‎1 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

‎2 ‏וְאַתָּ֣ה בֶן־אָדָ֔ם שָׂ֥א עַל־צֹ֖ר קִינָֽה׃

‎3 ‏וְאָמַרְתָּ֣ לְצ֗וֹר הישבתי הַיֹּשֶׁ֙בֶת֙ עַל־מְבוֹאֹ֣ת יָ֔ם רֹכֶ֙לֶת֙ הָֽעַמִּ֔ים אֶל־אִיִּ֖ים רַבִּ֑ים כֹּ֤ה אָמַר֙ אֲדֹנָ֣י יְהוִ֔ה צ֕וֹר אַ֣תְּ אָמַ֔רְתְּ אֲנִ֖י כְּלִ֥ילַת יֹֽפִי׃

‎4 ‏בְּלֵ֥ב יַמִּ֖ים גְּבוּלָ֑יִךְ בֹּנַ֕יִךְ כָּלְל֖וּ יָפְיֵֽךְ׃

‎5 ‏בְּרוֹשִׁ֤ים מִשְּׂנִיר֙ בָּ֣נוּ לָ֔ךְ אֵ֖ת כָּל־לֻֽחֹתָ֑יִם אֶ֤רֶז מִלְּבָנוֹן֙ לָקָ֔חוּ לַעֲשׂ֥וֹת תֹּ֖רֶן עָלָֽיִךְ׃

‎6 ‏אַלּוֹנִים֙ מִבָּ֔שָׁן עָשׂ֖וּ מִשּׁוֹטָ֑יִךְ קַרְשֵׁ֤ךְ עָֽשׂוּ־שֵׁן֙ בַּת־אֲשֻׁרִ֔ים מֵאִיֵּ֖י כתים כִּתִּיִּֽים׃

‎7 ‏שֵׁשׁ־בְּרִקְמָ֤ה מִמִּצְרַ֙יִם֙ הָיָ֣ה מִפְרָשֵׂ֔ךְ לִהְי֥וֹת לָ֖ךְ לְנֵ֑ס תְּכֵ֧לֶת וְאַרְגָּמָ֛ן מֵאִיֵּ֥י אֱלִישָׁ֖ה הָיָ֥ה מְכַסֵּֽךְ׃

‎8 ‏יֹשְׁבֵ֤י צִידוֹן֙ וְאַרְוַ֔ד הָי֥וּ שָׁטִ֖ים לָ֑ךְ חֲכָמַ֤יִךְ צוֹר֙ הָ֣יוּ בָ֔ךְ הֵ֖מָּה חֹבְלָֽיִךְ׃

‎9 ‏זִקְנֵ֨י גְבַ֤ל וַחֲכָמֶ֙יהָ֙ הָ֣יוּ בָ֔ךְ מַחֲזִיקֵ֖י בִּדְקֵ֑ךְ כָּל־אֳנִיּ֨וֹת הַיָּ֤ם וּמַלָּֽחֵיהֶם֙ הָ֣יוּ בָ֔ךְ לַעֲרֹ֖ב מַעֲרָבֵֽךְ׃

‎10 ‏פָּרַ֨ס וְל֤וּד וּפוּט֙ הָי֣וּ בְחֵילֵ֔ךְ אַנְשֵׁ֖י מִלְחַמְתֵּ֑ךְ מָגֵ֤ן וְכוֹבַע֙ תִּלּוּ־בָ֔ךְ הֵ֖מָּה נָתְנ֥וּ הֲדָרֵֽךְ׃

‎11 ‏בְּנֵ֧י אַרְוַ֣ד וְחֵילֵ֗ךְ עַל־חוֹמוֹתַ֙יִךְ֙ סָבִ֔יב וְגַ֨מָּדִ֔ים בְּמִגְדְּלוֹתַ֖יִךְ הָי֑וּ שִׁלְטֵיהֶ֞ם תִּלּ֤וּ עַל־חוֹמוֹתַ֙יִךְ֙ סָבִ֔יב הֵ֖מָּה כָּלְל֥וּ יָפְיֵֽךְ׃

‎12 ‏תַּרְשִׁ֥ישׁ סֹחַרְתֵּ֖ךְ מֵרֹ֣ב כָּל־ה֑וֹן בְּכֶ֤סֶף בַּרְזֶל֙ בְּדִ֣יל וְעוֹפֶ֔רֶת נָתְנ֖וּ עִזְבוֹנָֽיִךְ׃

‎13 ‏יָוָ֤ן תֻּבַל֙ וָמֶ֔שֶׁךְ הֵ֖מָּה רֹֽכְלָ֑יִךְ בְּנֶ֤פֶשׁ אָדָם֙ וּכְלֵ֣י נְחֹ֔שֶׁת נָתְנ֖וּ מַעֲרָבֵֽךְ׃

‎14 ‏מִבֵּ֖ית תּוֹגַרְמָ֑ה סוּסִ֤ים וּפָֽרָשִׁים֙ וּפְרָדִ֔ים נָתְנ֖וּ עִזְבוֹנָֽיִךְ׃

‎15 ‏בְּנֵ֤י דְדָן֙ רֹֽכְלַ֔יִךְ אִיִּ֥ים רַבִּ֖ים סְחֹרַ֣ת יָדֵ֑ךְ קַרְנ֥וֹת שֵׁן֙ והובנים וְהָבְנִ֔ים הֵשִׁ֖יבוּ אֶשְׁכָּרֵֽךְ׃

‎16 ‏אֲרָ֥ם סֹחַרְתֵּ֖ךְ מֵרֹ֣ב מַעֲשָׂ֑יִךְ בְּ֠נֹפֶךְ אַרְגָּמָ֨ן וְרִקְמָ֤ה וּבוּץ֙ וְרָאמֹ֣ת וְכַדְכֹּ֔ד נָתְנ֖וּ בְּעִזְבוֹנָֽיִךְ׃

‎17 ‏יְהוּדָה֙ וְאֶ֣רֶץ יִשְׂרָאֵ֔ל הֵ֖מָּה רֹכְלָ֑יִךְ בְּחִטֵּ֣י מִ֠נִּית וּפַנַּ֨ג וּדְבַ֤שׁ וָשֶׁ֙מֶן֙ וָצֹ֔רִי נָתְנ֖וּ מַעֲרָבֵֽךְ׃

‎18 ‏דַּמֶּ֧שֶׂק סֹחַרְתֵּ֛ךְ בְּרֹ֥ב מַעֲשַׂ֖יִךְ מֵרֹ֣ב כָּל־ה֑וֹן בְּיֵ֥ין חֶלְבּ֖וֹן וְצֶ֥מֶר צָֽחַר׃

‎19 ‏וְדָ֤ן וְיָוָן֙ מְאוּזָּ֔ל בְּעִזְבוֹנַ֖יִךְ נָתָ֑נּוּ בַּרְזֶ֤ל עָשׁוֹת֙ קִדָּ֣ה וְקָנֶ֔ה בְּמַעֲרָבֵ֖ךְ הָיָֽה׃

‎20 ‏דְּדָן֙ רֹֽכַלְתֵּ֔ךְ בְבִגְדֵי־חֹ֖פֶשׁ לְרִכְבָּֽה׃

‎21 ‏עֲרַב֙ וְכָל־נְשִׂיאֵ֣י קֵדָ֔ר הֵ֖מָּה סֹחֲרֵ֣י יָדֵ֑ךְ בְּכָרִ֤ים וְאֵילִים֙ וְעַתּוּדִ֔ים בָּ֖ם סֹחֲרָֽיִךְ׃

‎22 ‏רֹכְלֵ֤י שְׁבָא֙ וְרַעְמָ֔ה הֵ֖מָּה רֹכְלָ֑יִךְ בְּרֹ֨אשׁ כָּל־בֹּ֜שֶׂם וּבְכָל־אֶ֤בֶן יְקָרָה֙ וְזָהָ֔ב נָתְנ֖וּ עִזְבוֹנָֽיִךְ׃

‎23 ‏חָרָ֤ן וְכַנֵּה֙ וָעֶ֔דֶן רֹכְלֵ֖י שְׁבָ֑א אַשּׁ֖וּר כִּלְמַ֥ד רֹכַלְתֵּֽךְ׃

‎24 ‏הֵ֤מָּה רֹכְלַ֙יִךְ֙ בְּמַכְלֻלִ֔ים בִּגְלוֹמֵי֙ תְּכֵ֣לֶת וְרִקְמָ֔ה וּבְגִנְזֵ֖י בְּרֹמִ֑ים בַּחֲבָלִ֧ים חֲבֻשִׁ֛ים וַאֲרֻזִ֖ים בְּמַרְכֻלְתֵּֽךְ׃

‎25 ‏אֳנִיּ֣וֹת תַּרְשִׁ֔ישׁ שָׁרוֹתַ֖יִךְ מַעֲרָבֵ֑ךְ וַתִּמָּלְאִ֧י וַֽתִּכְבְּדִ֛י מְאֹ֖ד בְּלֵ֥ב³ יַמִּֽים׃

‎26 ‏בְּמַ֤יִם רַבִּים֙ הֱבִיא֔וּךְ הַשָּׁטִ֖ים אֹתָ֑ךְ ר֚וּחַ הַקָּדִ֔ים שְׁבָרֵ֖ךְ בְּלֵ֥ב יַמִּֽים׃

‎27 ‏הוֹנֵךְ֙ וְעִזְבוֹנַ֔יִךְ מַעֲרָבֵ֕ךְ מַלָּחַ֖יִךְ וְחֹבְלָ֑יִךְ מַחֲזִיקֵ֣י בִדְקֵ֣ך^m וְֽעֹרְבֵ֣י מַ֠עֲרָבֵךְ וְכָל־אַנְשֵׁ֨י מִלְחַמְתֵּ֜ךְ אֲשֶׁר־בָּ֗ךְ וּבְכָל־קְהָלֵךְ֙ אֲשֶׁ֣ר בְּתוֹכֵ֔ךְ יִפְּלוּ֙ בְּלֵ֣ב יַמִּ֔ים בְּי֖וֹם מַפַּלְתֵּֽךְ׃

‎28 ‏לְק֖וֹל זַעֲקַ֣ת חֹבְלָ֑יִךְ יִרְעֲשׁ֖וּ מִגְרֹשֽׁוֹת׃

‎29 ‏וְֽיָרְד֞וּ מֵאָנִיּֽוֹתֵיהֶ֗ם¹ כֹּ֚ל תֹּפְשֵׂ֣י מָשׁ֔וֹט מַלָּחִ֕ים כֹּ֖ל חֹבְלֵ֣י הַיָּ֑ם אֶל־הָאָ֖רֶץ יַעֲמֹֽדוּ׃

‎30 ‏וְהִשְׁמִ֤יעוּ עָלַ֙יִךְ֙ בְּקוֹלָ֔ם וְיִזְעֲק֖וּ מָרָ֑ה וְיַעֲל֤וּ עָֽפָר֙ עַל־רָ֣אשֵׁיהֶ֔ם בָּאֵ֖פֶר יִתְפַּלָּֽשׁוּ׃

‎31 ‏וְהִקְרִ֤יחוּ אֵלַ֙יִךְ֙ קָרְחָ֔ה וְחָגְר֖וּ שַׂקִּ֑ים וּבָכ֥וּ אֵלַ֛יִךְ בְּמַר־נֶ֖פֶשׁ מִסְפֵּ֥ד מָֽר׃

‎32 ‏וְנָשְׂא֨וּ אֵלַ֤יִךְ בְּנִיהֶם֙ קִינָ֔ה וְקוֹנְנ֖וּ עָלָ֑יִךְ מִ֣י כְצ֔וֹר כְּדֻמָ֖ה בְּת֥וֹךְ הַיָּֽם׃

‎33 ‏בְּצֵ֤את עִזְבוֹנַ֙יִךְ֙ מִיַּמִּ֔ים הִשְׂבַּ֖עַתְּ עַמִּ֣ים רַבִּ֑ים בְּרֹ֤ב הוֹנַ֙יִךְ֙ וּמַ֣עֲרָבַ֔יִךְ הֶעֱשַׁ֖רְתְּ מַלְכֵי־אָֽרֶץ׃

‎34 ‏עֵ֛ת נִשְׁבֶּ֥רֶת מִיַּמִּ֖ים בְּמַֽעֲמַקֵּי־מָ֑יִם מַעֲרָבֵ֥ךְ וְכָל־קְהָלֵ֖ךְ בְּתוֹכֵ֥ךְ נָפָֽלוּ׃

‎35 ‏כֹּ֚ל יֹשְׁבֵ֣י הָאִיִּ֔ים שָׁמְמ֖וּ עָלָ֑יִךְ וּמַלְכֵיהֶם֙ שָׂ֣עֲרוּ שַׂ֔עַר רָעֲמ֖וּ פָּנִֽים׃

‎36 ‏סֹֽחֲרִים֙ בָּ֣עַמִּ֔ים שָׁרְק֖וּ עָלָ֑יִךְ בַּלָּה֣וֹת הָיִ֔ית וְאֵינֵ֖ךְ עַד־עוֹלָֽם׃ ס

1 wayəhî ḏəḇar-yəhwâ ’ēlay lē’mōr:

2 wə’atâ ḇen-’āḏām śā’ ‘al-ṣōr qînâ:

3 wə’āmarətā ləṣwōr hayyōšaḇətî hayyōšeḇeṯ ‘al-məḇwō’ōṯ yām rōḵeleṯ hā‘ammîm ’el-’îyîm rabîm kōh ’āmar ’ăḏōnāy yəhwih ṣwōr ’atə ’āmarətə ’ănî kəlîlaṯ yōfî:

4 bəlēḇ yammîm gəḇûlāyiḵə bōnayiḵə kāləlû yāfəyēḵə:

5 bərwōšîm miśśənîr bānû lāḵə ’ēṯ kāl-luḥōṯāyim ’erez milləḇānwōn lāqāḥû l^a‘ăśwōṯ tōren ‘ālāyiḵə:

6 ’allwōnîm mibāšān ‘āśû miššwōṭāyiḵə qarəšēḵə ‘āśû-šēn baṯ-’ăšurîm mē’îyê kitîyim kitîyîm:

7 šēš-bəriqəmâ mimmiṣərayim hāyâ mifərāśēḵə lihəywōṯ lāḵə lənēs təḵēleṯ wə’arəgāmān mē’îyê ’ĕlîšâ hāyâ məḵassēḵə:

8 yōšəḇê ṣîḏwōn wə’arəwaḏ hāyû šāṭîm lāḵə ḥăḵāmayiḵə ṣwōr hāyû ḇāḵə hēmmâ ḥōḇəlāyiḵə:

9 ziqənê ḡəḇal w^aḥăḵāmeyhā hāyû ḇāḵə m^aḥăzîqê biḏəqēḵə kāl-’ŏnîywōṯ hayyām ûmallāḥêhem hāyû ḇāḵə l^a‘ărōḇ m^a‘ărāḇēḵə:

10 pāras wəlûḏ ûfûṭ hāyû ḇəḥêlēḵə ’anəšê miləḥamətēḵə māḡēn wəḵwōḇ^a‘ tillû-ḇāḵə hēmmâ nāṯənû hăḏārēḵə:

11 bənê ’arəwaḏ wəḥêlēḵə ‘al-ḥwōmwōṯayiḵə sāḇîḇ wəḡammāḏîm bəmiḡədəlwōṯayiḵə hāyû šiləṭêhem tillû ‘al-ḥwōmwōṯayiḵə sāḇîḇ hēmmâ kāləlû yāfəyēḵə:

12 tarəšîš sōḥarətēḵə mērōḇ kāl-hwōn bəḵesef barəzel bəḏîl wə‘wōfereṯ nāṯənû ‘izəḇwōnāyiḵə:

13 yāwān tuḇal wāmešeḵə hēmmâ rōḵəlāyiḵə bənefeš ’āḏām ûḵəlê nəḥōšeṯ nāṯənû m^a‘ărāḇēḵə:

14 mibêṯ twōḡarəmâ sûsîm ûfārāšîm ûfərāḏîm nāṯənû ‘izəḇwōnāyiḵə:

15 bənê ḏəḏān rōḵəlayiḵə ’îyîm rabîm səḥōraṯ yāḏēḵə qarənwōṯ šēn wəhwōḇənîm wəhāḇənîm hēšîḇû ’ešəkārēḵə:

16 ’ărām sōḥarətēḵə mērōḇ m^a‘ăśāyiḵə bənōfeḵə ’arəgāmān wəriqəmâ ûḇûṣ wərā’mōṯ wəḵaḏəkōḏ nāṯənû bə‘izəḇwōnāyiḵə:

17 yəhûḏâ wə’ereṣ yiśərā’ēl hēmmâ rōḵəlāyiḵə bəḥiṭṭê minnîṯ ûfannaḡ ûḏəḇaš wāšemen wāṣōrî nāṯənû m^a‘ărāḇēḵə:

18 dammeśeq sōḥarətēḵə bərōḇ m^a‘ăśayiḵə mērōḇ kāl-hwōn bəyên ḥeləbwōn wəṣemer ṣāḥar:

19 wəḏān wəyāwān mə’ûzzāl bə‘izəḇwōnayiḵə nāṯānnû barəzel ‘āšwōṯ qidâ wəqāneh bəm^a‘ărāḇēḵə hāyâ:

20 dəḏān rōḵalətēḵə ḇəḇiḡəḏê-ḥōfeš ləriḵəbâ:

21 ‘ăraḇ wəḵāl-nəśî’ê qēḏār hēmmâ sōḥărê yāḏēḵə bəḵārîm wə’êlîm wə‘atûḏîm bām sōḥărāyiḵə:

22 rōḵəlê šəḇā’ wər^a‘əmâ hēmmâ rōḵəlāyiḵə bərō’š kāl-bōśem ûḇəḵāl-’eḇen yəqārâ wəzâāḇ nāṯənû ‘izəḇwōnāyiḵə:

23 ḥārān wəḵannēh wā‘eḏen rōḵəlê šəḇā’ ’aššûr kiləmaḏ rōḵalətēḵə:

24 hēmmâ rōḵəlayiḵə bəmaḵəlulîm biḡəlwōmê təḵēleṯ wəriqəmâ ûḇəḡinəzê bərōmîm b^aḥăḇālîm ḥăḇušîm wa’ăruzîm bəmarəḵulətēḵə:

25 ’ŏnîywōṯ tarəšîš šārwōṯayiḵə m^a‘ărāḇēḵə watimmālə’î watiḵəbəḏî mə’ōḏ bəlēḇ³ yammîm:

26 bəmayim rabîm hĕḇî’ûḵə haššāṭîm ’ōṯāḵə rûḥa haqqāḏîm šəḇārēḵə bəlēḇ yammîm:

27 hwōnēḵə wə‘izəḇwōnayiḵə m^a‘ărāḇēḵə mallāḥayiḵə wəḥōḇəlāyiḵə m^aḥăzîqê ḇiḏəqēḵ^m wə‘ōrəḇê m^a‘ărāḇēḵə wəḵāl-’anəšê miləḥamətēḵə ’ăšer-bāḵə ûḇəḵāl-qəhālēḵə ’ăšer bəṯwōḵēḵə yipəlû bəlēḇ yammîm bəywōm mapalətēḵə:

28 ləqwōl z^a‘ăqaṯ ḥōḇəlāyiḵə yirə‘ăšû miḡərōšwōṯ:

29 wəyārəḏû mē’ānîywōṯêhem¹ kōl tōfəśê māšwōṭ mallāḥîm kōl ḥōḇəlê hayyām ’el-hā’āreṣ y^a‘ămōḏû:

30 wəhišəmî‘û ‘ālayiḵə bəqwōlām wəyizə‘ăqû mārâ wəy^a‘ălû ‘āfār ‘al-rā’šêhem bā’ēfer yiṯəpallāšû:

31 wəhiqərîḥû ’ēlayiḵə qārəḥâ wəḥāḡərû śaqqîm ûḇāḵû ’ēlayiḵə bəmar-nefeš misəpēḏ mār:

32 wənāśə’û ’ēlayiḵə bənîhem qînâ wəqwōnənû ‘ālāyiḵə mî ḵəṣwōr kəḏumâ bəṯwōḵə hayyām:

33 bəṣē’ṯ ‘izəḇwōnayiḵə mîyammîm hiśəb^a‘atə ‘ammîm rabîm bərōḇ hwōnayiḵə ûm^a‘ărāḇayiḵə he‘ĕšarətə maləḵê-’āreṣ:

34 ‘ēṯ nišəbereṯ mîyammîm bəm^a‘ămaqqê-māyim m^a‘ărāḇēḵə wəḵāl-qəhālēḵə bəṯwōḵēḵə nāfālû:

35 kōl yōšəḇê hā’îyîm šāməmû ‘ālāyiḵə ûmaləḵêhem śā‘ărû ś^a‘ar rā‘ămû pānîm:

36 sōḥărîm bā‘ammîm šārəqû ‘ālāyiḵə ballâwōṯ hāyîṯ wə’ênēḵə ‘aḏ-‘wōlām: s