‎1 ‏וַיִּקְרָ֥א מֹשֶׁ֛ה אֶל־כָּל־יִשְׂרָאֵ֖ל וַיֹּ֣אמֶר אֲלֵהֶ֑ם אַתֶּ֣ם רְאִיתֶ֗ם אֵ֣ת כָּל־אֲשֶׁר֩ עָשָׂ֨ה יְהוָ֤ה לְעֵֽינֵיכֶם֙ בְּאֶ֣רֶץ מִצְרַ֔יִם לְפַרְעֹ֥ה וּלְכָל־עֲבָדָ֖יו וּלְכָל־אַרְצֽוֹ׃

‎2 ‏הַמַּסּוֹת֙ הַגְּדֹלֹ֔ת אֲשֶׁ֥ר רָא֖וּ עֵינֶ֑יךָ הָאֹתֹ֧ת וְהַמֹּפְתִ֛ים הַגְּדֹלִ֖ים הָהֵֽם׃

‎3 ‏וְלֹֽא־נָתַן֩ יְהוָ֨ה³ לָכֶ֥ם לֵב֙ לָדַ֔עַת וְעֵינַ֥יִם לִרְא֖וֹת וְאָזְנַ֣יִם לִשְׁמֹ֑עַ עַ֖ד הַיּ֥וֹם הַזֶּֽה׃

‎4 ‏וָאוֹלֵ֥ךְ אֶתְכֶ֛ם אַרְבָּעִ֥ים שָׁנָ֖ה בַּמִּדְבָּ֑ר לֹֽא־בָל֤וּ שַׂלְמֹֽתֵיכֶם֙ מֵעֲלֵיכֶ֔ם וְנַֽעַלְךָ֥ לֹֽא־בָלְתָ֖ה מֵעַ֥ל רַגְלֶֽךָ׃

‎5 ‏לֶ֚חֶם לֹ֣א אֲכַלְתֶּ֔ם וְיַ֥יִן וְשֵׁכָ֖ר לֹ֣א שְׁתִיתֶ֑ם לְמַ֙עַן֙ תֵּֽדְע֔וּ כִּ֛י אֲנִ֥י יְהוָ֖ה אֱלֹהֵיכֶֽם׃

‎6 ‏וַתָּבֹ֖אוּ אֶל־הַמָּק֣וֹם הַזֶּ֑ה וַיֵּצֵ֣א סִיחֹ֣ן מֶֽלֶךְ־חֶ֠שְׁבּוֹן וְע֨וֹג מֶֽלֶךְ־הַבָּשָׁ֧ן לִקְרָאתֵ֛נוּ לַמִּלְחָמָ֖ה וַנַּכֵּֽם׃

‎7 ‏וַנִּקַּח֙ אֶת־אַרְצָ֔ם וַנִּתְּנָ֣הּ לְנַחֲלָ֔ה לָרֽאוּבֵנִ֖י וְלַגָּדִ֑י וְלַחֲצִ֖י שֵׁ֥בֶט הַֽמְנַשִּֽׁי׃

‎8 ‏וּשְׁמַרְתֶּ֗ם אֶת־דִּבְרֵי֙ הַבְּרִ֣ית הַזֹּ֔את וַעֲשִׂיתֶ֖ם אֹתָ֑ם לְמַ֣עַן תַּשְׂכִּ֔ילוּ אֵ֖ת כָּל־אֲשֶׁ֥ר תַּעֲשֽׂוּן׃ פ

‎9 ‏אַתֶּ֨ם נִצָּבִ֤ים הַיּוֹם֙ כֻּלְּכֶ֔ם לִפְנֵ֖י יְהוָ֣ה אֱלֹהֵיכֶ֑ם רָאשֵׁיכֶ֣ם שִׁבְטֵיכֶ֗ם זִקְנֵיכֶם֙ וְשֹׁ֣טְרֵיכֶ֔ם כֹּ֖ל אִ֥ישׁ יִשְׂרָאֵֽל׃

‎10 ‏טַפְּכֶ֣ם נְשֵׁיכֶ֔ם וְגֵ֣רְךָ֔ אֲשֶׁ֖ר בְּקֶ֣רֶב מַחֲנֶ֑יךָ מֵחֹטֵ֣ב עֵצֶ֔יךָ עַ֖ד שֹׁאֵ֥ב מֵימֶֽיךָ׃

‎11 ‏לְעָבְרְךָ֗ בִּבְרִ֛ית יְהוָ֥ה אֱלֹהֶ֖יךָ וּבְאָלָת֑וֹ אֲשֶׁר֙ יְהוָ֣ה אֱלֹהֶ֔יךָ כֹּרֵ֥ת עִמְּךָ֖ הַיּֽוֹם׃

‎12 ‏לְמַ֣עַן הָקִֽים־אֹתְךָ֩ הַיּ֨וֹם׀ ל֜וֹ לְעָ֗ם וְה֤וּא יִֽהְיֶה־לְּךָ֙ לֵֽאלֹהִ֔ים כַּאֲשֶׁ֖ר דִּבֶּר־לָ֑ךְ וְכַאֲשֶׁ֤ר נִשְׁבַּע֙ לַאֲבֹתֶ֔יךָ לְאַבְרָהָ֥ם לְיִצְחָ֖ק וּֽלְיַעֲקֹֽב׃

‎13 ‏וְלֹ֥א אִתְּכֶ֖ם לְבַדְּכֶ֑ם אָנֹכִ֗י כֹּרֵת֙ אֶת־הַבְּרִ֣ית הַזֹּ֔את וְאֶת־הָאָלָ֖ה הַזֹּֽאת׃

‎14 ‏כִּי֩ אֶת־אֲשֶׁ֨ר יֶשְׁנ֜וֹ פֹּ֗ה עִמָּ֙נוּ֙ עֹמֵ֣ד הַיּ֔וֹם לִפְנֵ֖י יְהוָ֣ה אֱלֹהֵ֑ינוּ וְאֵ֨ת אֲשֶׁ֥ר אֵינֶ֛נּוּ פֹּ֖ה עִמָּ֥נוּ הַיּֽוֹם׃

‎15 ‏כִּֽי־אַתֶּ֣ם יְדַעְתֶּ֔ם אֵ֥ת אֲשֶׁר־יָשַׁ֖בְנוּ בְּאֶ֣רֶץ מִצְרָ֑יִם וְאֵ֧ת אֲשֶׁר־עָבַ֛רְנוּ בְּקֶ֥רֶב הַגּוֹיִ֖ם אֲשֶׁ֥ר עֲבַרְתֶּֽם׃

‎16 ‏וַתִּרְאוּ֙ אֶת־שִׁקּ֣וּצֵיהֶ֔ם וְאֵ֖ת גִּלֻּלֵיהֶ֑ם עֵ֣ץ וָאֶ֔בֶן כֶּ֥סֶף וְזָהָ֖ב אֲשֶׁ֥ר עִמָּהֶֽם׃

‎17 ‏פֶּן־יֵ֣שׁ בָּ֠כֶם אִ֣ישׁ אוֹ־אִשָּׁ֞ה א֧וֹ מִשְׁפָּחָ֣ה אוֹ־שֵׁ֗בֶט אֲשֶׁר֩ לְבָב֨וֹ פֹנֶ֤ה הַיּוֹם֙ מֵעִם֙ יְהוָ֣ה אֱלֹהֵ֔ינוּ לָלֶ֣כֶת לַעֲבֹ֔ד אֶת־אֱלֹהֵ֖י הַגּוֹיִ֣ם הָהֵ֑ם פֶּן־יֵ֣שׁ בָּכֶ֗ם שֹׁ֛רֶשׁ פֹּרֶ֥ה רֹ֖אשׁ וְלַעֲנָֽה׃

‎18 ‏וְהָיָ֡ה בְּשָׁמְעוֹ֩ אֶת־דִּבְרֵ֨י הָֽאָלָ֜ה הַזֹּ֗את וְהִתְבָּרֵ֨ךְ בִּלְבָב֤וֹ לֵאמֹר֙ שָׁל֣וֹם יִֽהְיֶה־לִּ֔י כִּ֛י בִּשְׁרִר֥וּת לִבִּ֖י אֵלֵ֑ךְ לְמַ֛עַן סְפ֥וֹת הָרָוָ֖ה אֶת־הַצְּמֵאָֽה׃

‎19 ‏לֹא־יֹאבֶ֣ה יְהוָה֮ סְלֹ֣חַֽ לוֹ֒ כִּ֣י אָ֠ז יֶעְשַׁ֨ן אַף־יְהוָ֤ה וְקִנְאָתוֹ֙ בָּאִ֣ישׁ הַה֔וּא וְרָ֤בְצָה בּוֹ֙ כָּל־הָ֣אָלָ֔ה הַכְּתוּבָ֖ה בַּסֵּ֣פֶר הַזֶּ֑ה וּמָחָ֤ה יְהוָה֙ אֶת־שְׁמ֔וֹ מִתַּ֖חַת הַשָּׁמָֽיִם׃

‎20 ‏וְהִבְדִּיל֤וֹ יְהוָה֙ לְרָעָ֔ה מִכֹּ֖ל שִׁבְטֵ֣י יִשְׂרָאֵ֑ל כְּכֹל֙ אָל֣וֹת הַבְּרִ֔ית הַכְּתוּבָ֕ה בְּסֵ֥פֶר הַתּוֹרָ֖ה הַזֶּֽה׃

‎21 ‏וְאָמַ֞ר הַדּ֣וֹר הָֽאַחֲר֗וֹן בְּנֵיכֶם֙ אֲשֶׁ֤ר יָק֙וּמוּ֙ מֵאַ֣חֲרֵיכֶ֔ם וְהַ֨נָּכְרִ֔י אֲשֶׁ֥ר יָבֹ֖א מֵאֶ֣רֶץ רְחוֹקָ֑ה וְ֠רָאוּ אֶת־מַכּ֞וֹת הָאָ֤רֶץ הַהִוא֙ וְאֶת־תַּ֣חֲלֻאֶ֔יהָ אֲשֶׁר־חִלָּ֥ה יְהוָ֖ה בָּֽהּ׃

‎22 ‏גָּפְרִ֣ית וָמֶלַח֮ שְׂרֵפָ֣ה כָל־אַרְצָהּ֒ לֹ֤א תִזָּרַע֙ וְלֹ֣א תַצְמִ֔חַ וְלֹֽא־יַעֲלֶ֥ה בָ֖הּ כָּל־עֵ֑שֶׂב כְּֽמַהְפֵּכַ֞ת סְדֹ֤ם וַעֲמֹרָה֙ אַדְמָ֣ה וצביים וּצְבוֹיִ֔ם אֲשֶׁר֙ הָפַ֣ךְ יְהוָ֔ה בְּאַפּ֖וֹ וּבַחֲמָתֽוֹ׃

‎23 ‏וְאָֽמְרוּ֙ כָּל־הַגּוֹיִ֔ם עַל־מֶ֨ה עָשָׂ֧ה יְהוָ֛ה כָּ֖כָה לָאָ֣רֶץ הַזֹּ֑את מֶ֥ה חֳרִ֛י הָאַ֥ף הַגָּד֖וֹל הַזֶּֽה׃

‎24 ‏וְאָ֣מְר֔וּ עַ֚ל אֲשֶׁ֣ר עָֽזְב֔וּ אֶת־בְּרִ֥ית יְהוָ֖ה אֱלֹהֵ֣י אֲבֹתָ֑ם אֲשֶׁר֙ כָּרַ֣ת עִמָּ֔ם בְּהוֹצִיא֥וֹ אֹתָ֖ם מֵאֶ֥רֶץ מִצְרָֽיִם׃

‎25 ‏וַיֵּלְכ֗וּ וַיַּֽעַבְדוּ֙ אֱלֹהִ֣ים אֲחֵרִ֔ים וַיִּֽשְׁתַּחֲוּ֖וּ¹ לָהֶ֑ם אֱלֹהִים֙ אֲשֶׁ֣ר לֹֽא־יְדָע֔וּם וְלֹ֥א חָלַ֖ק לָהֶֽם׃

‎26 ‏וַיִּֽחַר־אַ֥ף יְהוָ֖ה בָּאָ֣רֶץ הַהִ֑וא לְהָבִ֤יא עָלֶ֙יהָ֙ אֶת־כָּל־הַקְּלָלָ֔ה הַכְּתוּבָ֖ה בַּסֵּ֥פֶר הַזֶּֽה׃

‎27 ‏וַיִּתְּשֵׁ֤ם יְהוָה֙ מֵעַ֣ל אַדְמָתָ֔ם בְּאַ֥ף וּבְחֵמָ֖ה וּבְקֶ֣צֶף גָּד֑וֹל וַיַּשְׁלִכֵ֛ם אֶל־אֶ֥רֶץ אַחֶ֖רֶת כַּיּ֥וֹם הַזֶּֽה׃

‎28 ‏הַ֨נִּסְתָּרֹ֔ת לַיהוָ֖ה אֱלֹהֵ֑ינוּ וְהַנִּגְלֹ֞ת לָ֤ׅנׅוּׅ⁴ וּׅלְׅבָׅנֵׅ֙יׅנׅוּׅ֙⁴ עַד־עוֹלָ֔ם לַעֲשׂ֕וֹת אֶת־כָּל־דִּבְרֵ֖י הַתּוֹרָ֥ה הַזֹּֽאת׃ ס

1 wayyiqərā’ mōšeh ’el-kāl-yiśərā’ēl wayyō’mer ’ălēhem ’atem rə’îṯem ’ēṯ kāl-’ăšer ‘āśâ yəhwâ lə‘ênêḵem bə’ereṣ miṣərayim ləfarə‘ōh ûləḵāl-‘ăḇāḏāyw ûləḵāl-’arəṣwō:

2 hammasswōṯ hagəḏōlōṯ ’ăšer rā’û ‘êneyḵā hā’ōṯōṯ wəhammōfəṯîm hagəḏōlîm hâēm:

3 wəlō’-nāṯan yəhwâ³ lāḵem lēḇ lāḏ^a‘aṯ wə‘ênayim lirə’wōṯ wə’āzənayim lišəmō‘a ‘aḏ hayywōm hazzeh:

4 wā’wōlēḵə ’eṯəḵem ’arəbā‘îm šānâ bammiḏəbār lō’-ḇālû śaləmōṯêḵem mē‘ălêḵem wən^a‘aləḵā lō’-ḇāləṯâ mē‘al raḡəleḵā:

5 leḥem lō’ ’ăḵalətem wəyayin wəšēḵār lō’ šəṯîṯem ləm^a‘an tēḏə‘û kî ’ănî yəhwâ ’ĕlōhêḵem:

6 watāḇō’û ’el-hammāqwōm hazzeh wayyēṣē’ sîḥōn meleḵə-ḥešəbwōn wə‘wōḡ meleḵə-habāšān liqərā’ṯēnû lammiləḥāmâ wannakēm:

7 wanniqq^aḥ ’eṯ-’arəṣām wannitənāh lən^aḥălâ lār’ûḇēnî wəlagāḏî wəl^aḥăṣî šēḇeṭ hamənaššî:

8 ûšəmarətem ’eṯ-diḇərê habərîṯ hazzō’ṯ w^a‘ăśîṯem ’ōṯām ləm^a‘an taśəkîlû ’ēṯ kāl-’ăšer t^a‘ăśûn: f

9 ’atem niṣṣāḇîm hayywōm kulləḵem lifənê yəhwâ ’ĕlōhêḵem rā’šêḵem šiḇəṭêḵem ziqənêḵem wəšōṭərêḵem kōl ’îš yiśərā’ēl:

10 ṭapəḵem nəšêḵem wəḡērəḵā ’ăšer bəqereḇ m^aḥăneyḵā mēḥōṭēḇ ‘ēṣeyḵā ‘aḏ šō’ēḇ mêmeyḵā:

11 lə‘āḇərəḵā biḇərîṯ yəhwâ ’ĕlōheyḵā ûḇə’ālāṯwō ’ăšer yəhwâ ’ĕlōheyḵā kōrēṯ ‘imməḵā hayywōm:

12 ləm^a‘an hāqîm-’ōṯəḵā hayywōm| lwō lə‘ām wəhû’ yihəyeh-lləḵā lē’lōhîm ka’ăšer diber-lāḵə wəḵa’ăšer nišəb^a‘ la’ăḇōṯeyḵā lə’aḇərâām ləyiṣəḥāq ûləy^a‘ăqōḇ:

13 wəlō’ ’itəḵem ləḇadəḵem ’ānōḵî kōrēṯ ’eṯ-habərîṯ hazzō’ṯ wə’eṯ-hā’ālâ hazzō’ṯ:

14 kî ’eṯ-’ăšer yešənwō pōh ‘immānû ‘ōmēḏ hayywōm lifənê yəhwâ ’ĕlōhênû wə’ēṯ ’ăšer ’ênennû pōh ‘immānû hayywōm:

15 kî-’atem yəḏ^a‘ətem ’ēṯ ’ăšer-yāšaḇənû bə’ereṣ miṣərāyim wə’ēṯ ’ăšer-‘āḇarənû bəqereḇ hagwōyim ’ăšer ‘ăḇarətem:

16 watirə’û ’eṯ-šiqqûṣêhem wə’ēṯ gillulêhem ‘ēṣ wā’eḇen kesef wəzâāḇ ’ăšer ‘immâem:

17 pen-yēš bāḵem ’îš ’wō-’iššâ ’wō mišəpāḥâ ’wō-šēḇeṭ ’ăšer ləḇāḇwō fōneh hayywōm mē‘im yəhwâ ’ĕlōhênû lāleḵeṯ l^a‘ăḇōḏ ’eṯ-’ĕlōhê hagwōyim hâēm pen-yēš bāḵem šōreš pōreh rō’š wəl^a‘ănâ:

18 wəhāyâ bəšāmə‘wō ’eṯ-diḇərê hā’ālâ hazzō’ṯ wəhiṯəbārēḵə biləḇāḇwō lē’mōr šālwōm yihəyeh-llî kî bišərirûṯ libî ’ēlēḵə ləm^a‘an səfwōṯ hārāwâ ’eṯ-haṣṣəmē’â:

19 lō’-yō’ḇeh yəhwâ səlōḥa lwō kî ’āz ye‘əšan ’af-yəhwâ wəqinə’āṯwō bā’îš hahû’ wərāḇəṣâ bwō kāl-hā’ālâ hakəṯûḇâ bassēfer hazzeh ûmāḥâ yəhwâ ’eṯ-šəmwō mit^aḥaṯ haššāmāyim:

20 wəhiḇədîlwō yəhwâ lərā‘â mikōl šiḇəṭê yiśərā’ēl kəḵōl ’ālwōṯ habərîṯ hakəṯûḇâ bəsēfer hatwōrâ hazzeh:

21 wə’āmar hadwōr hā’^aḥărwōn bənêḵem ’ăšer yāqûmû mē’^aḥărêḵem wəhannāḵərî ’ăšer yāḇō’ mē’ereṣ rəḥwōqâ wərā’û ’eṯ-makwōṯ hā’āreṣ hahiw’ wə’eṯ-t^aḥălu’eyhā ’ăšer-ḥillâ yəhwâ bāh:

22 gāfərîṯ wāmel^aḥ śərēfâ ḵāl-’arəṣāh lō’ ṯizzār^a‘ wəlō’ ṯaṣəmiḥa wəlō’-y^a‘ăleh ḇāh kāl-‘ēśeḇ kəmahəpēḵaṯ səḏōm w^a‘ămōrâ ’aḏəmâ ûṣəḇōyîm ûṣəḇwōyim ’ăšer hāfaḵə yəhwâ bə’apwō ûḇ^aḥămāṯwō:

23 wə’āmərû kāl-hagwōyim ‘al-meh ‘āśâ yəhwâ kāḵâ lā’āreṣ hazzō’ṯ meh ḥŏrî hā’af hagāḏwōl hazzeh:

24 wə’āmərû ‘al ’ăšer ‘āzəḇû ’eṯ-bərîṯ yəhwâ ’ĕlōhê ’ăḇōṯām ’ăšer kāraṯ ‘immām bəhwōṣî’wō ’ōṯām mē’ereṣ miṣərāyim:

25 wayyēləḵû wayy^a‘aḇəḏû ’ĕlōhîm ’ăḥērîm wayyišət^aḥăûû¹ lâem ’ĕlōhîm ’ăšer lō’-yəḏā‘ûm wəlō’ ḥālaq lâem:

26 wayyiḥar-’af yəhwâ bā’āreṣ hahiw’ ləhāḇî’ ‘āleyhā ’eṯ-kāl-haqqəlālâ hakəṯûḇâ bassēfer hazzeh:

27 wayyitəšēm yəhwâ mē‘al ’aḏəmāṯām bə’af ûḇəḥēmâ ûḇəqeṣef gāḏwōl wayyašəliḵēm ’el-’ereṣ ’^aḥereṯ kayywōm hazzeh:

28 hannisətārōṯ layhwâ ’ĕlōhênû wəhanniḡəlōṯ lāׅnׅûׅ⁴ ûׅləׅḇāׅnēׅyׅnׅûׅ⁴ ‘aḏ-‘wōlām l^a‘ăśwōṯ ’eṯ-kāl-diḇərê hatwōrâ hazzō’ṯ: s