Sacred Texts  Bible  Index 
Polyglot  KJV  Sep  Vul 

1 Chronicles (1 Divrey Yamim) Index
  Previous  Next 

Tanach (Hebrew): 1 Chronicles (1 Divrey Yamim) Chapter 6

1 ‏בְּנֵ֖י לֵוִ֑י גֵּרְשֹׁ֕ם קְהָ֖ת וּמְרָרִֽי׃

2 ‏וְאֵ֛לֶּה שְׁמ֥וֹת בְּֽנֵי־גֵרְשׁ֖וֹם לִבְנִ֥י וְשִׁמְעִֽי׃

3 ‏וּבְנֵ֖י קְהָ֑ת עַמְרָ֣ם וְיִצְהָ֔ר וְחֶבְר֖וֹן וְעֻזִּיאֵֽל׃

4 ‏בְּנֵ֥י3 מְרָרִ֖י מַחְלִ֣י וּמֻשִׁ֑י וְאֵ֛לֶּה מִשְׁפְּח֥וֹת הַלֵּוִ֖י לַאֲבוֹתֵיהֶֽם׃

5 ‏לְֽגֵרְשׁ֑וֹם לִבְנִ֥י בְנ֛וֹ יַ֥חַת בְּנ֖וֹ זִמָּ֥ה בְנֽוֹ׃

6 ‏יוֹאָ֤ח בְּנוֹ֙ עִדּ֣וֹ בְנ֔וֹ זֶ֥רַח בְּנ֖וֹ יְאָתְרַ֥י בְּנֽוֹ׃

7 ‏בְּנֵ֖י קְהָ֑ת עַמִּינָדָ֣ב בְּנ֔וֹ קֹ֥רַח בְּנ֖וֹ אַסִּ֥יר בְּנֽוֹ׃

8 ‏אֶלְקָנָ֥ה בְנ֛וֹ וְאֶבְיָסָ֥ף בְּנ֖וֹ וְאַסִּ֥יר בְּנֽוֹ׃

9 ‏תַּ֤חַת בְּנוֹ֙ אוּרִיאֵ֣ל בְּנ֔וֹ עֻזִּיָּ֥ה בְנ֖וֹ וְשָׁא֥וּל בְּנֽוֹ׃

10 ‏וּבְנֵי֙ אֶלְקָנָ֔ה עֲמָשַׂ֖י וַאֲחִימֽוֹת׃

11 ‏אֶלְקָנָ֑ה בנו בְּנֵי֙ אֶלְקָנָ֔ה צוֹפַ֥י בְּנ֖וֹ וְנַ֥חַת בְּנֽוֹ׃

12 ‏אֱלִיאָ֥ב בְּנ֛וֹ יְרֹחָ֥ם בְּנ֖וֹ אֶלְקָנָ֥ה בְנֽוֹ׃

13 ‏וּבְנֵ֧י שְׁמוּאֵ֛ל הַבְּכֹ֥ר וַשְׁנִ֖י וַאֲבִיָּֽה׃ ס

14 ‏בְּנֵ֥י מְרָרִ֖י מַחְלִ֑י לִבְנִ֥י בְנ֛וֹ שִׁמְעִ֥י בְנ֖וֹ עֻזָּ֥ה בְנֽוֹ׃

15 ‏שִׁמְעָ֥א בְנ֛וֹ חַגִּיָּ֥ה בְנ֖וֹ עֲשָׂיָ֥ה בְנֽוֹ׃ פ

16 ‏וְאֵ֗לֶּה אֲשֶׁ֨ר הֶעֱמִ֥יד דָּוִ֛יד עַל־יְדֵי־שִׁ֖יר בֵּ֣ית יְהוָ֑ה מִמְּנ֖וֹחַ הָאָרֽוֹן׃

17 ‏וַיִּהְי֨וּ מְשָׁרְתִ֜ים לִפְנֵ֨י מִשְׁכַּ֤ן אֹֽהֶל־מוֹעֵד֙ בַּשִּׁ֔יר עַד־בְּנ֧וֹת שְׁלֹמֹ֛ה אֶת־בֵּ֥ית יְהוָ֖ה בִּירוּשָׁלִָ֑ם וַיַּעַמְד֥וּ כְמִשְׁפָּטָ֖ם עַל־עֲבוֹדָתָֽם׃

18 ‏וְאֵ֥לֶּה הָעֹמְדִ֖ים וּבְנֵיהֶ֑ם מִבְּנֵי֙ הַקְּהָתִ֔י הֵימָן֙ הַמְשׁוֹרֵ֔ר בֶּן־יוֹאֵ֖ל בֶּן־שְׁמוּאֵֽל׃

19 ‏בֶּן־אֶלְקָנָה֙ בֶּן־יְרֹחָ֔ם בֶּן־אֱלִיאֵ֖ל בֶּן־תּֽוֹחַ׃

20 ‏בֶּן־ציף צוּף֙ בֶּן־אֶלְקָנָ֔ה בֶּן־מַ֖חַת בֶּן־עֲמָשָֽׂי׃

21 ‏בֶּן־אֶלְקָנָה֙ בֶּן־יוֹאֵ֔ל בֶּן־עֲזַרְיָ֖ה בֶּן־צְפַנְיָֽה׃

22 ‏בֶּן־תַּ֙חַת֙ בֶּן־אַסִּ֔יר בֶּן־אֶבְיָסָ֖ף בֶּן־קֹֽרַח׃

23 ‏בֶּן־יִצְהָ֣ר בֶּן־קְהָ֔ת בֶּן־לֵוִ֖י בֶּן־יִשְׂרָאֵֽל׃

24 ‏וְאָחִ֣יו אָסָ֔ף הָעֹמֵ֖ד עַל־יְמִינ֑וֹ אָסָ֥ף בֶּן־בֶּרֶכְיָ֖הוּ בֶּן־שִׁמְעָֽא׃

25 ‏בֶּן־מִיכָאֵ֥ל בֶּן־בַּעֲשֵׂיָ֖ה בֶּן־מַלְכִּיָּֽה׃

26 ‏בֶּן־אֶתְנִ֥י בֶן־זֶ֖רַח בֶּן־עֲדָיָֽה׃

27 ‏בֶּן־אֵיתָ֥ן בֶּן־זִמָּ֖ה בֶּן־שִׁמְעִֽי׃

28 ‏בֶּן־יַ֥חַת בֶּן־גֵּרְשֹׁ֖ם בֶּן־לֵוִֽי׃ ס

29 ‏וּבְנֵ֧י מְרָרִ֛י אֲחֵיהֶ֖ם עַֽל־הַשְּׂמֹ֑אול אֵיתָן֙ בֶּן־קִישִׁ֔י בֶּן־עַבְדִּ֖י בֶּן־מַלּֽוּךְ׃

30 ‏בֶּן־חֲשַׁבְיָ֥ה בֶן־אֲמַצְיָ֖ה בֶּן־חִלְקִיָּֽה׃

31 ‏בֶּן־אַמְצִ֥י בֶן־בָּנִ֖י בֶּן־שָֽׁמֶר׃

32 ‏בֶּן־מַחְלִי֙ בֶּן־מוּשִׁ֔י בֶּן־מְרָרִ֖י בֶּן־לֵוִֽי׃ ס

33 ‏וַאֲחֵיהֶ֖ם הַלְוִיִּ֑ם נְתוּנִ֕ים לְכָ֨ל־עֲבוֹדַ֔ת מִשְׁכַּ֖ן בֵּ֥ית הָאֱלֹהִֽים׃

34 ‏וְֽאַהֲרֹ֨ן וּבָנָ֜יו מַקְטִירִ֨ים עַל־מִזְבַּ֤ח הָֽעוֹלָה֙ וְעַל־מִזְבַּ֣ח הַקְּטֹ֔רֶת לְכֹ֕ל מְלֶ֖אכֶת קֹ֣דֶשׁ הַקֳּדָשִׁ֑ים וּלְכַפֵּר֙ עַל־יִשְׂרָאֵ֔ל כְּכֹל֙ אֲשֶׁ֣ר צִוָּ֔ה מֹשֶׁ֖ה עֶ֥בֶד הָאֱלֹהִֽים׃ פ

35 ‏וְאֵ֖לֶּה בְּנֵ֣י אַהֲרֹ֑ן אֶלְעָזָ֥ר בְּנ֛וֹ פִּֽינְחָ֥ס בְּנ֖וֹ אֲבִישׁ֥וּעַ בְּנֽוֹ׃

36 ‏בֻּקִּ֥י בְנ֛וֹ עֻזִּ֥י בְנ֖וֹ זְרַֽחְיָ֥ה בְנֽוֹ׃

37 ‏מְרָי֥וֹת בְּנ֛וֹ אֲמַרְיָ֥ה בְנ֖וֹ אֲחִיט֥וּב בְּנֽוֹ׃

38 ‏צָד֥וֹק בְּנ֖וֹ אֲחִימַ֥עַץ בְּנֽוֹ׃ ס

39 ‏וְאֵ֙לֶּה֙ מוֹשְׁבוֹתָ֔ם לְטִירוֹתָ֖ם בִּגְבוּלָ֑ם לִבְנֵ֤י אַהֲרֹן֙ לְמִשְׁפַּחַ֣ת הַקְּהָתִ֔י כִּ֥י לָהֶ֖ם הָיָ֥ה הַגּוֹרָֽל׃

40 ‏וַֽיִּתְּנ֥וּ לָהֶ֛ם אֶת־חֶבְר֖וֹן בְּאֶ֣רֶץ יְהוּדָ֑ה וְאֶת־מִגְרָשֶׁ֖יהָ סְבִיבֹתֶֽיהָ׃

41 ‏וְאֶת־שְׂדֵ֥ה הָעִ֖יר וְאֶת־חֲצֵרֶ֑יהָ נָתְנ֖וּ לְכָלֵ֥ב בֶּן־יְפֻנֶּֽה׃ ס

42 ‏וְלִבְנֵ֣י אַהֲרֹ֗ן נָתְנוּ֙ אֶת־עָרֵ֣י הַמִּקְלָ֔ט אֶת־חֶבְר֥וֹן וְאֶת־לִבְנָ֖ה וְאֶת־מִגְרָשֶׁ֑יהָ וְאֶת־יַתִּ֥ר וְאֶֽת־אֶשְׁתְּמֹ֖עַ וְאֶת־מִגְרָשֶֽׁיהָ׃

43 ‏וְאֶת־חִילֵז֙ וְאֶת־מִגְרָשֶׁ֔יהָ אֶת־דְּבִ֖יר וְאֶת־מִגְרָשֶֽׁיהָ׃

44 ‏וְאֶת־עָשָׁן֙ וְאֶת־מִגְרָשֶׁ֔יהָ וְאֶת־בֵּ֥ית שֶׁ֖מֶשׁ וְאֶת־מִגְרָשֶֽׁיהָ׃ ס

45 ‏וּמִמַּטֵּ֣ה בִנְיָמִ֗ן אֶת־גֶּ֤בַע וְאֶת־מִגְרָשֶׁ֙יהָ֙ וְאֶת־עָלֶ֣מֶת וְאֶת־מִגְרָשֶׁ֔יהָ וְאֶת־עֲנָת֖וֹת וְאֶת־מִגְרָשֶׁ֑יהָ כָּל־עָרֵיהֶ֛ם שְׁלֹשׁ־עֶשְׂרֵ֥ה עִ֖יר בְּמִשְׁפְּחוֹתֵיהֶֽם׃ ס

46 ‏וְלִבְנֵ֨י קְהָ֜ת הַנּוֹתָרִ֗ים מִמִּשְׁפַּ֣חַת הַמַּטֶּ֡ה מִֽ֠מַּחֲצִית מַטֵּ֨ה חֲצִ֧י מְנַשֶּׁ֛ה בַּגּוֹרָ֖ל עָרִ֥ים עָֽשֶׂר׃ ס

47 ‏וְלִבְנֵ֨י גֵרְשׁ֜וֹם לְמִשְׁפְּחוֹתָ֗ם מִמַּטֵּ֣ה יִ֠שָׂשכָר וּמִמַּטֵּ֨ה אָשֵׁ֜ר וּמִמַּטֵּ֣ה נַפְתָּלִ֗י וּמִמַּטֵּ֤ה מְנַשֶּׁה֙ בַּבָּשָׁ֔ן עָרִ֖ים שְׁלֹ֥שׁ עֶשְׂרֵֽה׃ ס

48 ‏לִבְנֵ֨י מְרָרִ֜י לְמִשְׁפְּחוֹתָ֗ם מִמַּטֵּ֣ה רְ֠אוּבֵן וּֽמִמַּטֵּה־גָ֞ד וּמִמַּטֵּ֤ה זְבוּלֻן֙ בַּגּוֹרָ֔ל עָרִ֖ים שְׁתֵּ֥ים עֶשְׂרֵֽה׃

49 ‏וַיִּתְּנ֥וּ בְנֵי־יִשְׂרָאֵ֖ל לַלְוִיִּ֑ם אֶת־הֶעָרִ֖ים וְאֶת־מִגְרְשֵׁיהֶֽם׃

50 ‏וַיִּתְּנ֣וּ בַגּוֹרָ֗ל מִמַּטֵּ֤ה בְנֵי־יְהוּדָה֙ וּמִמַּטֵּ֣ה בְנֵי־שִׁמְע֔וֹן וּמִמַּטֵּ֖ה בְּנֵ֣י בִנְיָמִ֑ן אֵ֚ת הֶעָרִ֣ים הָאֵ֔לֶּה אֲשֶׁר־יִקְרְא֥וּ אֶתְהֶ֖ם בְּשֵׁמֽוֹת׃ ס

51 ‏וּמִֽמִּשְׁפְּח֖וֹת בְּנֵ֣י קְהָ֑ת וַיְהִי֙ עָרֵ֣י גְבוּלָ֔ם מִמַּטֵּ֖ה אֶפְרָֽיִם׃

52 ‏וַיִּתְּנ֨וּ לָהֶ֜ם אֶת־עָרֵ֧י הַמִּקְלָ֛ט אֶת־שְׁכֶ֥ם וְאֶת־מִגְרָשֶׁ֖יהָ בְּהַ֣ר אֶפְרָ֑יִם וְאֶת־גֶּ֖זֶר וְאֶת־מִגְרָשֶֽׁיהָ׃

53 ‏וְאֶֽת־יָקְמְעָם֙ וְאֶת־מִגְרָשֶׁ֔יהָ וְאֶת־בֵּ֥ית חוֹר֖וֹן וְאֶת־מִגְרָשֶֽׁיהָ׃

54 ‏וְאֶת־אַיָּלוֹן֙ וְאֶת־מִגְרָשֶׁ֔יהָ וְאֶת־גַּת־רִמּ֖וֹן וְאֶת־מִגְרָשֶֽׁיהָ׃ פ

55 ‏וּמִֽמַּחֲצִית֙ מַטֵּ֣ה מְנַשֶּׁ֔ה אֶת־עָנֵר֙ וְאֶת־מִגְרָשֶׁ֔יהָ וְאֶת־בִּלְעָ֖ם וְאֶת־מִגְרָשֶׁ֑יהָ לְמִשְׁפַּ֥חַת לִבְנֵי־קְהָ֖ת הַנּוֹתָרִֽים׃ פ

56 ‏לִבְנֵי֮ גֵּרְשׁוֹם֒ מִמִּשְׁפַּ֗חַת חֲצִי֙ מַטֵּ֣ה מְנַשֶּׁ֔ה אֶת־גּוֹלָ֥ן בַּבָּשָׁ֖ן וְאֶת־מִגְרָשֶׁ֑יהָ וְאֶת־עַשְׁתָּר֖וֹת וְאֶת־מִגְרָשֶֽׁיהָ׃ ס

57 ‏וּמִמַּטֵּ֣ה יִשָׂשכָ֔ר אֶת־קֶ֖דֶשׁ וְאֶת־מִגְרָשֶׁ֑יהָ אֶת־דָּבְרַ֖ת וְאֶת־מִגְרָשֶֽׁיהָ׃

58 ‏וְאֶת־רָאמוֹת֙ וְאֶת־מִגְרָשֶׁ֔יהָ וְאֶת־עָנֵ֖ם וְאֶת־מִגְרָשֶֽׁיהָ׃ ס

59 ‏וּמִמַּטֵּ֣ה אָשֵׁ֔ר אֶת־מָשָׁ֖ל וְאֶת־מִגְרָשֶׁ֑יהָ וְאֶת־עַבְדּ֖וֹן וְאֶת־מִגְרָשֶֽׁיהָ׃

60 ‏וְאֶת־חוּקֹק֙ וְאֶת־מִגְרָשֶׁ֔יהָ וְאֶת־רְחֹ֖ב וְאֶת־מִגְרָשֶֽׁיהָ׃

61 ‏וּמִמַּטֵּ֣ה נַפְתָּלִ֗י אֶת־קֶ֤דֶשׁ בַּגָּלִיל֙ וְאֶת־מִגְרָשֶׁ֔יהָ וְאֶת־חַמּ֖וֹן וְאֶת־מִגְרָשֶׁ֑יהָ וְאֶת־קִרְיָתַ֖יִם וְאֶת־מִגְרָשֶֽׁיהָ׃ ס

62 ‏לִבְנֵ֣י מְרָרִי֮ הַנּוֹתָרִים֒ מִמַּטֵּ֣ה זְבוּלֻ֔ן אֶת־רִמּוֹנ֖וֹ וְאֶת־מִגְרָשֶׁ֑יהָ אֶת־תָּב֖וֹר וְאֶת־מִגְרָשֶֽׁיהָ׃

63 ‏וּמֵעֵ֜בֶר לְיַרְדֵּ֣ן יְרֵחוֹ֮ לְמִזְרַ֣ח הַיַּרְדֵּן֒ מִמַּטֵּ֣ה רְאוּבֵ֔ן אֶת־בֶּ֥צֶר בַּמִּדְבָּ֖ר וְאֶת־מִגְרָשֶׁ֑יהָ וְאֶת־יַ֖הְצָה וְאֶת־מִגְרָשֶֽׁיהָ׃

64 ‏וְאֶת־קְדֵמוֹת֙ וְאֶת־מִגְרָשֶׁ֔יהָ וְאֶת־מֵיפַ֖עַת וְאֶת־מִגְרָשֶֽׁיהָ׃

65 ‏וּמִ֨מַּטֵּה־גָ֔ד אֶת־רָאמ֥וֹת בַּגִּלְעָ֖ד וְאֶת־מִגְרָשֶׁ֑יהָ וְאֶֽת־מַחֲנַ֖יִם וְאֶת־מִגְרָשֶֽׁיהָ׃

66 ‏וְאֶת־חֶשְׁבּוֹן֙ וְאֶת־מִגְרָשֶׁ֔יהָ וְאֶת־יַעְזֵ֖יר וְאֶת־מִגְרָשֶֽׁיהָ׃ ס

1 bənê lēwî gērəšōm qəhāṯ ûmərārî:

2 wə’ēlleh šəmwōṯ bənê-ḡērəšwōm liḇənî wəšimə‘î:

3 ûḇənê qəhāṯ ‘amərām wəyiṣəhār wəḥeḇərwōn wə‘uzzî’ēl:

4 bənê3 mərārî maḥəlî ûmušî wə’ēlleh mišəpəḥwōṯ hallēwî la’ăḇwōṯêhem:

5 ləḡērəšwōm liḇənî ḇənwō yaḥaṯ bənwō zimmâ ḇənwō:

6 ywō’āḥ bənwō ‘idwō ḇənwō zeraḥ bənwō yə’āṯəray bənwō:

7 bənê qəhāṯ ‘ammînāḏāḇ bənwō qōraḥ bənwō ’assîr bənwō:

8 ’eləqānâ ḇənwō wə’eḇəyāsāf bənwō wə’assîr bənwō:

9 taḥaṯ bənwō ’ûrî’ēl bənwō ‘uzzîyâ ḇənwō wəšā’ûl bənwō:

10 ûḇənê ’eləqānâ ‘ămāśay wa’ăḥîmwōṯ:

11 ’eləqānâ bənwō bənê ’eləqānâ ṣwōfay bənwō wənaḥaṯ bənwō:

12 ’ĕlî’āḇ bənwō yərōḥām bənwō ’eləqānâ ḇənwō:

13 ûḇənê šəmû’ēl habəḵōr wašənî wa’ăḇîyâ: s

14 bənê mərārî maḥəlî liḇənî ḇənwō šimə‘î ḇənwō ‘uzzâ ḇənwō:

15 šimə‘ā’ ḇənwō ḥagîyâ ḇənwō ‘ăśāyâ ḇənwō: f

16 wə’ēlleh ’ăšer he‘ĕmîḏ dāwîḏ ‘al-yəḏê-šîr bêṯ yəhwâ mimmənwōḥa hā’ārwōn:

17 wayyihəyû məšārəṯîm lifənê mišəkan ’ōhel-mwō‘ēḏ baššîr ‘aḏ-bənwōṯ šəlōmōh ’eṯ-bêṯ yəhwâ bîrûšālāim wayya‘aməḏû ḵəmišəpāṭām ‘al-‘ăḇwōḏāṯām:

18 wə’ēlleh hā‘ōməḏîm ûḇənêhem mibənê haqqəhāṯî hêmān haməšwōrēr ben-ywō’ēl ben-šəmû’ēl:

19 ben-’eləqānâ ben-yərōḥām ben-’ĕlî’ēl ben-twōḥa:

20 ben-ṣîf ṣûf ben-’eləqānâ ben-maḥaṯ ben-‘ămāśāy:

21 ben-’eləqānâ ben-ywō’ēl ben-‘ăzarəyâ ben-ṣəfanəyâ:

22 ben-taḥaṯ ben-’assîr ben-’eḇəyāsāf ben-qōraḥ:

23 ben-yiṣəhār ben-qəhāṯ ben-lēwî ben-yiśərā’ēl:

24 wə’āḥîw ’āsāf hā‘ōmēḏ ‘al-yəmînwō ’āsāf ben-bereḵəyâû ben-šimə‘ā’:

25 ben-mîḵā’ēl ben-ba‘ăśêâ ben-maləkîyâ:

26 ben-’eṯənî ḇen-zeraḥ ben-‘ăḏāyâ:

27 ben-’êṯān ben-zimmâ ben-šimə‘î:

28 ben-yaḥaṯ ben-gērəšōm ben-lēwî: s

29 ûḇənê mərārî ’ăḥêhem ‘al-haśśəmō’wl ’êṯān ben-qîšî ben-‘aḇədî ben-mallûḵə:

30 ben-ḥăšaḇəyâ ḇen-’ămaṣəyâ ben-ḥiləqîyâ:

31 ben-’aməṣî ḇen-bānî ben-šāmer:

32 ben-maḥəlî ben-mûšî ben-mərārî ben-lēwî: s

33 wa’ăḥêhem haləwîyim nəṯûnîm ləḵāl-‘ăḇwōḏaṯ mišəkan bêṯ hā’ĕlōhîm:

34 wə’ahărōn ûḇānāyw maqəṭîrîm ‘al-mizəbaḥ hā‘wōlâ wə‘al-mizəbaḥ haqqəṭōreṯ ləḵōl məle’ḵeṯ qōḏeš haqqŏḏāšîm ûləḵapēr ‘al-yiśərā’ēl kəḵōl ’ăšer ṣiûâ mōšeh ‘eḇeḏ hā’ĕlōhîm: f

35 wə’ēlleh bənê ’ahărōn ’elə‘āzār bənwō pînəḥās bənwō ’ăḇîšû‘a bənwō:

36 buqqî ḇənwō ‘uzzî ḇənwō zəraḥəyâ ḇənwō:

37 mərāywōṯ bənwō ’ămarəyâ ḇənwō ’ăḥîṭûḇ bənwō:

38 ṣāḏwōq bənwō ’ăḥîma‘aṣ bənwō: s

39 wə’ēlleh mwōšəḇwōṯām ləṭîrwōṯām biḡəḇûlām liḇənê ’ahărōn ləmišəpaḥaṯ haqqəhāṯî kî lâem hāyâ hagwōrāl:

40 wayyitənû lâem ’eṯ-ḥeḇərwōn bə’ereṣ yəhûḏâ wə’eṯ-miḡərāšeyhā səḇîḇōṯeyhā:

41 wə’eṯ-śəḏēh hā‘îr wə’eṯ-ḥăṣēreyhā nāṯənû ləḵālēḇ ben-yəfunneh: s

42 wəliḇənê ’ahărōn nāṯənû ’eṯ-‘ārê hammiqəlāṭ ’eṯ-ḥeḇərwōn wə’eṯ-liḇənâ wə’eṯ-miḡərāšeyhā wə’eṯ-yatir wə’eṯ-’ešətəmō‘a wə’eṯ-miḡərāšeyhā:

43 wə’eṯ-ḥîlēz wə’eṯ-miḡərāšeyhā ’eṯ-dəḇîr wə’eṯ-miḡərāšeyhā:

44 wə’eṯ-‘āšān wə’eṯ-miḡərāšeyhā wə’eṯ-bêṯ šemeš wə’eṯ-miḡərāšeyhā: s

45 ûmimmaṭṭēh ḇinəyāmin ’eṯ-geḇa‘ wə’eṯ-miḡərāšeyhā wə’eṯ-‘ālemeṯ wə’eṯ-miḡərāšeyhā wə’eṯ-‘ănāṯwōṯ wə’eṯ-miḡərāšeyhā kāl-‘ārêhem šəlōš-‘eśərēh ‘îr bəmišəpəḥwōṯêhem: s

46 wəliḇənê qəhāṯ hannwōṯārîm mimmišəpaḥaṯ hammaṭṭeh mimmaḥăṣîṯ maṭṭēh ḥăṣî mənaššeh bagwōrāl ‘ārîm ‘āśer: s

47 wəliḇənê ḡērəšwōm ləmišəpəḥwōṯām mimmaṭṭēh yiśāsḵār ûmimmaṭṭēh ’āšēr ûmimmaṭṭēh nafətālî ûmimmaṭṭēh mənaššeh babāšān ‘ārîm šəlōš ‘eśərēh: s

48 liḇənê mərārî ləmišəpəḥwōṯām mimmaṭṭēh rə’ûḇēn ûmimmaṭṭēh-ḡāḏ ûmimmaṭṭēh zəḇûlun bagwōrāl ‘ārîm šətêm ‘eśərēh:

49 wayyitənû ḇənê-yiśərā’ēl laləwîyim ’eṯ-he‘ārîm wə’eṯ-miḡərəšêhem:

50 wayyitənû ḇagwōrāl mimmaṭṭēh ḇənê-yəhûḏâ ûmimmaṭṭēh ḇənê-šimə‘wōn ûmimmaṭṭēh bənê ḇinəyāmin ’ēṯ he‘ārîm hā’ēlleh ’ăšer-yiqərə’û ’eṯəhem bəšēmwōṯ: s

51 ûmimmišəpəḥwōṯ bənê qəhāṯ wayəhî ‘ārê ḡəḇûlām mimmaṭṭēh ’efərāyim:

52 wayyitənû lâem ’eṯ-‘ārê hammiqəlāṭ ’eṯ-šəḵem wə’eṯ-miḡərāšeyhā bəhar ’efərāyim wə’eṯ-gezer wə’eṯ-miḡərāšeyhā:

53 wə’eṯ-yāqəmə‘ām wə’eṯ-miḡərāšeyhā wə’eṯ-bêṯ ḥwōrwōn wə’eṯ-miḡərāšeyhā:

54 wə’eṯ-’ayyālwōn wə’eṯ-miḡərāšeyhā wə’eṯ-gaṯ-rimmwōn wə’eṯ-miḡərāšeyhā: f

55 ûmimmaḥăṣîṯ maṭṭēh mənaššeh ’eṯ-‘ānēr wə’eṯ-miḡərāšeyhā wə’eṯ-bilə‘ām wə’eṯ-miḡərāšeyhā ləmišəpaḥaṯ liḇənê-qəhāṯ hannwōṯārîm: f

56 liḇənê gērəšwōm mimmišəpaḥaṯ ḥăṣî maṭṭēh mənaššeh ’eṯ-gwōlān babāšān wə’eṯ-miḡərāšeyhā wə’eṯ-‘ašətārwōṯ wə’eṯ-miḡərāšeyhā: s

57 ûmimmaṭṭēh yiśāsḵār ’eṯ-qeḏeš wə’eṯ-miḡərāšeyhā ’eṯ-dāḇəraṯ wə’eṯ-miḡərāšeyhā:

58 wə’eṯ-rā’mwōṯ wə’eṯ-miḡərāšeyhā wə’eṯ-‘ānēm wə’eṯ-miḡərāšeyhā: s

59 ûmimmaṭṭēh ’āšēr ’eṯ-māšāl wə’eṯ-miḡərāšeyhā wə’eṯ-‘aḇədwōn wə’eṯ-miḡərāšeyhā:

60 wə’eṯ-ḥûqōq wə’eṯ-miḡərāšeyhā wə’eṯ-rəḥōḇ wə’eṯ-miḡərāšeyhā:

61 ûmimmaṭṭēh nafətālî ’eṯ-qeḏeš bagālîl wə’eṯ-miḡərāšeyhā wə’eṯ-ḥammwōn wə’eṯ-miḡərāšeyhā wə’eṯ-qirəyāṯayim wə’eṯ-miḡərāšeyhā: s

62 liḇənê mərārî hannwōṯārîm mimmaṭṭēh zəḇûlun ’eṯ-rimmwōnwō wə’eṯ-miḡərāšeyhā ’eṯ-tāḇwōr wə’eṯ-miḡərāšeyhā:

63 ûmē‘ēḇer ləyarədēn yərēḥwō ləmizəraḥ hayyarədēn mimmaṭṭēh rə’ûḇēn ’eṯ-beṣer bammiḏəbār wə’eṯ-miḡərāšeyhā wə’eṯ-yahəṣâ wə’eṯ-miḡərāšeyhā:

64 wə’eṯ-qəḏēmwōṯ wə’eṯ-miḡərāšeyhā wə’eṯ-mêfa‘aṯ wə’eṯ-miḡərāšeyhā:

65 ûmimmaṭṭēh-ḡāḏ ’eṯ-rā’mwōṯ bagilə‘āḏ wə’eṯ-miḡərāšeyhā wə’eṯ-maḥănayim wə’eṯ-miḡərāšeyhā:

66 wə’eṯ-ḥešəbwōn wə’eṯ-miḡərāšeyhā wə’eṯ-ya‘əzêr wə’eṯ-miḡərāšeyhā: s


Next: 1 Chronicles (1 Divrey Yamim) Chapter 7