Sacred Texts  Bible  Index 
Polyglot  KJV  Vul 

Nehemiah (Nechemiyah) Index
  Previous  Next 

Tanach (Hebrew): Nehemiah (Nechemiyah) Chapter 13

1 ‏בַּיּ֣וֹם הַה֗וּא נִקְרָ֛א בְּסֵ֥פֶר מֹשֶׁ֖ה בְּאָזְנֵ֣י הָעָ֑ם וְנִמְצָא֙ כָּת֣וּב בּ֔וֹ אֲ֠שֶׁר לֹא־יָב֨וֹא עַמֹּנִ֧י וּמֹאָבִ֛י בִּקְהַ֥ל הָאֱלֹהִ֖ים עַד־עוֹלָֽם׃

2 ‏כִּ֣י לֹ֧א קִדְּמ֛וּ אֶת־בְּנֵ֥י יִשְׂרָאֵ֖ל בַּלֶּ֣חֶם וּבַמָּ֑יִם וַיִּשְׂכֹּ֨ר עָלָ֤יו אֶת־בִּלְעָם֙ לְקַֽלְל֔וֹ וַיַּהֲפֹ֧ךְ אֱלֹהֵ֛ינוּ הַקְּלָלָ֖ה לִבְרָכָֽה׃

3 ‏וַיְהִ֖י כְּשָׁמְעָ֣ם אֶת־הַתּוֹרָ֑ה וַיַּבְדִּ֥ילוּ כָל־עֵ֖רֶב מִיִּשְׂרָאֵֽל׃

4 ‏וְלִפְנֵ֣י מִזֶּ֔ה אֶלְיָשִׁיב֙ הַכֹּהֵ֔ן נָת֖וּן בְּלִשְׁכַּ֣ת בֵּית־אֱלֹהֵ֑ינוּ קָר֖וֹב לְטוֹבִיָּֽה׃

5 ‏וַיַּ֨עַשׂ ל֜וֹ לִשְׁכָּ֣ה גְדוֹלָ֗ה וְשָׁ֣ם הָי֪וּ לְפָנִ֟ים נֹ֠תְנִים אֶת־הַמִּנְחָ֨ה הַלְּבוֹנָ֜ה וְהַכֵּלִ֗ים וּמַעְשַׂ֤ר הַדָּגָן֙ הַתִּיר֣וֹשׁ וְהַיִּצְהָ֔ר מִצְוַת֙ הַלְוִיִּ֔ם וְהַמְשֹׁרְרִ֖ים וְהַשֹּׁעֲרִ֑ים וּתְרוּמַ֖ת הַכֹּהֲנִֽים׃

6 ‏וּבְכָל־זֶ֕ה לֹ֥א הָיִ֖יתִי בִּֽירוּשָׁלִָ֑ם כִּ֡י בִּשְׁנַת֩ שְׁלֹשִׁ֨ים וּשְׁתַּ֜יִם לְאַרְתַּחְשַׁ֤סְתְּא1 מֶֽלֶךְ־בָּבֶל֙ בָּ֣אתִי אֶל־הַמֶּ֔לֶךְ וּלְקֵ֥ץ יָמִ֖ים נִשְׁאַ֥לְתִּי מִן־הַמֶּֽלֶךְ׃

7 ‏וָאָב֖וֹא לִֽירוּשָׁלִָ֑ם וָאָבִ֣ינָה בָרָעָ֗ה אֲשֶׁ֨ר עָשָׂ֤ה אֶלְיָשִׁיב֙ לְט֣וֹבִיָּ֔ה לַעֲשׂ֥וֹת לוֹ֙ נִשְׁכָּ֔ה בְּחַצְרֵ֖י בֵּ֥ית הָאֱלֹהִֽים׃

8 ‏וַיֵּ֥רַֽע לִ֖י מְאֹ֑ד וָֽאַשְׁלִ֜יכָה אֶֽת־כָּל־כְּלֵ֧י בֵית־טוֹבִיָּ֛ה הַח֖וּץ מִן־הַלִּשְׁכָּֽה׃

9 ‏וָאֹ֣מְרָ֔ה וַֽיְטַהֲר֖וּ הַלְּשָׁכ֑וֹת וָאָשִׁ֣יבָה שָּׁ֗ם כְּלֵי֙ בֵּ֣ית הָאֱלֹהִ֔ים אֶת־הַמִּנְחָ֖ה וְהַלְּבוֹנָֽה׃ פ

10 ‏וָאֵ֣דְעָ֔ה כִּֽי־מְנָי֥וֹת3 הַלְוִיִּ֖ם לֹ֣א נִתָּ֑נָה וַיִּבְרְח֧וּ אִישׁ־לְשָׂדֵ֛הוּ הַלְוִיִּ֥ם וְהַמְשֹׁרְרִ֖ים עֹשֵׂ֥י הַמְּלָאכָֽה׃

11 ‏וָאָרִ֙יבָה֙ אֶת־הַסְּגָנִ֔ים וָאֹ֣מְרָ֔ה מַדּ֖וּעַ נֶעֱזַ֣ב בֵּית־הָאֱלֹהִ֑ים וָֽאֶ֨קְבְּצֵ֔ם3 וָֽאַעֲמִדֵ֖ם עַל־עָמְדָֽם׃

12 ‏וְכָל־יְהוּדָ֗ה הֵבִ֜יאוּ מַעְשַׂ֧ר הַדָּגָ֛ן וְהַתִּיר֥וֹשׁ וְהַיִּצְהָ֖ר לָאוֹצָרֽוֹת׃

13 ‏וָאוֹצְרָ֣ה עַל־א֠וֹצָרוֹת שֶׁלֶמְיָ֨ה הַכֹּהֵ֜ן וְצָד֣וֹק הַסּוֹפֵ֗ר וּפְדָיָה֙ מִן־הַלְוִיִּ֔ם וְעַל־יָדָ֔ם חָנָ֥ן בֶּן־זַכּ֖וּר בֶּן־מַתַּנְיָ֑ה כִּ֤י נֶאֱמָנִים֙ נֶחְשָׁ֔בוּ וַעֲלֵיהֶ֖ם לַחֲלֹ֥ק לַאֲחֵיהֶֽם׃ פ

14 ‏זָכְרָה־לִּ֥י אֱלֹהַ֖י עַל־זֹ֑את וְאַל־תֶּ֣מַח חֲסָדַ֗י אֲשֶׁ֥ר עָשִׂ֛יתִי בְּבֵ֥ית אֱלֹהַ֖י וּבְמִשְׁמָרָֽיו׃

15 ‏בַּיָּמִ֣ים הָהֵ֡מָּה רָאִ֣יתִי בִֽיהוּדָ֣ה׀ דֹּֽרְכִֽים־גִּתּ֣וֹת׀3 בַּשַּׁבָּ֡ת וּמְבִיאִ֣ים הָעֲרֵמ֣וֹת וְֽעֹמְסִ֪ים עַל־הַחֲמֹרִ֟ים וְאַף־יַ֜יִן עֲנָבִ֤ים וּתְאֵנִים֙ וְכָל־מַשָּׂ֔א וּמְבִיאִ֥ים יְרוּשָׁלִַ֖ם בְּי֣וֹם הַשַּׁבָּ֑ת וָאָעִ֕יד בְּי֖וֹם מִכְרָ֥ם צָֽיִד׃

16 ‏וְהַצֹּרִים֙ יָ֣שְׁבוּ בָ֔הּ מְבִיאִ֥ים דָּ֖אג וְכָל־מֶ֑כֶר וּמֹכְרִ֧ים בַּשַּׁבָּ֛ת לִבְנֵ֥י יְהוּדָ֖ה וּבִירוּשָׁלִָֽם׃

17 ‏וָאָרִ֕יבָה אֵ֖ת חֹרֵ֣י יְהוּדָ֑ה וָאֹמְרָ֣ה לָהֶ֗ם מָֽה־הַדָּבָ֨ר הָרָ֤ע הַזֶּה֙ אֲשֶׁ֣ר אַתֶּ֣ם עֹשִׂ֔ים וּֽמְחַלְּלִ֖ים אֶת־י֥וֹם הַשַּׁבָּֽת׃

18 ‏הֲל֨וֹא כֹ֤ה עָשׂוּ֙ אֲבֹ֣תֵיכֶ֔ם וַיָּבֵ֨א אֱלֹהֵ֜ינוּ עָלֵ֗ינוּ אֵ֚ת כָּל־הָרָעָ֣ה הַזֹּ֔את וְעַ֖ל הָעִ֣יר הַזֹּ֑את וְאַתֶּ֞ם מוֹסִיפִ֤ים חָרוֹן֙ עַל־יִשְׂרָאֵ֔ל לְחַלֵּ֖ל אֶת־הַשַּׁבָּֽת׃ פ

19 ‏וַיְהִ֡י כַּאֲשֶׁ֣ר צָֽלֲלוּ֩ שַׁעֲרֵ֨י יְרוּשָׁלִַ֜ם לִפְנֵ֣י הַשַּׁבָּ֗ת וָאֹֽמְרָה֙ וַיִּסָּגְר֣וּ הַדְּלָת֔וֹת וָאֹ֣מְרָ֔ה אֲשֶׁר֙ לֹ֣א יִפְתָּח֔וּם עַ֖ד אַחַ֣ר הַשַּׁבָּ֑ת וּמִנְּעָרַ֗י הֶֽעֱמַ֙דְתִּי֙ עַל־הַשְּׁעָרִ֔ים לֹא־יָב֥וֹא מַשָּׂ֖א בְּי֥וֹם הַשַּׁבָּֽת׃

20 ‏וַיָּלִ֨ינוּ הָרֹכְלִ֜ים וּמֹכְרֵ֧י כָל־מִמְכָּ֛ר מִח֥וּץ לִירוּשָׁלִָ֖ם פַּ֥עַם וּשְׁתָּֽיִם׃

21 ‏וָאָעִ֣ידָה בָהֶ֗ם וָאֹמְרָ֤ה אֲלֵיהֶם֙ מַדּ֜וּעַ אַתֶּ֤ם לֵנִים֙ נֶ֣גֶד הַחוֹמָ֔ה אִם־תִּשְׁנ֕וּ יָ֖ד אֶשְׁלַ֣ח בָּכֶ֑ם מִן־הָעֵ֣ת הַהִ֔יא לֹא־בָ֖אוּ בַּשַּׁבָּֽת׃ ס

22 ‏וָאֹמְרָ֣ה לַלְוִיִּ֗ם אֲשֶׁ֨ר יִֽהְי֤וּ מִֽטַּהֲרִים֙ וּבָאִים֙ שֹׁמְרִ֣ים הַשְּׁעָרִ֔ים לְקַדֵּ֖שׁ אֶת־י֣וֹם הַשַּׁבָּ֑ת גַּם־זֹאת֙ זָכְרָה־לִּ֣י אֱלֹהַ֔י וְח֥וּסָה עָלַ֖י כְּרֹ֥ב חַסְדֶּֽךָ׃ פ

23 ‏גַּ֣ם׀ בַּיָּמִ֣ים הָהֵ֗ם רָאִ֤יתִי אֶת־הַיְּהוּדִים֙ הֹשִׁ֗יבוּ נָשִׁים֙ אשדודיות אַשְׁדֳּדִיּ֔וֹת9 עמוניות עַמֳּנִיּ֖וֹת9 מוֹאֲבִיּֽוֹת׃

24 ‏וּבְנֵיהֶ֗ם חֲצִי֙ מְדַבֵּ֣ר אַשְׁדּוֹדִ֔ית וְאֵינָ֥ם מַכִּירִ֖ים לְדַבֵּ֣ר יְהוּדִ֑ית וְכִלְשׁ֖וֹן עַ֥ם וָעָֽם׃

25 ‏וָאָרִ֤יב עִמָּם֙ וָאֲקַֽלְלֵ֔ם וָאַכֶּ֥ה מֵהֶ֛ם אֲנָשִׁ֖ים וָֽאֶמְרְטֵ֑ם וָאַשְׁבִּיעֵ֣ם בֵּֽאלֹהִ֗ים אִם־תִּתְּנ֤וּ בְנֹֽתֵיכֶם֙ לִבְנֵיהֶ֔ם וְאִם־תִּשְׂאוּ֙ מִבְּנֹ֣תֵיהֶ֔ם לִבְנֵיכֶ֖ם וְלָכֶֽם׃

26 ‏הֲל֣וֹא עַל־אֵ֣לֶּה חָטָֽא־שְׁלֹמֹ֣ה מֶ֣לֶךְ יִשְׂרָאֵ֡ל וּבַגּוֹיִ֣ם הָרַבִּים֩ לֹֽא־הָיָ֨ה מֶ֜לֶךְ כָּמֹ֗הוּ וְאָה֤וּב לֵֽאלֹהָיו֙ הָיָ֔ה וַיִּתְּנֵ֣הוּ אֱלֹהִ֔ים מֶ֖לֶךְ עַל־כָּל־יִשְׂרָאֵ֑ל גַּם־אוֹת֣וֹ הֶחֱטִ֔יאוּ הַנָּשִׁ֖ים הַנָּכְרִיּֽוֹת׃

27 ‏וְלָכֶ֣ם הֲנִשְׁמַ֗ע לַעֲשֹׂת֙ אֵ֣ת כָּל־הָרָעָ֤ה הַגְּדוֹלָה֙ הַזֹּ֔את לִמְעֹ֖ל בֵּֽאלֹהֵ֑ינוּ לְהֹשִׁ֖יב נָשִׁ֥ים נָכְרִיּֽוֹת׃

28 ‏וּמִבְּנֵ֨י יוֹיָדָ֤ע בֶּן־אֶלְיָשִׁיב֙ הַכֹּהֵ֣ן הַגָּד֔וֹל חָתָ֖ן לְסַנְבַלַּ֣ט הַחֹרֹנִ֑י וָאַבְרִיחֵ֖הוּ מֵעָלָֽי׃

29 ‏זָכְרָ֥ה לָהֶ֖ם אֱלֹהָ֑י עַ֚ל גָּאֳלֵ֣י הַכְּהֻנָּ֔ה וּבְרִ֥ית הַכְּהֻנָּ֖ה וְהַלְוִיִּֽם׃

30 ‏וְטִֽהַרְתִּ֖ים מִכָּל־נֵכָ֑ר וָאַעֲמִ֧ידָה מִשְׁמָר֛וֹת לַכֹּהֲנִ֥ים וְלַלְוִיִּ֖ם אִ֥ישׁ בִּמְלַאכְתּֽוֹ׃

31 ‏וּלְקֻרְבַּ֧ן הָעֵצִ֛ים בְּעִתִּ֥ים מְזֻמָּנ֖וֹת וְלַבִּכּוּרִ֑ים3 זָכְרָה־לִּ֥י אֱלֹהַ֖י לְטוֹבָֽה׃

1 bayywōm hahû’ niqərā’ bəsēfer mōšeh bə’āzənê hā‘ām wəniməṣā’ kāṯûḇ bwō ’ăšer lō’-yāḇwō’ ‘ammōnî ûmō’āḇî biqəhal hā’ĕlōhîm ‘aḏ-‘wōlām:

2 kî lō’ qidəmû ’eṯ-bənê yiśərā’ēl balleḥem ûḇammāyim wayyiśəkōr ‘ālāyw ’eṯ-bilə‘ām ləqaləlwō wayyahăfōḵə ’ĕlōhênû haqqəlālâ liḇərāḵâ:

3 wayəhî kəšāmə‘ām ’eṯ-hatwōrâ wayyaḇədîlû ḵāl-‘ēreḇ mîyiśərā’ēl:

4 wəlifənê mizzeh ’eləyāšîḇ hakōhēn nāṯûn bəlišəkaṯ bêṯ-’ĕlōhênû qārwōḇ ləṭwōḇîyâ:

5 wayya‘aś lwō lišəkâ ḡəḏwōlâ wəšām hāyû ləfānîm nōṯənîm ’eṯ-hamminəḥâ halləḇwōnâ wəhakēlîm ûma‘əśar hadāḡān hatîrwōš wəhayyiṣəhār miṣəwaṯ haləwîyim wəhaməšōrərîm wəhaššō‘ărîm ûṯərûmaṯ hakōhănîm:

6 ûḇəḵāl-zeh lō’ hāyîṯî bîrûšālāim kî bišənaṯ šəlōšîm ûšətayim lə’arətaḥəšasətə’1 meleḵə-bāḇel bā’ṯî ’el-hammeleḵə ûləqēṣ yāmîm nišə’alətî min-hammeleḵə:

7 wā’āḇwō’ lîrûšālāim wā’āḇînâ ḇārā‘â ’ăšer ‘āśâ ’eləyāšîḇ ləṭwōḇîyâ la‘ăśwōṯ lwō nišəkâ bəḥaṣərê bêṯ hā’ĕlōhîm:

8 wayyēra‘ lî mə’ōḏ wā’ašəlîḵâ ’eṯ-kāl-kəlê ḇêṯ-ṭwōḇîyâ haḥûṣ min-hallišəkâ:

9 wā’ōmərâ wayəṭahărû halləšāḵwōṯ wā’āšîḇâ ššām kəlê bêṯ hā’ĕlōhîm ’eṯ-hamminəḥâ wəhalləḇwōnâ: f

10 wā’ēḏə‘â kî-mənāywōṯ3 haləwîyim lō’ nitānâ wayyiḇərəḥû ’îš-ləśāḏēhû haləwîyim wəhaməšōrərîm ‘ōśê hamməlā’ḵâ:

11 wā’ārîḇâ ’eṯ-hassəḡānîm wā’ōmərâ madû‘a ne‘ĕzaḇ bêṯ-hā’ĕlōhîm wā’eqəbəṣēm3 wā’a‘ămiḏēm ‘al-‘āməḏām:

12 wəḵāl-yəhûḏâ hēḇî’û ma‘əśar hadāḡān wəhatîrwōš wəhayyiṣəhār lā’wōṣārwōṯ:

13 wā’wōṣərâ ‘al-’wōṣārwōṯ šeleməyâ hakōhēn wəṣāḏwōq hasswōfēr ûfəḏāyâ min-haləwîyim wə‘al-yāḏām ḥānān ben-zakûr ben-matanəyâ kî ne’ĕmānîm neḥəšāḇû wa‘ălêhem laḥălōq la’ăḥêhem: f

14 zāḵərâ-llî ’ĕlōhay ‘al-zō’ṯ wə’al-temaḥ ḥăsāḏay ’ăšer ‘āśîṯî bəḇêṯ ’ĕlōhay ûḇəmišəmārāyw:

15 bayyāmîm hâēmmâ rā’îṯî ḇîhûḏâ| dōrəḵîm-gitwōṯ|3 baššabāṯ ûməḇî’îm hā‘ărēmwōṯ wə‘ōməsîm ‘al-haḥămōrîm wə’af-yayin ‘ănāḇîm ûṯə’ēnîm wəḵāl-maśśā’ ûməḇî’îm yərûšālaim bəywōm haššabāṯ wā’ā‘îḏ bəywōm miḵərām ṣāyiḏ:

16 wəhaṣṣōrîm yāšəḇû ḇāh məḇî’îm dā’ḡ wəḵāl-meḵer ûmōḵərîm baššabāṯ liḇənê yəhûḏâ ûḇîrûšālāim:

17 wā’ārîḇâ ’ēṯ ḥōrê yəhûḏâ wā’ōmərâ lâem mâ-hadāḇār hārā‘ hazzeh ’ăšer ’atem ‘ōśîm ûməḥalləlîm ’eṯ-ywōm haššabāṯ:

18 hălwō’ ḵōh ‘āśû ’ăḇōṯêḵem wayyāḇē’ ’ĕlōhênû ‘ālênû ’ēṯ kāl-hārā‘â hazzō’ṯ wə‘al hā‘îr hazzō’ṯ wə’atem mwōsîfîm ḥārwōn ‘al-yiśərā’ēl ləḥallēl ’eṯ-haššabāṯ: f

19 wayəhî ka’ăšer ṣālălû ša‘ărê yərûšālaim lifənê haššabāṯ wā’ōmərâ wayyissāḡərû hadəlāṯwōṯ wā’ōmərâ ’ăšer lō’ yifətāḥûm ‘aḏ ’aḥar haššabāṯ ûminnə‘āray he‘ĕmaḏətî ‘al-haššə‘ārîm lō’-yāḇwō’ maśśā’ bəywōm haššabāṯ:

20 wayyālînû hārōḵəlîm ûmōḵərê ḵāl-miməkār miḥûṣ lîrûšālāim pa‘am ûšətāyim:

21 wā’ā‘îḏâ ḇâem wā’ōmərâ ’ălêhem madû‘a ’atem lēnîm neḡeḏ haḥwōmâ ’im-tišənû yāḏ ’ešəlaḥ bāḵem min-hā‘ēṯ hahî’ lō’-ḇā’û baššabāṯ: s

22 wā’ōmərâ laləwîyim ’ăšer yihəyû miṭṭahărîm ûḇā’îm šōmərîm haššə‘ārîm ləqadēš ’eṯ-ywōm haššabāṯ gam-zō’ṯ zāḵərâ-llî ’ĕlōhay wəḥûsâ ‘ālay kərōḇ ḥasədeḵā: f

23 gam| bayyāmîm hâēm rā’îṯî ’eṯ-hayyəhûḏîm hōšîḇû nāšîm ’ašədwōḏîywōṯ ’ašədŏḏîywōṯ9 ‘ammwōnîywōṯ ‘ammŏnîywōṯ9 mwō’ăḇîywōṯ:

24 ûḇənêhem ḥăṣî məḏabēr ’ašədwōḏîṯ wə’ênām makîrîm ləḏabēr yəhûḏîṯ wəḵiləšwōn ‘am wā‘ām:

25 wā’ārîḇ ‘immām wā’ăqaləlēm wā’akeh mēhem ’ănāšîm wā’emərəṭēm wā’ašəbî‘ēm bē’lōhîm ’im-titənû ḇənōṯêḵem liḇənêhem wə’im-tiśə’û mibənōṯêhem liḇənêḵem wəlāḵem:

26 hălwō’ ‘al-’ēlleh ḥāṭā’-šəlōmōh meleḵə yiśərā’ēl ûḇagwōyim hārabîm lō’-hāyâ meleḵə kāmōhû wə’âûḇ lē’lōhāyw hāyâ wayyitənēhû ’ĕlōhîm meleḵə ‘al-kāl-yiśərā’ēl gam-’wōṯwō heḥĕṭî’û hannāšîm hannāḵərîywōṯ:

27 wəlāḵem hănišəma‘ la‘ăśōṯ ’ēṯ kāl-hārā‘â hagəḏwōlâ hazzō’ṯ limə‘ōl bē’lōhênû ləhōšîḇ nāšîm nāḵərîywōṯ:

28 ûmibənê ywōyāḏā‘ ben-’eləyāšîḇ hakōhēn hagāḏwōl ḥāṯān ləsanəḇallaṭ haḥōrōnî wā’aḇərîḥēhû mē‘ālāy:

29 zāḵərâ lâem ’ĕlōhāy ‘al gā’ŏlê hakəhunnâ ûḇərîṯ hakəhunnâ wəhaləwîyim:

30 wəṭiharətîm mikāl-nēḵār wā’a‘ămîḏâ mišəmārwōṯ lakōhănîm wəlaləwîyim ’îš biməla’ḵətwō:

31 ûləqurəban hā‘ēṣîm bə‘itîm məzummānwōṯ wəlabikûrîm3 zāḵərâ-llî ’ĕlōhay ləṭwōḇâ:


Next: 1 Chronicles (1 Divrey Yamim) Chapter 1