‎1 ‏וַֽיְהִי֙ בִּשְׁתֵּ֣י עֶשְׂרֵ֣ה שָׁנָ֔ה בִּשְׁנֵי־עָשָׂ֥ר חֹ֖דֶשׁ בְּאֶחָ֣ד לַחֹ֑דֶשׁ הָיָ֥ה דְבַר־יְהוָ֖ה אֵלַ֥י לֵאמֹֽר׃

‎2 ‏בֶּן־אָדָ֗ם שָׂ֤א קִינָה֙ עַל־פַּרְעֹ֣ה מֶֽלֶךְ־מִצְרַ֔יִם וְאָמַרְתָּ֣ אֵלָ֔יו כְּפִ֥יר גּוֹיִ֖ם נִדְמֵ֑יתָ וְאַתָּה֙ כַּתַּנִּ֣ים בַּיַּמִּ֔ים וַתָּ֣גַח בְּנַהֲרוֹתֶ֗יךָ וַתִּדְלַח־מַ֙יִם֙ בְּרַגְלֶ֔יךָ וַתִּרְפֹּ֖ס נַהֲרוֹתָֽם׃

‎3 ‏כֹּ֤ה אָמַר֙ אֲדֹנָ֣י יְהוִ֔ה וּפָרַשְׂתִּ֤י עָלֶ֙יךָ֙ אֶת־רִשְׁתִּ֔י בִּקְהַ֖ל עַמִּ֣ים רַבִּ֑ים וְהֶעֱל֖וּךָ בְּחֶרְמִֽי׃

‎4 ‏וּנְטַשְׁתִּ֣יךָ בָאָ֔רֶץ עַל־פְּנֵ֥י הַשָּׂדֶ֖ה אֲטִילֶ֑ךָ וְהִשְׁכַּנְתִּ֤י עָלֶ֙יךָ֙ כָּל־ע֣וֹף הַשָּׁמַ֔יִם וְהִשְׂבַּעְתִּ֥י מִמְּךָ֖ חַיַּ֥ת כָּל־הָאָֽרֶץ׃

‎5 ‏וְנָתַתִּ֥י אֶת־בְּשָׂרְךָ֖ עַל־הֶֽהָרִ֑ים וּמִלֵּאתִ֥י הַגֵּאָי֖וֹת רָמוּתֶֽךָ׃

‎6 ‏וְהִשְׁקֵיתִ֨י אֶ֧רֶץ צָפָתְךָ֛ מִדָּמְךָ֖ אֶל־הֶֽהָרִ֑ים וַאֲפִקִ֖ים יִמָּלְא֥וּן מִמֶּֽךָּ׃

‎7 ‏וְכִסֵּיתִ֤י בְכַבּֽוֹתְךָ֙ שָׁמַ֔יִם וְהִקְדַּרְתִּ֖י אֶת־כֹּֽכְבֵיהֶ֑ם שֶׁ֚מֶשׁ בֶּעָנָ֣ן אֲכַסֶּ֔נּוּ וְיָרֵ֖חַ לֹא־יָאִ֥יר אוֹרֽוֹ׃

‎8 ‏כָּל־מְא֤וֹרֵי אוֹר֙ בַּשָּׁמַ֔יִם אַקְדִּירֵ֖ם עָלֶ֑יךָ וְנָתַ֤תִּי חֹ֙שֶׁךְ֙ עַֽל־אַרְצְךָ֔ נְאֻ֖ם אֲדֹנָ֥י יְהוִֽה׃

‎9 ‏וְהִ֨כְעַסְתִּ֔י לֵ֖ב עַמִּ֣ים רַבִּ֑ים בַּהֲבִיאִ֤י שִׁבְרְךָ֙ בַּגּוֹיִ֔ם עַל־אֲרָצ֖וֹת אֲשֶׁ֥ר לֹֽא־יְדַעְתָּֽם׃

‎10 ‏וַהֲשִׁמּוֹתִ֨י עָלֶ֜יךָ עַמִּ֣ים רַבִּ֗ים וּמַלְכֵיהֶם֙ יִשְׂעֲר֤וּ עָלֶ֙יךָ֙ שַׂ֔עַר בְּעוֹפְפִ֥י חַרְבִּ֖י עַל־פְּנֵיהֶ֑ם וְחָרְד֤וּ לִרְגָעִים֙ אִ֣ישׁ לְנַפְשׁ֔וֹ בְּי֖וֹם מַפַּלְתֶּֽךָ׃ ס

‎11 ‏כִּ֛י כֹּ֥ה אָמַ֖ר אֲדֹנָ֣י יְהוִ֑ה חֶ֥רֶב מֶֽלֶךְ־בָּבֶ֖ל תְּבוֹאֶֽךָ׃

‎12 ‏בְּחַרְב֤וֹת גִּבּוֹרִים֙ אַפִּ֣יל הֲמוֹנֶ֔ךָ עָרִיצֵ֥י גוֹיִ֖ם כֻּלָּ֑ם וְשָֽׁדְדוּ֙ אֶת־גְּא֣וֹן מִצְרַ֔יִם וְנִשְׁמַ֖ד כָּל־הֲמוֹנָֽהּ׃

‎13 ‏וְהַֽאֲבַדְתִּי֙ אֶת־כָּל־בְּהֶמְתָּ֔הּ מֵעַ֖ל מַ֣יִם רַבִּ֑ים וְלֹ֨א תִדְלָחֵ֤ם רֶֽגֶל־אָדָם֙ ע֔וֹד וּפַרְס֥וֹת בְּהֵמָ֖ה לֹ֥א תִדְלָחֵֽם׃

‎14 ‏אָ֚ז אַשְׁקִ֣יעַ מֵֽימֵיהֶ֔ם וְנַהֲרוֹתָ֖ם כַּשֶּׁ֣מֶן אוֹלִ֑יךְ נְאֻ֖ם אֲדֹנָ֥י יְהוִֽה׃

‎15 ‏בְּתִתִּי֩ אֶת־אֶ֨רֶץ מִצְרַ֜יִם שְׁמָמָ֣ה וּנְשַׁמָּ֗ה אֶ֚רֶץ מִמְּלֹאָ֔הּ בְּהַכּוֹתִ֖י אֶת־כָּל־י֣וֹשְׁבֵי בָ֑הּ וְיָדְע֖וּ כִּֽי־אֲנִ֥י יְהוָֽה׃

‎16 ‏קִינָ֥ה הִיא֙ וְק֣וֹנְנ֔וּהָ בְּנ֥וֹת הַגּוֹיִ֖ם תְּקוֹנֵ֣נָּה אוֹתָ֑הּ עַל־מִצְרַ֤יִם וְעַל־כָּל־הֲמוֹנָהּ֙ תְּקוֹנֵ֣נָּה אוֹתָ֔הּ נְאֻ֖ם אֲדֹנָ֥י יְהוִֽה׃ פ

‎17 ‏וַֽיְהִי֙ בִּשְׁתֵּ֣י עֶשְׂרֵ֣ה שָׁנָ֔ה בַּחֲמִשָּׁ֥ה עָשָׂ֖ר לַחֹ֑דֶשׁ הָיָ֥ה דְבַר־יְהוָ֖ה אֵלַ֥י לֵאמֹֽר׃

‎18 ‏בֶּן־אָדָ֕ם נְהֵ֛ה עַל־הֲמ֥וֹן מִצְרַ֖יִם וְהוֹרִדֵ֑הוּ א֠וֹתָהּ וּבְנ֨וֹת גּוֹיִ֧ם אַדִּרִ֛ם אֶל־אֶ֥רֶץ תַּחְתִּיּ֖וֹת אֶת־י֥וֹרְדֵי בֽוֹר׃

‎19 ‏מִמִּ֖י נָעָ֑מְתָּ רְדָ֥ה וְהָשְׁכְּבָ֖ה אֶת־עֲרֵלִֽים׃

‎20 ‏בְּת֥וֹךְ חַלְלֵי־חֶ֖רֶב יִפֹּ֑לוּ חֶ֣רֶב נִתָּ֔נָה מָשְׁכ֥וּ אוֹתָ֖הּ וְכָל־הֲמוֹנֶֽיהָ׃

‎21 ‏יְדַבְּרוּ־ל֞וֹ אֵלֵ֧י גִבּוֹרִ֛ים מִתּ֥וֹךְ שְׁא֖וֹל אֶת־עֹֽזְרָ֑יו יָֽרְד֛וּ שָׁכְב֥וּ הָעֲרֵלִ֖ים חַלְלֵי־חָֽרֶב׃

‎22 ‏שָׁ֤ם אַשּׁוּר֙ וְכָל־קְהָלָ֔הּ סְבִֽיבוֹתָ֖יו קִבְרֹתָ֑יו כֻּלָּ֣ם חֲלָלִ֔ים הַנֹּפְלִ֖ים בֶּחָֽרֶב׃

‎23 ‏אֲשֶׁ֨ר נִתְּנ֤וּ קִבְרֹתֶ֙יהָ֙ בְּיַרְכְּתֵי־ב֔וֹר וַיְהִ֣י קְהָלָ֔הּ סְבִיב֖וֹת קְבֻרָתָ֑הּ כֻּלָּ֤ם חֲלָלִים֙ נֹפְלִ֣ים בַּחֶ֔רֶב אֲשֶׁר־נָתְנ֥וּ חִתִּ֖ית בְּאֶ֥רֶץ חַיִּֽים׃

‎24 ‏שָׁ֤ם עֵילָם֙ וְכָל־הֲמוֹנָ֔הּ סְבִיב֖וֹת קְבֻרָתָ֑הּ כֻּלָּ֣ם חֲלָלִים֩ הַנֹּפְלִ֨ים בַּחֶ֜רֶב אֲ‍ֽשֶׁר־יָרְד֥וּ עֲרֵלִ֣ים׀ אֶל־אֶ֣רֶץ תַּחְתִּיּ֗וֹת אֲשֶׁ֨ר נָתְנ֤וּ חִתִּיתָם֙ בְּאֶ֣רֶץ חַיִּ֔ים וַיִּשְׂא֥וּ כְלִמָּתָ֖ם אֶת־י֥וֹרְדֵי בֽוֹר׃

‎25 ‏בְּת֣וֹךְ חֲ֠לָלִים נָתְנ֨וּ מִשְׁכָּ֥ב לָהּ֙ בְּכָל־הֲמוֹנָ֔הּ סְבִֽיבוֹתָ֖יו קִבְרֹתֶ֑הָ כֻּלָּ֣ם עֲרֵלִ֣ים חַלְלֵי־חֶ֡רֶב כִּֽי־נִתַּ֨ן חִתִּיתָ֜ם בְּאֶ֣רֶץ חַיִּ֗ים וַיִּשְׂא֤וּ כְלִמָּתָם֙ אֶת־י֣וֹרְדֵי ב֔וֹר בְּת֥וֹךְ חֲלָלִ֖ים נִתָּֽן׃

‎26 ‏שָׁ֣ם מֶ֤שֶׁךְ תֻּבַל֙ וְכָל־הֲמוֹנָ֔הּ סְבִֽיבוֹתָ֖יו קִבְרוֹתֶ֑יהָ כֻּלָּ֤ם עֲרֵלִים֙ מְחֻ֣לְלֵי חֶ֔רֶב כִּֽי־נָתְנ֥וּ חִתִּיתָ֖ם בְּאֶ֥רֶץ חַיִּֽים׃

‎27 ‏וְלֹ֤א יִשְׁכְּבוּ֙ אֶת־גִּבּוֹרִ֔ים נֹפְלִ֖ים מֵעֲרֵלִ֑ים אֲשֶׁ֣ר יָרְדֽוּ־שְׁא֣וֹל בִּכְלֵֽי־מִלְחַמְתָּם֩ וַיִּתְּנ֨וּ אֶת־חַרְבוֹתָ֜ם תַּ֣חַת רָאשֵׁיהֶ֗ם וַתְּהִ֤י עֲוֹֽנֹתָם֙ עַל־עַצְמוֹתָ֔ם כִּֽי־חִתִּ֥ית גִּבּוֹרִ֖ים בְּאֶ֥רֶץ חַיִּֽים׃

‎28 ‏וְאַתָּ֗ה בְּת֧וֹךְ עֲרֵלִ֛ים תִּשָּׁבַ֥ר וְתִשְׁכַּ֖ב אֶת־חַלְלֵי־חָֽרֶב׃

‎29 ‏שָׁ֣מָּה אֱד֗וֹם מְלָכֶ֙יהָ֙ וְכָל־נְשִׂיאֶ֔יהָ אֲשֶׁר־נִתְּנ֥וּ בִגְבוּרָתָ֖ם אֶת־חַלְלֵי־חָ֑רֶב הֵ֛מָּה אֶת־עֲרֵלִ֥ים יִשְׁכָּ֖בוּ וְאֶת־יֹ֥רְדֵי בֽוֹר׃

‎30 ‏שָׁ֣מָּה נְסִיכֵ֥י צָפ֛וֹן כֻּלָּ֖ם וְכָל־צִֽדֹנִ֑י אֲשֶׁר־יָרְד֣וּ אֶת־חֲלָלִ֗ים בְּחִתִּיתָ֑ם מִגְבֽוּרָתָם֙ בּוֹשִׁ֔ים וַיִּשְׁכְּב֤וּ עֲרֵלִים֙ אֶת־חַלְלֵי־חֶ֔רֶב וַיִּשְׂא֥וּ כְלִמָּתָ֖ם אֶת־י֥וֹרְדֵי בֽוֹר׃

‎31 ‏אוֹתָם֙ יִרְאֶ֣ה פַרְעֹ֔ה וְנִחַ֖ם עַל־כָּל־המונה הֲמוֹנ֑וֹ^m חַלְלֵי־חֶ֙רֶב֙ פַּרְעֹ֣ה וְכָל־חֵיל֔וֹ נְאֻ֖ם אֲדֹנָ֥י יְהוִֽה׃

‎32 ‏כִּֽי־נָתַ֥תִּי אֶת־חתיתו חִתִּיתִ֖י⁹ בְּאֶ֣רֶץ חַיִּ֑ים וְהֻשְׁכַּב֩ בְּת֨וֹךְ עֲרֵלִ֜ים אֶת־חַלְלֵי־חֶ֗רֶב פַּרְעֹה֙ וְכָל־הֲמוֹנֹ֔ה^q נְאֻ֖ם אֲדֹנָ֥י יְהוִֽה׃ פ

1 wayəhî bišətê ‘eśərēh šānâ bišənê-‘āśār ḥōḏeš bə’eḥāḏ l^aḥōḏeš hāyâ ḏəḇar-yəhwâ ’ēlay lē’mōr:

2 ben-’āḏām śā’ qînâ ‘al-parə‘ōh meleḵə-miṣərayim wə’āmarətā ’ēlāyw kəfîr gwōyim niḏəmêṯā wə’atâ katannîm bayyammîm watāḡ^aḥ bənahărwōṯeyḵā watiḏəl^aḥ-mayim bəraḡəleyḵā watirəpōs nahărwōṯām:

3 kōh ’āmar ’ăḏōnāy yəhwih ûfāraśətî ‘āleyḵā ’eṯ-rišətî biqəhal ‘ammîm rabîm wəhe‘ĕlûḵā bəḥerəmî:

4 ûnəṭašətîḵā ḇā’āreṣ ‘al-pənê haśśāḏeh ’ăṭîleḵā wəhišəkanətî ‘āleyḵā kāl-‘wōf haššāmayim wəhiśəb^a‘ətî mimməḵā ḥayyaṯ kāl-hā’āreṣ:

5 wənāṯatî ’eṯ-bəśārəḵā ‘al-hehārîm ûmillē’ṯî hagē’āywōṯ rāmûṯeḵā:

6 wəhišəqêṯî ’ereṣ ṣāfāṯəḵā midāməḵā ’el-hehārîm wa’ăfiqîm yimmālə’ûn mimmeḵḵā:

7 wəḵissêṯî ḇəḵabwōṯəḵā šāmayim wəhiqədarətî ’eṯ-kōḵəḇêhem šemeš be‘ānān ’ăḵassennû wəyārēḥa lō’-yā’îr ’wōrwō:

8 kāl-mə’wōrê ’wōr baššāmayim ’aqədîrēm ‘āleyḵā wənāṯatî ḥōšeḵə ‘al-’arəṣəḵā nə’um ’ăḏōnāy yəhwih:

9 wəhiḵə‘asətî lēḇ ‘ammîm rabîm bahăḇî’î šiḇərəḵā bagwōyim ‘al-’ărāṣwōṯ ’ăšer lō’-yəḏ^a‘ətām:

10 wahăšimmwōṯî ‘āleyḵā ‘ammîm rabîm ûmaləḵêhem yiśə‘ărû ‘āleyḵā ś^a‘ar bə‘wōfəfî ḥarəbî ‘al-pənêhem wəḥārəḏû lirəḡā‘îm ’îš lənafəšwō bəywōm mapaləteḵā: s

11 kî kōh ’āmar ’ăḏōnāy yəhwih ḥereḇ meleḵə-bāḇel təḇwō’eḵā:

12 bəḥarəḇwōṯ gibwōrîm ’apîl hămwōneḵā ‘ārîṣê ḡwōyim kullām wəšāḏəḏû ’eṯ-gə’wōn miṣərayim wənišəmaḏ kāl-hămwōnāh:

13 wəha’ăḇaḏətî ’eṯ-kāl-bəhemətāh mē‘al mayim rabîm wəlō’ ṯiḏəlāḥēm reḡel-’āḏām ‘wōḏ ûfarəswōṯ bəhēmâ lō’ ṯiḏəlāḥēm:

14 ’āz ’ašəqî‘a mêmêhem wənahărwōṯām kaššemen ’wōlîḵə nə’um ’ăḏōnāy yəhwih:

15 bəṯitî ’eṯ-’ereṣ miṣərayim šəmāmâ ûnəšammâ ’ereṣ mimməlō’āh bəhakwōṯî ’eṯ-kāl-ywōšəḇê ḇāh wəyāḏə‘û kî-’ănî yəhwâ:

16 qînâ hî’ wəqwōnənûhā bənwōṯ hagwōyim təqwōnēnnâ ’wōṯāh ‘al-miṣərayim wə‘al-kāl-hămwōnāh təqwōnēnnâ ’wōṯāh nə’um ’ăḏōnāy yəhwih: f

17 wayəhî bišətê ‘eśərēh šānâ b^aḥămiššâ ‘āśār l^aḥōḏeš hāyâ ḏəḇar-yəhwâ ’ēlay lē’mōr:

18 ben-’āḏām nəhēh ‘al-hămwōn miṣərayim wəhwōriḏēhû ’wōṯāh ûḇənwōṯ gwōyim ’adirim ’el-’ereṣ t^aḥətîywōṯ ’eṯ-ywōrəḏê ḇwōr:

19 mimmî nā‘āmətā rəḏâ wəhāšəkəḇâ ’eṯ-‘ărēlîm:

20 bəṯwōḵə ḥaləlê-ḥereḇ yipōlû ḥereḇ nitānâ māšəḵû ’wōṯāh wəḵāl-hămwōneyhā:

21 yəḏabərû-lwō ’ēlê ḡibwōrîm mitwōḵə šə’wōl ’eṯ-‘ōzərāyw yārəḏû šāḵəḇû hā‘ărēlîm ḥaləlê-ḥāreḇ:

22 šām ’aššûr wəḵāl-qəhālāh səḇîḇwōṯāyw qiḇərōṯāyw kullām ḥălālîm hannōfəlîm beḥāreḇ:

23 ’ăšer nitənû qiḇərōṯeyhā bəyarəkəṯê-ḇwōr wayəhî qəhālāh səḇîḇwōṯ qəḇurāṯāh kullām ḥălālîm nōfəlîm b^aḥereḇ ’ăšer-nāṯənû ḥitîṯ bə’ereṣ ḥayyîm:

24 šām ‘êlām wəḵāl-hămwōnāh səḇîḇwōṯ qəḇurāṯāh kullām ḥălālîm hannōfəlîm b^aḥereḇ ’ă‍šer-yārəḏû ‘ărēlîm| ’el-’ereṣ t^aḥətîywōṯ ’ăšer nāṯənû ḥitîṯām bə’ereṣ ḥayyîm wayyiśə’û ḵəlimmāṯām ’eṯ-ywōrəḏê ḇwōr:

25 bəṯwōḵə ḥălālîm nāṯənû mišəkāḇ lāh bəḵāl-hămwōnāh səḇîḇwōṯāyw qiḇərōṯehā kullām ‘ărēlîm ḥaləlê-ḥereḇ kî-nitan ḥitîṯām bə’ereṣ ḥayyîm wayyiśə’û ḵəlimmāṯām ’eṯ-ywōrəḏê ḇwōr bəṯwōḵə ḥălālîm nitān:

26 šām mešeḵə tuḇal wəḵāl-hămwōnāh səḇîḇwōṯāyw qiḇərwōṯeyhā kullām ‘ărēlîm məḥuləlê ḥereḇ kî-nāṯənû ḥitîṯām bə’ereṣ ḥayyîm:

27 wəlō’ yišəkəḇû ’eṯ-gibwōrîm nōfəlîm mē‘ărēlîm ’ăšer yārəḏû-šə’wōl biḵəlê-miləḥamətām wayyitənû ’eṯ-ḥarəḇwōṯām t^aḥaṯ rā’šêhem watəhî ‘ăwōnōṯām ‘al-‘aṣəmwōṯām kî-ḥitîṯ gibwōrîm bə’ereṣ ḥayyîm:

28 wə’atâ bəṯwōḵə ‘ărēlîm tiššāḇar wəṯišəkaḇ ’eṯ-ḥaləlê-ḥāreḇ:

29 šāmmâ ’ĕḏwōm məlāḵeyhā wəḵāl-nəśî’eyhā ’ăšer-nitənû ḇiḡəḇûrāṯām ’eṯ-ḥaləlê-ḥāreḇ hēmmâ ’eṯ-‘ărēlîm yišəkāḇû wə’eṯ-yōrəḏê ḇwōr:

30 šāmmâ nəsîḵê ṣāfwōn kullām wəḵāl-ṣiḏōnî ’ăšer-yārəḏû ’eṯ-ḥălālîm bəḥitîṯām miḡəḇûrāṯām bwōšîm wayyišəkəḇû ‘ărēlîm ’eṯ-ḥaləlê-ḥereḇ wayyiśə’û ḵəlimmāṯām ’eṯ-ywōrəḏê ḇwōr:

31 ’wōṯām yirə’eh farə‘ōh wəniḥam ‘al-kāl-hămwōnōh hămwōnwō^m ḥaləlê-ḥereḇ parə‘ōh wəḵāl-ḥêlwō nə’um ’ăḏōnāy yəhwih:

32 kî-nāṯatî ’eṯ-ḥitîṯwō ḥitîṯî⁹ bə’ereṣ ḥayyîm wəhušəkaḇ bəṯwōḵə ‘ărēlîm ’eṯ-ḥaləlê-ḥereḇ parə‘ōh wəḵāl-hămwōnōh^q nə’um ’ăḏōnāy yəhwih: f