Sacred Texts  Bible  Index 
Polyglot  KJV  Sep  Vul 

1 Samuel (1 Shmuel) Index
  Previous  Next 

Tanach (Hebrew): 1 Samuel (1 Shmuel) Chapter 20

1 ‏וַיִּבְרַ֣ח דָּוִ֔ד מנוות מִנָּי֖וֹת בָּרָמָ֑ה וַיָּבֹ֞א וַיֹּ֣אמֶר׀ לִפְנֵ֣י יְהוֹנָתָ֗ן מֶ֤ה עָשִׂ֙יתִי֙ מֶֽה־עֲוֹנִ֤י וּמֶֽה־חַטָּאתִי֙ לִפְנֵ֣י אָבִ֔יךָ כִּ֥י מְבַקֵּ֖שׁ אֶת־נַפְשִֽׁי׃

2 ‏וַיֹּ֨אמֶר ל֣וֹ חָלִילָה֮ לֹ֣א תָמוּת֒ הִנֵּ֡ה לו־ עשה לֹֽא־ יַעֲשֶׂ֨ה אָבִ֜י דָּבָ֣ר גָּד֗וֹל א֚וֹ דָּבָ֣ר קָטֹ֔ן וְלֹ֥א יִגְלֶ֖ה אֶת־אָזְנִ֑י וּמַדּוּעַ֩ יַסְתִּ֨יר אָבִ֥י מִמֶּ֛נִּי אֶת־הַדָּבָ֥ר הַזֶּ֖ה אֵ֥ין זֹֽאת׃

3 ‏וַיִּשָּׁבַ֨ע ע֜וֹד דָּוִ֗ד וַיֹּ֙אמֶר֙ יָדֹ֨עַ יָדַ֜ע אָבִ֗יךָ כִּֽי־מָצָ֤אתִי חֵן֙ בְּעֵינֶ֔יךָ וַיֹּ֛אמֶר אַל־יֵֽדַע־זֹ֥את יְהוֹנָתָ֖ן פֶּן־יֵֽעָצֵ֑ב וְאוּלָ֗ם חַי־יְהוָה֙ וְחֵ֣י נַפְשֶׁ֔ךָ כִּ֣י כְפֶ֔שַׂע בֵּינִ֖י וּבֵ֥ין הַמָּֽוֶת׃

4 ‏וַיֹּ֥אמֶר יְהוֹנָתָ֖ן אֶל־דָּוִ֑ד מַה־תֹּאמַ֥ר נַפְשְׁךָ֖ וְאֶֽעֱשֶׂה־לָּֽךְ׃ פ

5 ‏וַיֹּ֨אמֶר דָּוִ֜ד אֶל־יְהוֹנָתָ֗ן הִֽנֵּה־חֹ֙דֶשׁ֙ מָחָ֔ר וְאָנֹכִ֛י יָשֹׁב־אֵשֵׁ֥ב עִם־הַמֶּ֖לֶךְ לֶאֱכ֑וֹל וְשִׁלַּחְתַּ֙נִי֙ וְנִסְתַּרְתִּ֣י בַשָּׂדֶ֔ה עַ֖ד הָעֶ֥רֶב הַשְּׁלִשִֽׁית׃

6 ‏אִם־פָּקֹ֥ד יִפְקְדֵ֖נִי אָבִ֑יךָ וְאָמַרְתָּ֗ נִשְׁאֹל֩ נִשְׁאַ֨ל מִמֶּ֤נִּי דָוִד֙ לָרוּץ֙ בֵּֽית־לֶ֣חֶם עִיר֔וֹ כִּ֣י זֶ֧בַח הַיָּמִ֛ים שָׁ֖ם לְכָל־הַמִּשְׁפָּחָֽה׃

7 ‏אִם־כֹּ֥ה יֹאמַ֛ר ט֖וֹב שָׁל֣וֹם לְעַבְדֶּ֑ךָ וְאִם־חָרֹ֤ה יֶֽחֱרֶה֙ ל֔וֹ דַּ֕ע כִּֽי־כָלְתָ֥ה הָרָעָ֖ה מֵעִמּֽוֹ׃

8 ‏וְעָשִׂ֤יתָ חֶ֙סֶד֙ עַל־עַבְדֶּ֔ךָ כִּ֚י בִּבְרִ֣ית יְהוָ֔ה הֵבֵ֥אתָ אֶֽת־עַבְדְּךָ֖ עִמָּ֑ךְ וְאִם־יֶשׁ־בִּ֤י עָוֹן֙ הֲמִיתֵ֣נִי אַ֔תָּה וְעַד־אָבִ֖יךָ לָמָּה־זֶּ֥ה תְבִיאֵֽנִי׃ פ

9 ‏וַיֹּ֥אמֶר יְהוֹנָתָ֖ן חָלִ֣ילָה לָּ֑ךְ כִּ֣י׀ אִם־יָדֹ֣עַ אֵדַ֗ע כִּֽי־כָלְתָ֨ה הָרָעָ֜ה מֵעִ֤ם אָבִי֙ לָב֣וֹא עָלֶ֔יךָ וְלֹ֥א אֹתָ֖הּ אַגִּ֥יד לָֽךְ׃ ס

10 ‏וַיֹּ֤אמֶר דָּוִד֙ אֶל־יְה֣וֹנָתָ֔ן מִ֖י יַגִּ֣יד לִ֑י א֛וֹ מַה־יַּעַנְךָ֥ אָבִ֖יךָ קָשָֽׁה׃ ס

11 ‏וַיֹּ֤אמֶר יְהֽוֹנָתָן֙ אֶל־דָּוִ֔ד לְכָ֖ה וְנֵצֵ֣א הַשָּׂדֶ֑ה וַיֵּצְא֥וּ שְׁנֵיהֶ֖ם הַשָּׂדֶֽה׃ ס

12 ‏וַיֹּ֨אמֶר יְהוֹנָתָ֜ן אֶל־דָּוִ֗ד יְהוָ֞ה אֱלֹהֵ֤י יִשְׂרָאֵל֙ כִּֽי־אֶחְקֹ֣ר אֶת־אָבִ֗י כָּעֵ֤ת׀ מָחָר֙ הַשְּׁלִשִׁ֔ית וְהִנֵּה־ט֖וֹב אֶל־דָּוִ֑ד וְלֹֽא־אָז֙ אֶשְׁלַ֣ח אֵלֶ֔יךָ וְגָלִ֖יתִי אֶת־אָזְנֶֽךָ׃

13 ‏כֹּֽה־יַעֲשֶׂה֩ יְהוָ֨ה לִֽיהוֹנָתָ֜ן וְכֹ֣ה יֹסִ֗יף כִּֽי־יֵיטִ֨ב אֶל־אָבִ֤י אֶת־הָֽרָעָה֙ עָלֶ֔יךָ וְגָלִ֙יתִי֙ אֶת־אָזְנֶ֔ךָ וְשִׁלַּחְתִּ֖יךָ וְהָלַכְתָּ֣ לְשָׁל֑וֹם וִיהִ֤י יְהוָה֙ עִמָּ֔ךְ כַּאֲשֶׁ֥ר הָיָ֖ה עִם־אָבִֽי׃

14 ‏וְלֹ֖א אִם־עוֹדֶ֣נִּי חָ֑י וְלֹֽא־תַעֲשֶׂ֧ה עִמָּדִ֛י חֶ֥סֶד יְהוָ֖ה וְלֹ֥א אָמֽוּת׃

15 ‏וְלֹֽא־תַכְרִ֧ת אֶֽת־חַסְדְּךָ֛ מֵעִ֥ם בֵּיתִ֖י עַד־עוֹלָ֑ם וְלֹ֗א בְּהַכְרִ֤ת יְהוָה֙ אֶת־אֹיְבֵ֣י דָוִ֔ד אִ֕ישׁ מֵעַ֖ל פְּנֵ֥י הָאֲדָמָֽה׃

16 ‏וַיִּכְרֹ֥ת יְהוֹנָתָ֖ן עִם־בֵּ֣ית דָּוִ֑ד וּבִקֵּ֣שׁ יְהוָ֔ה מִיַּ֖ד אֹיְבֵ֥י דָוִֽד׃

17 ‏וַיּ֤וֹסֶף יְהֽוֹנָתָן֙ לְהַשְׁבִּ֣יעַ אֶת־דָּוִ֔ד בְּאַהֲבָת֖וֹ אֹת֑וֹ כִּֽי־אַהֲבַ֥ת נַפְשׁ֖וֹ אֲהֵבֽוֹ׃ ס

18 ‏וַיֹּֽאמֶר־ל֥וֹ יְהוֹנָתָ֖ן מָחָ֣ר חֹ֑דֶשׁ וְנִפְקַ֕דְתָּ כִּ֥י יִפָּקֵ֖ד מוֹשָׁבֶֽךָ׃

19 ‏וְשִׁלַּשְׁתָּ֙ תֵּרֵ֣ד מְאֹ֔ד וּבָאתָ֙ אֶל־הַמָּק֔וֹם אֲשֶׁר־נִסְתַּ֥רְתָּ שָּׁ֖ם בְּי֣וֹם הַֽמַּעֲשֶׂ֑ה וְיָ֣שַׁבְתָּ֔ אֵ֖צֶל הָאֶ֥בֶן הָאָֽזֶל׃

20 ‏וַאֲנִ֕י שְׁלֹ֥שֶׁת הַחִצִּ֖ים צִדָּ֣ה אוֹרֶ֑ה לְשַֽׁלַּֽח־לִ֖י לְמַטָּרָֽה׃

21 ‏וְהִנֵּה֙ אֶשְׁלַ֣ח אֶת־הַנַּ֔עַר לֵ֖ךְ מְצָ֣א אֶת־הַחִצִּ֑ים אִם־אָמֹר֩ אֹמַ֨ר לַנַּ֜עַר הִנֵּ֥ה הַחִצִּ֣ים׀ מִמְּךָ֣ וָהֵ֗נָּה קָחֶ֧נּוּ׀ וָבֹ֛אָה כִּֽי־שָׁל֥וֹם לְךָ֛ וְאֵ֥ין דָּבָ֖ר חַי־יְהוָֽה׃

22 ‏וְאִם־כֹּ֤ה אֹמַר֙ לָעֶ֔לֶם הִנֵּ֥ה הַחִצִּ֖ים מִמְּךָ֣ וָהָ֑לְאָה לֵ֕ךְ כִּ֥י שִֽׁלַּחֲךָ֖ יְהוָֽה׃

23 ‏וְהַ֨דָּבָ֔ר אֲשֶׁ֥ר דִּבַּ֖רְנוּ אֲנִ֣י וָאָ֑תָּה הִנֵּ֧ה יְהוָ֛ה בֵּינִ֥י וּבֵינְךָ֖ עַד־עוֹלָֽם׃ ס

24 ‏וַיִּסָּתֵ֥ר דָּוִ֖ד בַּשָּׂדֶ֑ה וַיְהִ֣י הַחֹ֔דֶשׁ וַיֵּ֧שֶׁב הַמֶּ֛לֶךְ על־ אֶל־ הַלֶּ֖חֶם לֶאֱכֽוֹל׃

25 ‏וַיֵּ֣שֶׁב הַ֠מֶּלֶךְ עַל־מ֨וֹשָׁב֜וֹ כְּפַ֣עַם׀ בְּפַ֗עַם אֶל־מוֹשַׁב֙ הַקִּ֔יר וַיָּ֙קָם֙ יְה֣וֹנָתָ֔ן וַיֵּ֥שֶׁב אַבְנֵ֖ר מִצַּ֣ד שָׁא֑וּל וַיִּפָּקֵ֖ד מְק֥וֹם דָּוִֽד׃

26 ‏וְלֹֽא־דִבֶּ֥ר שָׁא֛וּל מְא֖וּמָה בַּיּ֣וֹם הַה֑וּא כִּ֤י אָמַר֙ מִקְרֶ֣ה ה֔וּא בִּלְתִּ֥י טָה֛וֹר ה֖וּא כִּֽי־לֹ֥א טָהֽוֹר׃ ס

27 ‏וַיְהִ֗י מִֽמָּחֳרַ֤ת הַחֹ֙דֶשׁ֙ הַשֵּׁנִ֔י וַיִּפָּקֵ֖ד מְק֣וֹם דָּוִ֑ד סוַיֹּ֤אמֶר שָׁאוּל֙ אֶל־יְהוֹנָתָ֣ן בְּנ֔וֹ מַדּ֜וּעַ לֹא־בָ֧א בֶן־יִשַׁ֛י גַּם־תְּמ֥וֹל גַּם־הַיּ֖וֹם אֶל־הַלָּֽחֶם׃

28 ‏וַיַּ֥עַן יְהוֹנָתָ֖ן אֶת־שָׁא֑וּל נִשְׁאֹ֨ל נִשְׁאַ֥ל דָּוִ֛ד מֵעִמָּדִ֖י עַד־בֵּ֥ית לָֽחֶם׃

29 ‏וַיֹּ֡אמֶר שַׁלְּחֵ֣נִי נָ֡א כִּ֣י זֶבַח֩ מִשְׁפָּחָ֨ה לָ֜נוּ בָּעִ֗יר וְה֤וּא צִוָּֽה־לִי֙ אָחִ֔י וְעַתָּ֗ה אִם־מָצָ֤אתִי חֵן֙ בְּעֵינֶ֔יךָ אִמָּ֥לְטָה נָּ֖א וְאֶרְאֶ֣ה אֶת־אֶחָ֑י עַל־כֵּ֣ן לֹא־בָ֔א אֶל־שֻׁלְחַ֖ן הַמֶּֽלֶךְ׃ ס

30 ‏וַיִּֽחַר־אַ֤ף שָׁאוּל֙ בִּיה֣וֹנָתָ֔ן וַיֹּ֣אמֶר ל֔וֹ בֶּֽן־נַעֲוַ֖ת הַמַּרְדּ֑וּת הֲל֣וֹא יָדַ֗עְתִּי כִּֽי־בֹחֵ֤ר אַתָּה֙ לְבֶן־יִשַׁ֔י לְבָ֨שְׁתְּךָ֔ וּלְבֹ֖שֶׁת עֶרְוַ֥ת אִמֶּֽךָ׃

31 ‏כִּ֣י כָל־הַיָּמִ֗ים אֲשֶׁ֤ר בֶּן־יִשַׁי֙ חַ֣י עַל־הָאֲדָמָ֔ה לֹ֥א תִכּ֖וֹן אַתָּ֣ה וּמַלְכוּתֶ֑ךָ וְעַתָּ֗ה שְׁלַ֨ח וְקַ֤ח אֹתוֹ֙ אֵלַ֔י כִּ֥י בֶן־מָ֖וֶת הֽוּא׃ ס

32 ‏וַיַּ֙עַן֙ יְה֣וֹנָתָ֔ן אֶת־שָׁא֖וּל אָבִ֑יו וַיֹּ֧אמֶר אֵלָ֛יו לָ֥מָּה יוּמַ֖ת מֶ֥ה עָשָֽׂה׃

33 ‏וַיָּ֨טֶל שָׁא֧וּל אֶֽת־הַחֲנִ֛ית עָלָ֖יו לְהַכֹּת֑וֹ וַיֵּ֙דַע֙ יְה֣וֹנָתָ֔ן כִּֽי־כָ֥לָה הִ֛יא מֵעִ֥ם אָבִ֖יו לְהָמִ֥ית אֶת־דָּוִֽד׃ ס

34 ‏וַיָּ֧קָם יְהוֹנָתָ֛ן מֵעִ֥ם הַשֻּׁלְחָ֖ן בָּחֳרִי־אָ֑ף וְלֹא־אָכַ֞ל בְּיוֹם־הַחֹ֤דֶשׁ הַשֵּׁנִי֙ לֶ֔חֶם כִּ֤י נֶעְצַב֙ אֶל־דָּוִ֔ד כִּ֥י הִכְלִמ֖וֹ אָבִֽיו׃ ס

35 ‏וַיְהִ֣י בַבֹּ֔קֶר וַיֵּצֵ֧א יְהוֹנָתָ֛ן הַשָּׂדֶ֖ה לְמוֹעֵ֣ד דָּוִ֑ד וְנַ֥עַר קָטֹ֖ן עִמּֽוֹ׃

36 ‏וַיֹּ֣אמֶר לְנַעֲר֔וֹ רֻ֗ץ מְצָ֥א נָא֙ אֶת־הַ֣חִצִּ֔ים אֲשֶׁ֥ר אָנֹכִ֖י מוֹרֶ֑ה הַנַּ֣עַר רָ֔ץ וְהֽוּא־יָרָ֥ה הַחֵ֖צִי לְהַעֲבִרֽוֹ׃

37 ‏וַיָּבֹ֤א הַנַּ֙עַר֙ עַד־מְק֣וֹם הַחֵ֔צִי אֲשֶׁ֥ר יָרָ֖ה יְהוֹנָתָ֑ן וַיִּקְרָ֨א יְהוֹנָתָ֜ן אַחֲרֵ֤י הַנַּ֙עַר֙ וַיֹּ֔אמֶר הֲל֥וֹא הַחֵ֖צִי מִמְּךָ֥ וָהָֽלְאָה׃

38 ‏וַיִּקְרָ֤א יְהֽוֹנָתָן֙ אַחֲרֵ֣י הַנַּ֔עַר מְהֵרָ֥ה ח֖וּשָׁה אַֽל־תַּעֲמֹ֑ד וַיְלַקֵּ֞ט נַ֤עַר יְהֽוֹנָתָן֙ אֶת־החצי הַ֣חִצִּ֔ים וַיָּבֹ֖א אֶל־אֲדֹנָֽיו׃

39 ‏וְהַנַּ֖עַר לֹֽא־יָדַ֣ע מְא֑וּמָה אַ֤ךְ יְהֽוֹנָתָן֙ וְדָוִ֔ד יָדְע֖וּ אֶת־הַדָּבָֽר׃

40 ‏וַיִּתֵּ֤ן יְהֽוֹנָתָן֙ אֶת־כֵּלָ֔יו אֶל־הַנַּ֖עַר אֲשֶׁר־ל֑וֹ וַיֹּ֣אמֶר ל֔וֹ לֵ֖ךְ הָבֵ֥יא הָעִֽיר׃

41 ‏הַנַּעַר֮ בָּא֒ וְדָוִ֗ד קָ֚ם מֵאֵ֣צֶל הַנֶּ֔גֶב וַיִּפֹּ֨ל לְאַפָּ֥יו אַ֛רְצָה וַיִּשְׁתַּ֖חוּ שָׁלֹ֣שׁ פְּעָמִ֑ים וַֽיִּשְּׁק֣וּ׀ אִ֣ישׁ אֶת־רֵעֵ֗הוּ וַיִּבְכּוּ֙ אִ֣ישׁ אֶת־רֵעֵ֔הוּ עַד־דָּוִ֖ד הִגְדִּֽיל׃

42 ‏וַיֹּ֧אמֶר יְהוֹנָתָ֛ן לְדָוִ֖ד לֵ֣ךְ לְשָׁל֑וֹם אֲשֶׁר֩ נִשְׁבַּ֨עְנוּ שְׁנֵ֜ינוּ אֲנַ֗חְנוּ בְּשֵׁ֤ם יְהוָה֙ לֵאמֹ֔ר יְהוָ֞ה יִֽהְיֶ֣ה׀ בֵּינִ֣י וּבֵינֶ֗ךָ וּבֵ֥ין זַרְעִ֛י וּבֵ֥ין זַרְעֲךָ֖ עַד־עוֹלָֽם׃ פ

1 wayyiḇəraḥ dāwiḏ minnāwwōṯ minnāywōṯ bārāmâ wayyāḇō’ wayyō’mer| lifənê yəhwōnāṯān meh ‘āśîṯî meh-‘ăwōnî ûmeh-ḥaṭṭā’ṯî lifənê ’āḇîḵā kî məḇaqqēš ’eṯ-nafəšî:

2 wayyō’mer lwō ḥālîlâ lō’ ṯāmûṯ hinnēh lwō- ‘āśâ lō’- ya‘ăśeh ’āḇî dāḇār gāḏwōl ’wō dāḇār qāṭōn wəlō’ yiḡəleh ’eṯ-’āzənî ûmadû‘a yasətîr ’āḇî mimmennî ’eṯ-hadāḇār hazzeh ’ên zō’ṯ:

3 wayyiššāḇa‘ ‘wōḏ dāwiḏ wayyō’mer yāḏō‘a yāḏa‘ ’āḇîḵā kî-māṣā’ṯî ḥēn bə‘êneyḵā wayyō’mer ’al-yēḏa‘-zō’ṯ yəhwōnāṯān pen-yē‘āṣēḇ wə’ûlām ḥay-yəhwâ wəḥê nafəšeḵā kî ḵəfeśa‘ bênî ûḇên hammāweṯ:

4 wayyō’mer yəhwōnāṯān ’el-dāwiḏ mah-tō’mar nafəšəḵā wə’e‘ĕśeh-llāḵə: f

5 wayyō’mer dāwiḏ ’el-yəhwōnāṯān hinnēh-ḥōḏeš māḥār wə’ānōḵî yāšōḇ-’ēšēḇ ‘im-hammeleḵə le’ĕḵwōl wəšillaḥətanî wənisətarətî ḇaśśāḏeh ‘aḏ hā‘ereḇ haššəlišîṯ:

6 ’im-pāqōḏ yifəqəḏēnî ’āḇîḵā wə’āmarətā nišə’ōl nišə’al mimmennî ḏāwiḏ lārûṣ bêṯ-leḥem ‘îrwō kî zeḇaḥ hayyāmîm šām ləḵāl-hammišəpāḥâ:

7 ’im-kōh yō’mar ṭwōḇ šālwōm lə‘aḇədeḵā wə’im-ḥārōh yeḥĕreh lwō da‘ kî-ḵāləṯâ hārā‘â mē‘immwō:

8 wə‘āśîṯā ḥeseḏ ‘al-‘aḇədeḵā kî biḇərîṯ yəhwâ hēḇē’ṯā ’eṯ-‘aḇədəḵā ‘immāḵə wə’im-yeš-bî ‘āwōn hămîṯēnî ’atâ wə‘aḏ-’āḇîḵā lāmmâ-zzeh ṯəḇî’ēnî: f

9 wayyō’mer yəhwōnāṯān ḥālîlâ llāḵə kî| ’im-yāḏō‘a ’ēḏa‘ kî-ḵāləṯâ hārā‘â mē‘im ’āḇî lāḇwō’ ‘āleyḵā wəlō’ ’ōṯāh ’agîḏ lāḵə: s

10 wayyō’mer dāwiḏ ’el-yəhwōnāṯān mî yagîḏ lî ’wō mah-yya‘anəḵā ’āḇîḵā qāšâ: s

11 wayyō’mer yəhwōnāṯān ’el-dāwiḏ ləḵâ wənēṣē’ haśśāḏeh wayyēṣə’û šənêhem haśśāḏeh: s

12 wayyō’mer yəhwōnāṯān ’el-dāwiḏ yəhwâ ’ĕlōhê yiśərā’ēl kî-’eḥəqōr ’eṯ-’āḇî kā‘ēṯ| māḥār haššəlišîṯ wəhinnēh-ṭwōḇ ’el-dāwiḏ wəlō’-’āz ’ešəlaḥ ’ēleyḵā wəḡālîṯî ’eṯ-’āzəneḵā:

13 kōh-ya‘ăśeh yəhwâ lîhwōnāṯān wəḵōh yōsîf kî-yêṭiḇ ’el-’āḇî ’eṯ-hārā‘â ‘āleyḵā wəḡālîṯî ’eṯ-’āzəneḵā wəšillaḥətîḵā wəhālaḵətā ləšālwōm wîhî yəhwâ ‘immāḵə ka’ăšer hāyâ ‘im-’āḇî:

14 wəlō’ ’im-‘wōḏennî ḥāy wəlō’-ṯa‘ăśeh ‘immāḏî ḥeseḏ yəhwâ wəlō’ ’āmûṯ:

15 wəlō’-ṯaḵəriṯ ’eṯ-ḥasədəḵā mē‘im bêṯî ‘aḏ-‘wōlām wəlō’ bəhaḵəriṯ yəhwâ ’eṯ-’ōyəḇê ḏāwiḏ ’îš mē‘al pənê hā’ăḏāmâ:

16 wayyiḵərōṯ yəhwōnāṯān ‘im-bêṯ dāwiḏ ûḇiqqēš yəhwâ mîyaḏ ’ōyəḇê ḏāwiḏ:

17 wayywōsef yəhwōnāṯān ləhašəbî‘a ’eṯ-dāwiḏ bə’ahăḇāṯwō ’ōṯwō kî-’ahăḇaṯ nafəšwō ’ăhēḇwō: s

18 wayyō’mer-lwō yəhwōnāṯān māḥār ḥōḏeš wənifəqaḏətā kî yipāqēḏ mwōšāḇeḵā:

19 wəšillašətā tērēḏ mə’ōḏ ûḇā’ṯā ’el-hammāqwōm ’ăšer-nisətarətā ššām bəywōm hamma‘ăśeh wəyāšaḇətā ’ēṣel hā’eḇen hā’āzel:

20 wa’ănî šəlōšeṯ haḥiṣṣîm ṣidâ ’wōreh ləšallaḥ-lî ləmaṭṭārâ:

21 wəhinnēh ’ešəlaḥ ’eṯ-hanna‘ar lēḵə məṣā’ ’eṯ-haḥiṣṣîm ’im-’āmōr ’ōmar lanna‘ar hinnēh haḥiṣṣîm| mimməḵā wâēnnâ qāḥennû| wāḇō’â kî-šālwōm ləḵā wə’ên dāḇār ḥay-yəhwâ:

22 wə’im-kōh ’ōmar lā‘elem hinnēh haḥiṣṣîm mimməḵā wâālə’â lēḵə kî šillaḥăḵā yəhwâ:

23 wəhadāḇār ’ăšer dibarənû ’ănî wā’ātâ hinnēh yəhwâ bênî ûḇênəḵā ‘aḏ-‘wōlām: s

24 wayyissāṯēr dāwiḏ baśśāḏeh wayəhî haḥōḏeš wayyēšeḇ hammeleḵə ‘al- ’el- halleḥem le’ĕḵwōl:

25 wayyēšeḇ hammeleḵə ‘al-mwōšāḇwō kəfa‘am| bəfa‘am ’el-mwōšaḇ haqqîr wayyāqām yəhwōnāṯān wayyēšeḇ ’aḇənēr miṣṣaḏ šā’ûl wayyipāqēḏ məqwōm dāwiḏ:

26 wəlō’-ḏiber šā’ûl mə’ûmâ bayywōm hahû’ kî ’āmar miqəreh hû’ bilətî ṭâwōr hû’ kî-lō’ ṭâwōr: s

27 wayəhî mimmāḥŏraṯ haḥōḏeš haššēnî wayyipāqēḏ məqwōm dāwiḏ swayyō’mer šā’ûl ’el-yəhwōnāṯān bənwō madû‘a lō’-ḇā’ ḇen-yišay gam-təmwōl gam-hayywōm ’el-hallāḥem:

28 wayya‘an yəhwōnāṯān ’eṯ-šā’ûl nišə’ōl nišə’al dāwiḏ mē‘immāḏî ‘aḏ-bêṯ lāḥem:

29 wayyō’mer šalləḥēnî nā’ kî zeḇaḥ mišəpāḥâ lānû bā‘îr wəhû’ ṣiûâ-lî ’āḥî wə‘atâ ’im-māṣā’ṯî ḥēn bə‘êneyḵā ’immāləṭâ nnā’ wə’erə’eh ’eṯ-’eḥāy ‘al-kēn lō’-ḇā’ ’el-šuləḥan hammeleḵə: s

30 wayyiḥar-’af šā’ûl bîhwōnāṯān wayyō’mer lwō ben-na‘ăwaṯ hammarədûṯ hălwō’ yāḏa‘ətî kî-ḇōḥēr ’atâ ləḇen-yišay ləḇāšətəḵā ûləḇōšeṯ ‘erəwaṯ ’immeḵā:

31 kî ḵāl-hayyāmîm ’ăšer ben-yišay ḥay ‘al-hā’ăḏāmâ lō’ ṯikwōn ’atâ ûmaləḵûṯeḵā wə‘atâ šəlaḥ wəqaḥ ’ōṯwō ’ēlay kî ḇen-māweṯ hû’: s

32 wayya‘an yəhwōnāṯān ’eṯ-šā’ûl ’āḇîw wayyō’mer ’ēlāyw lāmmâ yûmaṯ meh ‘āśâ:

33 wayyāṭel šā’ûl ’eṯ-haḥănîṯ ‘ālāyw ləhakōṯwō wayyēḏa‘ yəhwōnāṯān kî-ḵālâ hî’ mē‘im ’āḇîw ləhāmîṯ ’eṯ-dāwiḏ: s

34 wayyāqām yəhwōnāṯān mē‘im haššuləḥān bāḥŏrî-’āf wəlō’-’āḵal bəywōm-haḥōḏeš haššēnî leḥem kî ne‘əṣaḇ ’el-dāwiḏ kî hiḵəlimwō ’āḇîw: s

35 wayəhî ḇabōqer wayyēṣē’ yəhwōnāṯān haśśāḏeh ləmwō‘ēḏ dāwiḏ wəna‘ar qāṭōn ‘immwō:

36 wayyō’mer ləna‘ărwō ruṣ məṣā’ nā’ ’eṯ-haḥiṣṣîm ’ăšer ’ānōḵî mwōreh hanna‘ar rāṣ wəhû’-yārâ haḥēṣî ləha‘ăḇirwō:

37 wayyāḇō’ hanna‘ar ‘aḏ-məqwōm haḥēṣî ’ăšer yārâ yəhwōnāṯān wayyiqərā’ yəhwōnāṯān ’aḥărê hanna‘ar wayyō’mer hălwō’ haḥēṣî mimməḵā wâālə’â:

38 wayyiqərā’ yəhwōnāṯān ’aḥărê hanna‘ar məhērâ ḥûšâ ’al-ta‘ămōḏ wayəlaqqēṭ na‘ar yəhwōnāṯān ’eṯ-haḥēṣî haḥiṣṣîm wayyāḇō’ ’el-’ăḏōnāyw:

39 wəhanna‘ar lō’-yāḏa‘ mə’ûmâ ’aḵə yəhwōnāṯān wəḏāwiḏ yāḏə‘û ’eṯ-hadāḇār:

40 wayyitēn yəhwōnāṯān ’eṯ-kēlāyw ’el-hanna‘ar ’ăšer-lwō wayyō’mer lwō lēḵə hāḇê’ hā‘îr:

41 hanna‘ar bā’ wəḏāwiḏ qām mē’ēṣel hanneḡeḇ wayyipōl lə’apāyw ’arəṣâ wayyišətaḥû šālōš pə‘āmîm wayyiššəqû| ’îš ’eṯ-rē‘ēhû wayyiḇəkû ’îš ’eṯ-rē‘ēhû ‘aḏ-dāwiḏ hiḡədîl:

42 wayyō’mer yəhwōnāṯān ləḏāwiḏ lēḵə ləšālwōm ’ăšer nišəba‘ənû šənênû ’ănaḥənû bəšēm yəhwâ lē’mōr yəhwâ yihəyeh| bênî ûḇêneḵā ûḇên zarə‘î ûḇên zarə‘ăḵā ‘aḏ-‘wōlām: f


Next: 1 Samuel (1 Shmuel) Chapter 21