Legends and Sagas
WordGumbo: Old English Dictionaries [External Site]
The Paris Psalter: Psalm 99
Verse Indeterminate Saxon
Nu ge mycle gefean mihtigum drihtne
eall þeos eorðe elne hyre,
and blisse gode bealde þeowie.
Gangað on ansyne ealle bliðe;
witað wislice þæt he is wealdend god;
he us geworhte and we his syndon.
We his folc syndan and his fæle sceap,
ða he on his edisce ealle afedde;
gað nu on his doru, god andettað,
and hine weorðiað on wictunum
mid lofsangum lustum myclum.
Heriað naman drihtnes, forþon he is niðum swæs;
is þin milde mod ofer manna bearn.