‎1 ‏כֹּ֤ה הִרְאַ֙נִי֙ אֲדֹנָ֣י יְהוִ֔ה וְהִנֵּה֙ יוֹצֵ֣ר גֹּבַ֔י בִּתְחִלַּ֖ת עֲל֣וֹת הַלָּ֑קֶשׁ וְהִ֨נֵּה־לֶ֔קֶשׁ אַחַ֖ר גִּזֵּ֥י הַמֶּֽלֶךְ׃

‎2 ‏וְהָיָ֗ה אִם־כִּלָּה֙ לֶֽאֱכוֹל֙ אֶת־עֵ֣שֶׂב הָאָ֔רֶץ וָאֹמַ֗ר אֲדֹנָ֤י יְהוִה֙ סְֽלַֽח־נָ֔א מִ֥י יָק֖וּם יַֽעֲקֹ֑ב כִּ֥י קָטֹ֖ן הֽוּא׃

‎3 ‏נִחַ֥ם יְהוָ֖ה עַל־זֹ֑את לֹ֥א תִהְיֶ֖ה אָמַ֥ר יְהוָֽה׃

‎4 ‏כֹּ֤ה הִרְאַ֙נִי֙ אֲדֹנָ֣י יְהוִ֔ה וְהִנֵּ֥ה קֹרֵ֛א לָרִ֥ב בָּאֵ֖שׁ אֲדֹנָ֣י יְהוִ֑ה וַתֹּ֙אכַל֙ אֶת־תְּה֣וֹם רַבָּ֔ה וְאָכְלָ֖ה אֶת־הַחֵֽלֶק׃

‎5 ‏וָאֹמַ֗ר אֲדֹנָ֤י יְהוִה֙ חֲדַל־נָ֔א מִ֥י יָק֖וּם יַעֲקֹ֑ב כִּ֥י קָטֹ֖ן הֽוּא׃

‎6 ‏נִחַ֥ם יְהוָ֖ה עַל־זֹ֑את גַּם־הִיא֙ לֹ֣א תִֽהְיֶ֔ה אָמַ֖ר אֲדֹנָ֥י יְהוִֽה׃ ס

‎7 ‏כֹּ֣ה הִרְאַ֔נִי וְהִנֵּ֧ה אֲדֹנָ֛י נִצָּ֖ב עַל־חוֹמַ֣ת אֲנָ֑ךְ וּבְיָד֖וֹ אֲנָֽךְ׃

‎8 ‏וַיֹּ֨אמֶר יְהוָ֜ה אֵלַ֗י מָֽה־אַתָּ֤ה רֹאֶה֙ עָמ֔וֹס וָאֹמַ֖ר אֲנָ֑ךְ וַיֹּ֣אמֶר אֲדֹנָ֗י הִנְנִ֨י שָׂ֤ם אֲנָךְ֙ בְּקֶ֙רֶב֙ עַמִּ֣י יִשְׂרָאֵ֔ל לֹֽא־אוֹסִ֥יף ע֖וֹד עֲב֥וֹר לֽוֹ׃

‎9 ‏וְנָשַׁ֙מּוּ֙ בָּמ֣וֹת יִשְׂחָ֔ק וּמִקְדְּשֵׁ֥י יִשְׂרָאֵ֖ל יֶחֱרָ֑בוּ וְקַמְתִּ֛י עַל־בֵּ֥ית יָרָבְעָ֖ם בֶּחָֽרֶב׃ פ

‎10 ‏וַיִּשְׁלַ֗ח אֲמַצְיָה֙ כֹּהֵ֣ן בֵּֽית־אֵ֔ל אֶל־יָרָבְעָ֥ם מֶֽלֶךְ־יִשְׂרָאֵ֖ל לֵאמֹ֑ר קָשַׁ֨ר עָלֶ֜יךָ עָמ֗וֹס בְּקֶ֙רֶב֙ בֵּ֣ית יִשְׂרָאֵ֔ל לֹא־תוּכַ֣ל הָאָ֔רֶץ לְהָכִ֖יל אֶת־כָּל־דְּבָרָֽיו׃

‎11 ‏כִּי־כֹה֙ אָמַ֣ר עָמ֔וֹס בַּחֶ֖רֶב יָמ֣וּת יָרָבְעָ֑ם וְיִ֨שְׂרָאֵ֔ל גָּלֹ֥ה יִגְלֶ֖ה מֵעַ֥ל אַדְמָתֽוֹ׃ ס

‎12 ‏וַיֹּ֤אמֶר אֲמַצְיָה֙ אֶל־עָמ֔וֹס חֹזֶ֕ה לֵ֥ךְ בְּרַח־לְךָ֖ אֶל־אֶ֣רֶץ יְהוּדָ֑ה וֶאֱכָל־שָׁ֣ם לֶ֔חֶם וְשָׁ֖ם תִּנָּבֵֽא׃

‎13 ‏וּבֵֽית־אֵ֔ל לֹֽא־תוֹסִ֥יף ע֖וֹד לְהִנָּבֵ֑א כִּ֤י מִקְדַּשׁ־מֶ֙לֶךְ֙ ה֔וּא וּבֵ֥ית מַמְלָכָ֖ה הֽוּא׃ ס

‎14 ‏וַיַּ֤עַן עָמוֹס֙ וַיֹּ֣אמֶר אֶל־אֲמַצְיָ֔ה לֹא־נָבִ֣יא אָנֹ֔כִי וְלֹ֥א בֶן־נָבִ֖יא אָנֹ֑כִי כִּֽי־בוֹקֵ֥ר אָנֹ֖כִי וּבוֹלֵ֥ס שִׁקְמִֽים׃

‎15 ‏וַיִּקָּחֵ֣נִי יְהוָ֔ה מֵאַחֲרֵ֖י הַצֹּ֑אן וַיֹּ֤אמֶר אֵלַי֙ יְהוָ֔ה לֵ֥ךְ הִנָּבֵ֖א אֶל־עַמִּ֥י יִשְׂרָאֵֽל׃

‎16 ‏וְעַתָּ֖ה שְׁמַ֣ע דְּבַר־יְהוָ֑ה אַתָּ֣ה אֹמֵ֗ר לֹ֤א תִנָּבֵא֙ עַל־יִשְׂרָאֵ֔ל וְלֹ֥א תַטִּ֖יף עַל־בֵּ֥ית יִשְׂחָֽק׃

‎17 ‏לָכֵ֞ן כֹּה־אָמַ֣ר יְהוָ֗ה אִשְׁתְּךָ֞ בָּעִ֤יר תִּזְנֶה֙ וּבָנֶ֤יךָ וּבְנֹתֶ֙יךָ֙ בַּחֶ֣רֶב יִפֹּ֔לוּ וְאַדְמָתְךָ֖ בַּחֶ֣בֶל תְּחֻלָּ֑ק וְאַתָּ֗ה עַל־אֲדָמָ֤ה טְמֵאָה֙ תָּמ֔וּת וְיִ֨שְׂרָאֵ֔ל גָּלֹ֥ה יִגְלֶ֖ה מֵעַ֥ל אַדְמָתֽוֹ׃ ס

1 kōh hirə’anî ’ăḏōnāy yəhwih wəhinnēh ywōṣēr gōḇay biṯəḥillaṯ ‘ălwōṯ hallāqeš wəhinnēh-leqeš ’^aḥar gizzê hammeleḵə:

2 wəhāyâ ’im-killâ le’ĕḵwōl ’eṯ-‘ēśeḇ hā’āreṣ wā’ōmar ’ăḏōnāy yəhwih səl^aḥ-nā’ mî yāqûm y^a‘ăqōḇ kî qāṭōn hû’:

3 niḥam yəhwâ ‘al-zō’ṯ lō’ ṯihəyeh ’āmar yəhwâ:

4 kōh hirə’anî ’ăḏōnāy yəhwih wəhinnēh qōrē’ lāriḇ bā’ēš ’ăḏōnāy yəhwih watō’ḵal ’eṯ-təhwōm rabâ wə’āḵəlâ ’eṯ-h^aḥēleq:

5 wā’ōmar ’ăḏōnāy yəhwih ḥăḏal-nā’ mî yāqûm y^a‘ăqōḇ kî qāṭōn hû’:

6 niḥam yəhwâ ‘al-zō’ṯ gam-hî’ lō’ ṯihəyeh ’āmar ’ăḏōnāy yəhwih: s

7 kōh hirə’anî wəhinnēh ’ăḏōnāy niṣṣāḇ ‘al-ḥwōmaṯ ’ănāḵə ûḇəyāḏwō ’ănāḵə:

8 wayyō’mer yəhwâ ’ēlay mâ-’atâ rō’eh ‘āmwōs wā’ōmar ’ănāḵə wayyō’mer ’ăḏōnāy hinənî śām ’ănāḵə bəqereḇ ‘ammî yiśərā’ēl lō’-’wōsîf ‘wōḏ ‘ăḇwōr lwō:

9 wənāšammû bāmwōṯ yiśəḥāq ûmiqədəšê yiśərā’ēl yeḥĕrāḇû wəqamətî ‘al-bêṯ yārāḇə‘ām beḥāreḇ: f

10 wayyišəl^aḥ ’ămaṣəyâ kōhēn bêṯ-’ēl ’el-yārāḇə‘ām meleḵə-yiśərā’ēl lē’mōr qāšar ‘āleyḵā ‘āmwōs bəqereḇ bêṯ yiśərā’ēl lō’-ṯûḵal hā’āreṣ ləhāḵîl ’eṯ-kāl-dəḇārāyw:

11 kî-ḵōh ’āmar ‘āmwōs b^aḥereḇ yāmûṯ yārāḇə‘ām wəyiśərā’ēl gālōh yiḡəleh mē‘al ’aḏəmāṯwō: s

12 wayyō’mer ’ămaṣəyâ ’el-‘āmwōs ḥōzeh lēḵə bər^aḥ-ləḵā ’el-’ereṣ yəhûḏâ we’ĕḵāl-šām leḥem wəšām tinnāḇē’:

13 ûḇêṯ-’ēl lō’-ṯwōsîf ‘wōḏ ləhinnāḇē’ kî miqədaš-meleḵə hû’ ûḇêṯ maməlāḵâ hû’: s

14 wayy^a‘an ‘āmwōs wayyō’mer ’el-’ămaṣəyâ lō’-nāḇî’ ’ānōḵî wəlō’ ḇen-nāḇî’ ’ānōḵî kî-ḇwōqēr ’ānōḵî ûḇwōlēs šiqəmîm:

15 wayyiqqāḥēnî yəhwâ mē’^aḥărê haṣṣō’n wayyō’mer ’ēlay yəhwâ lēḵə hinnāḇē’ ’el-‘ammî yiśərā’ēl:

16 wə‘atâ šəm^a‘ dəḇar-yəhwâ ’atâ ’ōmēr lō’ ṯinnāḇē’ ‘al-yiśərā’ēl wəlō’ ṯaṭṭîf ‘al-bêṯ yiśəḥāq:

17 lāḵēn kōh-’āmar yəhwâ ’išətəḵā bā‘îr tizəneh ûḇāneyḵā ûḇənōṯeyḵā b^aḥereḇ yipōlû wə’aḏəmāṯəḵā b^aḥeḇel təḥullāq wə’atâ ‘al-’ăḏāmâ ṭəmē’â tāmûṯ wəyiśərā’ēl gālōh yiḡəleh mē‘al ’aḏəmāṯwō: s