt amentes.

Haconis presentiae Magnus presentatur,

Sitit agni sanguine lupus fore satur,

Protulit sententiam ut morti tradatur,

Et lictori traditur ut hanc exequatur.

Favus, stillans frangitur mellis dans dulcorem

Mala quaeque fugiunt cujus per odorem.

Surdi, muti, precibus Magni reparantur,

Claudis data sanitas, leprosi mundantur.

Ferro vincti martyris ope relaxantur,

Naufragantes nexibus mortis liberantur.

Fit moestis laetitia, aegris medicina,

Spes firma periculis, salus in ruina.

********************

1.                  "Memoria." Ex Brev. Aberd. Pars hiem., in propr. Sanct., fol. 17, v. Die decima sexta Decembris.