Sacred Texts  Bible  Index 
Polyglot  KJV  Sep  Vul 

Micah (Mikhah) Index
  Previous  Next 

Tanach (Hebrew): Micah (Mikhah) Chapter 5

1 ‏וְאַתָּ֞ה בֵּֽית־לֶ֣חֶם אֶפְרָ֗תָה צָעִיר֙ לִֽהְיוֹת֙ בְּאַלְפֵ֣י יְהוּדָ֔ה מִמְּךָ֙ לִ֣י יֵצֵ֔א לִֽהְי֥וֹת מוֹשֵׁ֖ל בְּיִשְׂרָאֵ֑ל וּמוֹצָאֹתָ֥יו מִקֶּ֖דֶם מִימֵ֥י עוֹלָֽם׃

2 ‏לָכֵ֣ן יִתְּנֵ֔ם עַד־עֵ֥ת יוֹלֵדָ֖ה יָלָ֑דָה וְיֶ֣תֶר אֶחָ֔יו יְשׁוּב֖וּן עַל־בְּנֵ֥י יִשְׂרָאֵֽל׃

3 ‏וְעָמַ֗ד וְרָעָה֙ בְּעֹ֣ז יְהוָ֔ה בִּגְא֕וֹן שֵׁ֖ם יְהוָ֣ה אֱלֹהָ֑יו וְיָשָׁ֕בוּ כִּֽי־עַתָּ֥ה יִגְדַּ֖ל עַד־אַפְסֵי־אָֽרֶץ׃

4 ‏וְהָיָ֥ה זֶ֖ה שָׁל֑וֹם אַשּׁ֣וּר׀ כִּֽי־יָב֣וֹא בְאַרְצֵ֗נוּ וְכִ֤י יִדְרֹךְ֙ בְּאַרְמְנֹתֵ֔ינוּ וַהֲקֵמֹ֤נוּ עָלָיו֙ שִׁבְעָ֣ה רֹעִ֔ים וּשְׁמֹנָ֖ה נְסִיכֵ֥י אָדָֽם׃

5 ‏וְרָע֞וּ אֶת־אֶ֤רֶץ אַשּׁוּר֙ בַּחֶ֔רֶב וְאֶת־אֶ֥רֶץ נִמְרֹ֖ד בִּפְתָחֶ֑יהָ וְהִצִּיל֙ מֵֽאַשּׁ֔וּר כִּֽי־יָב֣וֹא בְאַרְצֵ֔נוּ וְכִ֥י יִדְרֹ֖ךְ בִּגְבוּלֵֽנוּ׃ ס

6 ‏וְהָיָ֣ה׀ שְׁאֵרִ֣ית יַעֲקֹ֗ב בְּקֶ֙רֶב֙ עַמִּ֣ים רַבִּ֔ים כְּטַל֙ מֵאֵ֣ת יְהוָ֔ה כִּרְבִיבִ֖ים עֲלֵי־עֵ֑שֶׂב אֲשֶׁ֤ר לֹֽא־יְקַוֶּה֙ לְאִ֔ישׁ וְלֹ֥א יְיַחֵ֖ל לִבְנֵ֥י אָדָֽם׃

7 ‏וְהָיָה֩ שְׁאֵרִ֨ית יַעֲקֹ֜ב בַּגּוֹיִ֗ם בְּקֶ֙רֶב֙ עַמִּ֣ים רַבִּ֔ים כְּאַרְיֵה֙ בְּבַהֲמ֣וֹת יַ֔עַר כִּכְפִ֖יר בְּעֶדְרֵי־צֹ֑אן אֲשֶׁ֧ר אִם עָבַ֛ר וְרָמַ֥ס וְטָרַ֖ף וְאֵ֥ין מַצִּֽיל׃

8 ‏תָּרֹ֥ם יָדְךָ֖ עַל־צָרֶ֑יךָ וְכָל־אֹיְבֶ֖יךָ יִכָּרֵֽתוּ׃ פ

9 ‏וְהָיָ֤ה בַיּוֹם־הַהוּא֙ נְאֻם־יְהוָ֔ה וְהִכְרַתִּ֥י סוּסֶ֖יךָ מִקִּרְבֶּ֑ךָ וְהַאֲבַדְתִּ֖י מַרְכְּבֹתֶֽיךָ׃

10 ‏וְהִכְרַתִּ֖י עָרֵ֣י אַרְצֶ֑ךָ וְהָרַסְתִּ֖י כָּל־מִבְצָרֶֽיךָ׃

11 ‏וְהִכְרַתִּ֥י כְשָׁפִ֖ים מִיָּדֶ֑ךָ וּֽמְעוֹנְנִ֖ים לֹ֥א יִֽהְיוּ־לָֽךְ׃

12 ‏וְהִכְרַתִּ֧י פְסִילֶ֛יךָ וּמַצֵּבוֹתֶ֖יךָ מִקִּרְבֶּ֑ךָ וְלֹֽא־תִשְׁתַּחֲוֶ֥ה ע֖וֹד לְמַעֲשֵׂ֥ה יָדֶֽיךָ׃

13 ‏וְנָתַשְׁתִּ֥י אֲשֵׁירֶ֖יךָ מִקִּרְבֶּ֑ךָ וְהִשְׁמַדְתִּ֖י עָרֶֽיךָ׃

14 ‏וְעָשִׂ֜יתִי בְּאַ֧ף וּבְחֵמָ֛ה נָקָ֖ם אֶת־הַגּוֹיִ֑ם אֲשֶׁ֖ר לֹ֥א שָׁמֵֽעוּ׃ ס

1 wə’atâ bêṯ-leḥem ’efərāṯâ ṣā‘îr lihəywōṯ bə’aləfê yəhûḏâ mimməḵā lî yēṣē’ lihəywōṯ mwōšēl bəyiśərā’ēl ûmwōṣā’ōṯāyw miqqeḏem mîmê ‘wōlām:

2 lāḵēn yitənēm ‘aḏ-‘ēṯ ywōlēḏâ yālāḏâ wəyeṯer ’eḥāyw yəšûḇûn ‘al-bənê yiśərā’ēl:

3 wə‘āmaḏ wərā‘â bə‘ōz yəhwâ biḡə’wōn šēm yəhwâ ’ĕlōhāyw wəyāšāḇû kî-‘atâ yiḡədal ‘aḏ-’afəsê-’āreṣ:

4 wəhāyâ zeh šālwōm ’aššûr| kî-yāḇwō’ ḇə’arəṣēnû wəḵî yiḏərōḵə bə’arəmənōṯênû wahăqēmōnû ‘ālāyw šiḇə‘â rō‘îm ûšəmōnâ nəsîḵê ’āḏām:

5 wərā‘û ’eṯ-’ereṣ ’aššûr baḥereḇ wə’eṯ-’ereṣ nimərōḏ bifəṯāḥeyhā wəhiṣṣîl mē’aššûr kî-yāḇwō’ ḇə’arəṣēnû wəḵî yiḏərōḵə biḡəḇûlēnû: s

6 wəhāyâ| šə’ērîṯ ya‘ăqōḇ bəqereḇ ‘ammîm rabîm kəṭal mē’ēṯ yəhwâ kirəḇîḇîm ‘ălê-‘ēśeḇ ’ăšer lō’-yəqaûeh lə’îš wəlō’ yəyaḥēl liḇənê ’āḏām:

7 wəhāyâ šə’ērîṯ ya‘ăqōḇ bagwōyim bəqereḇ ‘ammîm rabîm kə’arəyēh bəḇahămwōṯ ya‘ar kiḵəfîr bə‘eḏərê-ṣō’n ’ăšer ’im ‘āḇar wərāmas wəṭāraf wə’ên maṣṣîl:

8 tārōm yāḏəḵā ‘al-ṣāreyḵā wəḵāl-’ōyəḇeyḵā yikārēṯû: f

9 wəhāyâ ḇayywōm-hahû’ nə’um-yəhwâ wəhiḵəratî sûseyḵā miqqirəbeḵā wəha’ăḇaḏətî marəkəḇōṯeyḵā:

10 wəhiḵəratî ‘ārê ’arəṣeḵā wəhārasətî kāl-miḇəṣāreyḵā:

11 wəhiḵəratî ḵəšāfîm mîyāḏeḵā ûmə‘wōnənîm lō’ yihəyû-lāḵə:

12 wəhiḵəratî fəsîleyḵā ûmaṣṣēḇwōṯeyḵā miqqirəbeḵā wəlō’-ṯišətaḥăweh ‘wōḏ ləma‘ăśēh yāḏeyḵā:

13 wənāṯašətî ’ăšêreyḵā miqqirəbeḵā wəhišəmaḏətî ‘āreyḵā:

14 wə‘āśîṯî bə’af ûḇəḥēmâ nāqām ’eṯ-hagwōyim ’ăšer lō’ šāmē‘û: s


Next: Micah (Mikhah) Chapter 6