Sacred Texts  Bible  Index 
Polyglot  KJV  Sep:JsB  Vul 

Joshua (Yehoshua) Index
  Previous  Next 

Tanach (Hebrew): Joshua (Yehoshua) Chapter 20

1 ‏וַיְדַבֵּ֣ר יְהוָ֔ה אֶל־יְהוֹשֻׁ֖עַ לֵאמֹֽר׃

2 ‏דַּבֵּ֛ר אֶל־בְּנֵ֥י יִשְׂרָאֵ֖ל לֵאמֹ֑ר תְּנ֤וּ לָכֶם֙ אֶת־עָרֵ֣י הַמִּקְלָ֔ט אֲשֶׁר־דִּבַּ֥רְתִּי אֲלֵיכֶ֖ם בְּיַד־מֹשֶֽׁה׃

3 ‏לָנ֥וּס שָׁ֙מָּה֙ רוֹצֵ֔חַ מַכֵּה־נֶ֥פֶשׁ בִּשְׁגָגָ֖ה בִּבְלִי־דָ֑עַת וְהָי֤וּ לָכֶם֙ לְמִקְלָ֔ט מִגֹּאֵ֖ל הַדָּֽם׃

4 ‏וְנָ֞ס אֶל־אַחַ֣ת׀ מֵהֶעָרִ֣ים הָאֵ֗לֶּה וְעָמַד֙ פֶּ֚תַח שַׁ֣עַר הָעִ֔יר וְדִבֶּ֛ר בְּאָזְנֵ֛י זִקְנֵ֥י־הָעִֽיר3 הַהִ֖יא אֶת־דְּבָרָ֑יו וְאָסְפ֨וּ אֹת֤וֹ הָעִ֙ירָה֙ אֲלֵיהֶ֔ם וְנָתְנוּ־ל֥וֹ מָק֖וֹם וְיָשַׁ֥ב עִמָּֽם׃

5 ‏וְכִ֨י יִרְדֹּ֜ף גֹּאֵ֤ל הַדָּם֙ אַֽחֲרָ֔יו וְלֹֽא־יַסְגִּ֥רוּ אֶת־הָרֹצֵ֖חַ בְּיָד֑וֹ כִּ֤י בִבְלִי־דַ֙עַת֙ הִכָּ֣ה אֶת־רֵעֵ֔הוּ וְלֹֽא־שֹׂנֵ֥א ה֛וּא ל֖וֹ מִתְּמ֥וֹל שִׁלְשֽׁוֹם׃

6 ‏וְיָשַׁ֣ב׀ בָּעִ֣יר הַהִ֗יא עַד־עָמְד֞וֹ לִפְנֵ֤י הָֽעֵדָה֙ לַמִּשְׁפָּ֔ט עַד־מוֹת֙ הַכֹּהֵ֣ן הַגָּד֔וֹל אֲשֶׁ֥ר יִהְיֶ֖ה בַּיָּמִ֣ים הָהֵ֑ם אָ֣ז׀ יָשׁ֣וּב הָרוֹצֵ֗חַ וּבָ֤א אֶל־עִירוֹ֙ וְאֶל־בֵּית֔וֹ אֶל־הָעִ֖יר אֲשֶׁר־נָ֥ס מִשָּֽׁם׃

7 ‏וַיַּקְדִּ֜שׁוּ אֶת־קֶ֤דֶשׁ בַּגָּלִיל֙ בְּהַ֣ר נַפְתָּלִ֔י וְאֶת־שְׁכֶ֖ם בְּהַ֣ר אֶפְרָ֑יִם וְאֶת־קִרְיַ֥ת אַרְבַּ֛ע הִ֥יא חֶבְר֖וֹן בְּהַ֥ר יְהוּדָֽה׃

8 ‏וּמֵעֵ֜בֶר לְיַרְדֵּ֤ן יְרִיחוֹ֙ מִזְרָ֔חָה נָתְנ֞וּ אֶת־בֶּ֧צֶר בַּמִּדְבָּ֛ר בַּמִּישֹׁ֖ר מִמַּטֵּ֣ה רְאוּבֵ֑ן וְאֶת־רָאמֹ֤ת בַּגִּלְעָד֙ מִמַּטֵּה־גָ֔ד וְאֶת־גלון גּוֹלָ֥ן בַּבָּשָׁ֖ן מִמַּטֵּ֥ה מְנַשֶּֽׁה׃

9 ‏אֵ֣לֶּה הָיוּ֩ עָרֵ֨י הַמּֽוּעָדָ֜ה לְכֹ֣ל׀ בְּנֵ֣י יִשְׂרָאֵ֗ל וְלַגֵּר֙ הַגָּ֣ר בְּתוֹכָ֔ם לָנ֣וּס שָׁ֔מָּה כָּל־מַכֵּה־נֶ֖פֶשׁ בִּשְׁגָגָ֑ה וְלֹ֣א יָמ֗וּת בְּיַד֙ גֹּאֵ֣ל הַדָּ֔ם עַד־עָמְד֖וֹ לִפְנֵ֥י הָעֵדָֽה׃ פ

1 wayəḏabēr yəhwâ ’el-yəhwōšu‘a lē’mōr:

2 dabēr ’el-bənê yiśərā’ēl lē’mōr tənû lāḵem ’eṯ-‘ārê hammiqəlāṭ ’ăšer-dibarətî ’ălêḵem bəyaḏ-mōšeh:

3 lānûs šāmmâ rwōṣēḥa makēh-nefeš bišəḡāḡâ biḇəlî-ḏā‘aṯ wəhāyû lāḵem ləmiqəlāṭ migō’ēl hadām:

4 wənās ’el-’aḥaṯ| mēhe‘ārîm hā’ēlleh wə‘āmaḏ peṯaḥ ša‘ar hā‘îr wəḏiber bə’āzənê ziqənê-hā‘îr3 hahî’ ’eṯ-dəḇārāyw wə’āsəfû ’ōṯwō hā‘îrâ ’ălêhem wənāṯənû-lwō māqwōm wəyāšaḇ ‘immām:

5 wəḵî yirədōf gō’ēl hadām ’aḥărāyw wəlō’-yasəgirû ’eṯ-hārōṣēḥa bəyāḏwō kî ḇiḇəlî-ḏa‘aṯ hikâ ’eṯ-rē‘ēhû wəlō’-śōnē’ hû’ lwō mitəmwōl šiləšwōm:

6 wəyāšaḇ| bā‘îr hahî’ ‘aḏ-‘āməḏwō lifənê hā‘ēḏâ lammišəpāṭ ‘aḏ-mwōṯ hakōhēn hagāḏwōl ’ăšer yihəyeh bayyāmîm hâēm ’āz| yāšûḇ hārwōṣēḥa ûḇā’ ’el-‘îrwō wə’el-bêṯwō ’el-hā‘îr ’ăšer-nās miššām:

7 wayyaqədišû ’eṯ-qeḏeš bagālîl bəhar nafətālî wə’eṯ-šəḵem bəhar ’efərāyim wə’eṯ-qirəyaṯ ’arəba‘ hî’ ḥeḇərwōn bəhar yəhûḏâ:

8 ûmē‘ēḇer ləyarədēn yərîḥwō mizərāḥâ nāṯənû ’eṯ-beṣer bammiḏəbār bammîšōr mimmaṭṭēh rə’ûḇēn wə’eṯ-rā’mōṯ bagilə‘āḏ mimmaṭṭēh-ḡāḏ wə’eṯ-gālwōn gwōlān babāšān mimmaṭṭēh mənaššeh:

9 ’ēlleh hāyû ‘ārê hammû‘āḏâ ləḵōl| bənê yiśərā’ēl wəlagēr hagār bəṯwōḵām lānûs šāmmâ kāl-makēh-nefeš bišəḡāḡâ wəlō’ yāmûṯ bəyaḏ gō’ēl hadām ‘aḏ-‘āməḏwō lifənê hā‘ēḏâ: f


Next: Joshua (Yehoshua) Chapter 21