Sacred Texts  Bible  Index 
Polyglot  KJV  Sep  Vul 

Zechariah (Zekharyah) Index
  Previous  Next 

Tanach (Hebrew): Zechariah (Zekharyah) Chapter 7

1 ‏וַֽיְהִי֙ בִּשְׁנַ֣ת אַרְבַּ֔ע לְדָרְיָ֖וֶשׁ הַמֶּ֑לֶךְ הָיָ֨ה דְבַר־יְהוָ֜ה אֶל־זְכַרְיָ֗ה בְּאַרְבָּעָ֛ה לַחֹ֥דֶשׁ הַתְּשִׁעִ֖י בְּכִסְלֵֽו׃

2 ‏וַיִּשְׁלַח֙ בֵּֽית־אֵ֔ל שַׂר־אֶ֕צֶר וְרֶ֥גֶם מֶ֖לֶךְ וַֽאֲנָשָׁ֑יו לְחַלּ֖וֹת אֶת־פְּנֵ֥י יְהוָֽה׃

3 ‏לֵאמֹ֗ר אֶל־הַכֹּֽהֲנִים֙ אֲשֶׁר֙ לְבֵית־יְהוָ֣ה צְבָא֔וֹת וְאֶל־הַנְּבִיאִ֖ים לֵאמֹ֑ר הַֽאֶבְכֶּה֙ בַּחֹ֣דֶשׁ הַחֲמִשִׁ֔י הִנָּזֵ֕ר כַּאֲשֶׁ֣ר עָשִׂ֔יתִי זֶ֖ה כַּמֶּ֥ה שָׁנִֽים׃ פ

4 ‏וַיְהִ֛י דְּבַר־יְהוָ֥ה צְבָא֖וֹת אֵלַ֥י לֵאמֹֽר׃

5 ‏אֱמֹר֙ אֶל־כָּל־עַ֣ם הָאָ֔רֶץ וְאֶל־הַכֹּהֲנִ֖ים לֵאמֹ֑ר כִּֽי־צַמְתֶּ֨ם וְסָפ֜וֹד בַּחֲמִישִׁ֣י וּבַשְּׁבִיעִ֗י וְזֶה֙ שִׁבְעִ֣ים שָׁנָ֔ה הֲצ֥וֹם צַמְתֻּ֖נִי אָֽנִי׃

6 ‏וְכִ֥י תֹאכְל֖וּ וְכִ֣י תִשְׁתּ֑וּ הֲל֤וֹא אַתֶּם֙ הָאֹ֣כְלִ֔ים וְאַתֶּ֖ם הַשֹּׁתִֽים׃

7 ‏הֲל֣וֹא אֶת־הַדְּבָרִ֗ים אֲשֶׁ֨ר קָרָ֤א יְהוָה֙ בְּיַד֙ הַנְּבִיאִ֣ים הָרִֽאשֹׁנִ֔ים בִּהְי֤וֹת יְרוּשָׁלִַ֙ם֙ יֹשֶׁ֣בֶת וּשְׁלֵוָ֔ה וְעָרֶ֖יהָ סְבִיבֹתֶ֑יהָ3 וְהַנֶּ֥גֶב וְהַשְּׁפֵלָ֖ה יֹשֵֽׁב׃ פ

8 ‏וַֽיְהִי֙ דְּבַר־יְהוָ֔ה אֶל־זְכַרְיָ֖ה לֵאמֹֽר׃

9 ‏כֹּ֥ה אָמַ֛ר יְהוָ֥ה צְבָא֖וֹת לֵאמֹ֑ר מִשְׁפַּ֤ט אֱמֶת֙ שְׁפֹ֔טוּ וְחֶ֣סֶד וְרַֽחֲמִ֔ים עֲשׂ֖וּ אִ֥ישׁ אֶת־אָחִֽיו׃

10 ‏וְאַלְמָנָ֧ה וְיָת֛וֹם גֵּ֥ר וְעָנִ֖י אַֽל־תַּעֲשֹׁ֑קוּ וְרָעַת֙ אִ֣ישׁ אָחִ֔יו אַֽל־תַּחְשְׁב֖וּ בִּלְבַבְכֶֽם׃

11 ‏וַיְמָאֲנ֣וּ לְהַקְשִׁ֔יב וַיִּתְּנ֥וּ כָתֵ֖ף סֹרָ֑רֶת וְאָזְנֵיהֶ֖ם הִכְבִּ֥ידוּ מִשְּׁמֽוֹעַ׃

12 ‏וְלִבָּ֞ם שָׂ֣מוּ שָׁמִ֗יר מִ֠שְּׁמוֹעַ אֶת־הַתּוֹרָ֤ה וְאֶת־הַדְּבָרִים֙ אֲשֶׁ֨ר שָׁלַ֜ח יְהוָ֤ה צְבָאוֹת֙ בְּרוּח֔וֹ בְּיַ֖ד הַנְּבִיאִ֣ים הָרִֽאשֹׁנִ֑ים וַֽיְהִי֙ קֶ֣צֶף גָּד֔וֹל מֵאֵ֖ת יְהוָ֥ה צְבָאֽוֹת׃

13 ‏וַיְהִ֥י כַאֲשֶׁר־קָרָ֖א וְלֹ֣א שָׁמֵ֑עוּ כֵּ֤ן יִקְרְאוּ֙ וְלֹ֣א אֶשְׁמָ֔ע אָמַ֖ר יְהוָ֥ה צְבָאֽוֹת׃

14 ‏וְאֵ֣סָעֲרֵ֗ם עַ֤ל כָּל־הַגּוֹיִם֙ אֲשֶׁ֣ר לֹֽא־יְדָע֔וּם וְהָאָ֙רֶץ֙ נָשַׁ֣מָּה אַֽחֲרֵיהֶ֔ם מֵֽעֹבֵ֖ר וּמִשָּׁ֑ב וַיָּשִׂ֥ימוּ אֶֽרֶץ־חֶמְדָּ֖ה לְשַׁמָּֽה׃ פ

1 wayəhî bišənaṯ ’arəba‘ ləḏārəyāweš hammeleḵə hāyâ ḏəḇar-yəhwâ ’el-zəḵarəyâ bə’arəbā‘â laḥōḏeš hatəši‘î bəḵisəlēw:

2 wayyišəlaḥ bêṯ-’ēl śar-’eṣer wəreḡem meleḵə wa’ănāšāyw ləḥallwōṯ ’eṯ-pənê yəhwâ:

3 lē’mōr ’el-hakōhănîm ’ăšer ləḇêṯ-yəhwâ ṣəḇā’wōṯ wə’el-hannəḇî’îm lē’mōr ha’eḇəkeh baḥōḏeš haḥămišî hinnāzēr ka’ăšer ‘āśîṯî zeh kammeh šānîm: f

4 wayəhî dəḇar-yəhwâ ṣəḇā’wōṯ ’ēlay lē’mōr:

5 ’ĕmōr ’el-kāl-‘am hā’āreṣ wə’el-hakōhănîm lē’mōr kî-ṣamətem wəsāfwōḏ baḥămîšî ûḇaššəḇî‘î wəzeh šiḇə‘îm šānâ hăṣwōm ṣamətunî ’ānî:

6 wəḵî ṯō’ḵəlû wəḵî ṯišətû hălwō’ ’atem hā’ōḵəlîm wə’atem haššōṯîm:

7 hălwō’ ’eṯ-hadəḇārîm ’ăšer qārā’ yəhwâ bəyaḏ hannəḇî’îm hāri’šōnîm bihəywōṯ yərûšālaim yōšeḇeṯ ûšəlēwâ wə‘āreyhā səḇîḇōṯeyhā3 wəhanneḡeḇ wəhaššəfēlâ yōšēḇ: f

8 wayəhî dəḇar-yəhwâ ’el-zəḵarəyâ lē’mōr:

9 kōh ’āmar yəhwâ ṣəḇā’wōṯ lē’mōr mišəpaṭ ’ĕmeṯ šəfōṭû wəḥeseḏ wəraḥămîm ‘ăśû ’îš ’eṯ-’āḥîw:

10 wə’aləmānâ wəyāṯwōm gēr wə‘ānî ’al-ta‘ăšōqû wərā‘aṯ ’îš ’āḥîw ’al-taḥəšəḇû biləḇaḇəḵem:

11 wayəmā’ănû ləhaqəšîḇ wayyitənû ḵāṯēf sōrāreṯ wə’āzənêhem hiḵəbîḏû miššəmwō‘a:

12 wəlibām śāmû šāmîr miššəmwō‘a ’eṯ-hatwōrâ wə’eṯ-hadəḇārîm ’ăšer šālaḥ yəhwâ ṣəḇā’wōṯ bərûḥwō bəyaḏ hannəḇî’îm hāri’šōnîm wayəhî qeṣef gāḏwōl mē’ēṯ yəhwâ ṣəḇā’wōṯ:

13 wayəhî ḵa’ăšer-qārā’ wəlō’ šāmē‘û kēn yiqərə’û wəlō’ ’ešəmā‘ ’āmar yəhwâ ṣəḇā’wōṯ:

14 wə’ēsā‘ărēm ‘al kāl-hagwōyim ’ăšer lō’-yəḏā‘ûm wəhā’āreṣ nāšammâ ’aḥărêhem mē‘ōḇēr ûmiššāḇ wayyāśîmû ’ereṣ-ḥemədâ ləšammâ: f


Next: Zechariah (Zekharyah) Chapter 8