Sacred Texts  Bible  Index 
Polyglot  KJV  Sep  Vul 

Ezekiel (Yechezqel) Index
  Previous  Next 

Tanach (Hebrew): Ezekiel (Yechezqel) Chapter 36

1 ‏וְאַתָּ֣ה בֶן־אָדָ֔ם הִנָּבֵ֖א אֶל־הָרֵ֣י יִשְׂרָאֵ֑ל וְאָ֣מַרְתָּ֔ הָרֵי֙ יִשְׂרָאֵ֔ל שִׁמְע֖וּ דְּבַר־יְהוָֽה׃

2 ‏כֹּ֤ה אָמַר֙ אֲדֹנָ֣י יְהוִ֔ה יַ֣עַן אָמַ֧ר הָאוֹיֵ֛ב עֲלֵיכֶ֖ם הֶאָ֑ח וּבָמ֣וֹת עוֹלָ֔ם לְמֽוֹרָשָׁ֖ה הָ֥יְתָה לָּֽנוּ׃

3 ‏לָכֵן֙ הִנָּבֵ֣א וְאָמַרְתָּ֔ כֹּ֥ה אָמַ֖ר אֲדֹנָ֣י יְהוִ֑ה יַ֣עַן בְּיַ֡עַן שַׁמּוֹת֩ וְשָׁאֹ֨ף אֶתְכֶ֜ם מִסָּבִ֗יב לִֽהְיוֹתְכֶ֤ם מֽוֹרָשָׁה֙ לִשְׁאֵרִ֣ית הַגּוֹיִ֔ם וַתֵּֽעֲל֛וּ עַל־שְׂפַ֥ת לָשׁ֖וֹן וְדִבַּת־עָֽם׃

4 ‏לָכֵן֙ הָרֵ֣י יִשְׂרָאֵ֔ל שִׁמְע֖וּ דְּבַר־אֲדֹנָ֣י יְהוִ֑ה כֹּֽה־אָמַ֣ר אֲדֹנָ֣י יְ֠הוִה לֶהָרִ֨ים וְלַגְּבָע֜וֹת לָאֲפִיקִ֣ים וְלַגֵּאָי֗וֹת וְלֶחֳרָב֤וֹת הַשֹּֽׁמְמוֹת֙ וְלֶעָרִ֣ים הַנֶּעֱזָב֔וֹת אֲשֶׁ֨ר הָי֤וּ לְבַז֙ וּלְלַ֔עַג לִשְׁאֵרִ֥ית הַגּוֹיִ֖ם אֲשֶׁ֥ר מִסָּבִֽיב׃ ס

5 ‏לָכֵ֗ן כֹּֽה־אָמַר֮ אֲדֹנָ֣י יְהוִה֒ אִם־לֹ֠א בְּאֵ֨שׁ קִנְאָתִ֥י דִבַּ֛רְתִּי עַל־שְׁאֵרִ֥ית הַגּוֹיִ֖ם וְעַל־אֱד֣וֹם כֻּלָּ֑א אֲשֶׁ֣ר נָתְנֽוּ־אֶת־אַרְצִ֣י׀ לָ֠הֶם לְמ֨וֹרָשָׁ֜ה בְּשִׂמְחַ֤ת כָּל־לֵבָב֙ בִּשְׁאָ֣ט נֶ֔פֶשׁ לְמַ֥עַן מִגְרָשָׁ֖הּ לָבַֽז׃

6 ‏לָכֵ֕ן הִנָּבֵ֖א עַל־אַדְמַ֣ת יִשְׂרָאֵ֑ל וְאָמַרְתָּ֡ לֶהָרִ֣ים וְ֠לַגְּבָעוֹת לָאֲפִיקִ֨ים וְלַגֵּאָי֜וֹת כֹּֽה־אָמַ֣ר׀ אֲדֹנָ֣י יְהוִ֗ה הִנְנִ֨י בְקִנְאָתִ֤י וּבַחֲמָתִי֙ דִּבַּ֔רְתִּי יַ֛עַן כְּלִמַּ֥ת גּוֹיִ֖ם נְשָׂאתֶֽם׃

7 ‏לָכֵ֗ן כֹּ֤ה אָמַר֙ אֲדֹנָ֣י יְהוִ֔ה אֲנִ֖י נָשָׂ֣אתִי אֶת־יָדִ֑י אִם־לֹ֤א הַגּוֹיִם֙ אֲשֶׁ֣ר לָכֶ֣ם מִסָּבִ֔יב הֵ֖מָּה כְּלִמָּתָ֖ם יִשָּֽׂאוּ׃

8 ‏וְאַתֶּ֞ם הָרֵ֤י יִשְׂרָאֵל֙ עַנְפְּכֶ֣ם תִּתֵּ֔נוּ וּפֶרְיְכֶ֥ם תִּשְׂא֖וּ לְעַמִּ֣י יִשְׂרָאֵ֑ל כִּ֥י קֵרְב֖וּ לָבֽוֹא׃

9 ‏כִּ֖י הִנְנִ֣י אֲלֵיכֶ֑ם וּפָנִ֣יתִי אֲלֵיכֶ֔ם וְנֶעֱבַדְתֶּ֖ם וְנִזְרַעְתֶּֽם׃

10 ‏וְהִרְבֵּיתִ֤י עֲלֵיכֶם֙ אָדָ֔ם כָּל־בֵּ֥ית יִשְׂרָאֵ֖ל כֻּלֹּ֑ה וְנֹֽשְׁבוּ֙ הֶֽעָרִ֔ים וְהֶחֳרָב֖וֹת תִּבָּנֶֽינָה׃

11 ‏וְהִרְבֵּיתִ֧י עֲלֵיכֶ֛ם אָדָ֥ם וּבְהֵמָ֖ה וְרָב֣וּ וּפָר֑וּ וְהוֹשַׁבְתִּ֨י אֶתְכֶ֜ם כְּקַדְמֽוֹתֵיכֶ֗ם וְהֵטִֽבֹתִי֙ מֵרִאשֹׁ֣תֵיכֶ֔ם וִֽידַעְתֶּ֖ם כִּֽי־אֲנִ֥י יְהוָֽה׃

12 ‏וְהוֹלַכְתִּי֩ עֲלֵיכֶ֨ם אָדָ֜ם אֶת־עַמִּ֤י יִשְׂרָאֵל֙ וִֽירֵשׁ֔וּךָ וְהָיִ֥יתָ לָהֶ֖ם לְנַחֲלָ֑ה וְלֹא־תוֹסִ֥ף ע֖וֹד לְשַׁכְּלָֽם׃ ס

13 ‏כֹּ֤ה אָמַר֙ אֲדֹנָ֣י יְהוִ֔ה יַ֚עַן אֹמְרִ֣ים לָכֶ֔ם אֹכֶ֥לֶת אָדָ֖ם אתי אָ֑תְּ וּמְשַׁכֶּ֥לֶת גויך גּוֹיַ֖יִךְ הָיִֽית׃

14 ‏לָכֵ֗ן אָדָם֙ לֹא־תֹ֣אכְלִי ע֔וֹד וגויך וְגוֹיַ֖יִךְ לֹ֣א תכשלי־ תְשַׁכְּלִי־ ע֑וֹד נְאֻ֖ם אֲדֹנָ֥י יְהוִֽה׃

15 ‏וְלֹא־אַשְׁמִ֨יעַ אֵלַ֤יִךְ עוֹד֙ כְּלִמַּ֣ת הַגּוֹיִ֔ם וְחֶרְפַּ֥ת עַמִּ֖ים לֹ֣א תִשְׂאִי־ע֑וֹד וגויך וְגוֹיַ֙יִךְ֙ לֹא־תַכְשִׁ֣לִי ע֔וֹד נְאֻ֖ם אֲדֹנָ֥י יְהוִֽה׃ ס

16 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

17 ‏בֶּן־אָדָ֗ם בֵּ֤ית יִשְׂרָאֵל֙ יֹשְׁבִ֣ים עַל־אַדְמָתָ֔ם וַיְטַמְּא֣וּ אוֹתָ֔הּ בְּדַרְכָּ֖ם וּבַעֲלִֽילוֹתָ֑ם כְּטֻמְאַת֙ הַנִּדָּ֔ה הָיְתָ֥ה דַרְכָּ֖ם לְפָנָֽי׃

18 ‏וָאֶשְׁפֹּ֤ךְ חֲמָתִי֙ עֲלֵיהֶ֔ם עַל־הַדָּ֖ם אֲשֶׁר־שָׁפְכ֣וּ עַל־הָאָ֑רֶץ וּבְגִלּוּלֵיהֶ֖ם טִמְּאֽוּהָ׃

19 ‏וָאָפִ֤יץ אֹתָם֙ בַּגּוֹיִ֔ם וַיִּזָּר֖וּ בָּאֲרָצ֑וֹת כְּדַרְכָּ֥ם וְכַעֲלִילוֹתָ֖ם שְׁפַטְתִּֽים׃

20 ‏וַיָּב֗וֹא אֶל־הַגּוֹיִם֙ אֲשֶׁר־בָּ֣אוּ שָׁ֔ם וַֽיְחַלְּל֖וּ אֶת־שֵׁ֣ם קָדְשִׁ֑י בֶּאֱמֹ֤ר לָהֶם֙ עַם־יְהוָ֣ה אֵ֔לֶּה וּמֵאַרְצ֖וֹ יָצָֽאוּ׃

21 ‏וָאֶחְמֹ֖ל עַל־שֵׁ֣ם קָדְשִׁ֑י אֲשֶׁ֤ר חִלְּל֙וּהוּ֙ בֵּ֣ית יִשְׂרָאֵ֔ל בַּגּוֹיִ֖ם אֲשֶׁר־בָּ֥אוּ שָֽׁמָּה׃ ס

22 ‏לָכֵ֞ן אֱמֹ֣ר לְבֵֽית־יִשְׂרָאֵ֗ל כֹּ֤ה אָמַר֙ אֲדֹנָ֣י יְהוִ֔ה לֹ֧א לְמַעַנְכֶ֛ם אֲנִ֥י עֹשֶׂ֖ה בֵּ֣ית יִשְׂרָאֵ֑ל כִּ֤י אִם־לְשֵׁם־קָדְשִׁי֙ אֲשֶׁ֣ר חִלַּלְתֶּ֔ם בַּגּוֹיִ֖ם אֲשֶׁר־בָּ֥אתֶם שָֽׁם׃

23 ‏וְקִדַּשְׁתִּ֞י אֶת־שְׁמִ֣י הַגָּד֗וֹל הַֽמְחֻלָּל֙ בַּגּוֹיִ֔ם אֲשֶׁ֥ר חִלַּלְתֶּ֖ם בְּתוֹכָ֑ם וְיָדְע֨וּ הַגּוֹיִ֜ם כִּי־אֲנִ֣י יְהוָ֗ה נְאֻם֙ אֲדֹנָ֣י יְהוִ֔ה בְּהִקָּדְשִׁ֥י בָכֶ֖ם לְעֵינֵיהֶֽם׃

24 ‏וְלָקַחְתִּ֤י אֶתְכֶם֙ מִן־הַגּוֹיִ֔ם וְקִבַּצְתִּ֥י אֶתְכֶ֖ם מִכָּל־הָאֲרָצ֑וֹת וְהֵבֵאתִ֥י אֶתְכֶ֖ם אֶל־אַדְמַתְכֶֽם׃

25 ‏וְזָרַקְתִּ֧י עֲלֵיכֶ֛ם מַ֥יִם טְהוֹרִ֖ים וּטְהַרְתֶּ֑ם מִכֹּ֧ל טֻמְאוֹתֵיכֶ֛ם וּמִכָּל־גִּלּ֥וּלֵיכֶ֖ם אֲטַהֵ֥ר אֶתְכֶֽם׃

26 ‏וְנָתַתִּ֤י לָכֶם֙ לֵ֣ב חָדָ֔שׁ וְר֥וּחַ חֲדָשָׁ֖ה אֶתֵּ֣ן בְּקִרְבְּכֶ֑ם וַהֲסִ֨רֹתִ֜י אֶת־לֵ֤ב הָאֶ֙בֶן֙ מִבְּשַׂרְכֶ֔ם וְנָתַתִּ֥י לָכֶ֖ם לֵ֥ב בָּשָֽׂר׃

27 ‏וְאֶת־רוּחִ֖י אֶתֵּ֣ן בְּקִרְבְּכֶ֑ם וְעָשִׂ֗יתִי אֵ֤ת אֲשֶׁר־בְּחֻקַּי֙ תֵּלֵ֔כוּ וּמִשְׁפָּטַ֥י תִּשְׁמְר֖וּ וַעֲשִׂיתֶֽם׃

28 ‏וִישַׁבְתֶּ֣ם בָּאָ֔רֶץ אֲשֶׁ֥ר נָתַ֖תִּי לַאֲבֹֽתֵיכֶ֑ם וִהְיִ֤יתֶם לִי֙ לְעָ֔ם וְאָ֣נֹכִ֔י אֶהְיֶ֥ה לָכֶ֖ם לֵאלֹהִֽים׃

29 ‏וְהוֹשַׁעְתִּ֣י אֶתְכֶ֔ם מִכֹּ֖ל טֻמְאֽוֹתֵיכֶ֑ם וְקָרָ֤אתִי אֶל־הַדָּגָן֙ וְהִרְבֵּיתִ֣י אֹת֔וֹ וְלֹא־אֶתֵּ֥ן עֲלֵיכֶ֖ם רָעָֽב׃

30 ‏וְהִרְבֵּיתִי֙ אֶת־פְּרִ֣י הָעֵ֔ץ וּתְנוּבַ֖ת הַשָּׂדֶ֑ה לְמַ֗עַן אֲ֠שֶׁר לֹ֣א תִקְח֥וּ ע֛וֹד חֶרְפַּ֥ת רָעָ֖ב בַּגּוֹיִֽם׃

31 ‏וּזְכַרְתֶּם֙ אֶת־דַּרְכֵיכֶ֣ם הָרָעִ֔ים וּמַעַלְלֵיכֶ֖ם אֲשֶׁ֣ר לֹֽא־טוֹבִ֑ים וּנְקֹֽטֹתֶם֙ בִּפְנֵיכֶ֔ם עַ֚ל עֲוֹנֹ֣תֵיכֶ֔ם וְעַ֖ל תּוֹעֲבֽוֹתֵיכֶֽם׃

32 ‏לֹ֧א לְמַעַנְכֶ֣ם אֲנִֽי־עֹשֶׂ֗ה נְאֻם֙ אֲדֹנָ֣י יְהוִ֔ה יִוָּדַ֖ע לָכֶ֑ם בּ֧וֹשׁוּ וְהִכָּלְמ֛וּ מִדַּרְכֵיכֶ֖ם בֵּ֥ית יִשְׂרָאֵֽל׃ ס

33 ‏כֹּ֤ה אָמַר֙ אֲדֹנָ֣י יְהוִ֔ה בְּיוֹם֙ טַהֲרִ֣י אֶתְכֶ֔ם מִכֹּ֖ל עֲוֹנֽוֹתֵיכֶ֑ם וְהֽוֹשַׁבְתִּי֙ אֶת־הֶ֣עָרִ֔ים וְנִבְנ֖וּ הֶחֳרָבֽוֹת׃

34 ‏וְהָאָ֥רֶץ הַנְּשַׁמָּ֖ה תֵּֽעָבֵ֑ד תַּ֚חַת אֲשֶׁ֣ר הָיְתָ֣ה שְׁמָמָ֔ה לְעֵינֵ֖י כָּל־עוֹבֵֽר׃

35 ‏וְאָמְר֗וּ הָאָ֤רֶץ הַלֵּ֙זוּ֙ הַנְּשַׁמָּ֔ה הָיְתָ֖ה כְּגַן־עֵ֑דֶן וְהֶעָרִ֧ים הֶחֳרֵב֛וֹת וְהַֽנְשַׁמּ֥וֹת וְהַנֶּהֱרָס֖וֹת בְּצוּר֥וֹת יָשָֽׁבוּ׃

36 ‏וְיָדְע֣וּ הַגּוֹיִ֗ם אֲשֶׁ֣ר יִֽשָּׁאֲרוּ֮ סְבִיבוֹתֵיכֶם֒ כִּ֣י׀ אֲנִ֣י יְהוָ֗ה בָּנִ֙יתִי֙ הַנֶּ֣הֱרָס֔וֹת נָטַ֖עְתִּי הַנְּשַׁמָּ֑ה אֲנִ֥י יְהוָ֖ה דִּבַּ֥רְתִּי וְעָשִֽׂיתִי׃ ס

37 ‏כֹּ֤ה אָמַר֙ אֲדֹנָ֣י יְהוִ֔ה ע֗וֹד זֹ֛את אִדָּרֵ֥שׁ לְבֵֽית־יִשְׂרָאֵ֖ל לַעֲשׂ֣וֹת לָהֶ֑ם אַרְבֶּ֥ה אֹתָ֛ם כַּצֹּ֖אן אָדָֽם׃

38 ‏כְּצֹ֣אן קָֽדָשִׁ֗ים כְּצֹ֤אן יְרוּשָׁלִַ֙ם֙ בְּמ֣וֹעֲדֶ֔יהָ כֵּ֤ן תִּהְיֶ֙ינָה֙ הֶעָרִ֣ים הֶחֳרֵב֔וֹת מְלֵא֖וֹת צֹ֣אן אָדָ֑ם וְיָדְע֖וּ כִּֽי־אֲנִ֥י יְהוָֽה׃ ס

1 wə’atâ ḇen-’āḏām hinnāḇē’ ’el-hārê yiśərā’ēl wə’āmarətā hārê yiśərā’ēl šimə‘û dəḇar-yəhwâ:

2 kōh ’āmar ’ăḏōnāy yəhwih ya‘an ’āmar hā’wōyēḇ ‘ălêḵem he’āḥ ûḇāmwōṯ ‘wōlām ləmwōrāšâ hāyəṯâ llānû:

3 lāḵēn hinnāḇē’ wə’āmarətā kōh ’āmar ’ăḏōnāy yəhwih ya‘an bəya‘an šammwōṯ wəšā’ōf ’eṯəḵem missāḇîḇ lihəywōṯəḵem mwōrāšâ lišə’ērîṯ hagwōyim watē‘ălû ‘al-śəfaṯ lāšwōn wəḏibaṯ-‘ām:

4 lāḵēn hārê yiśərā’ēl šimə‘û dəḇar-’ăḏōnāy yəhwih kōh-’āmar ’ăḏōnāy yəhwih lehārîm wəlagəḇā‘wōṯ lā’ăfîqîm wəlagē’āywōṯ wəleḥŏrāḇwōṯ haššōməmwōṯ wəle‘ārîm hanne‘ĕzāḇwōṯ ’ăšer hāyû ləḇaz ûləla‘aḡ lišə’ērîṯ hagwōyim ’ăšer missāḇîḇ: s

5 lāḵēn kōh-’āmar ’ăḏōnāy yəhwih ’im-lō’ bə’ēš qinə’āṯî ḏibarətî ‘al-šə’ērîṯ hagwōyim wə‘al-’ĕḏwōm kullā’ ’ăšer nāṯənû-’eṯ-’arəṣî| lâem ləmwōrāšâ bəśiməḥaṯ kāl-lēḇāḇ bišə’āṭ nefeš ləma‘an miḡərāšāh lāḇaz:

6 lāḵēn hinnāḇē’ ‘al-’aḏəmaṯ yiśərā’ēl wə’āmarətā lehārîm wəlagəḇā‘wōṯ lā’ăfîqîm wəlagē’āywōṯ kōh-’āmar| ’ăḏōnāy yəhwih hinənî ḇəqinə’āṯî ûḇaḥămāṯî dibarətî ya‘an kəlimmaṯ gwōyim nəśā’ṯem:

7 lāḵēn kōh ’āmar ’ăḏōnāy yəhwih ’ănî nāśā’ṯî ’eṯ-yāḏî ’im-lō’ hagwōyim ’ăšer lāḵem missāḇîḇ hēmmâ kəlimmāṯām yiśśā’û:

8 wə’atem hārê yiśərā’ēl ‘anəpəḵem titēnû ûferəyəḵem tiśə’û lə‘ammî yiśərā’ēl kî qērəḇû lāḇwō’:

9 kî hinənî ’ălêḵem ûfānîṯî ’ălêḵem wəne‘ĕḇaḏətem wənizəra‘ətem:

10 wəhirəbêṯî ‘ălêḵem ’āḏām kāl-bêṯ yiśərā’ēl kullōh wənōšəḇû he‘ārîm wəheḥŏrāḇwōṯ tibāneynâ:

11 wəhirəbêṯî ‘ălêḵem ’āḏām ûḇəhēmâ wərāḇû ûfārû wəhwōšaḇətî ’eṯəḵem kəqaḏəmwōṯêḵem wəhēṭiḇōṯî mēri’šōṯêḵem wîḏa‘ətem kî-’ănî yəhwâ:

12 wəhwōlaḵətî ‘ălêḵem ’āḏām ’eṯ-‘ammî yiśərā’ēl wîrēšûḵā wəhāyîṯā lâem lənaḥălâ wəlō’-ṯwōsif ‘wōḏ ləšakəlām: s

13 kōh ’āmar ’ăḏōnāy yəhwih ya‘an ’ōmərîm lāḵem ’ōḵeleṯ ’āḏām ’ātî ’ātə ûməšakeleṯ gwōyēḵə gwōyayiḵə hāyîṯ:

14 lāḵēn ’āḏām lō’-ṯō’ḵəlî ‘wōḏ wəḡwōyēḵə wəḡwōyayiḵə lō’ ṯəḵaššəlî- ṯəšakəlî- ‘wōḏ nə’um ’ăḏōnāy yəhwih:

15 wəlō’-’ašəmî‘a ’ēlayiḵə ‘wōḏ kəlimmaṯ hagwōyim wəḥerəpaṯ ‘ammîm lō’ ṯiśə’î-‘wōḏ wəḡwōyēḵə wəḡwōyayiḵə lō’-ṯaḵəšilî ‘wōḏ nə’um ’ăḏōnāy yəhwih: s

16 wayəhî ḏəḇar-yəhwâ ’ēlay lē’mōr:

17 ben-’āḏām bêṯ yiśərā’ēl yōšəḇîm ‘al-’aḏəmāṯām wayəṭammə’û ’wōṯāh bəḏarəkām ûḇa‘ălîlwōṯām kəṭumə’aṯ hannidâ hāyəṯâ ḏarəkām ləfānāy:

18 wā’ešəpōḵə ḥămāṯî ‘ălêhem ‘al-hadām ’ăšer-šāfəḵû ‘al-hā’āreṣ ûḇəḡillûlêhem ṭimmə’ûhā:

19 wā’āfîṣ ’ōṯām bagwōyim wayyizzārû bā’ărāṣwōṯ kəḏarəkām wəḵa‘ălîlwōṯām šəfaṭətîm:

20 wayyāḇwō’ ’el-hagwōyim ’ăšer-bā’û šām wayəḥalləlû ’eṯ-šēm qāḏəšî be’ĕmōr lâem ‘am-yəhwâ ’ēlleh ûmē’arəṣwō yāṣā’û:

21 wā’eḥəmōl ‘al-šēm qāḏəšî ’ăšer ḥilləlûhû bêṯ yiśərā’ēl bagwōyim ’ăšer-bā’û šāmmâ: s

22 lāḵēn ’ĕmōr ləḇêṯ-yiśərā’ēl kōh ’āmar ’ăḏōnāy yəhwih lō’ ləma‘anəḵem ’ănî ‘ōśeh bêṯ yiśərā’ēl kî ’im-ləšēm-qāḏəšî ’ăšer ḥillalətem bagwōyim ’ăšer-bā’ṯem šām:

23 wəqidašətî ’eṯ-šəmî hagāḏwōl haməḥullāl bagwōyim ’ăšer ḥillalətem bəṯwōḵām wəyāḏə‘û hagwōyim kî-’ănî yəhwâ nə’um ’ăḏōnāy yəhwih bəhiqqāḏəšî ḇāḵem lə‘ênêhem:

24 wəlāqaḥətî ’eṯəḵem min-hagwōyim wəqibaṣətî ’eṯəḵem mikāl-hā’ărāṣwōṯ wəhēḇē’ṯî ’eṯəḵem ’el-’aḏəmaṯəḵem:

25 wəzāraqətî ‘ălêḵem mayim ṭəhwōrîm ûṭəharətem mikōl ṭumə’wōṯêḵem ûmikāl-gillûlêḵem ’ăṭahēr ’eṯəḵem:

26 wənāṯatî lāḵem lēḇ ḥāḏāš wərûḥa ḥăḏāšâ ’etēn bəqirəbəḵem wahăsirōṯî ’eṯ-lēḇ hā’eḇen mibəśarəḵem wənāṯatî lāḵem lēḇ bāśār:

27 wə’eṯ-rûḥî ’etēn bəqirəbəḵem wə‘āśîṯî ’ēṯ ’ăšer-bəḥuqqay tēlēḵû ûmišəpāṭay tišəmərû wa‘ăśîṯem:

28 wîšaḇətem bā’āreṣ ’ăšer nāṯatî la’ăḇōṯêḵem wihəyîṯem lî lə‘ām wə’ānōḵî ’ehəyeh lāḵem lē’lōhîm:

29 wəhwōša‘ətî ’eṯəḵem mikōl ṭumə’wōṯêḵem wəqārā’ṯî ’el-hadāḡān wəhirəbêṯî ’ōṯwō wəlō’-’etēn ‘ălêḵem rā‘āḇ:

30 wəhirəbêṯî ’eṯ-pərî hā‘ēṣ ûṯənûḇaṯ haśśāḏeh ləma‘an ’ăšer lō’ ṯiqəḥû ‘wōḏ ḥerəpaṯ rā‘āḇ bagwōyim:

31 ûzəḵarətem ’eṯ-darəḵêḵem hārā‘îm ûma‘aləlêḵem ’ăšer lō’-ṭwōḇîm ûnəqōṭōṯem bifənêḵem ‘al ‘ăwōnōṯêḵem wə‘al twō‘ăḇwōṯêḵem:

32 lō’ ləma‘anəḵem ’ănî-‘ōśeh nə’um ’ăḏōnāy yəhwih yiûāḏa‘ lāḵem bwōšû wəhikāləmû midarəḵêḵem bêṯ yiśərā’ēl: s

33 kōh ’āmar ’ăḏōnāy yəhwih bəywōm ṭahărî ’eṯəḵem mikōl ‘ăwōnwōṯêḵem wəhwōšaḇətî ’eṯ-he‘ārîm wəniḇənû heḥŏrāḇwōṯ:

34 wəhā’āreṣ hannəšammâ tē‘āḇēḏ taḥaṯ ’ăšer hāyəṯâ šəmāmâ lə‘ênê kāl-‘wōḇēr:

35 wə’āmərû hā’āreṣ hallēzû hannəšammâ hāyəṯâ kəḡan-‘ēḏen wəhe‘ārîm heḥŏrēḇwōṯ wəhanəšammwōṯ wəhannehĕrāswōṯ bəṣûrwōṯ yāšāḇû:

36 wəyāḏə‘û hagwōyim ’ăšer yiššā’ărû səḇîḇwōṯêḵem kî| ’ănî yəhwâ bānîṯî hannehĕrāswōṯ nāṭa‘ətî hannəšammâ ’ănî yəhwâ dibarətî wə‘āśîṯî: s

37 kōh ’āmar ’ăḏōnāy yəhwih ‘wōḏ zō’ṯ ’idārēš ləḇêṯ-yiśərā’ēl la‘ăśwōṯ lâem ’arəbeh ’ōṯām kaṣṣō’n ’āḏām:

38 kəṣō’n qāḏāšîm kəṣō’n yərûšālaim bəmwō‘ăḏeyhā kēn tihəyeynâ he‘ārîm heḥŏrēḇwōṯ məlē’wōṯ ṣō’n ’āḏām wəyāḏə‘û kî-’ănî yəhwâ: s


Next: Ezekiel (Yechezqel) Chapter 37