‎1 ‏וָאָשׁ֕וּב וָאֶשָּׂ֥א עֵינַ֖י וָֽאֶרְאֶ֑ה וְהִנֵּ֖ה מְגִלָּ֥ה עָפָֽה׃

‎2 ‏וַיֹּ֣אמֶר אֵלַ֔י מָ֥ה אַתָּ֖ה רֹאֶ֑ה וָאֹמַ֗ר אֲנִ֤י רֹאֶה֙ מְגִלָּ֣ה עָפָ֔ה אָרְכָּהּ֙ עֶשְׂרִ֣ים בָּֽאַמָּ֔ה וְרָחְבָּ֖הּ עֶ֥שֶׂר בָּאַמָּֽה׃

‎3 ‏וַיֹּ֣אמֶר אֵלַ֔י זֹ֚את הָֽאָלָ֔ה הַיּוֹצֵ֖את עַל־פְּנֵ֣י כָל־הָאָ֑רֶץ כִּ֣י כָל־הַגֹּנֵ֗ב מִזֶּה֙ כָּמ֣וֹהָ נִקָּ֔ה וְכָל־הַנִּ֨שְׁבָּ֔ע מִזֶּ֖ה כָּמ֥וֹהָ נִקָּֽה׃

‎4 ‏הוֹצֵאתִ֗יהָ נְאֻם֙ יְהוָ֣ה צְבָא֔וֹת וּבָ֙אָה֙ אֶל־בֵּ֣ית הַגַּנָּ֔ב וְאֶל־בֵּ֛ית הַנִּשְׁבָּ֥ע בִּשְׁמִ֖י לַשָּׁ֑קֶר וְלָ֙נֶה֙ בְּת֣וֹךְ בֵּית֔וֹ וְכִלַּ֖תּוּ וְאֶת־עֵצָ֥יו וְאֶת־אֲבָנָֽיו׃

‎5 ‏וַיֵּצֵ֕א הַמַּלְאָ֖ךְ הַדֹּבֵ֣ר בִּ֑י וַיֹּ֣אמֶר אֵלַ֔י שָׂ֣א נָ֤א עֵינֶ֙יךָ֙ וּרְאֵ֔ה מָ֖ה הַיּוֹצֵ֥את הַזֹּֽאת׃

‎6 ‏וָאֹמַ֖ר מַה־הִ֑יא וַיֹּ֗אמֶר זֹ֤את הָֽאֵיפָה֙ הַיּוֹצֵ֔את וַיֹּ֕אמֶר זֹ֥את עֵינָ֖ם בְּכָל־הָאָֽרֶץ׃

‎7 ‏וְהִנֵּ֛ה כִּכַּ֥ר עֹפֶ֖רֶת נִשֵּׂ֑את וְזֹאת֙ אִשָּׁ֣ה אַחַ֔ת יוֹשֶׁ֖בֶת בְּת֥וֹךְ הָאֵיפָֽה׃

‎8 ‏וַיֹּ֙אמֶר֙ זֹ֣את הָרִשְׁעָ֔ה וַיַּשְׁלֵ֥ךְ אֹתָ֖הּ אֶל־תּ֣וֹךְ הָֽאֵיפָ֑ה וַיַּשְׁלֵ֛ךְ אֶת־אֶ֥בֶן הָעֹפֶ֖רֶת אֶל־פִּֽיהָ׃ ס

‎9 ‏וָאֶשָּׂ֨א עֵינַ֜י וָאֵ֗רֶא וְהִנֵּה֩ שְׁתַּ֨יִם נָשִׁ֤ים יֽוֹצְאוֹת֙ וְר֣וּחַ בְּכַנְפֵיהֶ֔ם וְלָהֵ֥נָּה כְנָפַ֖יִם כְּכַנְפֵ֣י הַחֲסִידָ֑ה וַתִּשֶּׂ֙אנָה֙ אֶת־הָ֣אֵיפָ֔ה בֵּ֥ין הָאָ֖רֶץ וּבֵ֥ין הַשָּׁמָֽיִם׃

‎10 ‏וָאֹמַ֕ר אֶל־הַמַּלְאָ֖ךְ הַדֹּבֵ֣ר בִּ֑י אָ֛נָה הֵ֥מָּה מֽוֹלִכ֖וֹת אֶת־הָאֵיפָֽה׃

‎11 ‏וַיֹּ֣אמֶר אֵלַ֔י לִבְנֽוֹת־לָ֥הֿ בַ֖יִת בְּאֶ֣רֶץ שִׁנְעָ֑ר וְהוּכַ֛ן וְהֻנִּ֥יחָה שָּׁ֖ם עַל־מְכֻנָתָֽהּ׃ ס

1 wā’āšûḇ wā’eśśā’ ‘ênay wā’erə’eh wəhinnēh məḡillâ ‘āfâ:

2 wayyō’mer ’ēlay mâ ’atâ rō’eh wā’ōmar ’ănî rō’eh məḡillâ ‘āfâ ’ārəkāh ‘eśərîm bā’ammâ wərāḥəbāh ‘eśer bā’ammâ:

3 wayyō’mer ’ēlay zō’ṯ hā’ālâ hayywōṣē’ṯ ‘al-pənê ḵāl-hā’āreṣ kî ḵāl-hagōnēḇ mizzeh kāmwōhā niqqâ wəḵāl-hannišəbā‘ mizzeh kāmwōhā niqqâ:

4 hwōṣē’ṯîhā nə’um yəhwâ ṣəḇā’wōṯ ûḇā’â ’el-bêṯ hagannāḇ wə’el-bêṯ hannišəbā‘ bišəmî laššāqer wəlāneh bəṯwōḵə bêṯwō wəḵillatû wə’eṯ-‘ēṣāyw wə’eṯ-’ăḇānāyw:

5 wayyēṣē’ hammalə’āḵə hadōḇēr bî wayyō’mer ’ēlay śā’ nā’ ‘êneyḵā ûrə’ēh mâ hayywōṣē’ṯ hazzō’ṯ:

6 wā’ōmar mah-hî’ wayyō’mer zō’ṯ hā’êfâ hayywōṣē’ṯ wayyō’mer zō’ṯ ‘ênām bəḵāl-hā’āreṣ:

7 wəhinnēh kikar ‘ōfereṯ niśśē’ṯ wəzō’ṯ ’iššâ ’^aḥaṯ ywōšeḇeṯ bəṯwōḵə hā’êfâ:

8 wayyō’mer zō’ṯ hārišə‘â wayyašəlēḵə ’ōṯāh ’el-twōḵə hā’êfâ wayyašəlēḵə ’eṯ-’eḇen hā‘ōfereṯ ’el-pîhā: s

9 wā’eśśā’ ‘ênay wā’ēre’ wəhinnēh šətayim nāšîm ywōṣə’wōṯ wərûḥa bəḵanəfêhem wəlâēnnâ ḵənāfayim kəḵanəfê h^aḥăsîḏâ watiśśe’nâ ’eṯ-hā’êfâ bên hā’āreṣ ûḇên haššāmāyim:

10 wā’ōmar ’el-hammalə’āḵə hadōḇēr bî ’ānâ hēmmâ mwōliḵwōṯ ’eṯ-hā’êfâ:

11 wayyō’mer ’ēlay liḇənwōṯ-lâ ḇayiṯ bə’ereṣ šinə‘ār wəhûḵan wəhunnîḥâ ššām ‘al-məḵunāṯāh: s