‎1 ‏אָ֚ז יִקְרָ֣א יְהוֹשֻׁ֔עַ לָרֽאוּבֵנִ֖י וְלַגָּדִ֑י וְלַחֲצִ֖י מַטֵּ֥ה מְנַשֶּֽׁה׃

‎2 ‏וַיֹּ֣אמֶר אֲלֵיהֶ֔ם אַתֶּ֣ם שְׁמַרְתֶּ֔ם אֵ֚ת כָּל־אֲשֶׁ֣ר צִוָּ֣ה אֶתְכֶ֔ם מֹשֶׁ֖ה עֶ֣בֶד יְהוָ֑ה וַתִּשְׁמְע֣וּ בְקוֹלִ֔י לְכֹ֥ל אֲשֶׁר־צִוִּ֖יתִי אֶתְכֶֽם׃

‎3 ‏לֹֽא־עֲזַבְתֶּ֣ם אֶת־אֲחֵיכֶ֗ם זֶ֚ה יָמִ֣ים רַבִּ֔ים עַ֖ד הַיּ֣וֹם הַזֶּ֑ה וּשְׁמַרְתֶּ֕ם אֶת־מִשְׁמֶ֕רֶת מִצְוַ֖ת יְהוָ֥ה אֱלֹהֵיכֶֽם׃

‎4 ‏וְעַתָּ֗ה הֵנִ֨יחַ יְהוָ֤ה אֱלֹֽהֵיכֶם֙ לַֽאֲחֵיכֶ֔ם כַּאֲשֶׁ֖ר דִּבֶּ֣ר לָהֶ֑ם וְעַתָּ֡ה פְּנוּ֩ וּלְכ֨וּ לָכֶ֜ם לְאָהֳלֵיכֶ֗ם אֶל־אֶ֙רֶץ֙ אֲחֻזַּתְכֶ֔ם אֲשֶׁ֣ר׀ נָתַ֣ן לָכֶ֗ם מֹשֶׁה֙ עֶ֣בֶד יְהוָ֔ה בְּעֵ֖בֶר הַיַּרְדֵּֽן׃

‎5 ‏רַ֣ק׀ שִׁמְר֣וּ מְאֹ֗ד לַעֲשׂ֨וֹת אֶת־הַמִּצְוָ֣ה וְאֶת־הַתּוֹרָה֮ אֲשֶׁ֣ר צִוָּ֣ה אֶתְכֶם֮ מֹשֶׁ֣ה עֶֽבֶד־יְהוָה֒ לְ֠אַהֲבָה אֶת־יְהוָ֨ה אֱלֹֽהֵיכֶ֜ם וְלָלֶ֧כֶת בְּכָל־דְּרָכָ֛יו וְלִשְׁמֹ֥ר מִצְוֹתָ֖יו וּלְדָבְקָה־ב֑וֹ וּלְעָבְד֕וֹ בְּכָל־לְבַבְכֶ֖ם וּבְכָל־נַפְשְׁכֶֽם׃

‎6 ‏וַֽיְבָרְכֵ֖ם יְהוֹשֻׁ֑עַ וַֽיְשַׁלְּחֵ֔ם וַיֵּלְכ֖וּ אֶל־אָהֳלֵיהֶֽם׃ ס

‎7 ‏וְלַחֲצִ֣י׀ שֵׁ֣בֶט הַֽמְנַשֶּׁ֗ה נָתַ֣ן מֹשֶׁה֮ בַּבָּשָׁן֒ וּלְחֶצְי֗וֹ נָתַ֤ן יְהוֹשֻׁ֙עַ֙ עִם־אֲחֵיהֶ֔ם מעבר בְּעֵ֥בֶר^a הַיַּרְדֵּ֖ן יָ֑מָּה וְ֠גַם כִּ֣י שִׁלְּחָ֧ם יְהוֹשֻׁ֛עַ אֶל־אָהֳלֵיהֶ֖ם וַיְבָרֲכֵֽם׃

‎8 ‏וַיֹּ֨אמֶר אֲלֵיהֶ֜ם לֵאמֹ֗ר בִּנְכָסִ֨ים רַבִּ֜ים שׁ֤וּבוּ אֶל־אָֽהֳלֵיכֶם֙ וּבְמִקְנֶ֣ה רַב־מְאֹ֔ד בְּכֶ֨סֶף וּבְזָהָ֜ב וּבִנְחֹ֧שֶׁת וּבְבַרְזֶ֛ל וּבִשְׂלָמ֖וֹת הַרְבֵּ֣ה מְאֹ֑ד חִלְק֥וּ שְׁלַל־אֹיְבֵיכֶ֖ם עִם־אֲחֵיכֶֽם׃ פ

‎9 ‏וַיָּשֻׁ֣בוּ וַיֵּלְכ֡וּ בְּנֵי־רְאוּבֵ֨ן וּבְנֵי־גָ֜ד וַחֲצִ֣י׀ שֵׁ֣בֶט הַֽמְנַשֶּׁ֗ה מֵאֵת֙ בְּנֵ֣י יִשְׂרָאֵ֔ל מִשִּׁלֹ֖ה אֲשֶׁ֣ר בְּאֶֽרֶץ־כְּנָ֑עַן לָלֶ֜כֶת אֶל־אֶ֣רֶץ הַגִּלְעָ֗ד אֶל־אֶ֤רֶץ אֲחֻזָּתָם֙ אֲשֶׁ֣ר נֹֽאחֲזוּ־בָ֔הּ עַל־פִּ֥י יְהוָ֖ה בְּיַד־מֹשֶֽׁה׃

‎10 ‏וַיָּבֹ֙אוּ֙ אֶל־גְּלִיל֣וֹת הַיַּרְדֵּ֔ן אֲשֶׁ֖ר בְּאֶ֣רֶץ כְּנָ֑עַן וַיִּבְנ֣וּ בְנֵי־רְאוּבֵ֣ן וּבְנֵי־גָ֡ד וַחֲצִ֣י שֵׁבֶט֩ הַֽמְנַשֶּׁ֨ה שָׁ֤ם מִזְבֵּ֙חַ֙ עַל־הַיַּרְדֵּ֔ן מִזְבֵּ֥חַ גָּד֖וֹל לְמַרְאֶֽה׃

‎11 ‏וַיִּשְׁמְע֥וּ בְנֵֽי־יִשְׂרָאֵ֖ל לֵאמֹ֑ר הִנֵּ֣ה בָנ֣וּ בְנֵֽי־רְאוּבֵ֣ן וּבְנֵי־גָ֡ד וַחֲצִי֩ שֵׁ֨בֶט הַֽמְנַשֶּׁ֜ה אֶת־הַמִּזְבֵּ֗חַ אֶל־מוּל֙ אֶ֣רֶץ כְּנַ֔עַן אֶל־גְּלִילוֹת֙ הַיַּרְדֵּ֔ן אֶל־עֵ֖בֶר בְּנֵ֥י יִשְׂרָאֵֽל׃

‎12 ‏וַֽיִּשְׁמְע֖וּ בְּנֵ֣י יִשְׂרָאֵ֑ל וַיִּקָּ֨הֲל֜וּ כָּל־עֲדַ֤ת בְּנֵֽי־יִשְׂרָאֵל֙ שִׁלֹ֔ה לַעֲל֥וֹת עֲלֵיהֶ֖ם לַצָּבָֽא׃ פ

‎13 ‏וַיִּשְׁלְח֨וּ בְנֵֽי־יִשְׂרָאֵ֜ל אֶל־בְּנֵי־רְאוּבֵ֧ן וְאֶל־בְּנֵי־גָ֛ד וְאֶל־חֲצִ֥י שֵֽׁבֶט־מְנַשֶּׁ֖ה אֶל־אֶ֣רֶץ הַגִּלְעָ֑ד אֶת־פִּינְחָ֖ס בֶּן־אֶלְעָזָ֥ר הַכֹּהֵֽן׃

‎14 ‏וַעֲשָׂרָ֤ה נְשִׂאִים֙ עִמּ֔וֹ נָשִׂ֨יא אֶחָ֜ד נָשִׂ֤יא אֶחָד֙ לְבֵ֣ית אָ֔ב לְכֹ֖ל מַטּ֣וֹת יִשְׂרָאֵ֑ל וְאִ֨ישׁ רֹ֧אשׁ בֵּית־אֲבוֹתָ֛ם הֵ֖מָּה לְאַלְפֵ֥י יִשְׂרָאֵֽל׃

‎15 ‏וַיָּבֹ֜אוּ אֶל־בְּנֵי־רְאוּבֵ֧ן וְאֶל־בְּנֵי־גָ֛ד וְאֶל־חֲצִ֥י שֵֽׁבֶט־מְנַשֶּׁ֖ה אֶל־אֶ֣רֶץ הַגִּלְעָ֑ד וַיְדַבְּר֥וּ אִתָּ֖ם לֵאמֹֽר׃

‎16 ‏כֹּ֣ה אָמְר֞וּ כֹּ֣ל׀ עֲדַ֣ת יְהוָ֗ה מָֽה־הַמַּ֤עַל הַזֶּה֙ אֲשֶׁ֤ר מְעַלְתֶּם֙ בֵּאלֹהֵ֣י יִשְׂרָאֵ֔ל לָשׁ֣וּב הַיּ֔וֹם מֵאַחֲרֵ֖י יְהוָ֑ה בִּבְנֽוֹתְכֶ֤ם לָכֶם֙ מִזְבֵּ֔חַ לִמְרָדְכֶ֥ם הַיּ֖וֹם בַּיהוָֽה׃

‎17 ‏הַמְעַט־לָ֙נוּ֙ אֶת־עֲוֹ֣ן פְּע֔וֹר אֲשֶׁ֤ר לֹֽא־הִטַּהַ֙רְנוּ֙ מִמֶּ֔נּוּ עַ֖ד הַיּ֣וֹם הַזֶּ֑ה וַיְהִ֥י הַנֶּ֖גֶף בַּעֲדַ֥ת יְהוָֽה׃

‎18 ‏וְאַתֶּם֙ תָּשֻׁ֣בוּ הַיּ֔וֹם מֵאַחֲרֵ֖י יְהוָ֑ה וְהָיָ֗ה אַתֶּ֞ם תִּמְרְד֤וּ הַיּוֹם֙ בַּֽיהוָ֔ה וּמָחָ֕ר אֶֽל־כָּל־עֲדַ֥ת יִשְׂרָאֵ֖ל יִקְצֹֽף׃

‎19 ‏וְאַ֨ךְ אִם־טְמֵאָ֜ה אֶ֣רֶץ אֲחֻזַּתְכֶ֗ם עִבְר֨וּ לָכֶ֜ם אֶל־אֶ֨רֶץ אֲחֻזַּ֤ת יְהוָה֙ אֲשֶׁ֤ר שָֽׁכַן־שָׁם֙ מִשְׁכַּ֣ן יְהוָ֔ה וְהֵאָחֲז֖וּ בְּתוֹכֵ֑נוּ וּבַֽיהוָ֣ה אַל־תִּמְרֹ֗דוּ וְאֹתָ֙נוּ֙ אֶל־תִּמְרֹ֔דוּ בִּבְנֹֽתְכֶ֤ם לָכֶם֙ מִזְבֵּ֔חַ מִֽבַּלְעֲדֵ֔י מִזְבַּ֖ח יְהוָ֥ה אֱלֹהֵֽינוּ׃

‎20 ‏הֲל֣וֹא׀ עָכָ֣ן בֶּן־זֶ֗רַח מָ֤עַל מַ֙עַל֙ בַּחֵ֔רֶם וְעַֽל־כָּל־עֲדַ֥ת יִשְׂרָאֵ֖ל הָ֣יָה קָ֑צֶף וְהוּא֙ אִ֣ישׁ אֶחָ֔ד לֹ֥א גָוַ֖ע בַּעֲוֹנֽוֹ׃ פ

‎21 ‏וַֽיַּעֲנוּ֙ בְּנֵי־רְאוּבֵ֣ן וּבְנֵי־גָ֔ד וַחֲצִ֖י שֵׁ֣בֶט הַֽמְנַשֶּׁ֑ה וַֽיְדַבְּר֔וּ אֶת־רָאשֵׁ֖י אַלְפֵ֥י יִשְׂרָאֵֽל׃

‎22 ‏אֵל֩׀ אֱלֹהִ֨ים׀ יְהוָ֜ה אֵ֣ל׀ אֱלֹהִ֤ים׀ יְהוָה֙ ה֣וּא יֹדֵ֔עַ וְיִשְׂרָאֵ֖ל ה֣וּא יֵדָ֑ע אִם־בְּמֶ֤רֶד וְאִם־בְּמַ֙עַל֙ בַּֽיהוָ֔ה אַל־תּוֹשִׁיעֵ֖נוּ הַיּ֥וֹם הַזֶּֽה׃

‎23 ‏לִבְנ֥וֹת לָ֙נוּ֙ מִזְבֵּ֔חַ לָשׁ֖וּב מֵאַחֲרֵ֣י יְהוָ֑ה וְאִם־לְהַעֲל֨וֹת עָלָ֜יו עוֹלָ֣ה וּמִנְחָ֗ה וְאִם־לַעֲשׂ֤וֹת עָלָיו֙ זִבְחֵ֣י שְׁלָמִ֔ים יְהוָ֖ה ה֥וּא יְבַקֵּֽשׁ׃

‎24 ‏וְאִם־לֹ֤א מִדְּאָגָה֙ מִדָּבָ֔ר עָשִׂ֥ינוּ אֶת־זֹ֖את לֵאמֹ֑ר מָחָ֗ר יֹאמְר֨וּ בְנֵיכֶ֤ם לְבָנֵ֙ינוּ֙ לֵאמֹ֔ר מַה־לָּכֶ֕ם וְלַֽיהוָ֖ה אֱלֹהֵ֥י יִשְׂרָאֵֽל׃

‎25 ‏וּגְב֣וּל נָֽתַן־יְ֠הוָה בֵּינֵ֨נוּ וּבֵינֵיכֶ֜ם בְּנֵי־רְאוּבֵ֤ן וּבְנֵי־גָד֙ אֶת־הַיַּרְדֵּ֔ן אֵין־לָכֶ֥ם חֵ֖לֶק בַּֽיהוָ֑ה וְהִשְׁבִּ֤יתוּ בְנֵיכֶם֙ אֶת־בָּנֵ֔ינוּ לְבִלְתִּ֖י יְרֹ֥א אֶת־יְהוָֽה׃

‎26 ‏וַנֹּ֕אמֶר נַעֲשֶׂה־נָּ֣א לָ֔נוּ לִבְנ֖וֹת אֶת־הַמִּזְבֵּ֑חַ לֹ֥א לְעוֹלָ֖ה וְלֹ֥א לְזָֽבַח׃

‎27 ‏כִּי֩ עֵ֨ד ה֜וּא בֵּינֵ֣ינוּ וּבֵינֵיכֶ֗ם וּבֵ֣ין דֹּרוֹתֵינוּ֮ אַחֲרֵינוּ֒ לַעֲבֹ֞ד אֶת־עֲבֹדַ֤ת יְהוָה֙ לְפָנָ֔יו בְּעֹלוֹתֵ֥ינוּ וּבִזְבָחֵ֖ינוּ וּבִשְׁלָמֵ֑ינוּ וְלֹא־יֹאמְר֨וּ בְנֵיכֶ֤ם מָחָר֙ לְבָנֵ֔ינוּ אֵין־לָכֶ֥ם חֵ֖לֶק בַּיהוָֽה׃

‎28 ‏וַנֹּ֕אמֶר וְהָיָ֗ה כִּֽי־יֹאמְר֥וּ אֵלֵ֛ינוּ וְאֶל־דֹּרֹתֵ֖ינוּ מָחָ֑ר וְאָמַ֡רְנוּ רְא֣וּ אֶת־תַּבְנִית֩ מִזְבַּ֨ח יְהוָ֜ה אֲשֶׁר־עָשׂ֣וּ אֲבוֹתֵ֗ינוּ לֹ֤א לְעוֹלָה֙ וְלֹ֣א לְזֶ֔בַח כִּי־עֵ֣ד ה֔וּא בֵּינֵ֖ינוּ וּבֵינֵיכֶֽם׃

‎29 ‏חָלִילָה֩ לָּ֨נוּ מִמֶּ֜נּוּ לִמְרֹ֣ד בַּֽיהוָ֗ה וְלָשׁ֤וּב הַיּוֹם֙ מֵאַחֲרֵ֣י יְהוָ֔ה לִבְנ֣וֹת מִזְבֵּ֔חַ לְעֹלָ֖ה לְמִנְחָ֣ה וּלְזָ֑בַח מִלְּבַ֗ד מִזְבַּח֙ יְהוָ֣ה אֱלֹהֵ֔ינוּ אֲשֶׁ֖ר לִפְנֵ֥י מִשְׁכָּנֽוֹ׃ פ

‎30 ‏וַיִּשְׁמַ֞ע פִּֽינְחָ֣ס הַכֹּהֵ֗ן וּנְשִׂיאֵ֨י הָעֵדָ֜ה וְרָאשֵׁ֨י אַלְפֵ֤י יִשְׂרָאֵל֙ אֲשֶׁ֣ר אִתּ֔וֹ אֶת־הַ֨דְּבָרִ֔ים אֲשֶׁ֧ר דִּבְּר֛וּ בְּנֵי־רְאוּבֵ֥ן וּבְנֵי־גָ֖ד וּבְנֵ֣י מְנַשֶּׁ֑ה וַיִּיטַ֖ב בְּעֵינֵיהֶֽם׃

‎31 ‏וַיֹּ֣אמֶר פִּֽינְחָ֣ס בֶּן־אֶלְעָזָ֣ר הַכֹּהֵ֡ן אֶל־בְּנֵי־רְאוּבֵ֨ן וְאֶל־בְּנֵי־גָ֜ד וְאֶל־בְּנֵ֣י מְנַשֶּׁ֗ה הַיּ֤וֹם׀ יָדַ֙עְנוּ֙ כִּֽי־בְתוֹכֵ֣נוּ יְהוָ֔ה אֲשֶׁ֛ר לֹֽא־מְעַלְתֶּ֥ם בַּֽיהוָ֖ה הַמַּ֣עַל הַזֶּ֑ה אָ֗ז הִצַּלְתֶּ֛ם אֶת־בְּנֵ֥י יִשְׂרָאֵ֖ל מִיַּ֥ד יְהוָֽה׃

‎32 ‏וַיָּ֣שָׁב פִּֽינְחָ֣ס בֶּן־אֶלְעָזָ֣ר הַכֹּהֵ֣ן׀ וְהַנְּשִׂיאִ֡ים מֵאֵ֣ת בְּנֵֽי־רְאוּבֵן֩ וּמֵאֵ֨ת בְּנֵי־גָ֜ד מֵאֶ֧רֶץ הַגִּלְעָ֛ד אֶל־אֶ֥רֶץ כְּנַ֖עַן אֶל־בְּנֵ֣י יִשְׂרָאֵ֑ל וַיָּשִׁ֥בוּ אוֹתָ֖ם דָּבָֽר׃

‎33 ‏וַיִּיטַ֣ב הַדָּבָ֗ר בְּעֵינֵי֙ בְּנֵ֣י יִשְׂרָאֵ֔ל וַיְבָרֲכ֥וּ אֱלֹהִ֖ים בְּנֵ֣י יִשְׂרָאֵ֑ל וְלֹ֣א אָמְר֗וּ לַעֲל֤וֹת עֲלֵיהֶם֙ לַצָּבָ֔א לְשַׁחֵת֙ אֶת־הָאָ֔רֶץ אֲשֶׁ֛ר בְּנֵי־רְאוּבֵ֥ן וּבְנֵי־גָ֖ד יֹשְׁבִ֥ים בָּֽהּ׃

‎34 ‏וַֽיִּקְרְא֛וּ בְּנֵי־רְאוּבֵ֥ן וּבְנֵי־גָ֖ד לַמִּזְבֵּ֑חַ כִּ֣י עֵ֥ד הוּא֙ בֵּֽינֹתֵ֔ינוּ כִּ֥י יְהוָ֖ה הָאֱלֹהִֽים׃ פ

1 ’āz yiqərā’ yəhwōšu‘a lār’ûḇēnî wəlagāḏî wəl^aḥăṣî maṭṭēh mənaššeh:

2 wayyō’mer ’ălêhem ’atem šəmarətem ’ēṯ kāl-’ăšer ṣiûâ ’eṯəḵem mōšeh ‘eḇeḏ yəhwâ watišəmə‘û ḇəqwōlî ləḵōl ’ăšer-ṣiûîṯî ’eṯəḵem:

3 lō’-‘ăzaḇətem ’eṯ-’ăḥêḵem zeh yāmîm rabîm ‘aḏ hayywōm hazzeh ûšəmarətem ’eṯ-mišəmereṯ miṣəwaṯ yəhwâ ’ĕlōhêḵem:

4 wə‘atâ hēnîḥa yəhwâ ’ĕlōhêḵem la’ăḥêḵem ka’ăšer diber lâem wə‘atâ pənû ûləḵû lāḵem lə’âŏlêḵem ’el-’ereṣ ’ăḥuzzaṯəḵem ’ăšer| nāṯan lāḵem mōšeh ‘eḇeḏ yəhwâ bə‘ēḇer hayyarədēn:

5 raq| šimərû mə’ōḏ l^a‘ăśwōṯ ’eṯ-hammiṣəwâ wə’eṯ-hatwōrâ ’ăšer ṣiûâ ’eṯəḵem mōšeh ‘eḇeḏ-yəhwâ lə’ahăḇâ ’eṯ-yəhwâ ’ĕlōhêḵem wəlāleḵeṯ bəḵāl-dərāḵāyw wəlišəmōr miṣəwōṯāyw ûləḏāḇəqâ-ḇwō ûlə‘āḇəḏwō bəḵāl-ləḇaḇəḵem ûḇəḵāl-nafəšəḵem:

6 wayəḇārəḵēm yəhwōšu‘a wayəšalləḥēm wayyēləḵû ’el-’âŏlêhem: s

7 wəl^aḥăṣî| šēḇeṭ hamənaššeh nāṯan mōšeh babāšān ûləḥeṣəywō nāṯan yəhwōšu‘a ‘im-’ăḥêhem mē‘ēḇer bə‘ēḇer^a hayyarədēn yāmmâ wəḡam kî šilləḥām yəhwōšu‘a ’el-’âŏlêhem wayəḇārăḵēm:

8 wayyō’mer ’ălêhem lē’mōr binəḵāsîm rabîm šûḇû ’el-’âŏlêḵem ûḇəmiqəneh raḇ-mə’ōḏ bəḵesef ûḇəzâāḇ ûḇinəḥōšeṯ ûḇəḇarəzel ûḇiśəlāmwōṯ harəbēh mə’ōḏ ḥiləqû šəlal-’ōyəḇêḵem ‘im-’ăḥêḵem: f

9 wayyāšuḇû wayyēləḵû bənê-rə’ûḇēn ûḇənê-ḡāḏ w^aḥăṣî| šēḇeṭ hamənaššeh mē’ēṯ bənê yiśərā’ēl miššilōh ’ăšer bə’ereṣ-kənā‘an lāleḵeṯ ’el-’ereṣ hagilə‘āḏ ’el-’ereṣ ’ăḥuzzāṯām ’ăšer nō’ḥăzû-ḇāh ‘al-pî yəhwâ bəyaḏ-mōšeh:

10 wayyāḇō’û ’el-gəlîlwōṯ hayyarədēn ’ăšer bə’ereṣ kənā‘an wayyiḇənû ḇənê-rə’ûḇēn ûḇənê-ḡāḏ w^aḥăṣî šēḇeṭ hamənaššeh šām mizəbēḥa ‘al-hayyarədēn mizəbēḥa gāḏwōl ləmarə’eh:

11 wayyišəmə‘û ḇənê-yiśərā’ēl lē’mōr hinnēh ḇānû ḇənê-rə’ûḇēn ûḇənê-ḡāḏ w^aḥăṣî šēḇeṭ hamənaššeh ’eṯ-hammizəbēḥa ’el-mûl ’ereṣ kən^a‘an ’el-gəlîlwōṯ hayyarədēn ’el-‘ēḇer bənê yiśərā’ēl:

12 wayyišəmə‘û bənê yiśərā’ēl wayyiqqâălû kāl-‘ăḏaṯ bənê-yiśərā’ēl šilōh l^a‘ălwōṯ ‘ălêhem laṣṣāḇā’: f

13 wayyišələḥû ḇənê-yiśərā’ēl ’el-bənê-rə’ûḇēn wə’el-bənê-ḡāḏ wə’el-ḥăṣî šēḇeṭ-mənaššeh ’el-’ereṣ hagilə‘āḏ ’eṯ-pînəḥās ben-’elə‘āzār hakōhēn:

14 w^a‘ăśārâ nəśi’îm ‘immwō nāśî’ ’eḥāḏ nāśî’ ’eḥāḏ ləḇêṯ ’āḇ ləḵōl maṭṭwōṯ yiśərā’ēl wə’îš rō’š bêṯ-’ăḇwōṯām hēmmâ lə’aləfê yiśərā’ēl:

15 wayyāḇō’û ’el-bənê-rə’ûḇēn wə’el-bənê-ḡāḏ wə’el-ḥăṣî šēḇeṭ-mənaššeh ’el-’ereṣ hagilə‘āḏ wayəḏabərû ’itām lē’mōr:

16 kōh ’āmərû kōl| ‘ăḏaṯ yəhwâ mâ-hamm^a‘al hazzeh ’ăšer mə‘alətem bē’lōhê yiśərā’ēl lāšûḇ hayywōm mē’^aḥărê yəhwâ biḇənwōṯəḵem lāḵem mizəbēḥa limərāḏəḵem hayywōm bayhwâ:

17 hamə‘aṭ-lānû ’eṯ-‘ăwōn pə‘wōr ’ăšer lō’-hiṭṭaharənû mimmennû ‘aḏ hayywōm hazzeh wayəhî hanneḡef b^a‘ăḏaṯ yəhwâ:

18 wə’atem tāšuḇû hayywōm mē’^aḥărê yəhwâ wəhāyâ ’atem timərəḏû hayywōm bayhwâ ûmāḥār ’el-kāl-‘ăḏaṯ yiśərā’ēl yiqəṣōf:

19 wə’aḵə ’im-ṭəmē’â ’ereṣ ’ăḥuzzaṯəḵem ‘iḇərû lāḵem ’el-’ereṣ ’ăḥuzzaṯ yəhwâ ’ăšer šāḵan-šām mišəkan yəhwâ wəhē’āḥăzû bəṯwōḵēnû ûḇayhwâ ’al-timərōḏû wə’ōṯānû ’el-timərōḏû biḇənōṯəḵem lāḵem mizəbēḥa mibalə‘ăḏê mizəb^aḥ yəhwâ ’ĕlōhênû:

20 hălwō’| ‘āḵān ben-zer^aḥ mā‘al m^a‘al b^aḥērem wə‘al-kāl-‘ăḏaṯ yiśərā’ēl hāyâ qāṣef wəhû’ ’îš ’eḥāḏ lō’ ḡāw^a‘ b^a‘ăwōnwō: f

21 wayy^a‘ănû bənê-rə’ûḇēn ûḇənê-ḡāḏ w^aḥăṣî šēḇeṭ hamənaššeh wayəḏabərû ’eṯ-rā’šê ’aləfê yiśərā’ēl:

22 ’ēl| ’ĕlōhîm| yəhwâ ’ēl| ’ĕlōhîm| yəhwâ hû’ yōḏē‘a wəyiśərā’ēl hû’ yēḏā‘ ’im-bəmereḏ wə’im-bəm^a‘al bayhwâ ’al-twōšî‘ēnû hayywōm hazzeh:

23 liḇənwōṯ lānû mizəbēḥa lāšûḇ mē’^aḥărê yəhwâ wə’im-ləh^a‘ălwōṯ ‘ālāyw ‘wōlâ ûminəḥâ wə’im-l^a‘ăśwōṯ ‘ālāyw ziḇəḥê šəlāmîm yəhwâ hû’ yəḇaqqēš:

24 wə’im-lō’ midə’āḡâ midāḇār ‘āśînû ’eṯ-zō’ṯ lē’mōr māḥār yō’mərû ḇənêḵem ləḇānênû lē’mōr mah-llāḵem wəlayhwâ ’ĕlōhê yiśərā’ēl:

25 ûḡəḇûl nāṯan-yəhwâ bênēnû ûḇênêḵem bənê-rə’ûḇēn ûḇənê-ḡāḏ ’eṯ-hayyarədēn ’ên-lāḵem ḥēleq bayhwâ wəhišəbîṯû ḇənêḵem ’eṯ-bānênû ləḇilətî yərō’ ’eṯ-yəhwâ:

26 wannō’mer n^a‘ăśeh-nnā’ lānû liḇənwōṯ ’eṯ-hammizəbēḥa lō’ lə‘wōlâ wəlō’ ləzāḇ^aḥ:

27 kî ‘ēḏ hû’ bênênû ûḇênêḵem ûḇên dōrwōṯênû ’^aḥărênû l^a‘ăḇōḏ ’eṯ-‘ăḇōḏaṯ yəhwâ ləfānāyw bə‘ōlwōṯênû ûḇizəḇāḥênû ûḇišəlāmênû wəlō’-yō’mərû ḇənêḵem māḥār ləḇānênû ’ên-lāḵem ḥēleq bayhwâ:

28 wannō’mer wəhāyâ kî-yō’mərû ’ēlênû wə’el-dōrōṯênû māḥār wə’āmarənû rə’û ’eṯ-taḇənîṯ mizəb^aḥ yəhwâ ’ăšer-‘āśû ’ăḇwōṯênû lō’ lə‘wōlâ wəlō’ ləzeḇ^aḥ kî-‘ēḏ hû’ bênênû ûḇênêḵem:

29 ḥālîlâ llānû mimmennû limərōḏ bayhwâ wəlāšûḇ hayywōm mē’^aḥărê yəhwâ liḇənwōṯ mizəbēḥa lə‘ōlâ ləminəḥâ ûləzāḇ^aḥ milləḇaḏ mizəb^aḥ yəhwâ ’ĕlōhênû ’ăšer lifənê mišəkānwō: f

30 wayyišəm^a‘ pînəḥās hakōhēn ûnəśî’ê hā‘ēḏâ wərā’šê ’aləfê yiśərā’ēl ’ăšer ’itwō ’eṯ-hadəḇārîm ’ăšer dibərû bənê-rə’ûḇēn ûḇənê-ḡāḏ ûḇənê mənaššeh wayyîṭaḇ bə‘ênêhem:

31 wayyō’mer pînəḥās ben-’elə‘āzār hakōhēn ’el-bənê-rə’ûḇēn wə’el-bənê-ḡāḏ wə’el-bənê mənaššeh hayywōm| yāḏ^a‘ənû kî-ḇəṯwōḵēnû yəhwâ ’ăšer lō’-mə‘alətem bayhwâ hamm^a‘al hazzeh ’āz hiṣṣalətem ’eṯ-bənê yiśərā’ēl mîyaḏ yəhwâ:

32 wayyāšāḇ pînəḥās ben-’elə‘āzār hakōhēn| wəhannəśî’îm mē’ēṯ bənê-rə’ûḇēn ûmē’ēṯ bənê-ḡāḏ mē’ereṣ hagilə‘āḏ ’el-’ereṣ kən^a‘an ’el-bənê yiśərā’ēl wayyāšiḇû ’wōṯām dāḇār:

33 wayyîṭaḇ hadāḇār bə‘ênê bənê yiśərā’ēl wayəḇārăḵû ’ĕlōhîm bənê yiśərā’ēl wəlō’ ’āmərû l^a‘ălwōṯ ‘ălêhem laṣṣāḇā’ ləš^aḥēṯ ’eṯ-hā’āreṣ ’ăšer bənê-rə’ûḇēn ûḇənê-ḡāḏ yōšəḇîm bāh:

34 wayyiqərə’û bənê-rə’ûḇēn ûḇənê-ḡāḏ lammizəbēḥa kî ‘ēḏ hû’ bênōṯênû kî yəhwâ hā’ĕlōhîm: f