‎1 ‏רָאִ֨יתִי אֶת־אֲדֹנָ֜י נִצָּ֣ב עַֽל־הַמִּזְבֵּ֗חַ וַיֹּאמֶר֩ הַ֨ךְ הַכַּפְתּ֜וֹר וְיִרְעֲשׁ֣וּ הַסִּפִּ֗ים וּבְצַ֙עַם֙ בְּרֹ֣אשׁ כֻּלָּ֔ם וְאַחֲרִיתָ֖ם בַּחֶ֣רֶב אֶהֱרֹ֑ג לֹֽא־יָנ֤וּס לָהֶם֙ נָ֔ס וְלֹֽא־יִמָּלֵ֥ט לָהֶ֖ם פָּלִֽיט׃

‎2 ‏אִם־יַחְתְּר֣וּ בִשְׁא֔וֹל מִשָּׁ֖ם יָדִ֣י תִקָּחֵ֑ם וְאִֽם־יַעֲלוּ֙ הַשָּׁמַ֔יִם מִשָּׁ֖ם אוֹרִידֵֽם׃

‎3 ‏וְאִם־יֵחָֽבְאוּ֙ בְּרֹ֣אשׁ הַכַּרְמֶ֔ל מִשָּׁ֥ם אֲחַפֵּ֖שׂ וּלְקַחְתִּ֑ים וְאִם־יִסָּ֨תְר֜וּ מִנֶּ֤גֶד עֵינַי֙ בְּקַרְקַ֣ע הַיָּ֔ם מִשָּׁ֛ם אֲצַוֶּ֥ה אֶת־הַנָּחָ֖שׁ וּנְשָׁכָֽם׃

‎4 ‏וְאִם־יֵלְכ֤וּ בַשְּׁבִי֙ לִפְנֵ֣י אֹֽיבֵיהֶ֔ם¹ מִשָּׁ֛ם אֲצַוֶּ֥ה אֶת־הַחֶ֖רֶב וַהֲרָגָ֑תַם וְשַׂמְתִּ֨י עֵינִ֧י עֲלֵיהֶ֛ם לְרָעָ֖ה וְלֹ֥א לְטוֹבָֽה׃

‎5 ‏וַאדֹנָ֨י יְהוִ֜ה הַצְּבָא֗וֹת הַנּוֹגֵ֤עַ בָּאָ֙רֶץ֙ וַתָּמ֔וֹג וְאָבְל֖וּ כָּל־י֣וֹשְׁבֵי בָ֑הּ וְעָלְתָ֤ה כַיְאֹר֙ כֻּלָּ֔הּ וְשָׁקְעָ֖ה כִּיאֹ֥ר מִצְרָֽיִם׃

‎6 ‏הַבּוֹנֶ֤ה בַשָּׁמַ֙יִם֙ מעלותו מַעֲלוֹתָ֔יו וַאֲגֻדָּת֖וֹ עַל־אֶ֣רֶץ יְסָדָ֑הּ הַקֹּרֵ֣א לְמֵֽי־הַיָּ֗ם וַֽיִּשְׁפְּכֵ֛ם עַל־פְּנֵ֥י הָאָ֖רֶץ יְהוָ֥ה שְׁמֽוֹ׃

‎7 ‏הֲל֣וֹא כִבְנֵי֩ כֻשִׁיִּ֨ים אַתֶּ֥ם לִ֛י בְּנֵ֥י יִשְׂרָאֵ֖ל נְאֻם־יְהוָ֑ה הֲל֣וֹא אֶת־יִשְׂרָאֵ֗ל הֶעֱלֵ֙יתִי֙ מֵאֶ֣רֶץ מִצְרַ֔יִם וּפְלִשְׁתִּיִּ֥ים מִכַּפְתּ֖וֹר וַאֲרָ֥ם מִקִּֽיר׃

‎8 ‏הִנֵּ֞ה עֵינֵ֣י׀ אֲדֹנָ֣י יְהוִ֗ה בַּמַּמְלָכָה֙ הַֽחַטָּאָ֔ה וְהִשְׁמַדְתִּ֣י אֹתָ֔הּ מֵעַ֖ל פְּנֵ֣י הָאֲדָמָ֑ה אֶ֗פֶס כִּ֠י לֹ֣א הַשְׁמֵ֥יד אַשְׁמִ֛יד אֶת־בֵּ֥ית יַעֲקֹ֖ב נְאֻם־יְהוָֽה׃

‎9 ‏כִּֽי־הִנֵּ֤ה אָֽנֹכִי֙ מְצַוֶּ֔ה וַהֲנִע֥וֹתִי בְכָֽל־הַגּוֹיִ֖ם אֶת־בֵּ֣ית יִשְׂרָאֵ֑ל כַּאֲשֶׁ֤ר יִנּ֙וֹעַ֙ בַּכְּבָרָ֔ה וְלֹֽא־יִפּ֥וֹל¹ צְר֖וֹר אָֽרֶץ׃

‎10 ‏בַּחֶ֣רֶב יָמ֔וּתוּ כֹּ֖ל חַטָּאֵ֣י עַמִּ֑י הָאֹמְרִ֗ים לֹֽא־תַגִּ֧ישׁ וְתַקְדִּ֛ים בַּעֲדֵ֖ינוּ הָרָעָֽה׃

‎11 ‏בַּיּ֣וֹם הַה֔וּא אָקִ֛ים אֶת־סֻכַּ֥ת דָּוִ֖יד הַנֹּפֶ֑לֶת וְגָדַרְתִּ֣י אֶת־פִּרְצֵיהֶ֗ן וַהֲרִֽסֹתָיו֙ אָקִ֔ים וּבְנִיתִ֖יהָ כִּימֵ֥י עוֹלָֽם׃

‎12 ‏לְמַ֨עַן יִֽירְשׁ֜וּ אֶת־שְׁאֵרִ֤ית אֱדוֹם֙ וְכָל־הַגּוֹיִ֔ם אֲשֶׁר־נִקְרָ֥א שְׁמִ֖י עֲלֵיהֶ֑ם נְאֻם־יְהוָ֖ה עֹ֥שֶׂה זֹּֽאת׃ פ

‎13 ‏הִנֵּ֨ה יָמִ֤ים בָּאִים֙ נְאֻם־יְהוָ֔ה וְנִגַּ֤שׁ חוֹרֵשׁ֙ בַּקֹּצֵ֔ר וְדֹרֵ֥ךְ עֲנָבִ֖ים בְּמֹשֵׁ֣ךְ הַזָּ֑רַע וְהִטִּ֤יפוּ הֶֽהָרִים֙ עָסִ֔יס וְכָל־הַגְּבָע֖וֹת תִּתְמוֹגַֽגְנָה׃

‎14 ‏וְשַׁבְתִּי֮ אֶת־שְׁב֣וּת עַמִּ֣י יִשְׂרָאֵל֒ וּבָנ֞וּ עָרִ֤ים נְשַׁמּוֹת֙ וְיָשָׁ֔בוּ וְנָטְע֣וּ כְרָמִ֔ים וְשָׁת֖וּ אֶת־יֵינָ֑ם וְעָשׂ֣וּ גַנּ֔וֹת וְאָכְל֖וּ אֶת־פְּרִיהֶֽם׃

‎15 ‏וּנְטַעְתִּ֖ים עַל־אַדְמָתָ֑ם וְלֹ֨א יִנָּתְשׁ֜וּ ע֗וֹד מֵעַ֤ל אַדְמָתָם֙ אֲשֶׁ֣ר נָתַ֣תִּי לָהֶ֔ם אָמַ֖ר יְהוָ֥ה אֱלֹהֶֽיךָ׃

1 rā’îṯî ’eṯ-’ăḏōnāy niṣṣāḇ ‘al-hammizəbēḥa wayyō’mer haḵə hakafətwōr wəyirə‘ăšû hassipîm ûḇəṣ^a‘am bərō’š kullām wə’^aḥărîṯām b^aḥereḇ ’ehĕrōḡ lō’-yānûs lâem nās wəlō’-yimmālēṭ lâem pālîṭ:

2 ’im-y^aḥətərû ḇišə’wōl miššām yāḏî ṯiqqāḥēm wə’im-y^a‘ălû haššāmayim miššām ’wōrîḏēm:

3 wə’im-yēḥāḇə’û bərō’š hakarəmel miššām ’ăḥapēś ûləq^aḥətîm wə’im-yissāṯərû minneḡeḏ ‘ênay bəqarəq^a‘ hayyām miššām ’ăṣaûeh ’eṯ-hannāḥāš ûnəšāḵām:

4 wə’im-yēləḵû ḇaššəḇî lifənê ’ōyḇêhem¹ miššām ’ăṣaûeh ’eṯ-h^aḥereḇ wahărāḡāṯam wəśamətî ‘ênî ‘ălêhem lərā‘â wəlō’ ləṭwōḇâ:

5 wa’ḏōnāy yəhwih haṣṣəḇā’wōṯ hannwōḡē‘a bā’āreṣ watāmwōḡ wə’āḇəlû kāl-ywōšəḇê ḇāh wə‘āləṯâ ḵayə’ōr kullāh wəšāqə‘â kî’ōr miṣərāyim:

6 habwōneh ḇaššāmayim m^a‘ălwōṯāw m^a‘ălwōṯāyw wa’ăḡudāṯwō ‘al-’ereṣ yəsāḏāh haqqōrē’ ləmê-hayyām wayyišəpəḵēm ‘al-pənê hā’āreṣ yəhwâ šəmwō:

7 hălwō’ ḵiḇənê ḵušîyîm ’atem lî bənê yiśərā’ēl nə’um-yəhwâ hălwō’ ’eṯ-yiśərā’ēl he‘ĕlêṯî mē’ereṣ miṣərayim ûfəlišətîyîm mikafətwōr wa’ărām miqqîr:

8 hinnēh ‘ênê| ’ăḏōnāy yəhwih bammaməlāḵâ h^aḥaṭṭā’â wəhišəmaḏətî ’ōṯāh mē‘al pənê hā’ăḏāmâ ’efes kî lō’ hašəmêḏ ’ašəmîḏ ’eṯ-bêṯ y^a‘ăqōḇ nə’um-yəhwâ:

9 kî-hinnēh ’ānōḵî məṣaûeh wahăni‘wōṯî ḇəḵāl-hagwōyim ’eṯ-bêṯ yiśərā’ēl ka’ăšer yinnwō‘a bakəḇārâ wəlō’-yipwōl¹ ṣərwōr ’āreṣ:

10 b^aḥereḇ yāmûṯû kōl ḥaṭṭā’ê ‘ammî hā’ōmərîm lō’-ṯagîš wəṯaqədîm b^a‘ăḏênû hārā‘â:

11 bayywōm hahû’ ’āqîm ’eṯ-sukaṯ dāwîḏ hannōfeleṯ wəḡāḏarətî ’eṯ-pirəṣêhen wahărisōṯāyw ’āqîm ûḇənîṯîhā kîmê ‘wōlām:

12 ləm^a‘an yîrəšû ’eṯ-šə’ērîṯ ’ĕḏwōm wəḵāl-hagwōyim ’ăšer-niqərā’ šəmî ‘ălêhem nə’um-yəhwâ ‘ōśeh zzō’ṯ: f

13 hinnēh yāmîm bā’îm nə’um-yəhwâ wənigaš ḥwōrēš baqqōṣēr wəḏōrēḵə ‘ănāḇîm bəmōšēḵə hazzār^a‘ wəhiṭṭîfû hehārîm ‘āsîs wəḵāl-hagəḇā‘wōṯ tiṯəmwōḡaḡənâ:

14 wəšaḇətî ’eṯ-šəḇûṯ ‘ammî yiśərā’ēl ûḇānû ‘ārîm nəšammwōṯ wəyāšāḇû wənāṭə‘û ḵərāmîm wəšāṯû ’eṯ-yênām wə‘āśû ḡannwōṯ wə’āḵəlû ’eṯ-pərîhem:

15 ûnəṭ^a‘ətîm ‘al-’aḏəmāṯām wəlō’ yinnāṯəšû ‘wōḏ mē‘al ’aḏəmāṯām ’ăšer nāṯatî lâem ’āmar yəhwâ ’ĕlōheyḵā: