Sacred Texts  Bible  Index 
Polyglot  KJV  Vul 

Ezra Index
  Previous  Next 

Tanach (Hebrew): Ezra Chapter 8

1 ‏וְאֵ֛לֶּה רָאשֵׁ֥י אֲבֹתֵיהֶ֖ם וְהִתְיַחְשָׂ֑ם הָעֹלִ֣ים עִמִּ֗י בְּמַלְכ֛וּת אַרְתַּחְשַׁ֥סְתְּא הַמֶּ֖לֶךְ מִבָּבֶֽל׃ ס

2 ‏מִבְּנֵ֤י פִֽינְחָס֙ גֵּֽרְשֹׁ֔ם סמִבְּנֵ֥י אִיתָמָ֖ר דָּנִיֵּ֑אל סמִבְּנֵ֥י דָוִ֖יד חַטּֽוּשׁ׃ ס

3 ‏מִבְּנֵ֣י שְׁכַנְיָ֔ה סמִבְּנֵ֥י פַרְעֹ֖שׁ זְכַרְיָ֑ה וְעִמּ֛וֹ הִתְיַחֵ֥שׂ לִזְכָרִ֖ים מֵאָ֥ה וַחֲמִשִּֽׁים׃ ס

4 ‏מִבְּנֵי֙ פַּחַ֣ת מוֹאָ֔ב אֶלְיְהֽוֹעֵינַ֖י בֶּן־זְרַֽחְיָ֑ה וְעִמּ֖וֹ מָאתַ֥יִם הַזְּכָרִֽים׃ ס

5 ‏מִבְּנֵ֥י שְׁכַנְיָ֖ה בֶּן־יַחֲזִיאֵ֑ל וְעִמּ֕וֹ שְׁלֹ֥שׁ מֵא֖וֹת הַזְּכָרִֽים׃ ס

6 ‏וּמִבְּנֵ֣י עָדִ֔ין עֶ֖בֶד בֶּן־יוֹנָתָ֑ן וְעִמּ֖וֹ חֲמִשִּׁ֥ים הַזְּכָרִֽים׃ ס

7 ‏וּמִבְּנֵ֣י עֵילָ֔ם יְשַֽׁעְיָ֖ה בֶּן־עֲתַלְיָ֑ה וְעִמּ֖וֹ שִׁבְעִ֥ים הַזְּכָרִֽים׃ ס

8 ‏וּמִבְּנֵ֣י שְׁפַטְיָ֔ה זְבַדְיָ֖ה בֶּן־מִֽיכָאֵ֑ל וְעִמּ֖וֹ שְׁמֹנִ֥ים הַזְּכָרִֽים׃ ס

9 ‏מִבְּנֵ֣י יוֹאָ֔ב עֹבַדְיָ֖ה בֶּן־יְחִיאֵ֑ל וְעִמּ֕וֹ מָאתַ֛יִם וּשְׁמֹנָ֥ה עָשָׂ֖ר הַזְּכָרִֽים׃ ס

10 ‏וּמִבְּנֵ֥י שְׁלוֹמִ֖ית בֶּן־יוֹסִפְיָ֑ה וְעִמּ֕וֹ מֵאָ֥ה וְשִׁשִּׁ֖ים הַזְּכָרִֽים׃ ס

11 ‏וּמִבְּנֵ֣י בֵבַ֔י זְכַרְיָ֖ה בֶּן־בֵּבָ֑י וְעִמּ֕וֹ עֶשְׂרִ֥ים וּשְׁמֹנָ֖ה הַזְּכָרִֽים׃ ס

12 ‏וּמִבְּנֵ֣י עַזְגָּ֔ד יוֹחָנָ֖ן בֶּן־הַקָּטָ֑ן וְעִמּ֕וֹ מֵאָ֥ה וַעֲשָׂרָ֖ה הַזְּכָרִֽים׃ ס

13 ‏וּמִבְּנֵ֣י אֲדֹנִיקָם֮ אַחֲרֹנִים֒ וְאֵ֣לֶּה שְׁמוֹתָ֔ם אֱלִיפֶ֖לֶט יְעִיאֵ֣ל וּֽשְׁמַעְיָ֑ה וְעִמָּהֶ֖ם שִׁשִּׁ֥ים הַזְּכָרִֽים׃ ס

14 ‏וּמִבְּנֵ֥י בִגְוַ֖י עוּתַ֣י וזבוד וְזַכּ֑וּר וְעִמּ֖וֹ שִׁבְעִ֥ים הַזְּכָרִֽים׃ פ

15 ‏וָֽאֶקְבְּצֵ֗ם אֶל־הַנָּהָר֙ הַבָּ֣א אֶֽל־אַהֲוָ֔א וַנַּחֲנֶ֥ה שָׁ֖ם יָמִ֣ים שְׁלֹשָׁ֑ה וָאָבִ֤ינָה בָעָם֙ וּבַכֹּ֣הֲנִ֔ים וּמִבְּנֵ֥י לֵוִ֖י לֹא־מָצָ֥אתִי שָֽׁם׃

16 ‏וָאֶשְׁלְחָ֡ה לֶאֱלִיעֶ֡זֶר לַאֲרִיאֵ֡ל לִֽ֠שְׁמַעְיָה וּלְאֶלְנָתָ֨ן וּלְיָרִ֜יב וּלְאֶלְנָתָ֧ן וּלְנָתָ֛ן וְלִזְכַרְיָ֥ה וְלִמְשֻׁלָּ֖ם רָאשִׁ֑ים וּלְיוֹיָרִ֥יב וּלְאֶלְנָתָ֖ן מְבִינִֽים׃3

17 ‏ואוצאה וָאֲצַוֶּ֤ה3 אוֹתָם֙ עַל־אִדּ֣וֹ הָרֹ֔אשׁ בְּכָסִפְיָ֖א הַמָּק֑וֹם וָאָשִׂימָה֩ בְּפִיהֶ֨ם דְּבָרִ֜ים לְ֠דַבֵּר אֶל־אִדּ֨וֹ אָחִ֤יו הנתונים הַנְּתִינִים֙ בְּכָסִפְיָ֣א הַמָּק֔וֹם לְהָֽבִיא־לָ֥נוּ מְשָׁרְתִ֖ים לְבֵ֥ית אֱלֹהֵֽינוּ׃

18 ‏וַיָּבִ֨יאּוּ לָ֜נוּ כְּיַד־אֱלֹהֵ֨ינוּ הַטּוֹבָ֤ה עָלֵ֙ינוּ֙ אִ֣ישׁ שֶׂ֔כֶל מִבְּנֵ֣י מַחְלִ֔י בֶּן־לֵוִ֖י בֶּן־יִשְׂרָאֵ֑ל וְשֵׁרֵֽבְיָ֛ה וּבָנָ֥יו וְאֶחָ֖יו שְׁמֹנָ֥ה עָשָֽׂר׃

19 ‏וְאֶת־חֲשַׁבְיָ֔ה וְאִתּ֥וֹ יְשַֽׁעְיָ֖ה מִבְּנֵ֣י מְרָרִ֑י אֶחָ֥יו וּבְנֵיהֶ֖ם עֶשְׂרִֽים׃ ס

20 ‏וּמִן־הַנְּתִינִ֗ים שֶׁנָּתַ֨ן דָּוִ֤יד וְהַשָּׂרִים֙ לַעֲבֹדַ֣ת הַלְוִיִּ֔ם נְתִינִ֖ים מָאתַ֣יִם וְעֶשְׂרִ֑ים כֻּלָּ֖ם נִקְּב֥וּ בְשֵׁמֽוֹת׃

21 ‏וָאֶקְרָ֨א שָׁ֥ם צוֹם֙ עַל־הַנָּהָ֣ר אַהֲוָ֔א לְהִתְעַנּ֖וֹת לִפְנֵ֣י אֱלֹהֵ֑ינוּ לְבַקֵּ֤שׁ מִמֶּ֙נּוּ֙ דֶּ֣רֶךְ יְשָׁרָ֔ה לָ֥נוּ וּלְטַפֵּ֖נוּ וּלְכָל־רְכוּשֵֽׁנוּ׃

22 ‏כִּ֣י בֹ֗שְׁתִּי לִשְׁא֤וֹל מִן־הַמֶּ֙לֶךְ֙ חַ֣יִל וּפָרָשִׁ֔ים לְעָזְרֵ֥נוּ מֵאוֹיֵ֖ב בַּדָּ֑רֶךְ כִּֽי־אָמַ֨רְנוּ לַמֶּ֜לֶךְ לֵאמֹ֗ר יַד־אֱלֹהֵ֤ינוּ עַל־כָּל־מְבַקְשָׁיו֙ לְטוֹבָ֔ה וְעֻזּ֣וֹ וְאַפּ֔וֹ עַ֖ל כָּל־עֹזְבָֽיו׃

23 ‏וַנָּצ֛וּמָה וַנְּבַקְשָׁ֥ה מֵאֱלֹהֵ֖ינוּ עַל־זֹ֑את וַיֵּעָתֵ֖ר לָֽנוּ׃

24 ‏וָאַבְדִּ֛ילָה מִשָּׂרֵ֥י הַכֹּהֲנִ֖ים שְׁנֵ֣ים עָשָׂ֑ר לְשֵׁרֵֽבְיָ֣ה חֲשַׁבְיָ֔ה וְעִמָּהֶ֥ם מֵאֲחֵיהֶ֖ם עֲשָׂרָֽה׃

25 ‏ואשקולה וָאֶשְׁקֳלָ֣הy לָהֶ֔ם אֶת־הַכֶּ֥סֶף וְאֶת־הַזָּהָ֖ב וְאֶת־הַכֵּלִ֑ים תְּרוּמַ֣ת בֵּית־אֱלֹהֵ֗ינוּ הַהֵרִ֙ימוּ֙ הַמֶּ֙לֶךְ֙ וְיֹעֲצָ֣יו וְשָׂרָ֔יו וְכָל־יִשְׂרָאֵ֖ל הַנִּמְצָאִֽים׃

26 ‏וָאֶשְׁקֲלָ֨ה עַל־יָדָ֜ם כֶּ֗סֶף כִּכָּרִים֙ שֵֽׁשׁ־מֵא֣וֹת וַחֲמִשִּׁ֔ים וּכְלֵי־כֶ֥סֶף מֵאָ֖ה לְכִכָּרִ֑ים זָהָ֖ב מֵאָ֥ה כִכָּֽר׃

27 ‏וּכְפֹרֵ֤י זָהָב֙ עֶשְׂרִ֔ים לַאֲדַרְכֹנִ֖ים אָ֑לֶף וּכְלֵ֨י נְחֹ֜שֶׁת מֻצְהָ֤ב טוֹבָה֙ שְׁנַ֔יִם חֲמוּדֹ֖ת כַּזָּהָֽב׃

28 ‏וָאֹמְרָ֣ה אֲלֵהֶ֗ם אַתֶּ֥ם קֹ֙דֶשׁ֙ לַיהוָ֔ה וְהַכֵּלִ֖ים קֹ֑דֶשׁ וְהַכֶּ֤סֶף וְהַזָּהָב֙ נְדָבָ֔ה לַיהוָ֖ה אֱלֹהֵ֥י אֲבֹתֵיכֶֽם׃

29 ‏שִׁקְד֣וּ וְשִׁמְר֗וּ עַֽד־תִּשְׁקְל֡וּ לִפְנֵי֩ שָׂרֵ֨י הַכֹּהֲנִ֧ים וְהַלְוִיִּ֛ם וְשָׂרֵֽי־הָאָב֥וֹת לְיִשְׂרָאֵ֖ל בִּירוּשָׁלִָ֑ם הַלִּשְׁכ֖וֹת בֵּ֥ית יְהוָֽה׃

30 ‏וְקִבְּלוּ֙ הַכֹּהֲנִ֣ים וְהַלְוִיִּ֔ם מִשְׁקַ֛ל הַכֶּ֥סֶף וְהַזָּהָ֖ב וְהַכֵּלִ֑ים לְהָבִ֥יא לִירוּשָׁלִַ֖ם לְבֵ֥ית אֱלֹהֵֽינוּ׃ פ

31 ‏וַֽנִּסְעָ֞ה מִנְּהַ֣ר אַֽהֲוָ֗א בִּשְׁנֵ֤ים עָשָׂר֙ לַחֹ֣דֶשׁ הָרִאשׁ֔וֹן לָלֶ֖כֶת יְרוּשָׁלִָ֑ם וְיַד־אֱלֹהֵ֙ינוּ֙ הָיְתָ֣ה עָלֵ֔ינוּ וַיַּ֨צִּילֵ֔נוּ מִכַּ֥ף אוֹיֵ֛ב וְאוֹרֵ֖ב עַל־הַדָּֽרֶךְ׃

32 ‏וַנָּב֖וֹא יְרוּשָׁלִָ֑ם וַנֵּ֥שֶׁב שָׁ֖ם יָמִ֥ים שְׁלֹשָֽׁה׃

33 ‏וּבַיּ֣וֹם הָרְבִיעִ֡י נִשְׁקַ֣ל הַכֶּסֶף֩ וְהַזָּהָ֨ב וְהַכֵּלִ֜ים בְּבֵ֣ית אֱלֹהֵ֗ינוּ עַ֠ל יַד־מְרֵמ֤וֹת בֶּן־אֽוּרִיָּה֙ הַכֹּהֵ֔ן וְעִמּ֖וֹ אֶלְעָזָ֣ר בֶּן־פִּֽינְחָ֑ס וְעִמָּהֶ֞ם יוֹזָבָ֧ד בֶּן־יֵשׁ֛וּעַ וְנֽוֹעַדְיָ֥ה בֶן־בִּנּ֖וּי הַלְוִיִּֽם׃

34 ‏בְּמִסְפָּ֥ר בְּמִשְׁקָ֖ל לַכֹּ֑ל וַיִּכָּתֵ֥ב כָּֽל־הַמִּשְׁקָ֖ל בָּעֵ֥ת הַהִֽיא׃ פ

35 ‏הַ֠בָּאִים מֵֽהַשְּׁבִ֨י בְנֵֽי־הַגּוֹלָ֜ה הִקְרִ֥יבוּ עֹל֣וֹת׀ לֵאלֹהֵ֣י יִשְׂרָאֵ֗ל פָּרִ֨ים שְׁנֵים־עָשָׂ֤ר עַל־כָּל־יִשְׂרָאֵל֙ אֵילִ֣ים׀ תִּשְׁעִ֣ים וְשִׁשָּׁ֗ה כְּבָשִׂים֙ שִׁבְעִ֣ים וְשִׁבְעָ֔ה צְפִירֵ֥י חַטָּ֖את שְׁנֵ֣ים עָשָׂ֑ר הַכֹּ֖ל עוֹלָ֥ה לַיהוָֽה׃ פ

36 ‏וַֽיִּתְּנ֣וּ׀ אֶת־דָּתֵ֣י הַמֶּ֗לֶךְ לַאֲחַשְׁדַּרְפְּנֵי֙ הַמֶּ֔לֶךְ וּפַחֲו֖וֹת עֵ֣בֶר הַנָּהָ֑ר וְנִשְּׂא֥וּ אֶת־הָעָ֖ם וְאֶת־בֵּֽית־הָאֱלֹהִֽים׃ ס

1 wə’ēlleh rā’šê ’ăḇōṯêhem wəhiṯəyaḥəśām hā‘ōlîm ‘immî bəmaləḵûṯ ’arətaḥəšasətə’ hammeleḵə mibāḇel: s

2 mibənê fînəḥās gērəšōm smibənê ’îṯāmār dānîyē’l smibənê ḏāwîḏ ḥaṭṭûš: s

3 mibənê šəḵanəyâ smibənê farə‘ōš zəḵarəyâ wə‘immwō hiṯəyaḥēś lizəḵārîm mē’â waḥămiššîm: s

4 mibənê paḥaṯ mwō’āḇ ’eləyəhwō‘ênay ben-zəraḥəyâ wə‘immwō mā’ṯayim hazzəḵārîm: s

5 mibənê šəḵanəyâ ben-yaḥăzî’ēl wə‘immwō šəlōš mē’wōṯ hazzəḵārîm: s

6 ûmibənê ‘āḏîn ‘eḇeḏ ben-ywōnāṯān wə‘immwō ḥămiššîm hazzəḵārîm: s

7 ûmibənê ‘êlām yəša‘əyâ ben-‘ăṯaləyâ wə‘immwō šiḇə‘îm hazzəḵārîm: s

8 ûmibənê šəfaṭəyâ zəḇaḏəyâ ben-mîḵā’ēl wə‘immwō šəmōnîm hazzəḵārîm: s

9 mibənê ywō’āḇ ‘ōḇaḏəyâ ben-yəḥî’ēl wə‘immwō mā’ṯayim ûšəmōnâ ‘āśār hazzəḵārîm: s

10 ûmibənê šəlwōmîṯ ben-ywōsifəyâ wə‘immwō mē’â wəšiššîm hazzəḵārîm: s

11 ûmibənê ḇēḇay zəḵarəyâ ben-bēḇāy wə‘immwō ‘eśərîm ûšəmōnâ hazzəḵārîm: s

12 ûmibənê ‘azəgāḏ ywōḥānān ben-haqqāṭān wə‘immwō mē’â wa‘ăśārâ hazzəḵārîm: s

13 ûmibənê ’ăḏōnîqām ’aḥărōnîm wə’ēlleh šəmwōṯām ’ĕlîfeleṭ yə‘î’ēl ûšəma‘əyâ wə‘immâem šiššîm hazzəḵārîm: s

14 ûmibənê ḇiḡəway ‘ûṯay wəzāḇûḏ wəzakûr wə‘immwō šiḇə‘îm hazzəḵārîm: f

15 wā’eqəbəṣēm ’el-hannâār habā’ ’el-’ahăwā’ wannaḥăneh šām yāmîm šəlōšâ wā’āḇînâ ḇā‘ām ûḇakōhănîm ûmibənê lēwî lō’-māṣā’ṯî šām:

16 wā’ešələḥâ le’ĕlî‘ezer la’ărî’ēl lišəma‘əyâ ûlə’elənāṯān ûləyārîḇ ûlə’elənāṯān ûlənāṯān wəlizəḵarəyâ wəliməšullām rā’šîm ûləywōyārîḇ ûlə’elənāṯān məḇînîm:3

17 wā’wōṣi’â wā’ăṣaûeh3 ’wōṯām ‘al-’idwō hārō’š bəḵāsifəyā’ hammāqwōm wā’āśîmâ bəfîhem dəḇārîm ləḏabēr ’el-’idwō ’āḥîw hannəṯûnîm hannəṯînîm bəḵāsifəyā’ hammāqwōm ləhāḇî’-lānû məšārəṯîm ləḇêṯ ’ĕlōhênû:

18 wayyāḇî’’û lānû kəyaḏ-’ĕlōhênû haṭṭwōḇâ ‘ālênû ’îš śeḵel mibənê maḥəlî ben-lēwî ben-yiśərā’ēl wəšērēḇəyâ ûḇānāyw wə’eḥāyw šəmōnâ ‘āśār:

19 wə’eṯ-ḥăšaḇəyâ wə’itwō yəša‘əyâ mibənê mərārî ’eḥāyw ûḇənêhem ‘eśərîm: s

20 ûmin-hannəṯînîm šennāṯan dāwîḏ wəhaśśārîm la‘ăḇōḏaṯ haləwîyim nəṯînîm mā’ṯayim wə‘eśərîm kullām niqqəḇû ḇəšēmwōṯ:

21 wā’eqərā’ šām ṣwōm ‘al-hannâār ’ahăwā’ ləhiṯə‘annwōṯ lifənê ’ĕlōhênû ləḇaqqēš mimmennû dereḵə yəšārâ lānû ûləṭapēnû ûləḵāl-rəḵûšēnû:

22 kî ḇōšətî lišə’wōl min-hammeleḵə ḥayil ûfārāšîm lə‘āzərēnû mē’wōyēḇ badāreḵə kî-’āmarənû lammeleḵə lē’mōr yaḏ-’ĕlōhênû ‘al-kāl-məḇaqəšāyw ləṭwōḇâ wə‘uzzwō wə’apwō ‘al kāl-‘ōzəḇāyw:

23 wannāṣûmâ wannəḇaqəšâ mē’ĕlōhênû ‘al-zō’ṯ wayyē‘āṯēr lānû:

24 wā’aḇədîlâ miśśārê hakōhănîm šənêm ‘āśār ləšērēḇəyâ ḥăšaḇəyâ wə‘immâem mē’ăḥêhem ‘ăśārâ:

25 wā’ešəqwōlâ wā’ešəqŏlây lâem ’eṯ-hakesef wə’eṯ-hazzâāḇ wə’eṯ-hakēlîm tərûmaṯ bêṯ-’ĕlōhênû hahērîmû hammeleḵə wəyō‘ăṣāyw wəśārāyw wəḵāl-yiśərā’ēl hanniməṣā’îm:

26 wā’ešəqălâ ‘al-yāḏām kesef kikārîm šēš-mē’wōṯ waḥămiššîm ûḵəlê-ḵesef mē’â ləḵikārîm zâāḇ mē’â ḵikār:

27 ûḵəfōrê zâāḇ ‘eśərîm la’ăḏarəḵōnîm ’ālef ûḵəlê nəḥōšeṯ muṣəhāḇ ṭwōḇâ šənayim ḥămûḏōṯ kazzâāḇ:

28 wā’ōmərâ ’ălēhem ’atem qōḏeš layhwâ wəhakēlîm qōḏeš wəhakesef wəhazzâāḇ nəḏāḇâ layhwâ ’ĕlōhê ’ăḇōṯêḵem:

29 šiqəḏû wəšimərû ‘aḏ-tišəqəlû lifənê śārê hakōhănîm wəhaləwîyim wəśārê-hā’āḇwōṯ ləyiśərā’ēl bîrûšālāim hallišəḵwōṯ bêṯ yəhwâ:

30 wəqibəlû hakōhănîm wəhaləwîyim mišəqal hakesef wəhazzâāḇ wəhakēlîm ləhāḇî’ lîrûšālaim ləḇêṯ ’ĕlōhênû: f

31 wannisə‘â minnəhar ’ahăwā’ bišənêm ‘āśār laḥōḏeš hāri’šwōn lāleḵeṯ yərûšālāim wəyaḏ-’ĕlōhênû hāyəṯâ ‘ālênû wayyaṣṣîlēnû mikaf ’wōyēḇ wə’wōrēḇ ‘al-hadāreḵə:

32 wannāḇwō’ yərûšālāim wannēšeḇ šām yāmîm šəlōšâ:

33 ûḇayywōm hārəḇî‘î nišəqal hakesef wəhazzâāḇ wəhakēlîm bəḇêṯ ’ĕlōhênû ‘al yaḏ-mərēmwōṯ ben-’ûrîyâ hakōhēn wə‘immwō ’elə‘āzār ben-pînəḥās wə‘immâem ywōzāḇāḏ ben-yēšû‘a wənwō‘aḏəyâ ḇen-binnûy haləwîyim:

34 bəmisəpār bəmišəqāl lakōl wayyikāṯēḇ kāl-hammišəqāl bā‘ēṯ hahî’: f

35 habā’îm mēhaššəḇî ḇənê-hagwōlâ hiqərîḇû ‘ōlwōṯ| lē’lōhê yiśərā’ēl pārîm šənêm-‘āśār ‘al-kāl-yiśərā’ēl ’êlîm| tišə‘îm wəšiššâ kəḇāśîm šiḇə‘îm wəšiḇə‘â ṣəfîrê ḥaṭṭā’ṯ šənêm ‘āśār hakōl ‘wōlâ layhwâ: f

36 wayyitənû| ’eṯ-dāṯê hammeleḵə la’ăḥašədarəpənê hammeleḵə ûfaḥăwwōṯ ‘ēḇer hannâār wəniśśə’û ’eṯ-hā‘ām wə’eṯ-bêṯ-hā’ĕlōhîm: s


Next: Ezra Chapter 9