Sacred Texts  Bible  Index 
Polyglot  KJV  Sep  Vul 

Ezekiel (Yechezqel) Index
  Previous  Next 

Tanach (Hebrew): Ezekiel (Yechezqel) Chapter 46

1 ‏כֹּֽה־אָמַר֮ אֲדֹנָ֣י יְהוִה֒ שַׁ֜עַר הֶחָצֵ֤ר הַפְּנִימִית֙ הַפֹּנֶ֣ה קָדִ֔ים יִהְיֶ֣ה סָג֔וּר שֵׁ֖שֶׁת יְמֵ֣י הַֽמַּעֲשֶׂ֑ה וּבְי֤וֹם הַשַּׁבָּת֙ יִפָּתֵ֔חַ וּבְי֥וֹם הַחֹ֖דֶשׁ יִפָּתֵֽחַ׃

2 ‏וּבָ֣א הַנָּשִׂ֡יא דֶּרֶךְ֩ אוּלָ֨ם הַשַּׁ֜עַר מִח֗וּץ וְעָמַד֙ עַל־מְזוּזַ֣ת הַשַּׁ֔עַר וְעָשׂ֣וּ הַכֹּהֲנִ֗ים אֶת־עֽוֹלָתוֹ֙ וְאֶת־שְׁלָמָ֔יו וְהִֽשְׁתַּחֲוָ֛ה עַל־מִפְתַּ֥ן הַשַּׁ֖עַר וְיָצָ֑א וְהַשַּׁ֥עַר לֹֽא־יִסָּגֵ֖ר עַד־הָעָֽרֶב׃

3 ‏וְהִשְׁתַּחֲו֣וּ עַם־הָאָ֗רֶץ פֶּ֚תַח הַשַּׁ֣עַר הַה֔וּא בַּשַּׁבָּת֖וֹת וּבֶחֳדָשִׁ֑ים לִפְנֵ֖י יְהוָֽה׃

4 ‏וְהָ֣עֹלָ֔ה אֲשֶׁר־יַקְרִ֥ב הַנָּשִׂ֖יא לַֽיהוָ֑ה בְּי֣וֹם הַשַּׁבָּ֗ת שִׁשָּׁ֧ה כְבָשִׂ֛ים תְּמִימִ֖ם וְאַ֥יִל תָּמִֽים׃

5 ‏וּמִנְחָה֙ אֵיפָ֣ה לָאַ֔יִל וְלַכְּבָשִׂ֥ים מִנְחָ֖ה מַתַּ֣ת יָד֑וֹ וְשֶׁ֖מֶן הִ֥ין לָאֵיפָֽה׃

6 ‏וּבְי֣וֹם הַחֹ֔דֶשׁ פַּ֥ר בֶּן־בָּקָ֖ר תְּמִימִ֑ם וְשֵׁ֧שֶׁת כְּבָשִׂ֛ם וָאַ֖יִל תְּמִימִ֥ם יִהְיֽוּ׃

7 ‏וְאֵיפָ֨ה לַפָּ֜ר וְאֵיפָ֤ה לָאַ֙יִל֙ יַעֲשֶׂ֣ה מִנְחָ֔ה וְלַ֨כְּבָשִׂ֔ים כַּאֲשֶׁ֥ר תַּשִּׂ֖יג יָד֑וֹ וְשֶׁ֖מֶן הִ֥ין לָאֵיפָֽה׃

8 ‏וּבְב֖וֹא הַנָּשִׂ֑יא דֶּ֣רֶךְ אוּלָ֤ם הַשַּׁ֙עַר֙ יָב֔וֹא וּבְדַרְכּ֖וֹ יֵצֵֽא׃

9 ‏וּבְב֨וֹא עַם־הָאָ֜רֶץ לִפְנֵ֣י יְהוָה֮ בַּמּֽוֹעֲדִים֒ הַבָּ֡א דֶּרֶךְ־שַׁ֨עַר צָפ֜וֹן לְהִֽשְׁתַּחֲוֹ֗ת יֵצֵא֙ דֶּרֶךְ־שַׁ֣עַר נֶ֔גֶב וְהַבָּא֙ דֶּרֶךְ־שַׁ֣עַר נֶ֔גֶב יֵצֵ֖א דֶּרֶךְ־שַׁ֣עַר צָפ֑וֹנָה לֹ֣א יָשׁ֗וּב דֶּ֤רֶךְ הַשַּׁ֙עַר֙ אֲשֶׁר־בָּ֣א ב֔וֹ כִּ֥י נִכְח֖וֹ יצאו יֵצֵֽא׃

10 ‏וְֽהַנָּשִׂ֑יא בְּתוֹכָ֤ם בְּבוֹאָם֙ יָב֔וֹא וּבְצֵאתָ֖ם יֵצֵֽאוּ׃

11 ‏וּבַחַגִּ֣ים וּבַמּוֹעֲדִ֗ים תִּהְיֶ֤ה הַמִּנְחָה֙ אֵיפָ֤ה לַפָּר֙ וְאֵיפָ֣ה לָאַ֔יִל וְלַכְּבָשִׂ֖ים מַתַּ֣ת יָד֑וֹ וְשֶׁ֖מֶן הִ֥ין לָאֵיפָֽה׃ ס

12 ‏וְכִֽי־יַעֲשֶׂה֩ הַנָּשִׂ֨יא נְדָבָ֜ה עוֹלָ֣ה אֽוֹ־שְׁלָמִים֮ נְדָבָ֣ה לַֽיהוָה֒ וּפָ֣תַֽח ל֗וֹ אֶת1 הַשַּׁ֙עַר֙ הַפֹּנֶ֣ה קָדִ֔ים וְעָשָׂ֤ה אֶת־עֹֽלָתוֹ֙ וְאֶת־שְׁלָמָ֔יו כַּאֲשֶׁ֥ר יַעֲשֶׂ֖ה בְּי֣וֹם הַשַּׁבָּ֑ת וְיָצָ֛א וְסָגַ֥ר אֶת־הַשַּׁ֖עַר אַחֲרֵ֥י צֵאתֽוֹ׃

13 ‏וְכֶ֨בֶשׂ בֶּן־שְׁנָת֜וֹ תָּמִ֗ים תַּעֲשֶׂ֥ה עוֹלָ֛ה לַיּ֖וֹם לַֽיהוָֹ֑ה בַּבֹּ֥קֶר בַּבֹּ֖קֶר תַּעֲשֶׂ֥ה אֹתֽוֹ׃

14 ‏וּמִנְחָה֩ תַעֲשֶׂ֨ה עָלָ֜יו בַּבֹּ֤קֶר בַּבֹּ֙קֶר֙ שִׁשִּׁ֣ית הָֽאֵיפָ֔ה וְשֶׁ֛מֶן שְׁלִישִׁ֥ית הַהִ֖ין לָרֹ֣ס אֶת־הַסֹּ֑לֶת מִנְחָה֙ לַֽיהוָ֔ה חֻקּ֥וֹת עוֹלָ֖ם תָּמִֽיד׃

15 ‏ועשו יַעֲשׂ֨וּ אֶת־הַכֶּ֧בֶשׂ וְאֶת־הַמִּנְחָ֛ה וְאֶת־הַשֶּׁ֖מֶן בַּבֹּ֣קֶר בַּבֹּ֑קֶר עוֹלַ֖ת תָּמִֽיד׃ פ

16 ‏כֹּה־אָמַ֞ר אֲדֹנָ֣י יְהוִֹ֗ה כִּֽי־יִתֵּ֨ן הַנָּשִׂ֤יא מַתָּנָה֙ לְאִ֣ישׁ מִבָּנָ֔יו נַחֲלָת֥וֹ הִ֖יא לְבָנָ֣יו תִּֽהְיֶ֑ה אֲחֻזָּתָ֥ם הִ֖יא בְּנַחֲלָֽה׃

17 ‏וְכִֽי־יִתֵּ֨ן מַתָּנָ֜ה מִנַּחֲלָת֗וֹ לְאַחַד֙ מֵֽעֲבָדָ֔יו וְהָ֤יְתָה לּוֹ֙ עַד־שְׁנַ֣ת הַדְּר֔וֹר וְשָׁבַ֖ת לַנָּשִׂ֑יא אַ֚ךְ נַחֲלָת֔וֹ בָּנָ֖יו לָהֶ֥ם תִּהְיֶֽה׃

18 ‏וְלֹא־יִקַּ֨ח הַנָּשִׂ֜יא מִנַּחֲלַ֣ת הָעָ֗ם לְהֽוֹנֹתָם֙ מֵאֲחֻזָּתָ֔ם מֵאֲחֻזָּת֖וֹ יַנְחִ֣ל אֶת־בָּנָ֑יו לְמַ֙עַן֙ אֲשֶׁ֣ר לֹֽא־יָפֻ֣צוּ עַמִּ֔י אִ֖ישׁ מֵאֲחֻזָּתֽוֹ׃

19 ‏וַיְבִיאֵ֣נִי בַמָּבוֹא֮ אֲשֶׁ֣ר עַל־כֶּ֣תֶף הַשַּׁעַר֒ אֶל־הַלִּשְׁכ֤וֹת הַקֹּ֙דֶשׁ֙ אֶל־הַכֹּ֣הֲנִ֔ים הַפֹּנ֖וֹת צָפ֑וֹנָה וְהִנֵּה־שָׁ֣ם מָק֔וֹם בירכתם בַּיַּרְכָתַ֖יִם יָֽמָּה׃ ס

20 ‏וַיֹּ֣אמֶר אֵלַ֔י זֶ֣ה הַמָּק֗וֹם אֲשֶׁ֤ר יְבַשְּׁלוּ־שָׁם֙ הַכֹּ֣הֲנִ֔ים אֶת־הָאָשָׁ֖ם וְאֶת־הַחַטָּ֑את אֲשֶׁ֤ר יֹאפוּ֙ אֶת־הַמִּנְחָ֔ה לְבִלְתִּ֥י הוֹצִ֛יא אֶל־הֶחָצֵ֥ר הַחִֽיצוֹנָ֖ה לְקַדֵּ֥שׁ אֶת־הָעָֽם׃

21 ‏וַיּוֹצִיאֵ֗נִי אֶל־הֶֽחָצֵר֙ הַחִ֣יצֹנָ֔ה וַיַּ֣עֲבִירֵ֔נִי אֶל־אַרְבַּ֖עַת מִקְצוֹעֵ֣י הֶחָצֵ֑ר וְהִנֵּ֤ה חָצֵר֙ בְּמִקְצֹ֣עַ הֶחָצֵ֔ר חָצֵ֖ר בְּמִקְצֹ֥עַ הֶחָצֵֽר׃

22 ‏בְּאַרְבַּ֜עַת מִקְצֹע֤וֹת הֶֽחָצֵר֙ חֲצֵר֣וֹת קְטֻר֔וֹת אַרְבָּעִ֣ים אֹ֔רֶךְ וּשְׁלֹשִׁ֖ים רֹ֑חַב מִדָּ֣ה אַחַ֔ת לְאַרְבַּעְתָּ֖ם מְׅהֻׅקְׅצָׅעֽׅוֹׅתׅ׃4

23 ‏וְט֨וּר סָבִ֥יב בָּהֶ֛ם סָבִ֖יב לְאַרְבַּעְתָּ֑ם וּמְבַשְּׁל֣וֹת עָשׂ֔וּי מִתַּ֥חַת הַטִּיר֖וֹת סָבִֽיב׃

24 ‏וַיֹּ֖אמֶר אֵלָ֑י אֵ֚לֶּה בֵּ֣ית הַֽמְבַשְּׁלִ֔ים אֲשֶׁ֧ר יְבַשְּׁלוּ־שָׁ֛ם מְשָׁרְתֵ֥י הַבַּ֖יִת אֶת־זֶ֥בַח הָעָֽם׃

1 kōh-’āmar ’ăḏōnāy yəhwih ša‘ar heḥāṣēr hapənîmîṯ hapōneh qāḏîm yihəyeh sāḡûr šēšeṯ yəmê hamma‘ăśeh ûḇəywōm haššabāṯ yipāṯēḥa ûḇəywōm haḥōḏeš yipāṯēḥa:

2 ûḇā’ hannāśî’ dereḵə ’ûlām hašša‘ar miḥûṣ wə‘āmaḏ ‘al-məzûzaṯ hašša‘ar wə‘āśû hakōhănîm ’eṯ-‘wōlāṯwō wə’eṯ-šəlāmāyw wəhišətaḥăwâ ‘al-mifətan hašša‘ar wəyāṣā’ wəhašša‘ar lō’-yissāḡēr ‘aḏ-hā‘āreḇ:

3 wəhišətaḥăwû ‘am-hā’āreṣ peṯaḥ hašša‘ar hahû’ baššabāṯwōṯ ûḇeḥŏḏāšîm lifənê yəhwâ:

4 wəhā‘ōlâ ’ăšer-yaqəriḇ hannāśî’ layhwâ bəywōm haššabāṯ šiššâ ḵəḇāśîm təmîmim wə’ayil tāmîm:

5 ûminəḥâ ’êfâ lā’ayil wəlakəḇāśîm minəḥâ mataṯ yāḏwō wəšemen hîn lā’êfâ:

6 ûḇəywōm haḥōḏeš par ben-bāqār təmîmim wəšēšeṯ kəḇāśim wā’ayil təmîmim yihəyû:

7 wə’êfâ lapār wə’êfâ lā’ayil ya‘ăśeh minəḥâ wəlakəḇāśîm ka’ăšer taśśîḡ yāḏwō wəšemen hîn lā’êfâ:

8 ûḇəḇwō’ hannāśî’ dereḵə ’ûlām hašša‘ar yāḇwō’ ûḇəḏarəkwō yēṣē’:

9 ûḇəḇwō’ ‘am-hā’āreṣ lifənê yəhwâ bammwō‘ăḏîm habā’ dereḵə-ša‘ar ṣāfwōn ləhišətaḥăwōṯ yēṣē’ dereḵə-ša‘ar neḡeḇ wəhabā’ dereḵə-ša‘ar neḡeḇ yēṣē’ dereḵə-ša‘ar ṣāfwōnâ lō’ yāšûḇ dereḵə hašša‘ar ’ăšer-bā’ ḇwō kî niḵəḥwō yēṣə’û yēṣē’:

10 wəhannāśî’ bəṯwōḵām bəḇwō’ām yāḇwō’ ûḇəṣē’ṯām yēṣē’û:

11 ûḇaḥagîm ûḇammwō‘ăḏîm tihəyeh hamminəḥâ ’êfâ lapār wə’êfâ lā’ayil wəlakəḇāśîm mataṯ yāḏwō wəšemen hîn lā’êfâ: s

12 wəḵî-ya‘ăśeh hannāśî’ nəḏāḇâ ‘wōlâ ’wō-šəlāmîm nəḏāḇâ layhwâ ûfāṯaḥ lwō ’eṯ1 hašša‘ar hapōneh qāḏîm wə‘āśâ ’eṯ-‘ōlāṯwō wə’eṯ-šəlāmāyw ka’ăšer ya‘ăśeh bəywōm haššabāṯ wəyāṣā’ wəsāḡar ’eṯ-hašša‘ar ’aḥărê ṣē’ṯwō:

13 wəḵeḇeś ben-šənāṯwō tāmîm ta‘ăśeh ‘wōlâ layywōm layhwōâ babōqer babōqer ta‘ăśeh ’ōṯwō:

14 ûminəḥâ ṯa‘ăśeh ‘ālāyw babōqer babōqer šiššîṯ hā’êfâ wəšemen šəlîšîṯ hahîn lārōs ’eṯ-hassōleṯ minəḥâ layhwâ ḥuqqwōṯ ‘wōlām tāmîḏ:

15 wə‘āśû ya‘ăśû ’eṯ-hakeḇeś wə’eṯ-hamminəḥâ wə’eṯ-haššemen babōqer babōqer ‘wōlaṯ tāmîḏ: f

16 kōh-’āmar ’ăḏōnāy yəhwōih kî-yitēn hannāśî’ matānâ lə’îš mibānāyw naḥălāṯwō hî’ ləḇānāyw tihəyeh ’ăḥuzzāṯām hî’ bənaḥălâ:

17 wəḵî-yitēn matānâ minnaḥălāṯwō lə’aḥaḏ mē‘ăḇāḏāyw wəhāyəṯâ llwō ‘aḏ-šənaṯ hadərwōr wəšāḇaṯ lannāśî’ ’aḵə naḥălāṯwō bānāyw lâem tihəyeh:

18 wəlō’-yiqqaḥ hannāśî’ minnaḥălaṯ hā‘ām ləhwōnōṯām mē’ăḥuzzāṯām mē’ăḥuzzāṯwō yanəḥil ’eṯ-bānāyw ləma‘an ’ăšer lō’-yāfuṣû ‘ammî ’îš mē’ăḥuzzāṯwō:

19 wayəḇî’ēnî ḇammāḇwō’ ’ăšer ‘al-keṯef hašša‘ar ’el-hallišəḵwōṯ haqqōḏeš ’el-hakōhănîm hapōnwōṯ ṣāfwōnâ wəhinnēh-šām māqwōm bayyarəḵōṯim bayyarəḵāṯayim yāmmâ: s

20 wayyō’mer ’ēlay zeh hammāqwōm ’ăšer yəḇaššəlû-šām hakōhănîm ’eṯ-hā’āšām wə’eṯ-haḥaṭṭā’ṯ ’ăšer yō’fû ’eṯ-hamminəḥâ ləḇilətî hwōṣî’ ’el-heḥāṣēr haḥîṣwōnâ ləqadēš ’eṯ-hā‘ām:

21 wayywōṣî’ēnî ’el-heḥāṣēr haḥîṣōnâ wayya‘ăḇîrēnî ’el-’arəba‘aṯ miqəṣwō‘ê heḥāṣēr wəhinnēh ḥāṣēr bəmiqəṣō‘a heḥāṣēr ḥāṣēr bəmiqəṣō‘a heḥāṣēr:

22 bə’arəba‘aṯ miqəṣō‘wōṯ heḥāṣēr ḥăṣērwōṯ qəṭurwōṯ ’arəbā‘îm ’ōreḵə ûšəlōšîm rōḥaḇ midâ ’aḥaṯ lə’arəba‘ətām məׅhuׅqəׅṣāׅ‘ׅwōׅṯׅ:4

23 wəṭûr sāḇîḇ bâem sāḇîḇ lə’arəba‘ətām ûməḇaššəlwōṯ ‘āśûy mitaḥaṯ haṭṭîrwōṯ sāḇîḇ:

24 wayyō’mer ’ēlāy ’ēlleh bêṯ haməḇaššəlîm ’ăšer yəḇaššəlû-šām məšārəṯê habayiṯ ’eṯ-zeḇaḥ hā‘ām:


Next: Ezekiel (Yechezqel) Chapter 47