Sacred Texts  Bible  Index 
Polyglot  KJV  Sep  Vul 

Song of Solomon (Shir Hashirim) Index
  Previous  Next 

Tanach (Hebrew): Song of Solomon (Shir Hashirim) Chapter 7

1 ‏שׁ֤וּבִי שׁ֙וּבִי֙ הַשּׁ֣וּלַמִּ֔ית שׁ֥וּבִי שׁ֖וּבִי וְנֶחֱזֶה־בָּ֑ךְ מַֽה־תֶּחֱזוּ֙ בַּשּׁ֣וּלַמִּ֔ית כִּמְחֹלַ֖ת הַֽמַּחֲנָֽיִם׃

2 ‏מַה־יָּפ֧וּ פְעָמַ֛יִךְ בַּנְּעָלִ֖ים בַּת־נָדִ֑יב חַמּוּקֵ֣י יְרֵכַ֔יִךְ כְּמ֣וֹ חֲלָאִ֔ים מַעֲשֵׂ֖ה יְדֵ֥י אָמָּֽן׃

3 ‏שָׁרְרֵךְ֙ אַגַּ֣ן הַסַּ֔הַר אַל־יֶחְסַ֖ר הַמָּ֑זֶג בִּטְנֵךְ֙ עֲרֵמַ֣ת חִטִּ֔ים סוּגָ֖ה בַּשּׁוֹשַׁנִּֽים׃

4 ‏שְׁנֵ֥י שָׁדַ֛יִךְ כִּשְׁנֵ֥י עֳפָרִ֖ים תָּאֳמֵ֥י צְבִיָּֽה׃

5 ‏צַוָּארֵ֖ךְ כְּמִגְדַּ֣ל הַשֵּׁ֑ן עֵינַ֜יִךְ בְּרֵכ֣וֹת בְּחֶשְׁבּ֗וֹן עַל־שַׁ֙עַר֙ בַּת־רַבִּ֔ים אַפֵּךְ֙ כְּמִגְדַּ֣ל הַלְּבָנ֔וֹן צוֹפֶ֖ה פְּנֵ֥י דַמָּֽשֶׂק׃

6 ‏רֹאשֵׁ֤ךְ עָלַ֙יִךְ֙ כַּכַּרְמֶ֔ל וְדַלַּ֥ת רֹאשֵׁ֖ךְ כָּאַרְגָּמָ֑ן מֶ֖לֶךְ אָס֥וּר בָּרְהָטִֽים׃

7 ‏מַה־יָּפִית֙ וּמַה־נָּעַ֔מְתְּ אַהֲבָ֖ה בַּתַּֽעֲנוּגִֽים׃

8 ‏זֹ֤את קֽוֹמָתֵךְ֙ דָּֽמְתָ֣ה לְתָמָ֔ר וְשָׁדַ֖יִךְ לְאַשְׁכֹּלֽוֹת׃

9 ‏אָמַ֙רְתִּי֙ אֶעֱלֶ֣ה בְתָמָ֔ר אֹֽחֲזָ֖ה בְּסַנְסִנָּ֑יו וְיִֽהְיוּ־נָ֤א שָׁדַ֙יִךְ֙ כְּאֶשְׁכְּל֣וֹת הַגֶּ֔פֶן וְרֵ֥יחַ3 אַפֵּ֖ךְ כַּתַּפּוּחִֽים׃

10 ‏וְחִכֵּ֕ךְ כְּיֵ֥ין הַטּ֛וֹב הוֹלֵ֥ךְ לְדוֹדִ֖י לְמֵישָׁרִ֑ים דּוֹבֵ֖ב שִׂפְתֵ֥י יְשֵׁנִֽים׃

11 ‏אֲנִ֣י לְדוֹדִ֔י וְעָלַ֖י תְּשׁוּקָתֽוֹ׃ ס

12 ‏לְכָ֤ה דוֹדִי֙ נֵצֵ֣א הַשָּׂדֶ֔ה נָלִ֖ינָה בַּכְּפָרִֽים׃

13 ‏נַשְׁכִּ֙ימָה֙ לַכְּרָמִ֔ים נִרְאֶ֞ה אִם פָּֽרְחָ֤ה הַגֶּ֙פֶן֙ פִּתַּ֣ח הַסְּמָדַ֔ר הֵנֵ֖צוּ הָרִמּוֹנִ֑ים שָׁ֛ם אֶתֵּ֥ן אֶת־דֹּדַ֖י לָֽךְ׃

14 ‏הַֽדּוּדָאִ֣ים נָֽתְנוּ־רֵ֗יחַ וְעַל־פְּתָחֵ֙ינוּ֙ כָּל־מְגָדִ֔ים חֲדָשִׁ֖ים גַּם־יְשָׁנִ֑ים דּוֹדִ֖י צָפַ֥נְתִּי לָֽךְ׃

1 šûḇî šûḇî haššûlammîṯ šûḇî šûḇî wəneḥĕzeh-bāḵə mah-teḥĕzû baššûlammîṯ kiməḥōlaṯ hammaḥănāyim:

2 mah-yyāfû fə‘āmayiḵə bannə‘ālîm baṯ-nāḏîḇ ḥammûqê yərēḵayiḵə kəmwō ḥălā’îm ma‘ăśēh yəḏê ’āmmān:

3 šārərēḵə ’agan hassahar ’al-yeḥəsar hammāzeḡ biṭənēḵə ‘ărēmaṯ ḥiṭṭîm sûḡâ baššwōšannîm:

4 šənê šāḏayiḵə kišənê ‘ŏfārîm tā’ŏmê ṣəḇîyâ:

5 ṣaûā’rēḵə kəmiḡədal haššēn ‘ênayiḵə bərēḵwōṯ bəḥešəbwōn ‘al-ša‘ar baṯ-rabîm ’apēḵə kəmiḡədal halləḇānwōn ṣwōfeh pənê ḏammāśeq:

6 rō’šēḵə ‘ālayiḵə kakarəmel wəḏallaṯ rō’šēḵə kā’arəgāmān meleḵə ’āsûr bārəhāṭîm:

7 mah-yyāfîṯ ûmah-nnā‘amətə ’ahăḇâ bata‘ănûḡîm:

8 zō’ṯ qwōmāṯēḵə dāməṯâ ləṯāmār wəšāḏayiḵə lə’ašəkōlwōṯ:

9 ’āmarətî ’e‘ĕleh ḇəṯāmār ’ōḥăzâ bəsanəsinnāyw wəyihəyû-nā’ šāḏayiḵə kə’ešəkəlwōṯ hagefen wərêḥa3 ’apēḵə katapûḥîm:

10 wəḥikēḵə kəyên haṭṭwōḇ hwōlēḵə ləḏwōḏî ləmêšārîm dwōḇēḇ śifəṯê yəšēnîm:

11 ’ănî ləḏwōḏî wə‘ālay təšûqāṯwō: s

12 ləḵâ ḏwōḏî nēṣē’ haśśāḏeh nālînâ bakəfārîm:

13 našəkîmâ lakərāmîm nirə’eh ’im pārəḥâ hagefen pitaḥ hassəmāḏar hēnēṣû hārimmwōnîm šām ’etēn ’eṯ-dōḏay lāḵə:

14 hadûḏā’îm nāṯənû-rêḥa wə‘al-pəṯāḥênû kāl-məḡāḏîm ḥăḏāšîm gam-yəšānîm dwōḏî ṣāfanətî lāḵə:


Next: Song of Solomon (Shir Hashirim) Chapter 8