Sacred Texts  Bible  Index 
Polyglot  KJV  Sep  Vul 

Zephaniah (Tsephanyah) Index
  Previous  Next 

Tanach (Hebrew): Zephaniah (Tsephanyah) Chapter 3

1 ‏ה֥וֹי מֹרְאָ֖ה וְנִגְאָלָ֑ה הָעִ֖יר הַיּוֹנָֽה׃

2 ‏לֹ֤א שָֽׁמְעָה֙ בְּק֔וֹל לֹ֥א לָקְחָ֖ה מוּסָ֑ר בַּֽיהוָה֙ לֹ֣א בָטָ֔חָה אֶל־אֱלֹהֶ֖יהָ לֹ֥א קָרֵֽבָה׃

3 ‏שָׂרֶ֣יהָ בְקִרְבָּ֔הּ אֲרָי֖וֹת שֹֽׁאֲגִ֑ים שֹׁפְטֶ֙יהָ֙ זְאֵ֣בֵי עֶ֔רֶב לֹ֥א גָרְמ֖וּ לַבֹּֽקֶר׃

4 ‏נְבִיאֶ֙יהָ֙ פֹּֽחֲזִ֔ים אַנְשֵׁ֖י בֹּֽגְד֑וֹת כֹּהֲנֶ֙יהָ֙ חִלְּלוּ־קֹ֔דֶשׁ חָמְס֖וּ תּוֹרָֽה׃

5 ‏יְהוָ֤ה צַדִּיק֙ בְּקִרְבָּ֔הּ לֹ֥א יַעֲשֶׂ֖ה עַוְלָ֑ה בַּבֹּ֨קֶר בַּבֹּ֜קֶר מִשְׁפָּט֨וֹ יִתֵּ֤ן לָאוֹר֙ לֹ֣א נֶעְדָּ֔ר וְלֹֽא־יוֹדֵ֥עַ עַוָּ֖ל בֹּֽשֶׁת׃

6 ‏הִכְרַ֣תִּי גוֹיִ֗ם נָשַׁ֙מּוּ֙ פִּנּוֹתָ֔ם הֶחֱרַ֥בְתִּי חֽוּצוֹתָ֖ם מִבְּלִ֣י עוֹבֵ֑ר נִצְדּ֧וּ עָרֵיהֶ֛ם מִבְּלִי־אִ֖ישׁ מֵאֵ֥ין יוֹשֵֽׁב׃

7 ‏אָמַ֜רְתִּי אַךְ־תִּירְאִ֤י אוֹתִי֙ תִּקְחִ֣י מוּסָ֔ר וְלֹֽא־יִכָּרֵ֣ת מְעוֹנָ֔הּ כֹּ֥ל אֲשֶׁר־פָּקַ֖דְתִּי עָלֶ֑יהָ אָכֵן֙ הִשְׁכִּ֣ימוּ הִשְׁחִ֔יתוּ כֹּ֖ל עֲלִילוֹתָֽם׃

8 ‏לָכֵ֤ן חַכּוּ־לִי֙ נְאֻם־יְהוָ֔ה לְי֖וֹם קוּמִ֣י לְעַ֑ד כִּ֣י מִשְׁפָּטִי֩ לֶאֱסֹ֨ף גּוֹיִ֜ם לְקָבְצִ֣י מַמְלָכ֗וֹת לִשְׁפֹּ֨ךְ עֲלֵיהֶ֤ם זַעְמִי֙ כֹּ֚ל חֲר֣וֹן אַפִּ֔י כִּ֚י בְּאֵ֣שׁ קִנְאָתִ֔י תֵּאָכֵ֖ל כָּל־הָאָֽרֶץ׃

9 ‏כִּֽי־אָ֛ז אֶהְפֹּ֥ךְ אֶל־עַמִּ֖ים שָׂפָ֣ה בְרוּרָ֑ה לִקְרֹ֤א כֻלָּם֙ בְּשֵׁ֣ם יְהוָ֔ה לְעָבְד֖וֹ שְׁכֶ֥ם אֶחָֽד׃

10 ‏מֵעֵ֖בֶר לְנַֽהֲרֵי־כ֑וּשׁ עֲתָרַי֙ בַּת־פּוּצַ֔י יוֹבִל֖וּן מִנְחָתִֽי׃

11 ‏בַּיּ֣וֹם הַה֗וּא לֹ֤א תֵב֙וֹשִׁי֙ מִכֹּ֣ל עֲלִילֹתַ֔יִךְ אֲשֶׁ֥ר פָּשַׁ֖עַתְּ בִּ֑י כִּי־אָ֣ז׀ אָסִ֣יר מִקִּרְבֵּ֗ךְ עַלִּיזֵי֙ גַּאֲוָתֵ֔ךְ וְלֹֽא־תוֹסִ֧פִי לְגָבְהָ֛ה ע֖וֹד בְּהַ֥ר קָדְשִֽׁי׃

12 ‏וְהִשְׁאַרְתִּ֣י בְקִרְבֵּ֔ךְ עַ֥ם עָנִ֖י וָדָ֑ל וְחָס֖וּ בְּשֵׁ֥ם יְהוָֽה׃

13 ‏שְׁאֵרִ֨ית יִשְׂרָאֵ֜ל לֹֽא־יַעֲשׂ֤וּ עַוְלָה֙ וְלֹא־יְדַבְּר֣וּ כָזָ֔ב וְלֹֽא־יִמָּצֵ֥א בְּפִיהֶ֖ם לְשׁ֣וֹן תַּרְמִ֑ית כִּֽי־הֵ֛מָּה יִרְע֥וּ וְרָבְצ֖וּ וְאֵ֥ין מַחֲרִֽיד׃ ס

14 ‏רָנִּי֙ בַּת־צִיּ֔וֹן הָרִ֖יעוּ יִשְׂרָאֵ֑ל שִׂמְחִ֤י וְעָלְזִי֙ בְּכָל־לֵ֔ב בַּ֖ת יְרוּשָׁלִָֽם׃

15 ‏הֵסִ֤יר יְהוָה֙ מִשְׁפָּטַ֔יִךְ פִּנָּ֖ה אֹֽיְבֵ֑ךְ מֶ֣לֶךְ יִשְׂרָאֵ֤ל׀ יְהוָה֙ בְּקִרְבֵּ֔ךְ לֹא־תִֽירְאִ֥י רָ֖ע עֽוֹד׃

16 ‏בַּיּ֣וֹם הַה֔וּא יֵאָמֵ֥ר לִירֽוּשָׁלִַ֖ם אַל־תִּירָ֑אִי צִיּ֖וֹן אַל־יִרְפּ֥וּ יָדָֽיִךְ׃

17 ‏יְהוָ֧ה אֱלֹהַ֛יִךְ בְּקִרְבֵּ֖ך גִּבּ֣וֹר יוֹשִׁ֑יעַ יָשִׂ֨ישׂ עָלַ֜יִךְ בְּשִׂמְחָ֗ה יַחֲרִישׁ֙ בְּאַ֣הֲבָת֔וֹ יָגִ֥יל עָלַ֖יִךְ בְּרִנָּֽה׃

18 ‏נוּגֵ֧י מִמּוֹעֵ֛ד אָסַ֖פְתִּי מִמֵּ֣ךְ הָי֑וּ מַשְׂאֵ֥ת עָלֶ֖יהָ חֶרְפָּֽה׃

19 ‏הִנְנִ֥י עֹשֶׂ֛ה אֶת־כָּל־מְעַנַּ֖יִךְ בָּעֵ֣ת הַהִ֑יא וְהוֹשַׁעְתִּ֣י אֶת־הַצֹּלֵעָ֗ה וְהַנִּדָּחָה֙ אֲקַבֵּ֔ץ וְשַׂמְתִּים֙ לִתְהִלָּ֣ה וּלְשֵׁ֔ם בְּכָל־הָאָ֖רֶץ בָּשְׁתָּֽם׃

20 ‏בָּעֵ֤ת הַהִיא֙ אָבִ֣יא אֶתְכֶ֔ם וּבָעֵ֖ת קַבְּצִ֣י אֶתְכֶ֑ם כִּֽי־אֶתֵּ֨ן אֶתְכֶ֜ם לְשֵׁ֣ם וְלִתְהִלָּ֗ה בְּכֹל֙ עַמֵּ֣י הָאָ֔רֶץ בְּשׁוּבִ֧י אֶת־שְׁבוּתֵיכֶ֛ם לְעֵינֵיכֶ֖ם אָמַ֥ר יְהוָֽה׃

1 hwōy mōrə’â wəniḡə’ālâ hā‘îr hayywōnâ:

2 lō’ šāmə‘â bəqwōl lō’ lāqəḥâ mûsār bayhwâ lō’ ḇāṭāḥâ ’el-’ĕlōheyhā lō’ qārēḇâ:

3 śāreyhā ḇəqirəbāh ’ărāywōṯ šō’ăḡîm šōfəṭeyhā zə’ēḇê ‘ereḇ lō’ ḡārəmû labōqer:

4 nəḇî’eyhā pōḥăzîm ’anəšê bōḡəḏwōṯ kōhăneyhā ḥilləlû-qōḏeš ḥāməsû twōrâ:

5 yəhwâ ṣadîq bəqirəbāh lō’ ya‘ăśeh ‘awəlâ babōqer babōqer mišəpāṭwō yitēn lā’wōr lō’ ne‘ədār wəlō’-ywōḏē‘a ‘aûāl bōšeṯ:

6 hiḵəratî ḡwōyim nāšammû pinnwōṯām heḥĕraḇətî ḥûṣwōṯām mibəlî ‘wōḇēr niṣədû ‘ārêhem mibəlî-’îš mē’ên ywōšēḇ:

7 ’āmarətî ’aḵə-tîrə’î ’wōṯî tiqəḥî mûsār wəlō’-yikārēṯ mə‘wōnāh kōl ’ăšer-pāqaḏətî ‘āleyhā ’āḵēn hišəkîmû hišəḥîṯû kōl ‘ălîlwōṯām:

8 lāḵēn ḥakû-lî nə’um-yəhwâ ləywōm qûmî lə‘aḏ kî mišəpāṭî le’ĕsōf gwōyim ləqāḇəṣî maməlāḵwōṯ lišəpōḵə ‘ălêhem za‘əmî kōl ḥărwōn ’apî kî bə’ēš qinə’āṯî tē’āḵēl kāl-hā’āreṣ:

9 kî-’āz ’ehəpōḵə ’el-‘ammîm śāfâ ḇərûrâ liqərō’ ḵullām bəšēm yəhwâ lə‘āḇəḏwō šəḵem ’eḥāḏ:

10 mē‘ēḇer lənahărê-ḵûš ‘ăṯāray baṯ-pûṣay ywōḇilûn minəḥāṯî:

11 bayywōm hahû’ lō’ ṯēḇwōšî mikōl ‘ălîlōṯayiḵə ’ăšer pāša‘atə bî kî-’āz| ’āsîr miqqirəbēḵə ‘allîzê ga’ăwāṯēḵə wəlō’-ṯwōsifî ləḡāḇəhâ ‘wōḏ bəhar qāḏəšî:

12 wəhišə’arətî ḇəqirəbēḵə ‘am ‘ānî wāḏāl wəḥāsû bəšēm yəhwâ:

13 šə’ērîṯ yiśərā’ēl lō’-ya‘ăśû ‘awəlâ wəlō’-yəḏabərû ḵāzāḇ wəlō’-yimmāṣē’ bəfîhem ləšwōn tarəmîṯ kî-hēmmâ yirə‘û wərāḇəṣû wə’ên maḥărîḏ: s

14 rānnî baṯ-ṣîywōn hārî‘û yiśərā’ēl śiməḥî wə‘āləzî bəḵāl-lēḇ baṯ yərûšālāim:

15 hēsîr yəhwâ mišəpāṭayiḵə pinnâ ’ōyəḇēḵə meleḵə yiśərā’ēl| yəhwâ bəqirəbēḵə lō’-ṯîrə’î rā‘ ‘wōḏ:

16 bayywōm hahû’ yē’āmēr lîrûšālaim ’al-tîrā’î ṣîywōn ’al-yirəpû yāḏāyiḵə:

17 yəhwâ ’ĕlōhayiḵə bəqirəbēḵ gibwōr ywōšî‘a yāśîś ‘ālayiḵə bəśiməḥâ yaḥărîš bə’ahăḇāṯwō yāḡîl ‘ālayiḵə bərinnâ:

18 nûḡê mimmwō‘ēḏ ’āsafətî mimmēḵə hāyû maśə’ēṯ ‘āleyhā ḥerəpâ:

19 hinənî ‘ōśeh ’eṯ-kāl-mə‘annayiḵə bā‘ēṯ hahî’ wəhwōša‘ətî ’eṯ-haṣṣōlē‘â wəhannidāḥâ ’ăqabēṣ wəśamətîm liṯəhillâ ûləšēm bəḵāl-hā’āreṣ bāšətām:

20 bā‘ēṯ hahî’ ’āḇî’ ’eṯəḵem ûḇā‘ēṯ qabəṣî ’eṯəḵem kî-’etēn ’eṯəḵem ləšēm wəliṯəhillâ bəḵōl ‘ammê hā’āreṣ bəšûḇî ’eṯ-šəḇûṯêḵem lə‘ênêḵem ’āmar yəhwâ:


Next: Haggai (Haggai) Chapter 1