Sacred Texts  Bible  Index 
Polyglot  KJV  Sep:JsB  Vul 

Joshua (Yehoshua) Index
  Previous  Next 

Tanach (Hebrew): Joshua (Yehoshua) Chapter 21

1 ‏וַֽיִּגְּשׁ֗וּ רָאשֵׁי֙ אֲב֣וֹת הַלְוִיִּ֔ם אֶל־אֶלְעָזָר֙ הַכֹּהֵ֔ן וְאֶל־יְהוֹשֻׁ֖עַ בִּן־נ֑וּן וְאֶל־רָאשֵׁ֛י אֲב֥וֹת הַמַּטּ֖וֹת לִבְנֵ֥י יִשְׂרָאֵֽל׃

2 ‏וַיְדַבְּר֨וּ אֲלֵיהֶ֜ם בְּשִׁלֹ֗ה בְּאֶ֤רֶץ כְּנַ֙עַן֙ לֵאמֹ֔ר יְהוָה֙ צִוָּ֣ה בְיַד־מֹשֶׁ֔ה לָֽתֶת־לָ֥נוּ עָרִ֖ים לָשָׁ֑בֶת וּמִגְרְשֵׁיהֶ֖ן לִבְהֶמְתֵּֽנוּ׃

3 ‏וַיִּתְּנ֨וּ בְנֵי־יִשְׂרָאֵ֧ל לַלְוִיִּ֛ם מִנַּחֲלָתָ֖ם אֶל־פִּ֣י יְהוָ֑ה אֶת־הֶעָרִ֥ים הָאֵ֖לֶּה וְאֶת־מִגְרְשֵׁיהֶֽן׃

4 ‏וַיֵּצֵ֥א הַגּוֹרָ֖ל לְמִשְׁפְּחֹ֣ת הַקְּהָתִ֑י וַיְהִ֡י לִבְנֵי֩ אַהֲרֹ֨ן הַכֹּהֵ֜ן מִן־הַלְוִיִּ֗ם מִמַּטֵּ֣ה יְ֠הוּדָה וּמִמַּטֵּ֨ה הַשִּׁמְעֹנִ֜י וּמִמַּטֵּ֤ה בִנְיָמִן֙ בַּגּוֹרָ֔ל עָרִ֖ים שְׁלֹ֥שׁ עֶשְׂרֵֽה׃ ס

5 ‏וְלִבְנֵ֨י קְהָ֜ת הַנּוֹתָרִ֗ים מִמִּשְׁפְּחֹ֣ת מַטֵּֽה־אֶ֠פְרַיִם וּֽמִמַּטֵּה־דָ֞ן וּמֵחֲצִ֨י מַטֵּ֧ה מְנַשֶּׁ֛ה בַּגּוֹרָ֖ל עָרִ֥ים עָֽשֶׂר׃ ס

6 ‏וְלִבְנֵ֣י גֵרְשׁ֗וֹן מִמִּשְׁפְּח֣וֹת מַטֵּֽה־יִשָּׂשכָ֣ר וּמִמַּטֵּֽה־אָ֠שֵׁר וּמִמַּטֵּ֨ה נַפְתָּלִ֜י וּ֠מֵחֲצִי מַטֵּ֨ה מְנַשֶּׁ֤ה בַבָּשָׁן֙ בַּגּוֹרָ֔ל עָרִ֖ים שְׁלֹ֥שׁ עֶשְׂרֵֽה׃ ס

7 ‏לִבְנֵ֨י מְרָרִ֜י לְמִשְׁפְּחֹתָ֗ם מִמַּטֵּ֨ה רְאוּבֵ֤ן וּמִמַּטֵּה־גָד֙ וּמִמַּטֵּ֣ה זְבוּלֻ֔ן עָרִ֖ים שְׁתֵּ֥ים עֶשְׂרֵֽה׃

8 ‏וַיִּתְּנ֤וּ בְנֵֽי־יִשְׂרָאֵל֙ לַלְוִיִּ֔ם אֶת־הֶעָרִ֥ים הָאֵ֖לֶּה וְאֶת־מִגְרְשֵׁיהֶ֑ן כַּאֲשֶׁ֨ר צִוָּ֧ה יְהוָ֛ה בְּיַד־מֹשֶׁ֖ה בַּגּוֹרָֽל׃ פ

9 ‏וַֽיִּתְּנ֗וּ מִמַּטֵּה֙ בְּנֵ֣י יְהוּדָ֔ה וּמִמַּטֵּ֖ה בְּנֵ֣י שִׁמְע֑וֹן אֵ֚ת הֶֽעָרִ֣ים הָאֵ֔לֶּה אֲשֶׁר־יִקְרָ֥א אֶתְהֶ֖ן בְּשֵֽׁם׃

10 ‏וַֽיְהִי֙ לִבְנֵ֣י אַהֲרֹ֔ן מִמִּשְׁפְּח֥וֹת הַקְּהָתִ֖י מִבְּנֵ֣י לֵוִ֑י כִּ֥י לָהֶ֛ם הָיָ֥ה הַגּוֹרָ֖ל רִיאשֹׁנָֽה׃

11 ‏וַיִּתְּנ֨וּ לָהֶ֜ם אֶת־קִרְיַת֩ אַרְבַּ֨ע אֲבִ֧י הָֽעֲנ֛וֹק הִ֥יא חֶבְר֖וֹן בְּהַ֣ר יְהוּדָ֑ה וְאֶת־מִגְרָשֶׁ֖הָ סְבִיבֹתֶֽיהָ׃

12 ‏וְאֶת־שְׂדֵ֥ה הָעִ֖יר וְאֶת־חֲצֵרֶ֑יהָ נָֽתְנ֛וּ לְכָלֵ֥ב בֶּן־יְפֻנֶּ֖ה בַּאֲחֻזָּתֽוֹ׃ ס

13 ‏וְלִבְנֵ֣י׀ אַהֲרֹ֣ן הַכֹּהֵ֗ן נָֽתְנוּ֙ אֶת־עִיר֙ מִקְלַ֣ט הָרֹצֵ֔חַ אֶת־חֶבְר֖וֹן וְאֶת־מִגְרָשֶׁ֑הָ וְאֶת־לִבְנָ֖ה וְאֶת־מִגְרָשֶֽׁהָ׃

14 ‏וְאֶת־יַתִּר֙ וְאֶת־מִגְרָשֶׁ֔הָ וְאֶת־אֶשְׁתְּמֹ֖עַ וְאֶת־מִגְרָשֶֽׁהָ׃

15 ‏וְאֶת־חֹלֹן֙ וְאֶת־מִגְרָשֶׁ֔הָ וְאֶת־דְּבִ֖ר וְאֶת־מִגְרָשֶֽׁהָ׃

16 ‏וְאֶת־עַ֣יִן וְאֶת־מִגְרָשֶׁ֗הָ וְאֶת־יֻטָּה֙ וְאֶת־מִגְרָשֶׁ֔הָ אֶת־בֵּ֥ית שֶׁ֖מֶשׁ וְאֶת־מִגְרָשֶׁ֑הָ עָרִ֣ים תֵּ֔שַׁע מֵאֵ֕ת שְׁנֵ֥י הַשְּׁבָטִ֖ים הָאֵֽלֶּה׃ פ

17 ‏וּמִמַּטֵּ֣ה בִנְיָמִ֔ן אֶת־גִּבְע֖וֹן וְאֶת־מִגְרָשֶׁ֑הָ אֶת־גֶּ֖בַע וְאֶת־מִגְרָשֶֽׁהָ׃

18 ‏אֶת־עֲנָתוֹת֙ וְאֶת־מִגְרָשֶׁ֔הָ וְאֶת־עַלְמ֖וֹן וְאֶת־מִגְרָשֶׁ֑הָ עָרִ֖ים אַרְבַּֽע׃

19 ‏כָּל־עָרֵ֥י בְנֵֽי־אַהֲרֹ֖ן הַכֹּֽהֲנִ֑ים שְׁלֹשׁ־עֶשְׂרֵ֥ה עָרִ֖ים וּמִגְרְשֵׁיהֶֽן׃ ס

20 ‏וּלְמִשְׁפְּח֤וֹת בְּנֵֽי־קְהָת֙ הַלְוִיִּ֔ם הַנּוֹתָרִ֖ים מִבְּנֵ֣י קְהָ֑ת וַֽיְהִי֙ עָרֵ֣י גֽוֹרָלָ֔ם מִמַּטֵּ֖ה אֶפְרָֽיִם׃

21 ‏וַיִּתְּנ֨וּ לָהֶ֜ם אֶת־עִ֨יר מִקְלַ֧ט הָרֹצֵ֛חַ אֶת־שְׁכֶ֥ם וְאֶת־מִגְרָשֶׁ֖הָ בְּהַ֣ר אֶפְרָ֑יִם וְאֶת־גֶּ֖זֶר וְאֶת־מִגְרָשֶֽׁהָ׃

22 ‏וְאֶת־קִבְצַ֙יִם֙ וְאֶת־מִגְרָשֶׁ֔הָ וְאֶת־בֵּ֥ית חוֹרֹ֖ן וְאֶת־מִגְרָשֶׁ֑הָ עָרִ֖ים אַרְבַּֽע׃ ס

23 ‏וּמִמַּ֨טֵּה־דָ֔ן אֶֽת־אֶלְתְּקֵ֖א וְאֶת־מִגְרָשֶׁ֑הָ אֶֽת־גִּבְּת֖וֹן וְאֶת־מִגְרָשֶֽׁהָ׃

24 ‏אֶת־אַיָּלוֹן֙ וְאֶת־מִגְרָשֶׁ֔הָ אֶת־גַּת־רִמּ֖וֹן וְאֶת־מִגְרָשֶׁ֑הָ עָרִ֖ים אַרְבַּֽע׃ ס

25 ‏וּמִֽמַּחֲצִית֙ מַטֵּ֣ה מְנַשֶּׁ֔ה אֶת־תַּעְנַךְ֙ וְאֶת־מִגְרָשֶׁ֔הָ וְאֶת־גַּת־רִמּ֖וֹן וְאֶת־מִגְרָשֶׁ֑הָ עָרִ֖ים שְׁתָּֽיִם׃

26 ‏כָּל־עָרִ֥ים עֶ֖שֶׂר וּמִגְרְשֵׁיהֶ֑ן לְמִשְׁפְּח֥וֹת בְּנֵֽי־קְהָ֖ת הַנּוֹתָרִֽים׃ ס

27 ‏וְלִבְנֵ֣י גֵרְשׁוֹן֮ מִמִּשְׁפְּחֹ֣ת הַלְוִיִּם֒ מֵחֲצִ֞י מַטֵּ֣ה מְנַשֶּׁ֗ה אֶת־עִיר֙ מִקְלַ֣ט הָרֹצֵ֔חַ אֶת־גלון גּוֹלָ֤ן בַּבָּשָׁן֙ וְאֶת־מִגְרָשֶׁ֔הָ וְאֶֽת־בְּעֶשְׁתְּרָ֖ה וְאֶת־מִגְרָשֶׁ֑הָ עָרִ֖ים שְׁתָּֽיִם׃ ס

28 ‏וּמִמַּטֵּ֣ה יִשָּׂשכָ֔ר אֶת־קִשְׁי֖וֹן וְאֶת־מִגְרָשֶׁ֑הָ אֶת־דָּֽבְרַ֖ת וְאֶת־מִגְרָשֶֽׁהָ׃

29 ‏אֶת־יַרְמוּת֙ וְאֶת־מִגְרָשֶׁ֔הָ אֶת־עֵ֥ין גַּנִּ֖ים וְאֶת־מִגְרָשֶׁ֑הָ עָרִ֖ים אַרְבַּֽע׃ ס

30 ‏וּמִמַּטֵּ֣ה אָשֵׁ֔ר אֶת־מִשְׁאָ֖ל וְאֶת־מִגְרָשֶׁ֑הָ אֶת־עַבְדּ֖וֹן וְאֶת־מִגְרָשֶֽׁהָ׃

31 ‏אֶת־חֶלְקָת֙ וְאֶת־מִגְרָשֶׁ֔הָ וְאֶת־רְחֹ֖ב וְאֶת־מִגְרָשֶׁ֑הָ עָרִ֖ים אַרְבַּֽע׃ ס

32 ‏וּמִמַּטֵּ֨ה נַפְתָּלִ֜י אֶת־עִ֣יר׀ מִקְלַ֣ט הָֽרֹצֵ֗חַ אֶת־קֶ֨דֶשׁ בַּגָּלִ֤יל וְאֶת־מִגְרָשֶׁ֙הָ֙ וְאֶת־חַמֹּ֥ת דֹּאר֙ וְאֶת־מִגְרָשֶׁ֔הָ וְאֶת־קַרְתָּ֖ן וְאֶת־מִגְרָשֶׁ֑הָ עָרִ֖ים שָׁלֹֽשׁ׃

33 ‏כָּל־עָרֵ֥י הַגֵּרְשֻׁנִּ֖י לְמִשְׁפְּחֹתָ֑ם שְׁלֹשׁ־עֶשְׂרֵ֥ה עִ֖יר וּמִגְרְשֵׁיהֶֽן׃ ס

34 ‏וּלְמִשְׁפְּח֣וֹת בְּנֵֽי־מְרָרִי֮ הַלְוִיִּ֣ם הַנּוֹתָרִים֒ מֵאֵת֙ מַטֵּ֣ה זְבוּלֻ֔ן אֶֽת־יָקְנְעָ֖ם וְאֶת־מִגְרָשֶׁ֑הָ אֶת־קַרְתָּ֖ה וְאֶת־מִגְרָשֶֽׁהָ׃

35 ‏אֶת־דִּמְנָה֙ וְאֶת־מִגְרָשֶׁ֔הָ אֶֽת־נַהֲלָ֖ל וְאֶת־מִגְרָשֶׁ֑הָ עָרִ֖ים אַרְבַּֽע׃

36 ‏וּמִמַּטֵּ֣ה רְאוּבֵ֔ן אֶת־בֶּ֖צֶר וְאֶת־מִגְרָשֶׁ֑הָ וְאֶת־יַ֖הְצָה וְאֶת־מִגְרָשֶֽׁהָ׃

37 ‏אֶת־קְדֵמוֹת֙ וְאֶת־מִגְרָשֶׁ֔הָ וְאֶת־מֵיפָ֖עַת וְאֶת־מִגְרָשֶׁ֑הָ עָרִ֖ים אַרְבַּֽע׃ ס

38 ‏וּמִמַּטֵּה־גָ֗ד אֶת־עִיר֙ מִקְלַ֣ט הָרֹצֵ֔חַ אֶת־רָמֹ֥ת בַּגִּלְעָ֖ד וְאֶת־מִגְרָשֶׁ֑הָ וְאֶֽת־מַחֲנַ֖יִם וְאֶת־מִגְרָשֶֽׁהָ׃

39 ‏אֶת־חֶשְׁבּוֹן֙ וְאֶת־מִגְרָשֶׁ֔הָ אֶת־יַעְזֵ֖ר וְאֶת־מִגְרָשֶׁ֑הָ כָּל־עָרִ֖ים אַרְבַּֽע׃

40 ‏כָּל־הֶ֨עָרִ֜ים לִבְנֵ֤י מְרָרִי֙ לְמִשְׁפְּחֹתָ֔ם הַנּוֹתָרִ֖ים מִמִּשְׁפְּח֣וֹת הַלְוִיִּ֑ם וַיְהִי֙ גּוֹרָלָ֔ם עָרִ֖ים שְׁתֵּ֥ים עֶשְׂרֵֽה׃

41 ‏כֹּ֚ל עָרֵ֣י הַלְוִיִּ֔ם בְּת֖וֹךְ אֲחֻזַּ֣ת בְּנֵֽי־יִשְׂרָאֵ֑ל עָרִ֛ים אַרְבָּעִ֥ים וּשְׁמֹנֶ֖ה וּמִגְרְשֵׁיהֶֽן׃

42 ‏תִּֽהְיֶ֙ינָה֙ הֶעָרִ֣ים הָאֵ֔לֶּה עִ֣יר עִ֔יר וּמִגְרָשֶׁ֖יהָ סְבִיבֹתֶ֑יהָ כֵּ֖ן לְכָל־הֶעָרִ֥ים הָאֵֽלֶּה׃ ס

43 ‏וַיִּתֵּ֤ן יְהוָה֙ לְיִשְׂרָאֵ֔ל אֶת־כָּל־הָאָ֔רֶץ אֲשֶׁ֥ר נִשְׁבַּ֖ע לָתֵ֣ת לַאֲבוֹתָ֑ם וַיִּרָשׁ֖וּהָ וַיֵּ֥שְׁבוּ בָֽהּ׃

44 ‏וַיָּ֨נַח יְהוָ֤ה לָהֶם֙ מִסָּבִ֔יב כְּכֹ֥ל אֲשֶׁר־נִשְׁבַּ֖ע לַאֲבוֹתָ֑ם וְלֹא־עָ֨מַד אִ֤ישׁ בִּפְנֵיהֶם֙ מִכָּל־אֹ֣יְבֵיהֶ֔ם אֵ֚ת כָּל־אֹ֣יְבֵיהֶ֔ם נָתַ֥ן יְהוָ֖ה בְּיָדָֽם׃

45 ‏לֹֽא־נָפַ֣ל דָּבָ֔ר מִכֹּל֙ הַדָּבָ֣ר הַטּ֔וֹב אֲשֶׁר־דִּבֶּ֥ר יְהוָ֖ה אֶל־בֵּ֣ית יִשְׂרָאֵ֑ל הַכֹּ֖ל בָּֽא׃ פ

1 wayyigəšû rā’šê ’ăḇwōṯ haləwîyim ’el-’elə‘āzār hakōhēn wə’el-yəhwōšu‘a bin-nûn wə’el-rā’šê ’ăḇwōṯ hammaṭṭwōṯ liḇənê yiśərā’ēl:

2 wayəḏabərû ’ălêhem bəšilōh bə’ereṣ kəna‘an lē’mōr yəhwâ ṣiûâ ḇəyaḏ-mōšeh lāṯeṯ-lānû ‘ārîm lāšāḇeṯ ûmiḡərəšêhen liḇəhemətēnû:

3 wayyitənû ḇənê-yiśərā’ēl laləwîyim minnaḥălāṯām ’el-pî yəhwâ ’eṯ-he‘ārîm hā’ēlleh wə’eṯ-miḡərəšêhen:

4 wayyēṣē’ hagwōrāl ləmišəpəḥōṯ haqqəhāṯî wayəhî liḇənê ’ahărōn hakōhēn min-haləwîyim mimmaṭṭēh yəhûḏâ ûmimmaṭṭēh haššimə‘ōnî ûmimmaṭṭēh ḇinəyāmin bagwōrāl ‘ārîm šəlōš ‘eśərēh: s

5 wəliḇənê qəhāṯ hannwōṯārîm mimmišəpəḥōṯ maṭṭēh-’efərayim ûmimmaṭṭēh-ḏān ûmēḥăṣî maṭṭēh mənaššeh bagwōrāl ‘ārîm ‘āśer: s

6 wəliḇənê ḡērəšwōn mimmišəpəḥwōṯ maṭṭēh-yiśśāsḵār ûmimmaṭṭēh-’āšēr ûmimmaṭṭēh nafətālî ûmēḥăṣî maṭṭēh mənaššeh ḇabāšān bagwōrāl ‘ārîm šəlōš ‘eśərēh: s

7 liḇənê mərārî ləmišəpəḥōṯām mimmaṭṭēh rə’ûḇēn ûmimmaṭṭēh-ḡāḏ ûmimmaṭṭēh zəḇûlun ‘ārîm šətêm ‘eśərēh:

8 wayyitənû ḇənê-yiśərā’ēl laləwîyim ’eṯ-he‘ārîm hā’ēlleh wə’eṯ-miḡərəšêhen ka’ăšer ṣiûâ yəhwâ bəyaḏ-mōšeh bagwōrāl: f

9 wayyitənû mimmaṭṭēh bənê yəhûḏâ ûmimmaṭṭēh bənê šimə‘wōn ’ēṯ he‘ārîm hā’ēlleh ’ăšer-yiqərā’ ’eṯəhen bəšēm:

10 wayəhî liḇənê ’ahărōn mimmišəpəḥwōṯ haqqəhāṯî mibənê lēwî kî lâem hāyâ hagwōrāl rî’šōnâ:

11 wayyitənû lâem ’eṯ-qirəyaṯ ’arəba‘ ’ăḇî hā‘ănwōq hî’ ḥeḇərwōn bəhar yəhûḏâ wə’eṯ-miḡərāšehā səḇîḇōṯeyhā:

12 wə’eṯ-śəḏēh hā‘îr wə’eṯ-ḥăṣēreyhā nāṯənû ləḵālēḇ ben-yəfunneh ba’ăḥuzzāṯwō: s

13 wəliḇənê| ’ahărōn hakōhēn nāṯənû ’eṯ-‘îr miqəlaṭ hārōṣēḥa ’eṯ-ḥeḇərwōn wə’eṯ-miḡərāšehā wə’eṯ-liḇənâ wə’eṯ-miḡərāšehā:

14 wə’eṯ-yatir wə’eṯ-miḡərāšehā wə’eṯ-’ešətəmō‘a wə’eṯ-miḡərāšehā:

15 wə’eṯ-ḥōlōn wə’eṯ-miḡərāšehā wə’eṯ-dəḇir wə’eṯ-miḡərāšehā:

16 wə’eṯ-‘ayin wə’eṯ-miḡərāšehā wə’eṯ-yuṭṭâ wə’eṯ-miḡərāšehā ’eṯ-bêṯ šemeš wə’eṯ-miḡərāšehā ‘ārîm tēša‘ mē’ēṯ šənê haššəḇāṭîm hā’ēlleh: f

17 ûmimmaṭṭēh ḇinəyāmin ’eṯ-giḇə‘wōn wə’eṯ-miḡərāšehā ’eṯ-geḇa‘ wə’eṯ-miḡərāšehā:

18 ’eṯ-‘ănāṯwōṯ wə’eṯ-miḡərāšehā wə’eṯ-‘aləmwōn wə’eṯ-miḡərāšehā ‘ārîm ’arəba‘:

19 kāl-‘ārê ḇənê-’ahărōn hakōhănîm šəlōš-‘eśərēh ‘ārîm ûmiḡərəšêhen: s

20 ûləmišəpəḥwōṯ bənê-qəhāṯ haləwîyim hannwōṯārîm mibənê qəhāṯ wayəhî ‘ārê ḡwōrālām mimmaṭṭēh ’efərāyim:

21 wayyitənû lâem ’eṯ-‘îr miqəlaṭ hārōṣēḥa ’eṯ-šəḵem wə’eṯ-miḡərāšehā bəhar ’efərāyim wə’eṯ-gezer wə’eṯ-miḡərāšehā:

22 wə’eṯ-qiḇəṣayim wə’eṯ-miḡərāšehā wə’eṯ-bêṯ ḥwōrōn wə’eṯ-miḡərāšehā ‘ārîm ’arəba‘: s

23 ûmimmaṭṭēh-ḏān ’eṯ-’elətəqē’ wə’eṯ-miḡərāšehā ’eṯ-gibəṯwōn wə’eṯ-miḡərāšehā:

24 ’eṯ-’ayyālwōn wə’eṯ-miḡərāšehā ’eṯ-gaṯ-rimmwōn wə’eṯ-miḡərāšehā ‘ārîm ’arəba‘: s

25 ûmimmaḥăṣîṯ maṭṭēh mənaššeh ’eṯ-ta‘ənaḵə wə’eṯ-miḡərāšehā wə’eṯ-gaṯ-rimmwōn wə’eṯ-miḡərāšehā ‘ārîm šətāyim:

26 kāl-‘ārîm ‘eśer ûmiḡərəšêhen ləmišəpəḥwōṯ bənê-qəhāṯ hannwōṯārîm: s

27 wəliḇənê ḡērəšwōn mimmišəpəḥōṯ haləwîyim mēḥăṣî maṭṭēh mənaššeh ’eṯ-‘îr miqəlaṭ hārōṣēḥa ’eṯ-gālwōn gwōlān babāšān wə’eṯ-miḡərāšehā wə’eṯ-bə‘ešətərâ wə’eṯ-miḡərāšehā ‘ārîm šətāyim: s

28 ûmimmaṭṭēh yiśśāsḵār ’eṯ-qišəywōn wə’eṯ-miḡərāšehā ’eṯ-dāḇəraṯ wə’eṯ-miḡərāšehā:

29 ’eṯ-yarəmûṯ wə’eṯ-miḡərāšehā ’eṯ-‘ên gannîm wə’eṯ-miḡərāšehā ‘ārîm ’arəba‘: s

30 ûmimmaṭṭēh ’āšēr ’eṯ-mišə’āl wə’eṯ-miḡərāšehā ’eṯ-‘aḇədwōn wə’eṯ-miḡərāšehā:

31 ’eṯ-ḥeləqāṯ wə’eṯ-miḡərāšehā wə’eṯ-rəḥōḇ wə’eṯ-miḡərāšehā ‘ārîm ’arəba‘: s

32 ûmimmaṭṭēh nafətālî ’eṯ-‘îr| miqəlaṭ hārōṣēḥa ’eṯ-qeḏeš bagālîl wə’eṯ-miḡərāšehā wə’eṯ-ḥammōṯ dō’r wə’eṯ-miḡərāšehā wə’eṯ-qarətān wə’eṯ-miḡərāšehā ‘ārîm šālōš:

33 kāl-‘ārê hagērəšunnî ləmišəpəḥōṯām šəlōš-‘eśərēh ‘îr ûmiḡərəšêhen: s

34 ûləmišəpəḥwōṯ bənê-mərārî haləwîyim hannwōṯārîm mē’ēṯ maṭṭēh zəḇûlun ’eṯ-yāqənə‘ām wə’eṯ-miḡərāšehā ’eṯ-qarətâ wə’eṯ-miḡərāšehā:

35 ’eṯ-dimənâ wə’eṯ-miḡərāšehā ’eṯ-nahălāl wə’eṯ-miḡərāšehā ‘ārîm ’arəba‘:

36 ûmimmaṭṭēh rə’ûḇēn ’eṯ-beṣer wə’eṯ-miḡərāšehā wə’eṯ-yahəṣâ wə’eṯ-miḡərāšehā:

37 ’eṯ-qəḏēmwōṯ wə’eṯ-miḡərāšehā wə’eṯ-mêfā‘aṯ wə’eṯ-miḡərāšehā ‘ārîm ’arəba‘: s

38 ûmimmaṭṭēh-ḡāḏ ’eṯ-‘îr miqəlaṭ hārōṣēḥa ’eṯ-rāmōṯ bagilə‘āḏ wə’eṯ-miḡərāšehā wə’eṯ-maḥănayim wə’eṯ-miḡərāšehā:

39 ’eṯ-ḥešəbwōn wə’eṯ-miḡərāšehā ’eṯ-ya‘əzēr wə’eṯ-miḡərāšehā kāl-‘ārîm ’arəba‘:

40 kāl-he‘ārîm liḇənê mərārî ləmišəpəḥōṯām hannwōṯārîm mimmišəpəḥwōṯ haləwîyim wayəhî gwōrālām ‘ārîm šətêm ‘eśərēh:

41 kōl ‘ārê haləwîyim bəṯwōḵə ’ăḥuzzaṯ bənê-yiśərā’ēl ‘ārîm ’arəbā‘îm ûšəmōneh ûmiḡərəšêhen:

42 tihəyeynâ he‘ārîm hā’ēlleh ‘îr ‘îr ûmiḡərāšeyhā səḇîḇōṯeyhā kēn ləḵāl-he‘ārîm hā’ēlleh: s

43 wayyitēn yəhwâ ləyiśərā’ēl ’eṯ-kāl-hā’āreṣ ’ăšer nišəba‘ lāṯēṯ la’ăḇwōṯām wayyirāšûhā wayyēšəḇû ḇāh:

44 wayyānaḥ yəhwâ lâem missāḇîḇ kəḵōl ’ăšer-nišəba‘ la’ăḇwōṯām wəlō’-‘āmaḏ ’îš bifənêhem mikāl-’ōyəḇêhem ’ēṯ kāl-’ōyəḇêhem nāṯan yəhwâ bəyāḏām:

45 lō’-nāfal dāḇār mikōl hadāḇār haṭṭwōḇ ’ăšer-diber yəhwâ ’el-bêṯ yiśərā’ēl hakōl bā’: f


Next: Joshua (Yehoshua) Chapter 22