Sacred Texts  Bible  Index 
Polyglot  KJV  Vul 

Nehemiah (Nechemiyah) Index
  Previous  Next 

Tanach (Hebrew): Nehemiah (Nechemiyah) Chapter 5

1 ‏וַתְּהִ֨י צַעֲקַ֥ת הָעָ֛ם וּנְשֵׁיהֶ֖ם גְּדוֹלָ֑ה אֶל־אֲחֵיהֶ֖ם הַיְּהוּדִֽים׃

2 ‏וְיֵשׁ֙ אֲשֶׁ֣ר אֹמְרִ֔ים בָּנֵ֥ינוּ וּבְנֹתֵ֖ינוּ אֲנַ֣חְנוּ רַבִּ֑ים וְנִקְחָ֥ה דָגָ֖ן וְנֹאכְלָ֥ה וְנִחְיֶֽה׃

3 ‏וְיֵשׁ֙ אֲשֶׁ֣ר אֹמְרִ֔ים שְׂדֹתֵ֛ינוּ וּכְרָמֵ֥ינוּ וּבָתֵּ֖ינוּ אֲנַ֣חְנוּ עֹרְבִ֑ים וְנִקְחָ֥ה דָגָ֖ן בָּרָעָֽב׃

4 ‏וְיֵשׁ֙ אֲשֶׁ֣ר אֹמְרִ֔ים לָוִ֥ינוּ כֶ֖סֶף לְמִדַּ֣ת הַמֶּ֑לֶךְ שְׂדֹתֵ֖ינוּ וּכְרָמֵֽינוּ׃

5 ‏וְעַתָּ֗ה כִּבְשַׂ֤ר אַחֵ֙ינוּ֙ בְּשָׂרֵ֔נוּ כִּבְנֵיהֶ֖ם בָּנֵ֑ינוּ וְהִנֵּ֣ה אֲנַ֣חְנוּ כֹ֠בְשִׁים אֶת־בָּנֵ֨ינוּ וְאֶת־בְּנֹתֵ֜ינוּ לַעֲבָדִ֗ים וְיֵ֨שׁ מִבְּנֹתֵ֤ינוּ נִכְבָּשׁוֹת֙ וְאֵ֣ין לְאֵ֣ל יָדֵ֔נוּ וּשְׂדֹתֵ֥ינוּ וּכְרָמֵ֖ינוּ לַאֲחֵרִֽים׃

6 ‏וַיִּ֥חַר לִ֖י מְאֹ֑ד כַּאֲשֶׁ֤ר שָׁמַ֙עְתִּי֙ אֶת־זַֽעֲקָתָ֔ם וְאֵ֖ת הַדְּבָרִ֥ים הָאֵֽלֶּה׃

7 ‏וַיִּמָּלֵ֨ךְ לִבִּ֜י עָלַ֗י וָאָרִ֙יבָה֙ אֶת־הַחֹרִ֣ים וְאֶת־הַסְּגָנִ֔ים וָאֹמְרָ֣ה לָהֶ֔ם מַשָּׁ֥א3 אִישׁ־בְּאָחִ֖יו אַתֶּ֣ם נֹשִׁ֑אים1 וָאֶתֵּ֥ן עֲלֵיהֶ֖ם קְהִלָּ֥ה גְדוֹלָֽה׃

8 ‏וָאֹמְרָ֣ה לָהֶ֗ם אֲנַ֣חְנוּ קָ֠נִינוּ אֶת־אַחֵ֨ינוּ הַיְּהוּדִ֜ים הַנִּמְכָּרִ֤ים לַגּוֹיִם֙ כְּדֵ֣י בָ֔נוּ וְגַם־אַתֶּ֛ם תִּמְכְּר֥וּ אֶת־אֲחֵיכֶ֖ם וְנִמְכְּרוּ־לָ֑נוּ וַֽיַּחֲרִ֔ישׁוּ וְלֹ֥א מָצְא֖וּ דָּבָֽר׃ ס

9 ‏ויאמר וָאוֹמַ֕ר3 לֹא־ט֥וֹב הַדָּבָ֖ר אֲשֶׁר־אַתֶּ֣ם עֹשִׂ֑ים הֲל֞וֹא בְּיִרְאַ֤ת אֱלֹהֵ֙ינוּ֙ תֵּלֵ֔כוּ מֵחֶרְפַּ֖ת הַגּוֹיִ֥ם אוֹיְבֵֽינוּ׃

10 ‏וְגַם־אֲנִי֙ אַחַ֣י וּנְעָרַ֔י נֹשִׁ֥ים בָּהֶ֖ם כֶּ֣סֶף וְדָגָ֑ן נַֽעַזְבָה־נָּ֖א אֶת־הַמַּשָּׁ֥א הַזֶּֽה׃

11 ‏הָשִׁיבוּ֩ נָ֨א לָהֶ֜ם כְּהַיּ֗וֹם שְׂדֹתֵיהֶ֛ם כַּרְמֵיהֶ֥ם זֵיתֵיהֶ֖ם וּבָתֵּיהֶ֑ם וּמְאַ֨ת הַכֶּ֤סֶף וְהַדָּגָן֙ הַתִּיר֣וֹשׁ וְהַיִּצְהָ֔ר אֲשֶׁ֥ר אַתֶּ֖ם נֹשִׁ֥ים בָּהֶֽם׃

12 ‏וַיֹּאמְר֣וּ נָשִׁ֗יב וּמֵהֶם֙ לֹ֣א נְבַקֵּ֔שׁ כֵּ֣ן נַעֲשֶׂ֔ה כַּאֲשֶׁ֖ר אַתָּ֣ה אוֹמֵ֑ר וָאֶקְרָא֙ אֶת־הַכֹּ֣הֲנִ֔ים וָֽאַשְׁבִּיעֵ֔ם לַעֲשׂ֖וֹת כַּדָּבָ֥ר הַזֶּֽה׃

13 ‏גַּם־חָצְנִ֣י נָעַ֗רְתִּי וָֽאֹמְרָ֡ה כָּ֣כָה יְנַעֵ֪ר הָֽאֱלֹהִ֟ים אֶת־כָּל־הָאִישׁ֩ אֲשֶׁ֨ר לֹֽא־יָקִ֜ים אֶת־הַדָּבָ֣ר הַזֶּ֗ה מִבֵּיתוֹ֙ וּמִ֣יגִיע֔וֹ וְכָ֛כָה יִהְיֶ֥ה נָע֖וּר וָרֵ֑ק וַיֹּאמְר֨וּ כָֽל־הַקָּהָ֜ל אָמֵ֗ן וַֽיְהַלְלוּ֙ אֶת־יְהוָ֔ה וַיַּ֥עַשׂ הָעָ֖ם כַּדָּבָ֥ר הַזֶּֽה׃

14 ‏גַּ֞ם מִיּ֣וֹם׀ אֲשֶׁר־צִוָּ֣ה אֹתִ֗י לִהְי֣וֹת פֶּחָם֮ בְּאֶ֣רֶץ יְהוּדָה֒ מִשְּׁנַ֣ת עֶשְׂרִ֗ים וְ֠עַד שְׁנַ֨ת שְׁלֹשִׁ֤ים וּשְׁתַּ֙יִם֙ לְאַרְתַּחְשַׁ֣סְתְּא הַמֶּ֔לֶךְ שָׁנִ֖ים שְׁתֵּ֣ים עֶשְׂרֵ֑ה אֲנִ֣י וְאַחַ֔י לֶ֥חֶם הַפֶּ֖חָה לֹ֥א אָכַֽלְתִּי׃

15 ‏וְהַפַּחוֹת֩ הָרִאשֹׁנִ֨ים אֲשֶׁר־לְפָנַ֜י הִכְבִּ֣ידוּ עַל־הָעָ֗ם וַיִּקְח֨וּ מֵהֶ֜ם בְּלֶ֤חֶם וָיַ֙יִן֙ אַחַר֙ כֶּֽסֶף־שְׁקָלִ֣ים אַרְבָּעִ֔ים גַּ֥ם נַעֲרֵיהֶ֖ם שָׁלְט֣וּ עַל־הָעָ֑ם וַאֲנִי֙ לֹא־עָשִׂ֣יתִי כֵ֔ן מִפְּנֵ֖י יִרְאַ֥ת אֱלֹהִֽים׃

16 ‏וְ֠גַם בִּמְלֶ֜אכֶת הַחוֹמָ֤ה הַזֹּאת֙ הֶחֱזַ֔קְתִּי וְשָׂדֶ֖ה לֹ֣א קָנִ֑ינוּ וְכָל־נְעָרַ֔י קְבוּצִ֥ים שָׁ֖ם עַל־הַמְּלָאכָֽה׃

17 ‏וְהַיְּהוּדִ֨ים וְהַסְּגָנִ֜ים מֵאָ֧ה וַחֲמִשִּׁ֣ים אִ֗ישׁ וְהַבָּאִ֥ים אֵלֵ֛ינוּ מִן־הַגּוֹיִ֥ם אֲשֶׁר־סְבִיבֹתֵ֖ינוּ עַל־שֻׁלְחָנִֽי׃

18 ‏וַאֲשֶׁר֩ הָיָ֨ה נַעֲשֶׂ֜ה לְי֣וֹם אֶחָ֗ד שׁ֣וֹר אֶחָ֞ד צֹ֠אן שֵׁשׁ־בְּרֻר֤וֹת וְצִפֳּרִים֙ נַֽעֲשׂוּ־לִ֔י וּבֵ֨ין עֲשֶׂ֧רֶת יָמִ֛ים בְּכָל־יַ֖יִן לְהַרְבֵּ֑ה וְעִם־זֶ֗ה לֶ֤חֶם הַפֶּחָה֙ לֹ֣א בִקַּ֔שְׁתִּי כִּֽי־כָֽבְדָ֥ה הָעֲבֹדָ֖ה עַל־הָעָ֥ם הַזֶּֽה׃

19 ‏זָכְרָה־לִּ֥י אֱלֹהַ֖י לְטוֹבָ֑ה כֹּ֥ל אֲשֶׁר־עָשִׂ֖יתִי עַל־הָעָ֥ם הַזֶּֽה׃ פ

1 watəhî ṣa‘ăqaṯ hā‘ām ûnəšêhem gəḏwōlâ ’el-’ăḥêhem hayyəhûḏîm:

2 wəyēš ’ăšer ’ōmərîm bānênû ûḇənōṯênû ’ănaḥənû rabîm wəniqəḥâ ḏāḡān wənō’ḵəlâ wəniḥəyeh:

3 wəyēš ’ăšer ’ōmərîm śəḏōṯênû ûḵərāmênû ûḇātênû ’ănaḥənû ‘ōrəḇîm wəniqəḥâ ḏāḡān bārā‘āḇ:

4 wəyēš ’ăšer ’ōmərîm lāwînû ḵesef ləmidaṯ hammeleḵə śəḏōṯênû ûḵərāmênû:

5 wə‘atâ kiḇəśar ’aḥênû bəśārēnû kiḇənêhem bānênû wəhinnēh ’ănaḥənû ḵōḇəšîm ’eṯ-bānênû wə’eṯ-bənōṯênû la‘ăḇāḏîm wəyēš mibənōṯênû niḵəbāšwōṯ wə’ên lə’ēl yāḏēnû ûśəḏōṯênû ûḵərāmênû la’ăḥērîm:

6 wayyiḥar lî mə’ōḏ ka’ăšer šāma‘ətî ’eṯ-za‘ăqāṯām wə’ēṯ hadəḇārîm hā’ēlleh:

7 wayyimmālēḵə libî ‘ālay wā’ārîḇâ ’eṯ-haḥōrîm wə’eṯ-hassəḡānîm wā’ōmərâ lâem maššā’3 ’îš-bə’āḥîw ’atem nōši’ym1 wā’etēn ‘ălêhem qəhillâ ḡəḏwōlâ:

8 wā’ōmərâ lâem ’ănaḥənû qānînû ’eṯ-’aḥênû hayyəhûḏîm hanniməkārîm lagwōyim kəḏê ḇānû wəḡam-’atem timəkərû ’eṯ-’ăḥêḵem wəniməkərû-lānû wayyaḥărîšû wəlō’ māṣə’û dāḇār: s

wayyō’mer wā’wōmar3 lō’-ṭwōḇ hadāḇār ’ăšer-’atem ‘ōśîm hălwō’ bəyirə’aṯ ’ĕlōhênû tēlēḵû mēḥerəpaṯ hagwōyim ’wōyəḇênû:

10 wəḡam-’ănî ’aḥay ûnə‘āray nōšîm bâem kesef wəḏāḡān na‘azəḇâ-nnā’ ’eṯ-hammaššā’ hazzeh:

11 hāšîḇû nā’ lâem kəhayywōm śəḏōṯêhem karəmêhem zêṯêhem ûḇātêhem ûmə’aṯ hakesef wəhadāḡān hatîrwōš wəhayyiṣəhār ’ăšer ’atem nōšîm bâem:

12 wayyō’mərû nāšîḇ ûmēhem lō’ nəḇaqqēš kēn na‘ăśeh ka’ăšer ’atâ ’wōmēr wā’eqərā’ ’eṯ-hakōhănîm wā’ašəbî‘ēm la‘ăśwōṯ kadāḇār hazzeh:

13 gam-ḥāṣənî nā‘arətî wā’ōmərâ kāḵâ yəna‘ēr hā’ĕlōhîm ’eṯ-kāl-hā’îš ’ăšer lō’-yāqîm ’eṯ-hadāḇār hazzeh mibêṯwō ûmîḡî‘wō wəḵāḵâ yihəyeh nā‘ûr wārēq wayyō’mərû ḵāl-haqqâāl ’āmēn wayəhaləlû ’eṯ-yəhwâ wayya‘aś hā‘ām kadāḇār hazzeh:

14 gam mîywōm| ’ăšer-ṣiûâ ’ōṯî lihəywōṯ peḥām bə’ereṣ yəhûḏâ miššənaṯ ‘eśərîm wə‘aḏ šənaṯ šəlōšîm ûšətayim lə’arətaḥəšasətə’ hammeleḵə šānîm šətêm ‘eśərēh ’ănî wə’aḥay leḥem hapeḥâ lō’ ’āḵalətî:

15 wəhapaḥwōṯ hāri’šōnîm ’ăšer-ləfānay hiḵəbîḏû ‘al-hā‘ām wayyiqəḥû mēhem bəleḥem wāyayin ’aḥar kesef-šəqālîm ’arəbā‘îm gam na‘ărêhem šāləṭû ‘al-hā‘ām wa’ănî lō’-‘āśîṯî ḵēn mipənê yirə’aṯ ’ĕlōhîm:

16 wəḡam biməle’ḵeṯ haḥwōmâ hazzō’ṯ heḥĕzaqətî wəśāḏeh lō’ qānînû wəḵāl-nə‘āray qəḇûṣîm šām ‘al-hamməlā’ḵâ:

17 wəhayyəhûḏîm wəhassəḡānîm mē’â waḥămiššîm ’îš wəhabā’îm ’ēlênû min-hagwōyim ’ăšer-səḇîḇōṯênû ‘al-šuləḥānî:

18 wa’ăšer hāyâ na‘ăśeh ləywōm ’eḥāḏ šwōr ’eḥāḏ ṣō’n šēš-bərurwōṯ wəṣipŏrîm na‘ăśû-lî ûḇên ‘ăśereṯ yāmîm bəḵāl-yayin ləharəbēh wə‘im-zeh leḥem hapeḥâ lō’ ḇiqqašətî kî-ḵāḇəḏâ hā‘ăḇōḏâ ‘al-hā‘ām hazzeh:

19 zāḵərâ-llî ’ĕlōhay ləṭwōḇâ kōl ’ăšer-‘āśîṯî ‘al-hā‘ām hazzeh: f


Next: Nehemiah (Nechemiyah) Chapter 6