Sacred Texts  Bible  Index 
Polyglot  KJV  Sep  Vul 

Deuteronomy (Devarim) Index
  Previous  Next 

Tanach (Hebrew): Deuteronomy (Devarim) Chapter 25

1 ‏כִּֽי־יִהְיֶ֥ה רִיב֙ בֵּ֣ין אֲנָשִׁ֔ים וְנִגְּשׁ֥וּ אֶל־הַמִּשְׁפָּ֖ט וּשְׁפָט֑וּם וְהִצְדִּ֙יקוּ֙ אֶת־הַצַּדִּ֔יק וְהִרְשִׁ֖יעוּ אֶת־הָרָשָֽׁע׃

2 ‏וְהָיָ֛ה אִם־בִּ֥ן הַכּ֖וֹת הָרָשָׁ֑ע וְהִפִּיל֤וֹ הַשֹּׁפֵט֙ וְהִכָּ֣הוּ לְפָנָ֔יו כְּדֵ֥י רִשְׁעָת֖וֹ בְּמִסְפָּֽר׃

3 ‏אַרְבָּעִ֥ים יַכֶּ֖נּוּ לֹ֣א יֹסִ֑יף פֶּן־יֹסִ֨יף לְהַכֹּת֤וֹ עַל־אֵ֙לֶּה֙ מַכָּ֣ה רַבָּ֔ה וְנִקְלָ֥ה אָחִ֖יךָ לְעֵינֶֽיךָ׃ ס

4 ‏לֹא־תַחְסֹ֥ם שׁ֖וֹר בְּדִישֽׁוֹ׃ ס

5 ‏כִּֽי־יֵשְׁב֨וּ אַחִ֜ים יַחְדָּ֗ו וּמֵ֨ת אַחַ֤ד מֵהֶם֙ וּבֵ֣ן אֵֽין־ל֔וֹ לֹֽא־תִהְיֶ֧ה אֵֽשֶׁת־הַמֵּ֛ת הַח֖וּצָה לְאִ֣ישׁ זָ֑ר יְבָמָהּ֙ יָבֹ֣א עָלֶ֔יהָ וּלְקָחָ֥הּ ל֛וֹ לְאִשָּׁ֖ה וְיִבְּמָֽהּ׃

6 ‏וְהָיָ֗ה הַבְּכוֹר֙ אֲשֶׁ֣ר תֵּלֵ֔ד יָק֕וּם עַל־שֵׁ֥ם אָחִ֖יו הַמֵּ֑ת וְלֹֽא־יִמָּחֶ֥ה שְׁמ֖וֹ מִיִּשְׂרָאֵֽל׃

7 ‏וְאִם־לֹ֤א יַחְפֹּץ֙ הָאִ֔ישׁ לָקַ֖חַת אֶת־יְבִמְתּ֑וֹ וְעָלְתָה֩ יְבִמְתּ֨וֹ הַשַּׁ֜עְרָה אֶל־הַזְּקֵנִ֗ים וְאָֽמְרָה֙ מֵאֵ֨ין יְבָמִ֜י לְהָקִ֨ים לְאָחִ֥יו שֵׁם֙ בְּיִשְׂרָאֵ֔ל לֹ֥א אָבָ֖ה יַבְּמִֽי׃

8 ‏וְקָֽרְאוּ־ל֥וֹ זִקְנֵי־עִיר֖וֹ וְדִבְּר֣וּ אֵלָ֑יו וְעָמַ֣ד וְאָמַ֔ר לֹ֥א חָפַ֖צְתִּי לְקַחְתָּֽהּ׃

9 ‏וְנִגְּשָׁ֨ה יְבִמְתּ֣וֹ אֵלָיו֮ לְעֵינֵ֣י הַזְּקֵנִים֒ וְחָלְצָ֤ה נַעֲלוֹ֙ מֵעַ֣ל רַגְל֔וֹ וְיָרְקָ֖ה בְּפָנָ֑יו וְעָֽנְתָה֙ וְאָ֣מְרָ֔ה כָּ֚כָה יֵעָשֶׂ֣ה לָאִ֔ישׁ אֲשֶׁ֥ר לֹא־יִבְנֶ֖ה אֶת־בֵּ֥ית אָחִֽיו׃

10 ‏וְנִקְרָ֥א שְׁמ֖וֹ בְּיִשְׂרָאֵ֑ל בֵּ֖ית חֲל֥וּץ הַנָּֽעַל׃ ס

11 ‏כִּֽי־יִנָּצ֨וּ אֲנָשִׁ֤ים יַחְדָּו֙ אִ֣ישׁ וְאָחִ֔יו וְקָֽרְבָה֙ אֵ֣שֶׁת הָֽאֶחָ֔ד לְהַצִּ֥יל אֶת־אִישָׁ֖הּ מִיַּ֣ד מַכֵּ֑הוּ וְשָׁלְחָ֣ה יָדָ֔הּ וְהֶחֱזִ֖יקָה בִּמְבֻשָֽׁיו׃

12 ‏וְקַצֹּתָ֖ה אֶת־כַּפָּ֑הּ לֹ֥א תָח֖וֹס עֵינֶֽךָ׃ ס

13 ‏לֹֽא־יִהְיֶ֥ה לְךָ֛ בְּכִֽיסְךָ֖ אֶ֣בֶן וָאָ֑בֶן גְּדוֹלָ֖ה וּקְטַנָּֽה׃ ס

14 ‏לֹא־יִהְיֶ֥ה לְךָ֛ בְּבֵיתְךָ֖ אֵיפָ֣ה וְאֵיפָ֑ה גְּדוֹלָ֖ה וּקְטַנָּֽה׃

15 ‏אֶ֣בֶן שְׁלֵמָ֤ה וָצֶ֙דֶק֙ יִֽהְיֶה־לָּ֔ךְ אֵיפָ֧ה שְׁלֵמָ֛ה וָצֶ֖דֶק יִֽהְיֶה־לָּ֑ךְ לְמַ֙עַן֙ יַאֲרִ֣יכוּ יָמֶ֔יךָ עַ֚ל הָֽאֲדָמָ֔ה אֲשֶׁר־יְהוָ֥ה אֱלֹהֶ֖יךָ נֹתֵ֥ן לָֽךְ׃

16 ‏כִּ֧י תוֹעֲבַ֛ת יְהוָ֥ה אֱלֹהֶ֖יךָ כָּל־עֹ֣שֵׂה אֵ֑לֶּה כֹּ֖ל עֹ֥שֵׂה עָֽוֶל׃ פ

17 ‏זָכ֕וֹר אֵ֛ת אֲשֶׁר־עָשָׂ֥ה לְךָ֖ עֲמָלֵ֑ק בַּדֶּ֖רֶךְ בְּצֵאתְכֶ֥ם מִמִּצְרָֽיִם׃

18 ‏אֲשֶׁ֨ר קָֽרְךָ֜ בַּדֶּ֗רֶךְ וַיְזַנֵּ֤ב בְּךָ֙ כָּל־הַנֶּחֱשָׁלִ֣ים אַֽחַרֶ֔יךָ1 וְאַתָּ֖ה עָיֵ֣ף וְיָגֵ֑עַ וְלֹ֥א יָרֵ֖א אֱלֹהִֽים׃

19 ‏וְהָיָ֡ה בְּהָנִ֣יחַ יְהוָ֣ה אֱלֹהֶ֣יךָ׀ לְ֠ךָ מִכָּל־אֹ֨יְבֶ֜יךָ מִסָּבִ֗יב בָּאָ֙רֶץ֙ אֲשֶׁ֣ר יְהוָֽה־אֱ֠לֹהֶיךָ נֹתֵ֨ן לְךָ֤ נַחֲלָה֙ לְרִשְׁתָּ֔הּ תִּמְחֶה֙ אֶת־זֵ֣כֶר עֲמָלֵ֔ק מִתַּ֖חַת הַשָּׁמָ֑יִם לֹ֖א תִּשְׁכָּֽח׃ פ

1 kî-yihəyeh rîḇ bên ’ănāšîm wənigəšû ’el-hammišəpāṭ ûšəfāṭûm wəhiṣədîqû ’eṯ-haṣṣadîq wəhirəšî‘û ’eṯ-hārāšā‘:

2 wəhāyâ ’im-bin hakwōṯ hārāšā‘ wəhipîlwō haššōfēṭ wəhikâû ləfānāyw kəḏê rišə‘āṯwō bəmisəpār:

3 ’arəbā‘îm yakennû lō’ yōsîf pen-yōsîf ləhakōṯwō ‘al-’ēlleh makâ rabâ wəniqəlâ ’āḥîḵā lə‘êneyḵā: s

4 lō’-ṯaḥəsōm šwōr bəḏîšwō: s

5 kî-yēšəḇû ’aḥîm yaḥədāw ûmēṯ ’aḥaḏ mēhem ûḇēn ’ên-lwō lō’-ṯihəyeh ’ēšeṯ-hammēṯ haḥûṣâ lə’îš zār yəḇāmāh yāḇō’ ‘āleyhā ûləqāḥāh lwō lə’iššâ wəyibəmāh:

6 wəhāyâ habəḵwōr ’ăšer tēlēḏ yāqûm ‘al-šēm ’āḥîw hammēṯ wəlō’-yimmāḥeh šəmwō mîyiśərā’ēl:

7 wə’im-lō’ yaḥəpōṣ hā’îš lāqaḥaṯ ’eṯ-yəḇimətwō wə‘āləṯâ yəḇimətwō hašša‘ərâ ’el-hazzəqēnîm wə’āmərâ mē’ên yəḇāmî ləhāqîm lə’āḥîw šēm bəyiśərā’ēl lō’ ’āḇâ yabəmî:

8 wəqārə’û-lwō ziqənê-‘îrwō wəḏibərû ’ēlāyw wə‘āmaḏ wə’āmar lō’ ḥāfaṣətî ləqaḥətāh:

9 wənigəšâ yəḇimətwō ’ēlāyw lə‘ênê hazzəqēnîm wəḥāləṣâ na‘ălwō mē‘al raḡəlwō wəyārəqâ bəfānāyw wə‘ānəṯâ wə’āmərâ kāḵâ yē‘āśeh lā’îš ’ăšer lō’-yiḇəneh ’eṯ-bêṯ ’āḥîw:

10 wəniqərā’ šəmwō bəyiśərā’ēl bêṯ ḥălûṣ hannā‘al: s

11 kî-yinnāṣû ’ănāšîm yaḥədāw ’îš wə’āḥîw wəqārəḇâ ’ēšeṯ hā’eḥāḏ ləhaṣṣîl ’eṯ-’îšāh mîyaḏ makēhû wəšāləḥâ yāḏāh wəheḥĕzîqâ biməḇušāyw:

12 wəqaṣṣōṯâ ’eṯ-kapāh lō’ ṯāḥwōs ‘êneḵā: s

13 lō’-yihəyeh ləḵā bəḵîsəḵā ’eḇen wā’āḇen gəḏwōlâ ûqəṭannâ: s

14 lō’-yihəyeh ləḵā bəḇêṯəḵā ’êfâ wə’êfâ gəḏwōlâ ûqəṭannâ:

15 ’eḇen šəlēmâ wāṣeḏeq yihəyeh-llāḵə ’êfâ šəlēmâ wāṣeḏeq yihəyeh-llāḵə ləma‘an ya’ărîḵû yāmeyḵā ‘al hā’ăḏāmâ ’ăšer-yəhwâ ’ĕlōheyḵā nōṯēn lāḵə:

16 kî ṯwō‘ăḇaṯ yəhwâ ’ĕlōheyḵā kāl-‘ōśēh ’ēlleh kōl ‘ōśēh ‘āwel: f

17 zāḵwōr ’ēṯ ’ăšer-‘āśâ ləḵā ‘ămālēq badereḵə bəṣē’ṯəḵem mimmiṣərāyim:

18 ’ăšer qārəḵā badereḵə wayəzannēḇ bəḵā kāl-hanneḥĕšālîm ’aḥareyḵā1 wə’atâ ‘āyēf wəyāḡē‘a wəlō’ yārē’ ’ĕlōhîm:

19 wəhāyâ bəhānîḥa yəhwâ ’ĕlōheyḵā| ləḵā mikāl-’ōyəḇeyḵā missāḇîḇ bā’āreṣ ’ăšer yəhwâ-’ĕlōheyḵā nōṯēn ləḵā naḥălâ lərišətāh timəḥeh ’eṯ-zēḵer ‘ămālēq mitaḥaṯ haššāmāyim lō’ tišəkāḥ: f


Next: Deuteronomy (Devarim) Chapter 26