‎1 ‏וְזֹ֣את הַבְּרָכָ֗ה אֲשֶׁ֨ר בֵּרַ֥ךְ מֹשֶׁ֛ה אִ֥ישׁ הָאֱלֹהִ֖ים אֶת־בְּנֵ֣י יִשְׂרָאֵ֑ל לִפְנֵ֖י מוֹתֽוֹ׃

‎2 ‏וַיֹּאמַ֗ר יְהוָ֞ה מִסִּינַ֥י בָּא֙ וְזָרַ֤ח מִשֵּׂעִיר֙ לָ֔מוֹ הוֹפִ֙יעַ֙ מֵהַ֣ר פָּארָ֔ן וְאָתָ֖ה מֵרִבְבֹ֣ת קֹ֑דֶשׁ מִֽימִינ֕וֹ אשדת אֵ֥שׁ דָּ֖ת לָֽמוֹ׃

‎3 ‏אַ֚ף חֹבֵ֣ב עַמִּ֔ים כָּל־קְדֹשָׁ֖יו בְּיָדֶ֑ךָ וְהֵם֙ תֻּכּ֣וּ לְרַגְלֶ֔ךָ יִשָּׂ֖א מִדַּבְּרֹתֶֽיךָ׃

‎4 ‏תּוֹרָ֥ה צִוָּה־לָ֖נוּ מֹשֶׁ֑ה מוֹרָשָׁ֖ה קְהִלַּ֥ת יַעֲקֹֽב׃

‎5 ‏וַיְהִ֥י בִישֻׁר֖וּן מֶ֑לֶךְ בְּהִתְאַסֵּף֙ רָ֣אשֵׁי עָ֔ם יַ֖חַד שִׁבְטֵ֥י יִשְׂרָאֵֽל׃

‎6 ‏יְחִ֥י רְאוּבֵ֖ן וְאַל־יָמֹ֑ת וִיהִ֥י מְתָ֖יו מִסְפָּֽר׃ ס

‎7 ‏וְזֹ֣את לִֽיהוּדָה֮ וַיֹּאמַר֒ שְׁמַ֤ע יְהוָה֙ ק֣וֹל יְהוּדָ֔ה וְאֶל־עַמּ֖וֹ תְּבִיאֶ֑נּוּ יָדָיו֙ רָ֣ב ל֔וֹ וְעֵ֥זֶר מִצָּרָ֖יו תִּהְיֶֽה׃ ס

‎8 ‏וּלְלֵוִ֣י אָמַ֔ר תֻּמֶּ֥יךָ וְאוּרֶ֖יךָ לְאִ֣ישׁ חֲסִידֶ֑ךָ אֲשֶׁ֤ר נִסִּיתוֹ֙ בְּמַסָּ֔ה תְּרִיבֵ֖הוּ עַל־מֵ֥י מְרִיבָֽה׃

‎9 ‏הָאֹמֵ֞ר לְאָבִ֤יו וּלְאִמּוֹ֙ לֹ֣א רְאִיתִ֔יו וְאֶת־אֶחָיו֙ לֹ֣א הִכִּ֔יר וְאֶת־בנו בָּנָ֖יו לֹ֣א יָדָ֑ע כִּ֤י שָֽׁמְרוּ֙ אִמְרָתֶ֔ךָ וּבְרִֽיתְךָ֖ יִנְצֹֽרוּ׃

‎10 ‏יוֹר֤וּ מִשְׁפָּטֶ֙יךָ֙ לְיַעֲקֹ֔ב וְתוֹרָתְךָ֖ לְיִשְׂרָאֵ֑ל יָשִׂ֤ימוּ קְטוֹרָה֙ בְּאַפֶּ֔ךָ וְכָלִ֖יל עַֽל־מִזְבְּחֶֽךָ׃

‎11 ‏בָּרֵ֤ךְ יְהוָה֙ חֵיל֔וֹ וּפֹ֥עַל יָדָ֖יו תִּרְצֶ֑ה מְחַ֨ץ מָתְנַ֧יִם קָמָ֛יו וּמְשַׂנְאָ֖יו מִן־יְקוּמֽוּן׃ ס

‎12 ‏לְבִנְיָמִ֣ן אָמַ֔ר יְדִ֣יד יְהוָֹ֔ה יִשְׁכֹּ֥ן לָבֶ֖טַח עָלָ֑יו חֹפֵ֤ף עָלָיו֙ כָּל־הַיּ֔וֹם וּבֵ֥ין כְּתֵיפָ֖יו שָׁכֵֽן׃ ס

‎13 ‏וּלְיוֹסֵ֣ף אָמַ֔ר מְבֹרֶ֥כֶת יְהוָֹ֖ה אַרְצ֑וֹ מִמֶּ֤גֶד שָׁמַ֙יִם֙ מִטָּ֔ל וּמִתְּה֖וֹם רֹבֶ֥צֶת תָּֽחַת׃

‎14 ‏וּמִמֶּ֖גֶד תְּבוּאֹ֣ת שָׁ֑מֶשׁ וּמִמֶּ֖גֶד גֶּ֥רֶשׁ יְרָחִֽים׃

‎15 ‏וּמֵרֹ֖אשׁ הַרְרֵי־קֶ֑דֶם וּמִמֶּ֖גֶד גִּבְע֥וֹת עוֹלָֽם׃

‎16 ‏וּמִמֶּ֗גֶד אֶ֚רֶץ וּמְלֹאָ֔הּ וּרְצ֥וֹן שֹׁכְנִ֖י סְנֶ֑ה תָּב֙וֹאתָה֙ לְרֹ֣אשׁ יוֹסֵ֔ף וּלְקָדְקֹ֖ד נְזִ֥יר אֶחָֽיו׃

‎17 ‏בְּכ֨וֹר שׁוֹר֜וֹ הָדָ֣ר ל֗וֹ וְקַרְנֵ֤י רְאֵם֙ קַרְנָ֔יו בָּהֶ֗ם עַמִּ֛ים יְנַגַּ֥ח יַחְדָּ֖ו אַפְסֵי־אָ֑רֶץ וְהֵם֙ רִבְב֣וֹת אֶפְרַ֔יִם וְהֵ֖ם אַלְפֵ֥י מְנַשֶּֽׁה׃ ס

‎18 ‏וְלִזְבוּלֻ֣ן אָמַ֔ר שְׂמַ֥ח זְבוּלֻ֖ן בְּצֵאתֶ֑ךָ וְיִשָּׂשכָ֖ר בְּאֹהָלֶֽיךָ׃

‎19 ‏עַמִּים֙ הַר־יִקְרָ֔אוּ שָׁ֖ם יִזְבְּח֣וּ זִבְחֵי־צֶ֑דֶק כִּ֣י שֶׁ֤פַע יַמִּים֙ יִינָ֔קוּ וּשְׂפוּנֵ֖י טְמ֥וּנֵי חֽוֹל׃ ס

‎20 ‏וּלְגָ֣ד אָמַ֔ר בָּר֖וּךְ מַרְחִ֣יב גָּ֑ד כְּלָבִ֣יא שָׁכֵ֔ן וְטָרַ֥ף זְר֖וֹעַ אַף־קָדְקֹֽד׃

‎21 ‏וַיַּ֤רְא רֵאשִׁית֙ ל֔וֹ כִּי־שָׁ֛ם חֶלְקַ֥ת מְחֹקֵ֖ק סָפ֑וּן וַיֵּתֵא֙ רָ֣אשֵׁי עָ֔ם צִדְקַ֤ת יְהוָה֙ עָשָׂ֔ה וּמִשְׁפָּטָ֖יו עִם־יִשְׂרָאֵֽל׃ ס

‎22 ‏וּלְדָ֣ן אָמַ֔ר דָּ֖ן גּ֣וּר אַרְיֵ֑ה יְזַנֵּ֖ק מִן־הַבָּשָֽׁן׃

‎23 ‏וּלְנַפְתָּלִ֣י אָמַ֔ר נַפְתָּלִי֙ שְׂבַ֣ע רָצ֔וֹן וּמָלֵ֖א בִּרְכַּ֣ת יְהוָ֑ה יָ֥ם וְדָר֖וֹם יְרָֽשָׁה׃ ס

‎24 ‏וּלְאָשֵׁ֣ר אָמַ֔ר בָּר֥וּךְ מִבָּנִ֖ים אָשֵׁ֑ר יְהִ֤י רְצוּי֙ אֶחָ֔יו וְטֹבֵ֥ל בַּשֶּׁ֖מֶן רַגְלֽוֹ׃

‎25 ‏בַּרְזֶ֥ל וּנְחֹ֖שֶׁת מִנְעָלֶ֑יךָ וּכְיָמֶ֖יךָ³ דָּבְאֶֽךָ׃

‎26 ‏אֵ֥ין כָּאֵ֖ל יְשֻׁר֑וּן רֹכֵ֤ב שָׁמַ֙יִם֙ בְעֶזְרֶ֔ךָ וּבְגַאֲוָת֖וֹ שְׁחָקִֽים׃

‎27 ‏מְעֹנָה֙ אֱלֹ֣הֵי קֶ֔דֶם וּמִתַּ֖חַת זְרֹעֹ֣ת עוֹלָ֑ם וַיְגָ֧רֶשׁ מִפָּנֶ֛יךָ אוֹיֵ֖ב וַיֹּ֥אמֶר הַשְׁמֵֽד׃

‎28 ‏וַיִּשְׁכֹּן֩ יִשְׂרָאֵ֨ל בֶּ֤טַח בָּדָד֙ עֵ֣ין יַעֲקֹ֔ב אֶל־אֶ֖רֶץ דָּגָ֣ן וְתִיר֑וֹשׁ אַף־שָׁמָ֖יו יַ֥עַרְפוּ³ טָֽל׃

‎29 ‏אַשְׁרֶ֨יךָ יִשְׂרָאֵ֜ל מִ֣י כָמ֗וֹךָ עַ֚ם נוֹשַׁ֣ע בַּֽיהוָ֔ה מָגֵ֣ן עֶזְרֶ֔ךָ וַאֲשֶׁר־חֶ֖רֶב גַּאֲוָתֶ֑ךָ וְיִכָּֽחֲשׁ֤וּ אֹיְבֶ֙יךָ֙ לָ֔ךְ וְאַתָּ֖ה עַל־בָּמוֹתֵ֥ימוֹ תִדְרֹֽךְ׃ ס

1 wəzō’ṯ habərāḵâ ’ăšer bēraḵə mōšeh ’îš hā’ĕlōhîm ’eṯ-bənê yiśərā’ēl lifənê mwōṯwō:

2 wayyō’mar yəhwâ missînay bā’ wəzār^aḥ miśśē‘îr lāmwō hwōfî‘a mēhar pā’rān wə’āṯâ mēriḇəḇōṯ qōḏeš mîmînwō ’ēšədāṯ ’ēš dāṯ lāmwō:

3 ’af ḥōḇēḇ ‘ammîm kāl-qəḏōšāyw bəyāḏeḵā wəhēm tukû ləraḡəleḵā yiśśā’ midabərōṯeyḵā:

4 twōrâ ṣiûâ-lānû mōšeh mwōrāšâ qəhillaṯ y^a‘ăqōḇ:

5 wayəhî ḇîšurûn meleḵə bəhiṯə’assēf rā’šê ‘ām y^aḥaḏ šiḇəṭê yiśərā’ēl:

6 yəḥî rə’ûḇēn wə’al-yāmōṯ wîhî məṯāyw misəpār: s

7 wəzō’ṯ lîhûḏâ wayyō’mar šəm^a‘ yəhwâ qwōl yəhûḏâ wə’el-‘ammwō təḇî’ennû yāḏāyw rāḇ lwō wə‘ēzer miṣṣārāyw tihəyeh: s

8 ûləlēwî ’āmar tummeyḵā wə’ûreyḵā lə’îš ḥăsîḏeḵā ’ăšer nissîṯwō bəmassâ tərîḇēhû ‘al-mê mərîḇâ:

9 hā’ōmēr lə’āḇîw ûlə’immwō lō’ rə’îṯîw wə’eṯ-’eḥāyw lō’ hikîr wə’eṯ-bənwō bānāyw lō’ yāḏā‘ kî šāmərû ’imərāṯeḵā ûḇərîṯəḵā yinəṣōrû:

10 ywōrû mišəpāṭeyḵā ləy^a‘ăqōḇ wəṯwōrāṯəḵā ləyiśərā’ēl yāśîmû qəṭwōrâ bə’apeḵā wəḵālîl ‘al-mizəbəḥeḵā:

11 bārēḵə yəhwâ ḥêlwō ûfō‘al yāḏāyw tirəṣeh məḥaṣ māṯənayim qāmāyw ûməśanə’āyw min-yəqûmûn: s

12 ləḇinəyāmin ’āmar yəḏîḏ yəhwōâ yišəkōn lāḇeṭ^aḥ ‘ālāyw ḥōfēf ‘ālāyw kāl-hayywōm ûḇên kəṯêfāyw šāḵēn: s

13 ûləywōsēf ’āmar məḇōreḵeṯ yəhwōâ ’arəṣwō mimmeḡeḏ šāmayim miṭṭāl ûmitəhwōm rōḇeṣeṯ tāḥaṯ:

14 ûmimmeḡeḏ təḇû’ōṯ šāmeš ûmimmeḡeḏ gereš yərāḥîm:

15 ûmērō’š harərê-qeḏem ûmimmeḡeḏ giḇə‘wōṯ ‘wōlām:

16 ûmimmeḡeḏ ’ereṣ ûməlō’āh ûrəṣwōn šōḵənî səneh tāḇwō’ṯâ lərō’š ywōsēf ûləqāḏəqōḏ nəzîr ’eḥāyw:

17 bəḵwōr šwōrwō hāḏār lwō wəqarənê rə’ēm qarənāyw bâem ‘ammîm yənag^aḥ y^aḥədāw ’afəsê-’āreṣ wəhēm riḇəḇwōṯ ’efərayim wəhēm ’aləfê mənaššeh: s

18 wəlizəḇûlun ’āmar śəm^aḥ zəḇûlun bəṣē’ṯeḵā wəyiśśāsḵār bə’ōhāleyḵā:

19 ‘ammîm har-yiqərā’û šām yizəbəḥû ziḇəḥê-ṣeḏeq kî šef^a‘ yammîm yînāqû ûśəfûnê ṭəmûnê ḥwōl: s

20 ûləḡāḏ ’āmar bārûḵə marəḥîḇ gāḏ kəlāḇî’ šāḵēn wəṭāraf zərwō‘a ’af-qāḏəqōḏ:

21 wayyarə’ rē’šîṯ lwō kî-šām ḥeləqaṯ məḥōqēq sāfûn wayyēṯē’ rā’šê ‘ām ṣiḏəqaṯ yəhwâ ‘āśâ ûmišəpāṭāyw ‘im-yiśərā’ēl: s

22 ûləḏān ’āmar dān gûr ’arəyēh yəzannēq min-habāšān:

23 ûlənafətālî ’āmar nafətālî śəḇ^a‘ rāṣwōn ûmālē’ birəkaṯ yəhwâ yām wəḏārwōm yərāšâ: s

24 ûlə’āšēr ’āmar bārûḵə mibānîm ’āšēr yəhî rəṣûy ’eḥāyw wəṭōḇēl baššemen raḡəlwō:

25 barəzel ûnəḥōšeṯ minə‘āleyḵā ûḵəyāmeyḵā³ dāḇə’eḵā:

26 ’ên kā’ēl yəšurûn rōḵēḇ šāmayim ḇə‘ezəreḵā ûḇəḡa’ăwāṯwō šəḥāqîm:

27 mə‘ōnâ ’ĕlōhê qeḏem ûmit^aḥaṯ zərō‘ōṯ ‘wōlām wayəḡāreš mipāneyḵā ’wōyēḇ wayyō’mer hašəmēḏ:

28 wayyišəkōn yiśərā’ēl beṭ^aḥ bāḏāḏ ‘ên y^a‘ăqōḇ ’el-’ereṣ dāḡān wəṯîrwōš ’af-šāmāyw y^a‘arəfû³ ṭāl:

29 ’ašəreyḵā yiśərā’ēl mî ḵāmwōḵā ‘am nwōš^a‘ bayhwâ māḡēn ‘ezəreḵā wa’ăšer-ḥereḇ ga’ăwāṯeḵā wəyikāḥăšû ’ōyəḇeyḵā lāḵə wə’atâ ‘al-bāmwōṯêmwō ṯiḏərōḵə: s