‎1 ‏וַיִּקָּ֨הֲל֜וּ כָּל־עֲדַ֤ת בְּנֵֽי־יִשְׂרָאֵל֙ שִׁלֹ֔ה וַיַּשְׁכִּ֥ינוּ שָׁ֖ם אֶת־אֹ֣הֶל מוֹעֵ֑ד וְהָאָ֥רֶץ נִכְבְּשָׁ֖ה לִפְנֵיהֶֽם׃

‎2 ‏וַיִּוָּֽתְרוּ֙ בִּבְנֵ֣י יִשְׂרָאֵ֔ל אֲשֶׁ֥ר לֹֽא־חָלְק֖וּ אֶת־נַֽחֲלָתָ֑ם שִׁבְעָ֖ה שְׁבָטִֽים׃

‎3 ‏וַיֹּ֥אמֶר יְהוֹשֻׁ֖עַ אֶל־בְּנֵ֣י יִשְׂרָאֵ֑ל עַד־אָ֙נָה֙ אַתֶּ֣ם מִתְרַפִּ֔ים לָבוֹא֙ לָרֶ֣שֶׁת אֶת־הָאָ֔רֶץ אֲשֶׁר֙ נָתַ֣ן לָכֶ֔ם יְהוָ֖ה אֱלֹהֵ֥י אֲבֽוֹתֵיכֶֽם׃

‎4 ‏הָב֥וּ לָכֶ֛ם שְׁלֹשָׁ֥ה אֲנָשִׁ֖ים לַשָּׁ֑בֶט וְאֶשְׁלָחֵ֗ם וְיָקֻ֜מוּ וְיִֽתְהַלְּכ֥וּ בָאָ֛רֶץ וְיִכְתְּב֥וּ אוֹתָ֛הּ לְפִ֥י נַֽחֲלָתָ֖ם וְיָבֹ֥אוּ אֵלָֽי׃

‎5 ‏וְהִֽתְחַלְּק֥וּ אֹתָ֖הּ לְשִׁבְעָ֣ה חֲלָקִ֑ים יְהוּדָ֞ה יַעֲמֹ֤ד עַל־גְּבוּלוֹ֙ מִנֶּ֔גֶב וּבֵ֥ית יוֹסֵ֛ף יַעַמְד֥וּ עַל־גְּבוּלָ֖ם מִצָּפֽוֹן׃

‎6 ‏וְאַתֶּ֞ם תִּכְתְּב֤וּ אֶת־הָאָ֙רֶץ֙ שִׁבְעָ֣ה חֲלָקִ֔ים וַֽהֲבֵאתֶ֥ם אֵלַ֖י הֵ֑נָּה וְיָרִ֨יתִי לָכֶ֤ם גּוֹרָל֙ פֹּ֔ה לִפְנֵ֖י יְהוָ֥ה אֱלֹהֵֽינוּ׃

‎7 ‏כִּ֠י אֵֽין־חֵ֤לֶק לַלְוִיִּם֙ בְּקִרְבְּכֶ֔ם כִּֽי־כְהֻנַּ֥ת יְהוָ֖ה נַחֲלָת֑וֹ וְגָ֡ד וּרְאוּבֵ֡ן וַחֲצִי֩ שֵׁ֨בֶט הַֽמְנַשֶּׁ֜ה לָקְח֣וּ נַחֲלָתָ֗ם מֵעֵ֤בֶר לַיַּרְדֵּן֙ מִזְרָ֔חָה אֲשֶׁר֙ נָתַ֣ן לָהֶ֔ם מֹשֶׁ֖ה עֶ֥בֶד יְהוָֽה׃

‎8 ‏וַיָּקֻ֥מוּ הָאֲנָשִׁ֖ים וַיֵּלֵ֑כוּ וַיְצַ֣ו יְהוֹשֻׁ֡עַ אֶת־הַהֹלְכִים֩ לִכְתֹּ֨ב אֶת־הָאָ֜רֶץ לֵאמֹ֗ר לְ֠כוּ וְהִתְהַלְּכ֨וּ בָאָ֜רֶץ וְכִתְב֤וּ אוֹתָהּ֙ וְשׁ֣וּבוּ אֵלַ֔י וּ֠פֹה אַשְׁלִ֨יךְ לָכֶ֥ם גּוֹרָ֛ל לִפְנֵ֥י יְהוָ֖ה בְּשִׁלֹֽה׃

‎9 ‏וַיֵּלְכ֤וּ הָֽאֲנָשִׁים֙ וַיַּעַבְר֣וּ בָאָ֔רֶץ וַיִּכְתְּב֧וּהָ לֶֽעָרִ֛ים לְשִׁבְעָ֥ה חֲלָקִ֖ים עַל־סֵ֑פֶר וַיָּבֹ֧אוּ אֶל־יְהוֹשֻׁ֛עַ אֶל־הַֽמַּחֲנֶ֖ה שִׁלֹֽה׃

‎10 ‏וַיַּשְׁלֵךְ֩ לָהֶ֨ם יְהוֹשֻׁ֧עַ גּוֹרָ֛ל בְּשִׁלֹ֖ה לִפְנֵ֣י יְהוָ֑ה וַיְחַלֶּק־שָׁ֨ם יְהוֹשֻׁ֧עַ אֶת־הָאָ֛רֶץ לִבְנֵ֥י יִשְׂרָאֵ֖ל כְּמַחְלְקֹתָֽם׃ פ

‎11 ‏וַיַּ֗עַל גּוֹרַ֛ל מַטֵּ֥ה בְנֵֽי־בִנְיָמִ֖ן לְמִשְׁפְּחֹתָ֑ם וַיֵּצֵא֙ גְּב֣וּל גּֽוֹרָלָ֔ם בֵּ֚ין בְּנֵ֣י יְהוּדָ֔ה וּבֵ֖ין בְּנֵ֥י יוֹסֵֽף׃

‎12 ‏וַיְהִ֨י לָהֶ֧ם הַגְּב֛וּל לִפְאַ֥ת צָפ֖וֹנָה מִן־הַיַּרְדֵּ֑ן וְעָלָ֣ה הַגְּבוּל֩ אֶל־כֶּ֨תֶף יְרִיח֜וֹ מִצָּפ֗וֹן וְעָלָ֤ה בָהָר֙ יָ֔מָּה והיה וְהָיוּ֙ תֹּֽצְאֹתָ֔יו מִדְבַּ֖רָה בֵּ֥ית אָֽוֶן׃

‎13 ‏וְעָבַר֩ מִשָּׁ֨ם הַגְּב֜וּל ל֗וּזָה אֶל־כֶּ֤תֶף ל֙וּזָה֙ נֶ֔גְבָּה הִ֖יא בֵּֽית־אֵ֑ל וְיָרַ֤ד הַגְּבוּל֙ עַטְר֣וֹת אַדָּ֔ר עַל־הָהָ֕ר אֲשֶׁ֛ר מִנֶּ֥גֶב לְבֵית־חֹר֖וֹן תַּחְתּֽוֹן׃

‎14 ‏וְתָאַ֣ר הַגְּבוּל֩ וְנָסַ֨ב לִפְאַת־יָ֜ם נֶ֗גְבָּה מִן־הָהָר֙ אֲשֶׁ֨ר עַל־פְּנֵ֥י בֵית־חֹרוֹן֮ נֶגְבָּה֒ והיה וְהָי֣וּ תֹֽצְאֹתָ֗יו אֶל־קִרְיַת־בַּ֙עַל֙ הִ֚יא קִרְיַ֣ת יְעָרִ֔ים עִ֖יר בְּנֵ֣י יְהוּדָ֑ה זֹ֖את פְּאַת־יָֽם׃

‎15 ‏וּפְאַת־נֶ֕גְבָּה מִקְצֵ֖ה קִרְיַ֣ת יְעָרִ֑ים וְיָצָ֤א הַגְּבוּל֙ יָ֔מָּה וְיָצָ֕א אֶל־מַעְיַ֖ן מֵ֥י נֶפְתּֽוֹחַ׃

‎16 ‏וְיָרַ֨ד הַגְּב֜וּל אֶל־קְצֵ֣ה הָהָ֗ר אֲשֶׁר֙ עַל־פְּנֵי֙ גֵּ֣י בֶן־הִנֹּ֔ם אֲשֶׁ֛ר בְּעֵ֥מֶק רְפָאִ֖ים צָפ֑וֹנָה וְיָרַד֩ גֵּ֨י הִנֹּ֜ם אֶל־כֶּ֤תֶף הַיְבוּסִי֙ נֶ֔גְבָּה וְיָרַ֖ד עֵ֥ין רֹגֵֽל׃

‎17 ‏וְתָאַ֣ר מִצָּפ֗וֹן וְיָצָא֙ עֵ֣ין שֶׁ֔מֶשׁ וְיָצָא֙ אֶל־גְּלִיל֔וֹת אֲשֶׁר־נֹ֖כַח מַעֲלֵ֣ה אֲדֻמִּ֑ים וְיָרַ֕ד אֶ֥בֶן בֹּ֖הַן בֶּן־רְאוּבֵֽן׃

‎18 ‏וְעָבַ֛ר אֶל־כֶּ֥תֶף מוּל־הָֽעֲרָבָ֖ה צָפ֑וֹנָה וְיָרַ֖ד הָעֲרָבָֽתָה׃

‎19 ‏וְעָבַ֨ר הַגְּב֜וּל אֶל־כֶּ֣תֶף בֵּית־חָגְלָה֮ צָפוֹנָה֒ והיה וְהָי֣וּ׀ תצאותיו תֹּצְא֣וֹת הַגְּב֗וּל אֶל־לְשׁ֤וֹן יָם־הַמֶּ֙לַח֙ צָפ֔וֹנָה אֶל־קְצֵ֥ה הַיַּרְדֵּ֖ן נֶ֑גְבָּה זֶ֖ה גְּב֥וּל נֶֽגֶב׃

‎20 ‏וְהַיַּרְדֵּ֥ן יִגְבֹּל־אֹת֖וֹ לִפְאַת־קֵ֑דְמָה זֹ֡את נַחֲלַת֩ בְּנֵ֨י בִנְיָמִ֧ן לִגְבֽוּלֹתֶ֛יהָ סָבִ֖יב לְמִשְׁפְּחֹתָֽם׃

‎21 ‏וְהָי֣וּ הֶֽעָרִ֗ים לְמַטֵּ֛ה בְּנֵ֥י בִנְיָמִ֖ן לְמִשְׁפְּחֽוֹתֵיהֶ֑ם יְרִיח֥וֹ וּבֵית־חָגְלָ֖ה וְעֵ֥מֶק קְצִֽיץ׃

‎22 ‏וּבֵ֧ית הָֽעֲרָבָ֛ה וּצְמָרַ֖יִם וּבֵֽית־אֵֽל׃

‎23 ‏וְהָעַוִּ֥ים וְהַפָּרָ֖ה וְעָפְרָֽה׃

‎24 ‏וּכְפַ֧ר העמני הָֽעַמֹּנָ֛ה וְהָֽעָפְנִ֖י וָגָ֑בַע עָרִ֥ים שְׁתֵּים־עֶשְׂרֵ֖ה וְחַצְרֵיהֶֽן׃

‎25 ‏גִּבְע֥וֹן וְהָֽרָמָ֖ה וּבְאֵרֽוֹת׃

‎26 ‏וְהַמִּצְפֶּ֥ה וְהַכְּפִירָ֖ה וְהַמֹּצָֽה׃

‎27 ‏וְרֶ֥קֶם וְיִרְפְּאֵ֖ל וְתַרְאֲלָֽה׃

‎28 ‏וְצֵלַ֡ע הָאֶ֜לֶף וְהַיְבוּסִ֨י³ הִ֤יא יְרֽוּשָׁלִַ֙ם֙ גִּבְעַ֣ת קִרְיַ֔ת עָרִ֥ים אַרְבַּֽע־עֶשְׂרֵ֖ה וְחַצְרֵיהֶ֑ן זֹ֛את נַֽחֲלַ֥ת בְּנֵֽי־בִנְיָמִ֖ן לְמִשְׁפְּחֹתָֽם׃ פ

1 wayyiqqâălû kāl-‘ăḏaṯ bənê-yiśərā’ēl šilōh wayyašəkînû šām ’eṯ-’ōhel mwō‘ēḏ wəhā’āreṣ niḵəbəšâ lifənêhem:

2 wayyiûāṯərû biḇənê yiśərā’ēl ’ăšer lō’-ḥāləqû ’eṯ-n^aḥălāṯām šiḇə‘â šəḇāṭîm:

3 wayyō’mer yəhwōšu‘a ’el-bənê yiśərā’ēl ‘aḏ-’ānâ ’atem miṯərapîm lāḇwō’ lārešeṯ ’eṯ-hā’āreṣ ’ăšer nāṯan lāḵem yəhwâ ’ĕlōhê ’ăḇwōṯêḵem:

4 hāḇû lāḵem šəlōšâ ’ănāšîm laššāḇeṭ wə’ešəlāḥēm wəyāqumû wəyiṯəhalləḵû ḇā’āreṣ wəyiḵətəḇû ’wōṯāh ləfî n^aḥălāṯām wəyāḇō’û ’ēlāy:

5 wəhiṯəḥalləqû ’ōṯāh ləšiḇə‘â ḥălāqîm yəhûḏâ y^a‘ămōḏ ‘al-gəḇûlwō minneḡeḇ ûḇêṯ ywōsēf y^a‘aməḏû ‘al-gəḇûlām miṣṣāfwōn:

6 wə’atem tiḵətəḇû ’eṯ-hā’āreṣ šiḇə‘â ḥălāqîm wahăḇē’ṯem ’ēlay hēnnâ wəyārîṯî lāḵem gwōrāl pōh lifənê yəhwâ ’ĕlōhênû:

7 kî ’ên-ḥēleq laləwîyim bəqirəbəḵem kî-ḵəhunnaṯ yəhwâ n^aḥălāṯwō wəḡāḏ ûrə’ûḇēn w^aḥăṣî šēḇeṭ hamənaššeh lāqəḥû n^aḥălāṯām mē‘ēḇer layyarədēn mizərāḥâ ’ăšer nāṯan lâem mōšeh ‘eḇeḏ yəhwâ:

8 wayyāqumû hā’ănāšîm wayyēlēḵû wayəṣaw yəhwōšu‘a ’eṯ-hahōləḵîm liḵətōḇ ’eṯ-hā’āreṣ lē’mōr ləḵû wəhiṯəhalləḵû ḇā’āreṣ wəḵiṯəḇû ’wōṯāh wəšûḇû ’ēlay ûfōh ’ašəlîḵə lāḵem gwōrāl lifənê yəhwâ bəšilōh:

9 wayyēləḵû hā’ănāšîm wayy^a‘aḇərû ḇā’āreṣ wayyiḵətəḇûhā le‘ārîm ləšiḇə‘â ḥălāqîm ‘al-sēfer wayyāḇō’û ’el-yəhwōšu‘a ’el-hamm^aḥăneh šilōh:

10 wayyašəlēḵə lâem yəhwōšu‘a gwōrāl bəšilōh lifənê yəhwâ wayəḥalleq-šām yəhwōšu‘a ’eṯ-hā’āreṣ liḇənê yiśərā’ēl kəm^aḥələqōṯām: f

11 wayy^a‘al gwōral maṭṭēh ḇənê-ḇinəyāmin ləmišəpəḥōṯām wayyēṣē’ gəḇûl gwōrālām bên bənê yəhûḏâ ûḇên bənê ywōsēf:

12 wayəhî lâem hagəḇûl lifə’aṯ ṣāfwōnâ min-hayyarədēn wə‘ālâ hagəḇûl ’el-keṯef yərîḥwō miṣṣāfwōn wə‘ālâ ḇâār yāmmâ wəhāyâ wəhāyû tōṣə’ōṯāyw miḏəbarâ bêṯ ’āwen:

13 wə‘āḇar miššām hagəḇûl lûzâ ’el-keṯef lûzâ neḡəbâ hî’ bêṯ-’ēl wəyāraḏ hagəḇûl ‘aṭərwōṯ ’adār ‘al-hâār ’ăšer minneḡeḇ ləḇêṯ-ḥōrwōn t^aḥətwōn:

14 wəṯā’ar hagəḇûl wənāsaḇ lifə’aṯ-yām neḡəbâ min-hâār ’ăšer ‘al-pənê ḇêṯ-ḥōrwōn neḡəbâ wəhāyâ wəhāyû ṯōṣə’ōṯāyw ’el-qirəyaṯ-b^a‘al hî’ qirəyaṯ yə‘ārîm ‘îr bənê yəhûḏâ zō’ṯ pə’aṯ-yām:

15 ûfə’aṯ-neḡəbâ miqəṣēh qirəyaṯ yə‘ārîm wəyāṣā’ hagəḇûl yāmmâ wəyāṣā’ ’el-m^a‘əyan mê nefətwōḥa:

16 wəyāraḏ hagəḇûl ’el-qəṣēh hâār ’ăšer ‘al-pənê gê ḇen-hinnōm ’ăšer bə‘ēmeq rəfā’îm ṣāfwōnâ wəyāraḏ gê hinnōm ’el-keṯef hayəḇûsî neḡəbâ wəyāraḏ ‘ên rōḡēl:

17 wəṯā’ar miṣṣāfwōn wəyāṣā’ ‘ên šemeš wəyāṣā’ ’el-gəlîlwōṯ ’ăšer-nōḵ^aḥ m^a‘ălēh ’ăḏummîm wəyāraḏ ’eḇen bōhan ben-rə’ûḇēn:

18 wə‘āḇar ’el-keṯef mûl-hā‘ărāḇâ ṣāfwōnâ wəyāraḏ hā‘ărāḇāṯâ:

19 wə‘āḇar hagəḇûl ’el-keṯef bêṯ-ḥāḡəlâ ṣāfwōnâ wəhāyâ wəhāyû| tōṣə’wōṯāyw tōṣə’wōṯ hagəḇûl ’el-ləšwōn yām-hammel^aḥ ṣāfwōnâ ’el-qəṣēh hayyarədēn neḡəbâ zeh gəḇûl neḡeḇ:

20 wəhayyarədēn yiḡəbōl-’ōṯwō lifə’aṯ-qēḏəmâ zō’ṯ n^aḥălaṯ bənê ḇinəyāmin liḡəḇûlōṯeyhā sāḇîḇ ləmišəpəḥōṯām:

21 wəhāyû he‘ārîm ləmaṭṭēh bənê ḇinəyāmin ləmišəpəḥwōṯêhem yərîḥwō ûḇêṯ-ḥāḡəlâ wə‘ēmeq qəṣîṣ:

22 ûḇêṯ hā‘ărāḇâ ûṣəmārayim ûḇêṯ-’ēl:

23 wəhā‘aûîm wəhapārâ wə‘āfərâ:

24 ûḵəfar hā‘ammōnî hā‘ammōnâ wəhā‘āfənî wāḡāḇ^a‘ ‘ārîm šətêm-‘eśərēh wəḥaṣərêhen:

25 giḇə‘wōn wəhārāmâ ûḇə’ērwōṯ:

26 wəhammiṣəpeh wəhakəfîrâ wəhammōṣâ:

27 wəreqem wəyirəpə’ēl wəṯarə’ălâ:

28 wəṣēl^a‘ hā’elef wəhayəḇûsî³ hî’ yərûšālaim giḇə‘aṯ qirəyaṯ ‘ārîm ’arəb^a‘-‘eśərēh wəḥaṣərêhen zō’ṯ n^aḥălaṯ bənê-ḇinəyāmin ləmišəpəḥōṯām: f