Sacred Texts  Hinduism  Index  Rig Veda Book 3 Index  Previous  Next 

Rig Veda Book 3 Hymn 63

pra me vivikvAnavidan manISAM dhenuM carantIM prayutAmagopAm
sadyashcid yA duduhe bhUri dhAserindrastadagniH panitAro asyAH
indraH su pUSA vRSaNA suhastA divo na prItAH shashayaM duduhre
vishve yadasyAM raNayanta devAH pra vo.atra vasavaH sumnamashyAm
yA jAmayo vRSNa ichanti shaktiM namasyantIrjAnate garbhamasmin
achA putraM dhenavo vAvashAnA mahashcaranti bibhrataM vapUMSi
achA vivakmi rodasI sumeke grAvNo yujAno adhvare manISA
imA u te manave bhUrivArA UrdhvA bhavanti darshatA yajatrAH
yA te jihvA madhumatI sumedhA agne deveSUcyata urUcI
tayeha vishvAnavase yajatrAnA sAdaya pAyayA cA madhUni
yA te agne parvatasyeva dhArAsashcantI pIpayad deva citrA
tAmasmabhyaM pramatiM jAtavedo vaso rAsva sumatiM vishvajanyAm

Next: Hymn 64
Advertisement
Go ad-free for $3/month
Why ads?

Sacred Texts has been free since 1995. USB drive sales and subscriptions don't yet cover what it costs to keep the archive online, and we urgently need more income. Showing ads is the only way to keep every text free for everyone. Subscribers see no ads at all. Go ad-free for $3/month