‎1 ‏וַיֵּשְׁב֥וּ שָׂרֵֽי־הָעָ֖ם בִּירוּשָׁלִָ֑ם וּשְׁאָ֣ר הָ֠עָם הִפִּ֨ילוּ גוֹרָל֜וֹת לְהָבִ֣יא׀ אֶחָ֣ד מִן־הָעֲשָׂרָ֗ה לָשֶׁ֙בֶת֙ בִּֽירוּשָׁלִַ֙ם֙ עִ֣יר הַקֹּ֔דֶשׁ וְתֵ֥שַׁע הַיָּד֖וֹת בֶּעָרִֽים׃

‎2 ‏וַֽיְבָרֲכ֖וּ הָעָ֑ם לְכֹל֙ הָֽאֲנָשִׁ֔ים הַמִּֽתְנַדְּבִ֔ים לָשֶׁ֖בֶת בִּירוּשָׁלִָֽם׃ פ

‎3 ‏וְאֵ֙לֶּה֙ רָאשֵׁ֣י הַמְּדִינָ֔ה אֲשֶׁ֥ר יָשְׁב֖וּ בִּירוּשָׁלִָ֑ם וּבְעָרֵ֣י יְהוּדָ֗ה יָֽשְׁב֞וּ אִ֤ישׁ בַּאֲחֻזָּתוֹ֙ בְּעָ֣רֵיהֶ֔ם יִשְׂרָאֵ֤ל הַכֹּהֲנִים֙ וְהַלְוִיִּ֣ם וְהַנְּתִינִ֔ים וּבְנֵ֖י עַבְדֵ֥י שְׁלֹמֹֽה׃

‎4 ‏וּבִֽירוּשָׁלִַ֙ם֙ יָֽשְׁב֔וּ מִבְּנֵ֥י יְהוּדָ֖ה וּמִבְּנֵ֣י בִנְיָמִ֑ן מִבְּנֵ֣י יְ֠הוּדָה עֲתָיָ֨ה בֶן־עֻזִּיָּ֜ה בֶּן־זְכַרְיָ֧ה בֶן־אֲמַרְיָ֛ה בֶּן־שְׁפַטְיָ֥ה בֶן־מַהֲלַלְאֵ֖ל מִבְּנֵי־פָֽרֶץ׃

‎5 ‏וּמַעֲשֵׂיָ֣ה בֶן־בָּר֣וּךְ בֶּן־כָּל־חֹ֠זֶה בֶּן־חֲזָיָ֨ה בֶן־עֲדָיָ֧ה בֶן־יוֹיָרִ֛יב בֶּן־זְכַרְיָ֖ה בֶּן־הַשִּׁלֹנִֽי׃³

‎6 ‏כָּל־בְּנֵי־פֶ֕רֶץ הַיֹּשְׁבִ֖ים בִּירוּשָׁלִָ֑ם אַרְבַּ֥ע מֵא֛וֹת שִׁשִּׁ֥ים וּשְׁמֹנָ֖ה אַנְשֵׁי־חָֽיִל׃ ס

‎7 ‏וְאֵ֖לֶּה בְּנֵ֣י בִנְיָמִ֑ן סַלֻּ֡א בֶּן־מְשֻׁלָּ֡ם בֶּן־יוֹעֵ֡ד בֶּן־פְּדָיָה֩ בֶן־ק֨וֹלָיָ֧ה בֶן־מַעֲשֵׂיָ֛ה בֶּן־אִֽיתִיאֵ֖ל בֶּן־יְשַֽׁעְיָֽה׃

‎8 ‏וְאַחֲרָ֖יו גַּבַּ֣י סַלָּ֑י תְּשַׁ֥ע מֵא֖וֹת עֶשְׂרִ֥ים וּשְׁמֹנָֽה׃

‎9 ‏וְיוֹאֵ֥ל בֶּן־זִכְרִ֖י פָּקִ֣יד עֲלֵיהֶ֑ם וִיהוּדָ֧ה בֶן־הַסְּנוּאָ֛ה עַל־הָעִ֖יר מִשְׁנֶֽה׃ פ

‎10 ‏מִן־הַֽכֹּהֲנִ֑ים יְדַֽעְיָ֥ה בֶן־יוֹיָרִ֖יב יָכִֽין׃

‎11 ‏שְׂרָיָ֨ה בֶן־חִלְקִיָּ֜ה בֶּן־מְשֻׁלָּ֣ם בֶּן־צָד֗וֹק בֶּן־מְרָיוֹת֙ בֶּן־אֲחִיט֔וּב נְגִ֖ד בֵּ֥ית הָאֱלֹהִֽים׃

‎12 ‏וַאֲחֵיהֶ֗ם עֹשֵׂ֤י הַמְּלָאכָה֙ לַבַּ֔יִת שְׁמֹנֶ֥ה מֵא֖וֹת עֶשְׂרִ֣ים וּשְׁנָ֑יִם וַ֠עֲדָיָה בֶּן־יְרֹחָ֤ם בֶּן־פְּלַלְיָה֙ בֶּן־אַמְצִ֣י בֶן־זְכַרְיָ֔ה בֶּן־פַּשְׁח֖וּר בֶּן־מַלְכִּיָּֽה׃

‎13 ‏וְאֶחָיו֙ רָאשִׁ֣ים לְאָב֔וֹת מָאתַ֖יִם אַרְבָּעִ֣ים וּשְׁנָ֑יִם וַעֲמַשְׁסַ֧י בֶּן־עֲזַרְאֵ֛ל בֶּן־אַחְזַ֥י בֶּן־מְשִׁלֵּמ֖וֹת בֶּן־אִמֵּֽר׃

‎14 ‏וַאֲחֵיהֶם֙ גִּבּ֣וֹרֵי חַ֔יִל מֵאָ֖ה עֶשְׂרִ֣ים וּשְׁמֹנָ֑ה וּפָקִ֣יד עֲלֵיהֶ֔ם זַבְדִּיאֵ֖ל בֶּן־הַגְּדוֹלִֽים׃ ס

‎15 ‏וּמִֽן־הַלְוִיִּ֑ם שְׁמַעְיָ֧ה בֶן־חַשּׁ֛וּב בֶּן־עַזְרִיקָ֥ם בֶּן־חֲשַׁבְיָ֖ה בֶּן־בּוּנִּֽי׃

‎16 ‏וְשַׁבְּתַ֨י וְיוֹזָבָ֜ד עַל־הַמְּלָאכָ֤ה הַחִֽיצֹנָה֙ לְבֵ֣ית הָאֱלֹהִ֔ים מֵרָאשֵׁ֖י הַלְוִיִּֽם׃

‎17 ‏וּמַתַּנְיָ֣ה בֶן־מִ֠יכָה בֶּן־זַבְדִּ֨י בֶן־אָסָ֜ף רֹ֗אשׁ הַתְּחִלָּה֙ יְהוֹדֶ֣ה לַתְּפִלָּ֔ה וּבַקְבֻּקְיָ֖ה מִשְׁנֶ֣ה מֵאֶחָ֑יו וְעַבְדָּא֙ בֶּן־שַׁמּ֔וּעַ בֶּן־גָּלָ֖ל בֶּן־ידיתון יְדוּתֽוּן׃

‎18 ‏כָּל־הַלְוִיִּם֙ בְּעִ֣יר הַקֹּ֔דֶשׁ מָאתַ֖יִם שְׁמֹנִ֥ים וְאַרְבָּעָֽה׃ פ

‎19 ‏וְהַשּֽׁוֹעֲרִים֙ עַקּ֣וּב טַלְמ֔וֹן וַאֲחֵיהֶ֖ם הַשֹּׁמְרִ֣ים בַּשְּׁעָרִ֑ים מֵאָ֖ה שִׁבְעִ֥ים וּשְׁנָֽיִם׃

‎20 ‏וּשְׁאָ֨ר יִשְׂרָאֵ֜ל הַכֹּהֲנִ֤ים הַלְוִיִּם֙ בְּכָל־עָרֵ֣י יְהוּדָ֔ה אִ֖ישׁ בְּנַחֲלָתֽוֹ׃

‎21 ‏וְהַנְּתִינִ֖ים יֹשְׁבִ֣ים בָּעֹ֑פֶל וְצִיחָ֥א וְגִשְׁפָּ֖א עַל־הַנְּתִינִֽים׃ פ

‎22 ‏וּפְקִ֤יד הַלְוִיִּם֙ בִּיר֣וּשָׁלִַ֔ם עֻזִּ֤י בֶן־בָּנִי֙ בֶּן־חֲשַׁבְיָ֔ה בֶּן־מַתַּנְיָ֖ה בֶּן־מִיכָ֑א מִבְּנֵ֤י אָסָף֙ הַמְשֹׁ֣רְרִ֔ים לְנֶ֖גֶד מְלֶ֥אכֶת בֵּית־הָאֱלֹהִֽים׃

‎23 ‏כִּֽי־מִצְוַ֥ת הַמֶּ֖לֶךְ עֲלֵיהֶ֑ם וַאֲמָנָ֥ה עַל־הַמְשֹׁרְרִ֖ים דְּבַר־י֥וֹם בְּיוֹמֽוֹ׃

‎24 ‏וּפְתַֽחְיָ֨ה בֶּן־מְשֵֽׁיזַבְאֵ֜ל מִבְּנֵי־זֶ֤רַח בֶּן־יְהוּדָה֙ לְיַ֣ד הַמֶּ֔לֶךְ לְכָל־דָּבָ֖ר לָעָֽם׃

‎25 ‏וְאֶל־הַחֲצֵרִ֖ים בִּשְׂדֹתָ֑ם מִבְּנֵ֣י יְהוּדָ֗ה יָֽשְׁב֞וּ בְּקִרְיַ֤ת הָֽאַרְבַּע֙ וּבְנֹתֶ֔יהָ וּבְדִיבֹן֙ וּבְנֹתֶ֔יהָ וּבִֽיקַּבְצְאֵ֖ל וַחֲצֵרֶֽיהָ׃

‎26 ‏וּבְיֵשׁ֥וּעַ וּבְמוֹלָדָ֖ה וּבְבֵ֥ית פָּֽלֶט׃

‎27 ‏וּבַחֲצַ֥ר שׁוּעָ֛ל וּבִבְאֵ֥ר שֶׁ֖בַע וּבְנֹתֶֽיהָ׃

‎28 ‏וּבְצִֽקְלַ֥ג וּבִמְכֹנָ֖ה וּבִבְנֹתֶֽיהָ׃

‎29 ‏וּבְעֵ֥ין רִמּ֛וֹן וּבְצָרְעָ֖ה וּבְיַרְמֽוּת׃

‎30 ‏זָנֹ֤חַ עֲדֻלָּם֙ וְחַצְרֵיהֶ֔ם לָכִישׁ֙ וּשְׂדֹתֶ֔יהָ עֲזֵקָ֖ה וּבְנֹתֶ֑יהָ וַיַּחֲנ֥וּ מִבְּאֵֽר־שֶׁ֖בַע עַד־גֵּֽיא־הִנֹּֽם׃

‎31 ‏וּבְנֵ֥י בִנְיָמִ֖ן מִגָּ֑בַע מִכְמָ֣שׂ וְעַיָּ֔ה וּבֵֽית־אֵ֖ל וּבְנֹתֶֽיהָ׃

‎32 ‏עֲנָת֥וֹת נֹ֖ב עֲנָֽנְיָֽה׃

‎33 ‏חָצ֥וֹר׀ רָמָ֖ה גִּתָּֽיִם׃

‎34 ‏חָדִ֥יד צְבֹעִ֖ים נְבַלָּֽט׃

‎35 ‏לֹ֥ד וְאוֹנ֖וֹ גֵּ֥י הַחֲרָשִֽׁים׃

‎36 ‏וּמִן־הַלְוִיִּ֔ם מַחְלְק֥וֹת יְהוּדָ֖ה לְבִנְיָמִֽין׃ פ

1 wayyēšəḇû śārê-hā‘ām bîrûšālāim ûšə’ār hā‘ām hipîlû ḡwōrālwōṯ ləhāḇî’| ’eḥāḏ min-hā‘ăśārâ lāšeḇeṯ bîrûšālaim ‘îr haqqōḏeš wəṯēš^a‘ hayyāḏwōṯ be‘ārîm:

2 wayəḇārăḵû hā‘ām ləḵōl hā’ănāšîm hammiṯənadəḇîm lāšeḇeṯ bîrûšālāim: f

3 wə’ēlleh rā’šê hamməḏînâ ’ăšer yāšəḇû bîrûšālāim ûḇə‘ārê yəhûḏâ yāšəḇû ’îš ba’ăḥuzzāṯwō bə‘ārêhem yiśərā’ēl hakōhănîm wəhaləwîyim wəhannəṯînîm ûḇənê ‘aḇəḏê šəlōmōh:

4 ûḇîrûšālaim yāšəḇû mibənê yəhûḏâ ûmibənê ḇinəyāmin mibənê yəhûḏâ ‘ăṯāyâ ḇen-‘uzzîyâ ben-zəḵarəyâ ḇen-’ămarəyâ ben-šəfaṭəyâ ḇen-mahălalə’ēl mibənê-fāreṣ:

5 ûm^a‘ăśêâ ḇen-bārûḵə ben-kāl-ḥōzeh ben-ḥăzāyâ ḇen-‘ăḏāyâ ḇen-ywōyārîḇ ben-zəḵarəyâ ben-haššilōnî:³

6 kāl-bənê-fereṣ hayyōšəḇîm bîrûšālāim ’arəb^a‘ mē’wōṯ šiššîm ûšəmōnâ ’anəšê-ḥāyil: s

7 wə’ēlleh bənê ḇinəyāmin sallu’ ben-məšullām ben-ywō‘ēḏ ben-pəḏāyâ ḇen-qwōlāyâ ḇen-m^a‘ăśêâ ben-’îṯî’ēl ben-yəš^a‘əyâ:

8 wə’^aḥărāyw gabay sallāy təš^a‘ mē’wōṯ ‘eśərîm ûšəmōnâ:

9 wəywō’ēl ben-ziḵərî pāqîḏ ‘ălêhem wîhûḏâ ḇen-hassənû’â ‘al-hā‘îr mišəneh: f

10 min-hakōhănîm yəḏ^a‘əyâ ḇen-ywōyārîḇ yāḵîn:

11 śərāyâ ḇen-ḥiləqîyâ ben-məšullām ben-ṣāḏwōq ben-mərāywōṯ ben-’ăḥîṭûḇ nəḡiḏ bêṯ hā’ĕlōhîm:

12 wa’ăḥêhem ‘ōśê hamməlā’ḵâ labayiṯ šəmōneh mē’wōṯ ‘eśərîm ûšənāyim w^a‘ăḏāyâ ben-yərōḥām ben-pəlaləyâ ben-’aməṣî ḇen-zəḵarəyâ ben-pašəḥûr ben-maləkîyâ:

13 wə’eḥāyw rā’šîm lə’āḇwōṯ mā’ṯayim ’arəbā‘îm ûšənāyim w^a‘ămašəsay ben-‘ăzarə’ēl ben-’^aḥəzay ben-məšillēmwōṯ ben-’immēr:

14 wa’ăḥêhem gibwōrê ḥayil mē’â ‘eśərîm ûšəmōnâ ûfāqîḏ ‘ălêhem zaḇədî’ēl ben-hagəḏwōlîm: s

15 ûmin-haləwîyim šəm^a‘əyâ ḇen-ḥaššûḇ ben-‘azərîqām ben-ḥăšaḇəyâ ben-bûnnî:

16 wəšabəṯay wəywōzāḇāḏ ‘al-hamməlā’ḵâ h^aḥîṣōnâ ləḇêṯ hā’ĕlōhîm mērā’šê haləwîyim:

17 ûmatanəyâ ḇen-mîḵâ ben-zaḇədî ḇen-’āsāf rō’š hatəḥillâ yəhwōḏeh latəfillâ ûḇaqəbuqəyâ mišəneh mē’eḥāyw wə‘aḇədā’ ben-šammû‘a ben-gālāl ben-yəḏîṯûn yəḏûṯûn:

18 kāl-haləwîyim bə‘îr haqqōḏeš mā’ṯayim šəmōnîm wə’arəbā‘â: f

19 wəhaššwō‘ărîm ‘aqqûḇ ṭaləmwōn wa’ăḥêhem haššōmərîm baššə‘ārîm mē’â šiḇə‘îm ûšənāyim:

20 ûšə’ār yiśərā’ēl hakōhănîm haləwîyim bəḵāl-‘ārê yəhûḏâ ’îš bən^aḥălāṯwō:

21 wəhannəṯînîm yōšəḇîm bā‘ōfel wəṣîḥā’ wəḡišəpā’ ‘al-hannəṯînîm: f

22 ûfəqîḏ haləwîyim bîrûšālaim ‘uzzî ḇen-bānî ben-ḥăšaḇəyâ ben-matanəyâ ben-mîḵā’ mibənê ’āsāf haməšōrərîm ləneḡeḏ məle’ḵeṯ bêṯ-hā’ĕlōhîm:

23 kî-miṣəwaṯ hammeleḵə ‘ălêhem wa’ămānâ ‘al-haməšōrərîm dəḇar-ywōm bəywōmwō:

24 ûfəṯ^aḥəyâ ben-məšêzaḇə’ēl mibənê-zer^aḥ ben-yəhûḏâ ləyaḏ hammeleḵə ləḵāl-dāḇār lā‘ām:

25 wə’el-h^aḥăṣērîm biśəḏōṯām mibənê yəhûḏâ yāšəḇû bəqirəyaṯ hā’arəb^a‘ ûḇənōṯeyhā ûḇəḏîḇōn ûḇənōṯeyhā ûḇîqqaḇəṣə’ēl w^aḥăṣēreyhā:

26 ûḇəyēšû‘a ûḇəmwōlāḏâ ûḇəḇêṯ pāleṭ:

27 ûḇ^aḥăṣar šû‘āl ûḇiḇə’ēr šeḇ^a‘ ûḇənōṯeyhā:

28 ûḇəṣiqəlaḡ ûḇiməḵōnâ ûḇiḇənōṯeyhā:

29 ûḇə‘ên rimmwōn ûḇəṣārə‘â ûḇəyarəmûṯ:

30 zānōḥa ‘ăḏullām wəḥaṣərêhem lāḵîš ûśəḏōṯeyhā ‘ăzēqâ ûḇənōṯeyhā wayy^aḥănû mibə’ēr-šeḇ^a‘ ‘aḏ-gê’-hinnōm:

31 ûḇənê ḇinəyāmin migāḇ^a‘ miḵəmāś wə‘ayyâ ûḇêṯ-’ēl ûḇənōṯeyhā:

32 ‘ănāṯwōṯ nōḇ ‘ănānəyâ:

33 ḥāṣwōr| rāmâ gitāyim:

34 ḥāḏîḏ ṣəḇō‘îm nəḇallāṭ:

35 lōḏ wə’wōnwō gê h^aḥărāšîm:

36 ûmin-haləwîyim m^aḥələqwōṯ yəhûḏâ ləḇinəyāmîn: f