Sacred Texts  Bible  Index 
Polyglot  KJV  Sep:JsB  Sep:JsA  Vul 

Joshua (Yehoshua) Index
  Previous  Next 

Tanach (Hebrew): Joshua (Yehoshua) Chapter 19

1 ‏וַיֵּצֵ֞א הַגּוֹרָ֤ל הַשֵּׁנִי֙ לְשִׁמְע֔וֹן לְמַטֵּ֥ה בְנֵֽי־שִׁמְע֖וֹן לְמִשְׁפְּחוֹתָ֑ם וַֽיְהִי֙ נַֽחֲלָתָ֔ם בְּת֖וֹךְ נַחֲלַ֥ת בְּנֵֽי־יְהוּדָֽה׃

2 ‏וַיְהִ֥י לָהֶ֖ם בְּנַֽחֲלָתָ֑ם בְּאֵֽר־שֶׁ֥בַע וְשֶׁ֖בַע וּמוֹלָדָֽה׃

3 ‏וַחֲצַ֥ר שׁוּעָ֛ל וּבָלָ֖ה וָעָֽצֶם׃

4 ‏וְאֶלְתּוֹלַ֥ד וּבְת֖וּל וְחָרְמָֽה׃

5 ‏וְצִֽקְלַ֥ג וּבֵית־הַמַּרְכָּב֖וֹת וַחֲצַ֥ר סוּסָֽה׃

6 ‏וּבֵ֥ית לְבָא֖וֹת וְשָֽׁרוּחֶ֑ן עָרִ֥ים שְׁלֹשׁ־עֶשְׂרֵ֖ה וְחַצְרֵיהֶֽן׃

7 ‏עַ֥יִן׀ רִמּ֖וֹן וָעֶ֣תֶר וְעָשָׁ֑ן עָרִ֥ים אַרְבַּ֖ע וְחַצְרֵיהֶֽן׃

8 ‏וְכָל־הַֽחֲצֵרִ֗ים אֲשֶׁ֤ר סְבִיבוֹת֙ הֶֽעָרִ֣ים הָאֵ֔לֶּה עַד־בַּֽעֲלַ֥ת בְּאֵ֖ר רָ֣אמַת נֶ֑גֶב זֹ֗את נַחֲלַ֛ת מַטֵּ֥ה בְנֵֽי־שִׁמְע֖וֹן לְמִשְׁפְּחֹתָֽם׃

9 ‏מֵחֶ֙בֶל֙ בְּנֵ֣י יְהוּדָ֔ה נַחֲלַ֖ת בְּנֵ֣י שִׁמְע֑וֹן כִּֽי־הָיָ֞ה חֵ֤לֶק בְּנֵֽי־יְהוּדָה֙ רַ֣ב מֵהֶ֔ם וַיִּנְחֲל֥וּ בְנֵֽי־שִׁמְע֖וֹן בְּת֥וֹךְ נַחֲלָתָֽם׃ פ

10 ‏וַיַּ֙עַל֙ הַגּוֹרָ֣ל הַשְּׁלִישִׁ֔י לִבְנֵ֥י זְבוּלֻ֖ן לְמִשְׁפְּחֹתָ֑ם וַיְהִ֛י גְּב֥וּל נַחֲלָתָ֖ם עַד־שָׂרִֽיד׃

11 ‏וְעָלָ֨ה גְבוּלָ֧ם׀ לַיָּ֛מָּה וּמַרְעֲלָ֖ה וּפָגַ֣ע בְּדַבָּ֑שֶׁת וּפָגַע֙ אֶל־הַנַּ֔חַל אֲשֶׁ֖ר עַל־פְּנֵ֥י יָקְנְעָֽם׃

12 ‏וְשָׁ֣ב מִשָּׂרִ֗יד קֵ֚דְמָה מִזְרַ֣ח הַשֶּׁ֔מֶשׁ עַל־גְּב֥וּל כִּסְלֹ֖ת תָּבֹ֑ר וְיָצָ֥א אֶל־הַדָּֽבְרַ֖ת וְעָלָ֥ה יָפִֽיעַ׃

13 ‏וּמִשָּׁ֤ם עָבַר֙ קֵ֣דְמָה מִזְרָ֔חָה גִּתָּ֥ה חֵ֖פֶר עִתָּ֣ה קָצִ֑ין וְיָצָ֛א רִמּ֥וֹן הַמְּתֹאָ֖ר הַנֵּעָֽה׃

14 ‏וְנָסַ֤ב אֹתוֹ֙ הַגְּב֔וּל מִצְּפ֖וֹן חַנָּתֹ֑ן וְהָיוּ֙ תֹּֽצְאֹתָ֔יו גֵּ֖י יִפְתַּח־אֵֽל׃

15 ‏וְקַטָּ֤ת וְנַֽהֲלָל֙ וְשִׁמְר֔וֹן וְיִדְאֲלָ֖ה וּבֵ֣ית לָ֑חֶם עָרִ֥ים שְׁתֵּים־עֶשְׂרֵ֖ה וְחַצְרֵיהֶֽן׃

16 ‏זֹ֛את נַחֲלַ֥ת בְּנֵֽי־זְבוּלֻ֖ן לְמִשְׁפְּחוֹתָ֑ם הֶֽעָרִ֥ים הָאֵ֖לֶּה וְחַצְרֵיהֶֽן׃ פ

17 ‏לְיִ֨שָּׂשכָ֔ר יָצָ֖א הַגּוֹרָ֣ל הָֽרְבִיעִ֑י לִבְנֵ֥י יִשָּׂשכָ֖ר לְמִשְׁפְּחוֹתָֽם׃

18 ‏וַיְהִ֖י גְּבוּלָ֑ם יִזְרְעֶ֥אלָה וְהַכְּסוּלֹ֖ת וְשׁוּנֵֽם׃

19 ‏וַחֲפָרַ֥יִם וְשִׁיאֹ֖ן וַאֲנָחֲרַֽת׃

20 ‏וְהָֽרַבִּ֥ית וְקִשְׁי֖וֹן וָאָֽבֶץ׃

21 ‏וְרֶ֧מֶת וְעֵין־גַּנִּ֛ים וְעֵ֥ין חַדָּ֖ה וּבֵ֥ית פַּצֵּֽץ׃

22 ‏וּפָגַע֩ הַגְּב֨וּל בְּתָב֤וֹר ושחצומה וְשַׁחֲצִ֙ימָה֙ וּבֵ֣ית שֶׁ֔מֶשׁ וְהָי֛וּ תֹּצְא֥וֹת גְּבוּלָ֖ם הַיַּרְדֵּ֑ן עָרִ֥ים שֵׁשׁ־עֶשְׂרֵ֖ה וְחַצְרֵיהֶֽן׃

23 ‏זֹ֗את נַחֲלַ֛ת מַטֵּ֥ה בְנֵֽי־יִשָּׂשכָ֖ר לְמִשְׁפְּחֹתָ֑ם הֶעָרִ֖ים וְחַצְרֵיהֶֽן׃ פ

24 ‏וַיֵּצֵא֙ הַגּוֹרָ֣ל הַֽחֲמִישִׁ֔י לְמַטֵּ֥ה בְנֵֽי־אָשֵׁ֖ר לְמִשְׁפְּחוֹתָֽם׃

25 ‏וַיְהִ֖י גְּבוּלָ֑ם חֶלְקַ֥ת וַחֲלִ֖י וָבֶ֥טֶן וְאַכְשָֽׁף׃

26 ‏וְאַֽלַמֶּ֥לֶךְ וְעַמְעָ֖ד וּמִשְׁאָ֑ל וּפָגַ֤ע בְּכַרְמֶל֙ הַיָּ֔מָּה וּבְשִׁיח֖וֹר לִבְנָֽת׃

27 ‏וְשָׁ֨ב מִזְרַ֣ח הַשֶּׁמֶשׁ֮ בֵּ֣ית דָּגֹן֒ וּפָגַ֣ע בִּ֠זְבֻלוּן וּבְגֵ֨י יִפְתַּח־אֵ֥ל צָפ֛וֹנָה בֵּ֥ית הָעֵ֖מֶק וּנְעִיאֵ֑ל וְיָצָ֥א אֶל־כָּב֖וּל מִשְּׂמֹֽאל׃

28 ‏וְעֶבְרֹ֥ן וּרְחֹ֖ב וְחַמּ֣וֹן וְקָנָ֑ה עַ֖ד צִיד֥וֹן רַבָּֽה׃

29 ‏וְשָׁ֤ב הַגְּבוּל֙ הָֽרָמָ֔ה וְעַד־עִ֖יר מִבְצַר־צֹ֑ר וְשָׁ֤ב הַגְּבוּל֙ חֹסָ֔ה ויהיו וְהָי֧וּ תֹצְאֹתָ֛יו הַיָּ֖מָּה מֵחֶ֥בֶל אַכְזִֽיבָה׃

30 ‏וְעֻמָ֥ה וַאֲפֵ֖ק וּרְחֹ֑ב עָרִ֛ים עֶשְׂרִ֥ים וּשְׁתַּ֖יִם וְחַצְרֵיהֶֽן׃

31 ‏זֹ֗את נַחֲלַ֛ת מַטֵּ֥ה בְנֵֽי־אָשֵׁ֖ר לְמִשְׁפְּחֹתָ֑ם הֶעָרִ֥ים הָאֵ֖לֶּה וְחַצְרֵיהֶֽן׃ פ

32 ‏לִבְנֵ֣י נַפְתָּלִ֔י יָצָ֖א הַגּוֹרָ֣ל הַשִּׁשִּׁ֑י לִבְנֵ֥י נַפְתָּלִ֖י לְמִשְׁפְּחֹתָֽם׃

33 ‏וַיְהִ֣י גְבוּלָ֗ם מֵחֵ֨לֶף מֵֽאֵל֜וֹן בְּצַעֲנַנִּ֗ים וַאֲדָמִ֥י הַנֶּ֛קֶב וְיַבְנְאֵ֖ל עַד־לַקּ֑וּם וַיְהִ֥י תֹצְאֹתָ֖יו הַיַּרְדֵּֽן׃

34 ‏וְשָׁ֨ב הַגְּב֥וּל יָ֙מָּה֙ אַזְנ֣וֹת תָּב֔וֹר וְיָצָ֥א מִשָּׁ֖ם חוּקֹ֑קָה וּפָגַ֨ע בִּזְבֻל֜וּן מִנֶּ֗גֶב וּבְאָשֵׁר֙ פָּגַ֣ע מִיָּ֔ם וּבִ֣יהוּדָ֔ה הַיַּרְדֵּ֖ן מִזְרַ֥ח הַשָּֽׁמֶשׁ׃

35 ‏וְעָרֵ֖י מִבְצָ֑ר הַצִּדִּ֣ים צֵ֔ר וְחַמַּ֖ת רַקַּ֥ת וְכִנָּֽרֶת׃

36 ‏וַאֲדָמָ֥ה וְהָרָמָ֖ה וְחָצֽוֹר׃

37 ‏וְקֶ֥דֶשׁ וְאֶדְרֶ֖עִי וְעֵ֥ין חָצֽוֹר׃

38 ‏וְיִרְאוֹן֙ וּמִגְדַּל־אֵ֔ל חֳרֵ֥ם וּבֵית־עֲנָ֖ת וּבֵ֣ית שָׁ֑מֶשׁ עָרִ֥ים תְּשַֽׁע־עֶשְׂרֵ֖ה וְחַצְרֵיהֶֽן׃

39 ‏זֹ֗את נַחֲלַ֛ת מַטֵּ֥ה בְנֵֽי־נַפְתָּלִ֖י לְמִשְׁפְּחֹתָ֑ם הֶעָרִ֖ים וְחַצְרֵיהֶֽן׃ פ

40 ‏לְמַטֵּ֥ה בְנֵי־דָ֖ן לְמִשְׁפְּחֹתָ֑ם יָצָ֖א הַגּוֹרָ֥ל הַשְּׁבִיעִֽי׃

41 ‏וַיְהִ֖י גְּב֣וּל נַחֲלָתָ֑ם צָרְעָ֥ה וְאֶשְׁתָּא֖וֹל וְעִ֥יר שָֽׁמֶשׁ׃

42 ‏וְשַֽׁעֲלַבִּ֥ין וְאַיָּל֖וֹן וְיִתְלָֽה׃

43 ‏וְאֵיל֥וֹן וְתִמְנָ֖תָה וְעֶקְרֽוֹן׃

44 ‏וְאֶלְתְּקֵ֥ה וְגִבְּת֖וֹן וּבַעֲלָֽת׃

45 ‏וִיהֻ֥ד וּבְנֵֽי־בְרַ֖ק וְגַת־רִמּֽוֹן׃

46 ‏וּמֵ֥י הַיַּרְק֖וֹן וְהָֽרַקּ֑וֹן עִֽם־הַגְּב֖וּל מ֥וּל יָפֽוֹ׃

47 ‏וַיֵּצֵ֥א גְבוּל־בְּנֵי־דָ֖ן מֵהֶ֑ם וַיַּעֲל֣וּ בְנֵֽי־דָ֠ן וַיִּלָּחֲמ֨וּ עִם־לֶ֜שֶׁם וַיִּלְכְּד֥וּ אוֹתָ֣הּ׀ וַיַּכּ֧וּ אוֹתָ֣הּ לְפִי־חֶ֗רֶב וַיִּֽרְשׁ֤וּ אוֹתָהּ֙ וַיֵּ֣שְׁבוּ בָ֔הּ וַיִּקְרְא֤וּ לְלֶ֙שֶׁם֙ דָּ֔ן כְּשֵׁ֖ם דָּ֥ן אֲבִיהֶֽם׃

48 ‏זֹ֗את נַחֲלַ֛ת מַטֵּ֥ה בְנֵי־דָ֖ן לְמִשְׁפְּחֹתָ֑ם הֶֽעָרִ֥ים הָאֵ֖לֶּה וְחַצְרֵיהֶֽן׃ פ

49 ‏וַיְכַלּ֥וּ לִנְחֹל־אֶת־הָאָ֖רֶץ לִגְבֽוּלֹתֶ֑יהָ וַיִּתְּנ֨וּ בְנֵי־יִשְׂרָאֵ֧ל נַחֲלָ֛ה לִיהוֹשֻׁ֥עַ בִּן־נ֖וּן בְּתוֹכָֽם׃

50 ‏עַל־פִּ֨י יְהוָ֜ה נָ֣תְנוּ ל֗וֹ אֶת־הָעִיר֙ אֲשֶׁ֣ר שָׁאָ֔ל אֶת־תִּמְנַת־סֶ֖רַח בְּהַ֣ר אֶפְרָ֑יִם וַיִּבְנֶ֥ה אֶת־הָעִ֖יר וַיֵּ֥שֶׁב בָּֽהּ׃

51 ‏אֵ֣לֶּה הַנְּחָלֹ֡ת אֲשֶׁ֣ר נִחֲל֣וּ אֶלְעָזָ֣ר הַכֹּהֵ֣ן׀ וִיהוֹשֻׁ֪עַ בִּן־נ֟וּן וְרָאשֵׁ֣י הָֽאָב֣וֹת לְמַטּוֹת֩ בְּנֵי־יִשְׂרָאֵ֨ל׀ בְּגוֹרָ֤ל׀ בְּשִׁלֹה֙ לִפְנֵ֣י יְהוָ֔ה פֶּ֖תַח אֹ֣הֶל מוֹעֵ֑ד וַיְכַלּ֕וּ מֵֽחַלֵּ֖ק אֶת־הָאָֽרֶץ׃ פ

1 wayyēṣē’ hagwōrāl haššēnî ləšimə‘wōn ləmaṭṭēh ḇənê-šimə‘wōn ləmišəpəḥwōṯām wayəhî naḥălāṯām bəṯwōḵə naḥălaṯ bənê-yəhûḏâ:

2 wayəhî lâem bənaḥălāṯām bə’ēr-šeḇa‘ wəšeḇa‘ ûmwōlāḏâ:

3 waḥăṣar šû‘āl ûḇālâ wā‘āṣem:

4 wə’elətwōlaḏ ûḇəṯûl wəḥārəmâ:

5 wəṣiqəlaḡ ûḇêṯ-hammarəkāḇwōṯ waḥăṣar sûsâ:

6 ûḇêṯ ləḇā’wōṯ wəšārûḥen ‘ārîm šəlōš-‘eśərēh wəḥaṣərêhen:

7 ‘ayin| rimmwōn wā‘eṯer wə‘āšān ‘ārîm ’arəba‘ wəḥaṣərêhen:

8 wəḵāl-haḥăṣērîm ’ăšer səḇîḇwōṯ he‘ārîm hā’ēlleh ‘aḏ-ba‘ălaṯ bə’ēr rā’maṯ neḡeḇ zō’ṯ naḥălaṯ maṭṭēh ḇənê-šimə‘wōn ləmišəpəḥōṯām:

9 mēḥeḇel bənê yəhûḏâ naḥălaṯ bənê šimə‘wōn kî-hāyâ ḥēleq bənê-yəhûḏâ raḇ mēhem wayyinəḥălû ḇənê-šimə‘wōn bəṯwōḵə naḥălāṯām: f

10 wayya‘al hagwōrāl haššəlîšî liḇənê zəḇûlun ləmišəpəḥōṯām wayəhî gəḇûl naḥălāṯām ‘aḏ-śārîḏ:

11 wə‘ālâ ḡəḇûlām| layyāmmâ ûmarə‘ălâ ûfāḡa‘ bəḏabāšeṯ ûfāḡa‘ ’el-hannaḥal ’ăšer ‘al-pənê yāqənə‘ām:

12 wəšāḇ miśśārîḏ qēḏəmâ mizəraḥ haššemeš ‘al-gəḇûl kisəlōṯ tāḇōr wəyāṣā’ ’el-hadāḇəraṯ wə‘ālâ yāfî‘a:

13 ûmiššām ‘āḇar qēḏəmâ mizərāḥâ gitâ ḥēfer ‘itâ qāṣîn wəyāṣā’ rimmwōn hamməṯō’ār hannē‘â:

14 wənāsaḇ ’ōṯwō hagəḇûl miṣṣəfwōn ḥannāṯōn wəhāyû tōṣə’ōṯāyw gê yifətaḥ-’ēl:

15 wəqaṭṭāṯ wənahălāl wəšimərwōn wəyiḏə’ălâ ûḇêṯ lāḥem ‘ārîm šətêm-‘eśərēh wəḥaṣərêhen:

16 zō’ṯ naḥălaṯ bənê-zəḇûlun ləmišəpəḥwōṯām he‘ārîm hā’ēlleh wəḥaṣərêhen: f

17 ləyiśśāsḵār yāṣā’ hagwōrāl hārəḇî‘î liḇənê yiśśāsḵār ləmišəpəḥwōṯām:

18 wayəhî gəḇûlām yizərə‘e’lâ wəhakəsûlōṯ wəšûnēm:

19 waḥăfārayim wəšî’ōn wa’ănāḥăraṯ:

20 wəhārabîṯ wəqišəywōn wā’āḇeṣ:

21 wəremeṯ wə‘ên-gannîm wə‘ên ḥadâ ûḇêṯ paṣṣēṣ:

22 ûfāḡa‘ hagəḇûl bəṯāḇwōr wəšaḥăṣûmâ wəšaḥăṣîmâ ûḇêṯ šemeš wəhāyû tōṣə’wōṯ gəḇûlām hayyarədēn ‘ārîm šēš-‘eśərēh wəḥaṣərêhen:

23 zō’ṯ naḥălaṯ maṭṭēh ḇənê-yiśśāsḵār ləmišəpəḥōṯām he‘ārîm wəḥaṣərêhen: f

24 wayyēṣē’ hagwōrāl haḥămîšî ləmaṭṭēh ḇənê-’āšēr ləmišəpəḥwōṯām:

25 wayəhî gəḇûlām ḥeləqaṯ waḥălî wāḇeṭen wə’aḵəšāf:

26 wə’alammeleḵə wə‘amə‘āḏ ûmišə’āl ûfāḡa‘ bəḵarəmel hayyāmmâ ûḇəšîḥwōr liḇənāṯ:

27 wəšāḇ mizəraḥ haššemeš bêṯ dāḡōn ûfāḡa‘ bizəḇulûn ûḇəḡê yifətaḥ-’ēl ṣāfwōnâ bêṯ hā‘ēmeq ûnə‘î’ēl wəyāṣā’ ’el-kāḇûl miśśəmō’l:

28 wə‘eḇərōn ûrəḥōḇ wəḥammwōn wəqānâ ‘aḏ ṣîḏwōn rabâ:

29 wəšāḇ hagəḇûl hārāmâ wə‘aḏ-‘îr miḇəṣar-ṣōr wəšāḇ hagəḇûl ḥōsâ wəyihəyû wəhāyû ṯōṣə’ōṯāyw hayyāmmâ mēḥeḇel ’aḵəzîḇâ:

30 wə‘umâ wa’ăfēq ûrəḥōḇ ‘ārîm ‘eśərîm ûšətayim wəḥaṣərêhen:

31 zō’ṯ naḥălaṯ maṭṭēh ḇənê-’āšēr ləmišəpəḥōṯām he‘ārîm hā’ēlleh wəḥaṣərêhen: f

32 liḇənê nafətālî yāṣā’ hagwōrāl haššiššî liḇənê nafətālî ləmišəpəḥōṯām:

33 wayəhî ḡəḇûlām mēḥēlef mē’ēlwōn bəṣa‘ănannîm wa’ăḏāmî hanneqeḇ wəyaḇənə’ēl ‘aḏ-laqqûm wayəhî ṯōṣə’ōṯāyw hayyarədēn:

34 wəšāḇ hagəḇûl yāmmâ ’azənwōṯ tāḇwōr wəyāṣā’ miššām ḥûqōqâ ûfāḡa‘ bizəḇulûn minneḡeḇ ûḇə’āšēr pāḡa‘ mîyām ûḇîhûḏâ hayyarədēn mizəraḥ haššāmeš:

35 wə‘ārê miḇəṣār haṣṣidîm ṣēr wəḥammaṯ raqqaṯ wəḵinnāreṯ:

36 wa’ăḏāmâ wəhārāmâ wəḥāṣwōr:

37 wəqeḏeš wə’eḏəre‘î wə‘ên ḥāṣwōr:

38 wəyirə’wōn ûmiḡədal-’ēl ḥŏrēm ûḇêṯ-‘ănāṯ ûḇêṯ šāmeš ‘ārîm təša‘-‘eśərēh wəḥaṣərêhen:

39 zō’ṯ naḥălaṯ maṭṭēh ḇənê-nafətālî ləmišəpəḥōṯām he‘ārîm wəḥaṣərêhen: f

40 ləmaṭṭēh ḇənê-ḏān ləmišəpəḥōṯām yāṣā’ hagwōrāl haššəḇî‘î:

41 wayəhî gəḇûl naḥălāṯām ṣārə‘â wə’ešətā’wōl wə‘îr šāmeš:

42 wəša‘ălabîn wə’ayyālwōn wəyiṯəlâ:

43 wə’êlwōn wəṯimənāṯâ wə‘eqərwōn:

44 wə’elətəqēh wəḡibəṯwōn ûḇa‘ălāṯ:

45 wîhuḏ ûḇənê-ḇəraq wəḡaṯ-rimmwōn:

46 ûmê hayyarəqwōn wəhāraqqwōn ‘im-hagəḇûl mûl yāfwō:

47 wayyēṣē’ ḡəḇûl-bənê-ḏān mēhem wayya‘ălû ḇənê-ḏān wayyillāḥămû ‘im-lešem wayyiləkəḏû ’wōṯāh| wayyakû ’wōṯāh ləfî-ḥereḇ wayyirəšû ’wōṯāh wayyēšəḇû ḇāh wayyiqərə’û ləlešem dān kəšēm dān ’ăḇîhem:

48 zō’ṯ naḥălaṯ maṭṭēh ḇənê-ḏān ləmišəpəḥōṯām he‘ārîm hā’ēlleh wəḥaṣərêhen: f

49 wayəḵallû linəḥōl-’eṯ-hā’āreṣ liḡəḇûlōṯeyhā wayyitənû ḇənê-yiśərā’ēl naḥălâ lîhwōšu‘a bin-nûn bəṯwōḵām:

50 ‘al-pî yəhwâ nāṯənû lwō ’eṯ-hā‘îr ’ăšer šā’āl ’eṯ-timənaṯ-seraḥ bəhar ’efərāyim wayyiḇəneh ’eṯ-hā‘îr wayyēšeḇ bāh:

51 ’ēlleh hannəḥālōṯ ’ăšer niḥălû ’elə‘āzār hakōhēn| wîhwōšu‘a bin-nûn wərā’šê hā’āḇwōṯ ləmaṭṭwōṯ bənê-yiśərā’ēl| bəḡwōrāl| bəšilōh lifənê yəhwâ peṯaḥ ’ōhel mwō‘ēḏ wayəḵallû mēḥallēq ’eṯ-hā’āreṣ: f


Next: Joshua (Yehoshua) Chapter 20