Sacred Texts  Bible  Index 
Polyglot  KJV  Sep  Vul 

Ezekiel (Yechezqel) Index
  Previous  Next 

Tanach (Hebrew): Ezekiel (Yechezqel) Chapter 25

1 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

2 ‏בֶּן־אָדָ֕ם שִׂ֥ים פָּנֶ֖יךָ אֶל־בְּנֵ֣י עַמּ֑וֹן וְהִנָּבֵ֖א עֲלֵיהֶֽם׃

3 ‏וְאָֽמַרְתָּ֙ לִבְנֵ֣י עַמּ֔וֹן שִׁמְע֖וּ דְּבַר־אֲדֹנָ֣י יְהוִ֑ה כֹּה־אָמַ֣ר אֲדֹנָ֣י יְהוִ֡ה יַעַן֩ אָמְרֵ֨ךְ הֶאָ֜ח אֶל־מִקְדָּשִׁ֣י כִֽי־נִחָ֗ל וְאֶל־אַדְמַ֤ת יִשְׂרָאֵל֙ כִּ֣י נָשַׁ֔מָּה וְאֶל־בֵּ֣ית יְהוּדָ֔ה כִּ֥י הָלְכ֖וּ בַּגּוֹלָֽה׃

4 ‏לָכֵ֡ן הִנְנִי֩ נֹתְנָ֨ךְ לִבְנֵי־קֶ֜דֶם לְמֽוֹרָשָׁ֗ה וְיִשְּׁב֤וּ טִירֽוֹתֵיהֶם֙ בָּ֔ךְ וְנָ֥תְנוּ בָ֖ךְ מִשְׁכְּנֵיהֶ֑ם הֵ֚מָּה יֹאכְל֣וּ פִרְיֵ֔ךְ וְהֵ֖מָּה יִשְׁתּ֥וּ חֲלָבֵֽךְ׃

5 ‏וְנָתַתִּ֤י אֶת־רַבָּה֙ לִנְוֵ֣ה גְמַלִּ֔ים וְאֶת־בְּנֵ֥י עַמּ֖וֹן לְמִרְבַּץ־צֹ֑אן וִֽידַעְתֶּ֖ם כִּֽי־אֲנִ֥י יְהוָֽה׃ ס

6 ‏כִּ֣י כֹ֤ה אָמַר֙ אֲדֹנָ֣י יְהוִ֔ה יַ֚עַן מַחְאֲךָ֣ יָ֔ד וְרַקְעֲךָ֖ בְּרָ֑גֶל וַתִּשְׂמַ֤ח בְּכָל־שָֽׁאטְךָ֙ בְּנֶ֔פֶשׁ אֶל־אַדְמַ֖ת יִשְׂרָאֵֽל׃

7 ‏לָכֵ֡ן הִנְנִי֩ נָטִ֨יתִי אֶת־יָדִ֜י עָלֶ֗יךָ וּנְתַתִּ֤יךָ־לבג1 לְבַז֙ לַגּוֹיִ֔ם וְהִכְרַתִּ֙יךָ֙ מִן־הָ֣עַמִּ֔ים וְהַאֲבַדְתִּ֖יךָ מִן־הָאֲרָצ֑וֹת אַשְׁמִ֣ידְךָ֔ וְיָדַעְתָּ֖ כִּֽי־אֲנִ֥י יְהוָֽה׃ ס

8 ‏כֹּ֥ה אָמַ֖ר אֲדֹנָ֣י יְהוִ֑ה יַ֗עַן אֲמֹ֤ר מוֹאָב֙ וְשֵׂעִ֔יר הִנֵּ֥ה כְּכָֽל־הַגּוֹיִ֖ם בֵּ֥ית יְהוּדָֽה׃

9 ‏לָכֵן֩ הִנְנִ֨י פֹתֵ֜חַ אֶת־כֶּ֤תֶף מוֹאָב֙ מֵהֶ֣עָרִ֔ים מֵֽעָרָ֖יו מִקָּצֵ֑הוּ צְבִ֗י אֶ֚רֶץ בֵּ֣ית הַיְשִׁימֹ֔ת בַּ֥עַל מְע֖וֹן וקריתמה וְקִרְיָתָֽיְמָה׃

10 ‏לִבְנֵי־קֶ֙דֶם֙ עַל־בְּנֵ֣י עַמּ֔וֹן וּנְתַתִּ֖יהָ לְמֽוֹרָשָׁ֑ה לְמַ֛עַן לֹֽא־תִזָּכֵ֥ר בְּנֵֽי־עַמּ֖וֹן בַּגּוֹיִֽם׃

11 ‏וּבְמוֹאָ֖ב אֶעֱשֶׂ֣ה שְׁפָטִ֑ים וְיָדְע֖וּ כִּֽי־אֲנִ֥י יְהוָֽה׃ ס

12 ‏כֹּ֤ה אָמַר֙ אֲדֹנָ֣י יְהוִ֔ה יַ֣עַן עֲשׂ֥וֹת אֱד֛וֹם בִּנְקֹ֥ם נָקָ֖ם לְבֵ֣ית יְהוּדָ֑ה וַיֶּאְשְׁמ֥וּ אָשׁ֖וֹם וְנִקְּמ֥וּ בָהֶֽם׃

13 ‏לָכֵ֗ן כֹּ֤ה אָמַר֙ אֲדֹנָ֣י יְהוִ֔ה וְנָטִ֤תִי יָדִי֙ עַל־אֱד֔וֹם וְהִכְרַתִּ֥י מִמֶּ֖נָּה אָדָ֣ם וּבְהֵמָ֑ה וּנְתַתִּ֤יהָ חָרְבָּה֙ מִתֵּימָ֔ן וּדְדָ֖נֶה בַּחֶ֥רֶב יִפֹּֽלוּ׃

14 ‏וְנָתַתִּ֨י אֶת־נִקְמָתִ֜י בֶּאֱד֗וֹם בְּיַד֙ עַמִּ֣י יִשְׂרָאֵ֔ל וְעָשׂ֣וּ בֶאֱד֔וֹם כְּאַפִּ֖י וְכַחֲמָתִ֑י וְיָֽדְעוּ֙ אֶת־נִקְמָתִ֔י נְאֻ֖ם אֲדֹנָ֥י יְהוִֽה׃ פ

15 ‏כֹּ֤ה אָמַר֙ אֲדֹנָ֣י יְהוִ֔ה יַ֛עַן עֲשׂ֥וֹת פְּלִשְׁתִּ֖ים בִּנְקָמָ֑ה וַיִּנָּקְמ֤וּ נָקָם֙ בִּשְׁאָ֣ט בְּנֶ֔פֶשׁ לְמַשְׁחִ֖ית אֵיבַ֥ת עוֹלָֽם׃

16 ‏לָכֵ֗ן כֹּ֤ה אָמַר֙ אֲדֹנָ֣י יְהוִ֔ה הִנְנִ֨י נוֹטֶ֤ה יָדִי֙ עַל־פְּלִשְׁתִּ֔ים וְהִכְרַתִּ֖י אֶת־כְּרֵתִ֑ים וְהַ֣אֲבַדְתִּ֔י אֶת־שְׁאֵרִ֖ית ח֥וֹף הַיָּֽם׃

17 ‏וְעָשִׂ֤יתִי בָם֙ נְקָמ֣וֹת גְּדֹל֔וֹת בְּתוֹכְח֖וֹת חֵמָ֑ה וְיָֽדְעוּ֙ כִּֽי־אֲנִ֣י יְהוָ֔ה בְּתִתִּ֥י אֶת־נִקְמָתִ֖י בָּֽם׃ ס

1 wayəhî ḏəḇar-yəhwâ ’ēlay lē’mōr:

2 ben-’āḏām śîm pāneyḵā ’el-bənê ‘ammwōn wəhinnāḇē’ ‘ălêhem:

3 wə’āmarətā liḇənê ‘ammwōn šimə‘û dəḇar-’ăḏōnāy yəhwih kōh-’āmar ’ăḏōnāy yəhwih ya‘an ’āmərēḵə he’āḥ ’el-miqədāšî ḵî-niḥāl wə’el-’aḏəmaṯ yiśərā’ēl kî nāšammâ wə’el-bêṯ yəhûḏâ kî hāləḵû bagwōlâ:

4 lāḵēn hinənî nōṯənāḵə liḇənê-qeḏem ləmwōrāšâ wəyiššəḇû ṭîrwōṯêhem bāḵə wənāṯənû ḇāḵə mišəkənêhem hēmmâ yō’ḵəlû firəyēḵə wəhēmmâ yišətû ḥălāḇēḵə:

5 wənāṯatî ’eṯ-rabâ linəwēh ḡəmallîm wə’eṯ-bənê ‘ammwōn ləmirəbaṣ-ṣō’n wîḏa‘ətem kî-’ănî yəhwâ: s

6 kî ḵōh ’āmar ’ăḏōnāy yəhwih ya‘an maḥə’ăḵā yāḏ wəraqə‘ăḵā bərāḡel watiśəmaḥ bəḵāl-šā’ṭəḵā bənefeš ’el-’aḏəmaṯ yiśərā’ēl:

7 lāḵēn hinənî nāṭîṯî ’eṯ-yāḏî ‘āleyḵā ûnəṯatîḵā-ləḇaḡ1 ləḇaz lagwōyim wəhiḵəratîḵā min-hā‘ammîm wəha’ăḇaḏətîḵā min-hā’ărāṣwōṯ ’ašəmîḏəḵā wəyāḏa‘ətā kî-’ănî yəhwâ: s

8 kōh ’āmar ’ăḏōnāy yəhwih ya‘an ’ămōr mwō’āḇ wəśē‘îr hinnēh kəḵāl-hagwōyim bêṯ yəhûḏâ:

9 lāḵēn hinənî fōṯēḥa ’eṯ-keṯef mwō’āḇ mēhe‘ārîm mē‘ārāyw miqqāṣēhû ṣəḇî ’ereṣ bêṯ hayəšîmōṯ ba‘al mə‘wōn wəqirəyāṯəmâ wəqirəyāṯāyəmâ:

10 liḇənê-qeḏem ‘al-bənê ‘ammwōn ûnəṯatîhā ləmwōrāšâ ləma‘an lō’-ṯizzāḵēr bənê-‘ammwōn bagwōyim:

11 ûḇəmwō’āḇ ’e‘ĕśeh šəfāṭîm wəyāḏə‘û kî-’ănî yəhwâ: s

12 kōh ’āmar ’ăḏōnāy yəhwih ya‘an ‘ăśwōṯ ’ĕḏwōm binəqōm nāqām ləḇêṯ yəhûḏâ wayye’əšəmû ’āšwōm wəniqqəmû ḇâem:

13 lāḵēn kōh ’āmar ’ăḏōnāy yəhwih wənāṭiṯî yāḏî ‘al-’ĕḏwōm wəhiḵəratî mimmennâ ’āḏām ûḇəhēmâ ûnəṯatîhā ḥārəbâ mitêmān ûḏəḏāneh baḥereḇ yipōlû:

14 wənāṯatî ’eṯ-niqəmāṯî be’ĕḏwōm bəyaḏ ‘ammî yiśərā’ēl wə‘āśû ḇe’ĕḏwōm kə’apî wəḵaḥămāṯî wəyāḏə‘û ’eṯ-niqəmāṯî nə’um ’ăḏōnāy yəhwih: f

15 kōh ’āmar ’ăḏōnāy yəhwih ya‘an ‘ăśwōṯ pəlišətîm binəqāmâ wayyinnāqəmû nāqām bišə’āṭ bənefeš ləmašəḥîṯ ’êḇaṯ ‘wōlām:

16 lāḵēn kōh ’āmar ’ăḏōnāy yəhwih hinənî nwōṭeh yāḏî ‘al-pəlišətîm wəhiḵəratî ’eṯ-kərēṯîm wəha’ăḇaḏətî ’eṯ-šə’ērîṯ ḥwōf hayyām:

17 wə‘āśîṯî ḇām nəqāmwōṯ gəḏōlwōṯ bəṯwōḵəḥwōṯ ḥēmâ wəyāḏə‘û kî-’ănî yəhwâ bəṯitî ’eṯ-niqəmāṯî bām: s


Next: Ezekiel (Yechezqel) Chapter 26