Sacred Texts  Bible  Index 
Polyglot  KJV  Sep  Vul 

2 Samuel (2 Shmuel) Index
  Previous  Next 

Tanach (Hebrew): 2 Samuel (2 Shmuel) Chapter 4

1 ‏וַיִּשְׁמַ֣ע בֶּן־שָׁא֗וּל כִּ֣י מֵ֤ת אַבְנֵר֙ בְּחֶבְר֔וֹן וַיִּרְפּ֖וּ יָדָ֑יו וְכָל־יִשְׂרָאֵ֖ל נִבְהָֽלוּ׃

2 ‏וּשְׁנֵ֣י אֲנָשִׁ֣ים שָׂרֵֽי־גְדוּדִ֣ים הָי֪וּ בֶן־שָׁא֟וּל שֵׁם֩ הָאֶחָ֨ד בַּֽעֲנָ֜ה וְשֵׁ֧ם הַשֵּׁנִ֣י רֵכָ֗ב בְּנֵ֛י רִמּ֥וֹן הַבְּאֶֽרֹתִ֖י מִבְּנֵ֣י בִנְיָמִ֑ן כִּ֚י גַּם־בְּאֵר֔וֹת תֵּחָשֵׁ֖ב עַל־בִּנְיָמִֽן׃

3 ‏וַיִּבְרְח֥וּ הַבְּאֵרֹתִ֖ים גִּתָּ֑יְמָה וַֽיִּהְיוּ־שָׁ֣ם גָּרִ֔ים עַ֖ד הַיּ֥וֹם הַזֶּֽה׃ ס

4 ‏וְלִיהֽוֹנָתָן֙ בֶּן־שָׁא֔וּל בֵּ֖ן נְכֵ֣ה רַגְלָ֑יִם בֶּן־חָמֵ֣שׁ שָׁנִ֣ים הָיָ֡ה בְּבֹ֣א שְׁמֻעַת֩ שָׁא֨וּל וִיהֽוֹנָתָ֜ן מִֽיִּזְרְעֶ֗אל וַתִּשָּׂאֵ֤הוּ אֹֽמַנְתּוֹ֙ וַתָּנֹ֔ס וַיְהִ֞י בְּחָפְזָ֥הּ לָנ֛וּס וַיִּפֹּ֥ל וַיִּפָּסֵ֖חַ וּשְׁמ֥וֹ מְפִיבֹֽשֶׁת׃

5 ‏וַיֵּ֨לְכ֜וּ בְּנֵֽי־רִמּ֤וֹן הַבְּאֵֽרֹתִי֙ רֵכָ֣ב וּבַעֲנָ֔ה וַיָּבֹ֙אוּ֙ כְּחֹ֣ם הַיּ֔וֹם אֶל־בֵּ֖ית אִ֣ישׁ בֹּ֑שֶׁת וְה֣וּא שֹׁכֵ֔ב אֵ֖ת מִשְׁכַּ֥ב הַֽצָּהֳרָֽיִם׃

6 ‏וְ֠הֵנָּה בָּ֜אוּ עַד־תּ֤וֹךְ הַבַּ֙יִת֙ לֹקְחֵ֣י חִטִּ֔ים וַיַּכֻּ֖הוּ אֶל־הַחֹ֑מֶשׁ וְרֵכָ֛ב וּבַעֲנָ֥ה אָחִ֖יו נִמְלָֽטוּ׃

7 ‏וַיָּבֹ֣אוּ הַבַּ֗יִת וְהֽוּא־שֹׁכֵ֤ב עַל־מִטָּתוֹ֙ בַּחֲדַ֣ר מִשְׁכָּב֔וֹ וַיַּכֻּ֙הוּ֙ וַיְמִתֻ֔הוּ וַיָּסִ֖ירוּ אֶת־רֹאשׁ֑וֹ וַיִּקְחוּ֙ אֶת־רֹאשׁ֔וֹ וַיֵּֽלְכ֛וּ דֶּ֥רֶךְ הָעֲרָבָ֖ה כָּל־הַלָּֽיְלָה׃

8 ‏וַ֠יָּבִאוּ אֶת־רֹ֨אשׁ אִֽישׁ־בֹּ֥שֶׁת אֶל־דָּוִד֮ חֶבְרוֹן֒ וַיֹּֽאמְרוּ֙ אֶל־הַמֶּ֔לֶךְ הִנֵּֽה־רֹ֣אשׁ אִֽישׁ־בֹּ֗שֶׁת בֶּן־שָׁאוּל֙ אֹֽיִבְךָ֔ אֲשֶׁ֥ר בִּקֵּ֖שׁ אֶת־נַפְשֶׁ֑ךָ וַיִּתֵּ֣ן יְ֠הוָה לַֽאדֹנִ֨י הַמֶּ֤לֶךְ נְקָמוֹת֙ הַיּ֣וֹם הַזֶּ֔ה מִשָּׁא֖וּל וּמִזַּרְעֽוֹ׃ ס

9 ‏וַיַּ֨עַן דָּוִ֜ד אֶת־רֵכָ֣ב׀ וְאֶת־בַּעֲנָ֣ה אָחִ֗יו בְּנֵ֛י רִמּ֥וֹן הַבְּאֵֽרֹתִ֖י וַיֹּ֣אמֶר לָהֶ֑ם חַי־יְהוָ֕ה אֲשֶׁר־פָּדָ֥ה אֶת־נַפְשִׁ֖י מִכָּל־צָרָֽה׃

10 ‏כִּ֣י הַמַּגִּיד֩ לִ֨י לֵאמֹ֜ר הִנֵּה־מֵ֣ת שָׁא֗וּל וְהֽוּא־הָיָ֤ה כִמְבַשֵּׂר֙ בְּעֵינָ֔יו וָאֹחֲזָ֣ה ב֔וֹ וָאֶהְרְגֵ֖הוּ בְּצִֽקְלָ֑ג אֲשֶׁ֥ר לְתִתִּי־ל֖וֹ בְּשֹׂרָֽה׃

11 ‏אַ֞ף כִּֽי־אֲנָשִׁ֣ים רְשָׁעִ֗ים הָרְג֧וּ אֶת־אִישׁ־צַדִּ֛יק בְּבֵית֖וֹ עַל־מִשְׁכָּב֑וֹ וְעַתָּ֗ה הֲל֨וֹא אֲבַקֵּ֤שׁ אֶת־דָּמוֹ֙ מִיֶּדְכֶ֔ם וּבִעַרְתִּ֥י אֶתְכֶ֖ם מִן־הָאָֽרֶץ׃

12 ‏וַיְצַו֩ דָּוִ֨ד אֶת־הַנְּעָרִ֜ים וַיַּהַרְג֗וּם וַֽיְקַצְּצ֤וּ אֶת־יְדֵיהֶם֙ וְאֶת־רַגְלֵיהֶ֔ם וַיִּתְל֥וּ עַל־הַבְּרֵכָ֖ה בְּחֶבְר֑וֹן וְאֵ֨ת רֹ֤אשׁ אִֽישׁ־בֹּ֙שֶׁת֙ לָקָ֔חוּ וַיִּקְבְּר֥וּ בְקֶֽבֶר־אַבְנֵ֖ר בְּחֶבְרֽוֹן׃ פ

1 wayyišəma‘ ben-šā’ûl kî mēṯ ’aḇənēr bəḥeḇərwōn wayyirəpû yāḏāyw wəḵāl-yiśərā’ēl niḇəhālû:

2 ûšənê ’ănāšîm śārê-ḡəḏûḏîm hāyû ḇen-šā’ûl šēm hā’eḥāḏ ba‘ănâ wəšēm haššēnî rēḵāḇ bənê rimmwōn habə’erōṯî mibənê ḇinəyāmin kî gam-bə’ērwōṯ tēḥāšēḇ ‘al-binəyāmin:

3 wayyiḇərəḥû habə’ērōṯîm gitāyəmâ wayyihəyû-šām gārîm ‘aḏ hayywōm hazzeh: s

4 wəlîhwōnāṯān ben-šā’ûl bēn nəḵēh raḡəlāyim ben-ḥāmēš šānîm hāyâ bəḇō’ šəmu‘aṯ šā’ûl wîhwōnāṯān mîyizərə‘e’l watiśśā’ēhû ’ōmanətwō watānōs wayəhî bəḥāfəzāh lānûs wayyipōl wayyipāsēḥa ûšəmwō məfîḇōšeṯ:

5 wayyēləḵû bənê-rimmwōn habə’ērōṯî rēḵāḇ ûḇa‘ănâ wayyāḇō’û kəḥōm hayywōm ’el-bêṯ ’îš bōšeṯ wəhû’ šōḵēḇ ’ēṯ mišəkaḇ haṣṣâŏrāyim:

6 wəhēnnâ bā’û ‘aḏ-twōḵə habayiṯ lōqəḥê ḥiṭṭîm wayyakuhû ’el-haḥōmeš wərēḵāḇ ûḇa‘ănâ ’āḥîw niməlāṭû:

7 wayyāḇō’û habayiṯ wəhû’-šōḵēḇ ‘al-miṭṭāṯwō baḥăḏar mišəkāḇwō wayyakuhû wayəmiṯuhû wayyāsîrû ’eṯ-rō’šwō wayyiqəḥû ’eṯ-rō’šwō wayyēləḵû dereḵə hā‘ărāḇâ kāl-hallāyəlâ:

8 wayyāḇi’û ’eṯ-rō’š ’îš-bōšeṯ ’el-dāwiḏ ḥeḇərwōn wayyō’mərû ’el-hammeleḵə hinnēh-rō’š ’îš-bōšeṯ ben-šā’ûl ’ōyiḇəḵā ’ăšer biqqēš ’eṯ-nafəšeḵā wayyitēn yəhwâ la’ḏōnî hammeleḵə nəqāmwōṯ hayywōm hazzeh miššā’ûl ûmizzarə‘wō: s

9 wayya‘an dāwiḏ ’eṯ-rēḵāḇ| wə’eṯ-ba‘ănâ ’āḥîw bənê rimmwōn habə’ērōṯî wayyō’mer lâem ḥay-yəhwâ ’ăšer-pāḏâ ’eṯ-nafəšî mikāl-ṣārâ:

10 kî hammagîḏ lî lē’mōr hinnēh-mēṯ šā’ûl wəhû’-hāyâ ḵiməḇaśśēr bə‘ênāyw wā’ōḥăzâ ḇwō wā’ehərəḡēhû bəṣiqəlāḡ ’ăšer ləṯitî-lwō bəśōrâ:

11 ’af kî-’ănāšîm rəšā‘îm hārəḡû ’eṯ-’îš-ṣadîq bəḇêṯwō ‘al-mišəkāḇwō wə‘atâ hălwō’ ’ăḇaqqēš ’eṯ-dāmwō mîyeḏəḵem ûḇi‘arətî ’eṯəḵem min-hā’āreṣ:

12 wayəṣaw dāwiḏ ’eṯ-hannə‘ārîm wayyaharəḡûm wayəqaṣṣəṣû ’eṯ-yəḏêhem wə’eṯ-raḡəlêhem wayyiṯəlû ‘al-habərēḵâ bəḥeḇərwōn wə’ēṯ rō’š ’îš-bōšeṯ lāqāḥû wayyiqəbərû ḇəqeḇer-’aḇənēr bəḥeḇərwōn: f


Next: 2 Samuel (2 Shmuel) Chapter 5