Sacred Texts  Bible  Index 
Polyglot  KJV  Sep  Vul 

Zephaniah (Tsephanyah) Index
  Previous  Next 

Tanach (Hebrew): Zephaniah (Tsephanyah) Chapter 2

1 ‏הִֽתְקוֹשְׁשׁ֖וּ וָק֑וֹשּׁוּ הַגּ֖וֹי לֹ֥א נִכְסָֽף׃

2 ‏בְּטֶ֙רֶם֙ לֶ֣דֶת חֹ֔ק כְּמֹ֖ץ עָ֣בַר י֑וֹם בְּטֶ֣רֶם׀ לֹא־יָב֣וֹא עֲלֵיכֶ֗ם חֲרוֹן֙ אַף־יְהוָ֔ה בְּטֶ֙רֶם֙ לֹא־יָב֣וֹא עֲלֵיכֶ֔ם י֖וֹם אַף־יְהוָֽה׃

3 ‏בַּקְּשׁ֤וּ אֶת־יְהוָה֙ כָּל־עַנְוֵ֣י הָאָ֔רֶץ אֲשֶׁ֥ר מִשְׁפָּט֖וֹ פָּעָ֑לוּ בַּקְּשׁוּ־צֶ֙דֶק֙ בַּקְּשׁ֣וּ עֲנָוָ֔ה אוּלַי֙ תִּסָּ֣תְר֔וּ בְּי֖וֹם אַף־יְהוָֽה׃

4 ‏כִּ֤י עַזָּה֙ עֲזוּבָ֣ה תִֽהְיֶ֔ה וְאַשְׁקְל֖וֹן לִשְׁמָמָ֑ה אַשְׁדּ֗וֹד בַּֽצָּהֳרַ֙יִם֙ יְגָ֣רְשׁ֔וּהָ וְעֶקְר֖וֹן תֵּעָקֵֽר׃ ס

5 ‏ה֗וֹי יֹֽשְׁבֵ֛י חֶ֥בֶל הַיָּ֖ם גּ֣וֹי כְּרֵתִ֑ים דְּבַר־יְהוָ֣ה עֲלֵיכֶ֗ם כְּנַ֙עַן֙ אֶ֣רֶץ פְּלִשְׁתִּ֔ים וְהַאֲבַדְתִּ֖יךְ מֵאֵ֥ין יוֹשֵֽׁב׃

6 ‏וְֽהָיְתָ֞ה חֶ֣בֶל הַיָּ֗ם נְוֹ֛ת כְּרֹ֥ת רֹעִ֖ים וְגִדְר֥וֹת צֹֽאן׃

7 ‏וְהָ֣יָה חֶ֗בֶל לִשְׁאֵרִ֛ית בֵּ֥ית יְהוּדָ֖ה עֲלֵיהֶ֣ם יִרְע֑וּן בְּבָתֵּ֣י אַשְׁקְל֗וֹן בָּעֶ֙רֶב֙ יִרְבָּצ֔וּן כִּ֧י יִפְקְדֵ֛ם יְהוָ֥ה אֱלֹהֵיהֶ֖ם וְשָׁ֥ב שבותם שְׁבִיתָֽם׃

8 ‏שָׁמַ֙עְתִּי֙ חֶרְפַּ֣ת מוֹאָ֔ב וְגִדּוּפֵ֖י בְּנֵ֣י עַמּ֑וֹן אֲשֶׁ֤ר חֵֽרְפוּ֙ אֶת־עַמִּ֔י וַיַּגְדִּ֖ילוּ עַל־גְּבוּלָֽם׃

9 ‏לָכֵ֣ן חַי־אָ֡נִי נְאֻם֩ יְהוָ֨ה צְבָא֜וֹת אֱלֹהֵ֣י יִשְׂרָאֵ֗ל כִּֽי־מוֹאָ֞ב כִּסְדֹ֤ם תִּֽהְיֶה֙ וּבְנֵ֤י עַמּוֹן֙ כַּֽעֲמֹרָ֔ה מִמְשַׁ֥ק חָר֛וּל וּמִכְרֵה־מֶ֥לַח וּשְׁמָמָ֖ה עַד־עוֹלָ֑ם שְׁאֵרִ֤ית עַמִּי֙ יְבָזּ֔וּם וְיֶ֥תֶר גוי גּוֹיִ֖י יִנְחָלֽוּם׃

10 ‏זֹ֥את לָהֶ֖ם תַּ֣חַת גְּאוֹנָ֑ם כִּ֤י חֵֽרְפוּ֙ וַיַּגְדִּ֔לוּ עַל־עַ֖ם יְהוָ֥ה צְבָאֽוֹת׃

11 ‏נוֹרָ֤א יְהוָה֙ עֲלֵיהֶ֔ם כִּ֣י רָזָ֔ה אֵ֖ת כָּל־אֱלֹהֵ֣י הָאָ֑רֶץ וְיִשְׁתַּֽחֲווּ־לוֹ֙ אִ֣ישׁ מִמְּקוֹמ֔וֹ כֹּ֖ל אִיֵּ֥י הַגּוֹיִֽם׃

12 ‏גַּם־אַתֶּ֣ם כּוּשִׁ֔ים חַֽלְלֵ֥י חַרְבִּ֖י הֵֽמָּה׃

13 ‏וְיֵ֤ט יָדוֹ֙ עַל־צָפ֔וֹן וִֽיאַבֵּ֖ד אֶת־אַשּׁ֑וּר וְיָשֵׂ֤ם אֶת־נִֽינְוֵה֙ לִשְׁמָמָ֔ה צִיָּ֖ה כַּמִּדְבָּֽר׃

14 ‏וְרָבְצ֨וּ בְתוֹכָ֤הּ עֲדָרִים֙ כָּל־חַיְתוֹ־ג֔וֹי גַּם־קָאַת֙ גַּם־קִפֹּ֔ד בְּכַפְתֹּרֶ֖יהָ יָלִ֑ינוּ ק֠וֹל יְשׁוֹרֵ֤ר בַּֽחַלּוֹן֙ חֹ֣רֶב בַּסַּ֔ף כִּ֥י אַרְזָ֖ה עֵרָֽה׃

15 ‏זֹ֞א֠ת3 הָעִ֤יר הָעַלִּיזָה֙ הַיּוֹשֶׁ֣בֶת לָבֶ֔טַח הָאֹֽמְרָה֙ בִּלְבָבָ֔הּ אֲנִ֖י וְאַפְסִ֣י ע֑וֹד אֵ֣יךְ׀ הָיְתָ֣ה לְשַׁמָּ֗ה מַרְבֵּץ֙ לַֽחַיָּ֔ה כֹּ֚ל עוֹבֵ֣ר עָלֶ֔יהָ יִשְׁרֹ֖ק יָנִ֥יעַ יָדֽוֹ׃ ס

1 hiṯəqwōšəšû wāqwōššû hagwōy lō’ niḵəsāf:

2 bəṭerem leḏeṯ ḥōq kəmōṣ ‘āḇar ywōm bəṭerem| lō’-yāḇwō’ ‘ălêḵem ḥărwōn ’af-yəhwâ bəṭerem lō’-yāḇwō’ ‘ălêḵem ywōm ’af-yəhwâ:

3 baqqəšû ’eṯ-yəhwâ kāl-‘anəwê hā’āreṣ ’ăšer mišəpāṭwō pā‘ālû baqqəšû-ṣeḏeq baqqəšû ‘ănāwâ ’ûlay tissāṯərû bəywōm ’af-yəhwâ:

4 kî ‘azzâ ‘ăzûḇâ ṯihəyeh wə’ašəqəlwōn lišəmāmâ ’ašədwōḏ baṣṣâŏrayim yəḡārəšûhā wə‘eqərwōn tē‘āqēr: s

5 hwōy yōšəḇê ḥeḇel hayyām gwōy kərēṯîm dəḇar-yəhwâ ‘ălêḵem kəna‘an ’ereṣ pəlišətîm wəha’ăḇaḏətîḵə mē’ên ywōšēḇ:

6 wəhāyəṯâ ḥeḇel hayyām nəwōṯ kərōṯ rō‘îm wəḡiḏərwōṯ ṣō’n:

7 wəhāyâ ḥeḇel lišə’ērîṯ bêṯ yəhûḏâ ‘ălêhem yirə‘ûn bəḇātê ’ašəqəlwōn bā‘ereḇ yirəbāṣûn kî yifəqəḏēm yəhwâ ’ĕlōhêhem wəšāḇ šəḇûṯām šəḇîṯām:

8 šāma‘ətî ḥerəpaṯ mwō’āḇ wəḡidûfê bənê ‘ammwōn ’ăšer ḥērəfû ’eṯ-‘ammî wayyaḡədîlû ‘al-gəḇûlām:

9 lāḵēn ḥay-’ānî nə’um yəhwâ ṣəḇā’wōṯ ’ĕlōhê yiśərā’ēl kî-mwō’āḇ kisəḏōm tihəyeh ûḇənê ‘ammwōn ka‘ămōrâ miməšaq ḥārûl ûmiḵərēh-melaḥ ûšəmāmâ ‘aḏ-‘wōlām šə’ērîṯ ‘ammî yəḇāzzûm wəyeṯer gwōy gwōyî yinəḥālûm:

10 zō’ṯ lâem taḥaṯ gə’wōnām kî ḥērəfû wayyaḡədilû ‘al-‘am yəhwâ ṣəḇā’wōṯ:

11 nwōrā’ yəhwâ ‘ălêhem kî rāzâ ’ēṯ kāl-’ĕlōhê hā’āreṣ wəyišətaḥăwû-lwō ’îš mimməqwōmwō kōl ’îyê hagwōyim:

12 gam-’atem kûšîm ḥaləlê ḥarəbî hēmmâ:

13 wəyēṭ yāḏwō ‘al-ṣāfwōn wî’abēḏ ’eṯ-’aššûr wəyāśēm ’eṯ-nînəwēh lišəmāmâ ṣîyâ kammiḏəbār:

14 wərāḇəṣû ḇəṯwōḵāh ‘ăḏārîm kāl-ḥayəṯwō-ḡwōy gam-qā’aṯ gam-qipōḏ bəḵafətōreyhā yālînû qwōl yəšwōrēr baḥallwōn ḥōreḇ bassaf kî ’arəzâ ‘ērâ:

15 zō’ṯ3 hā‘îr hā‘allîzâ hayywōšeḇeṯ lāḇeṭaḥ hā’ōmərâ biləḇāḇāh ’ănî wə’afəsî ‘wōḏ ’êḵə| hāyəṯâ ləšammâ marəbēṣ laḥayyâ kōl ‘wōḇēr ‘āleyhā yišərōq yānî‘a yāḏwō: s


Next: Zephaniah (Tsephanyah) Chapter 3